|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Panhapucchakavannana [221] Panhapucchake sabbesampi indriyanam kusaladivibhago palinayanusareneva veditabbo. [223] Arammanattikesu pana sattindriya anarammanati cakkhusotaghanajivhakayaitthipurisindriyani sandhaya vuttam. Jivitindriyam pana arupamissakatta idha anagatam. 1- Dvindriyati dve indriya. Sukhadukkhadvayam sandhayetam vuttam. Tam hi ekantaparittarammanam. Domanassindriyam siya parittarammanam siya mahaggatarammananti kamavacaradhamme arabbha pavattikale parittarammanam hoti, rupavacararupavacare pana arabbha pavattikale mahaggatarammanam, pannattim arabbha pavattikale navattabbarammanam. Navindriya siya parittarammanati manindriyajivitindriyasomanassindriyaupekkhindriyani ceva saddhadipancakanca sandhaya idam vuttam. Jivitindriyanhi rupamissakatta anarammanesu rupadhammesu sangahitampi arupakotthasena siyapakkhe sangahitam. Cattari indriyaniti sukhadukkhadomanassaannatavindriyani. Tani hi maggarammanattike na bhajanti. Maggahetukanti sahajatahetum sandhaya vuttam. Viriyavimamsajetthakakale siya maggadhipati, chandacittajetthakakale siya navattabba. Dasindriya siya uppanna siya uppadinoti satta rupindriyani tini ca vipakindriyani sandhayetam vuttam. Dasindriyani domanassena saddhim hettha vuttaneva. Tattha domanassindriyam pannattim arabbha pavattikale navattabbarammanam, sesani nibbanapaccavekkhanakalepi. Tinindriyani bahiddharammananiti tini lokuttarindriyani. Cattariti sukhadukkhasomanassadomanassani. Tani hi ajjhattadhammepi bahiddhadhammepi arabbha pavattanti. Atthindriyati @Footnote: 1 cha.Ma. anabhattham--------------------------------------------------------------------------------------------- page139.
Manindriyajivitindriyaupekkhindriyani ceva saddhadipancakanca. Tattha akincannayatanakale navattabbarammanata veditabba. Iti imasmimpi panhapucchake dasindriyani kamavacarani, tini lokuttarani, nava lokiyalokuttaramissakaneva kathitaniti ayampi abhidhammabhajaniyena saddhim ekaparicchedova hoti. Ayam pana indriyavibhango dve parivatte 1- niharitva bhajetva dassitoti. Panhapucchakavannana nitthita. Sammohavinodaniya vibhangatthakathaya indriyavibhangavannana nitthita. ----------------- @Footnote: 1 cha.Ma. dveparivattamThe Pali Atthakatha in Roman Book 54 page 138-139. http://84000.org/tipitaka/atthapali/read_rm.php?B=54&A=3232&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=3232&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=35&i=242 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=3433 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=3348 The Pali Tipitaka in Roman Character :- http://84000.org/tipitaka/read/roman_read.php?B=35&A=3348 Contents of The Tipitaka Volume 35 http://84000.org/tipitaka/read/?index_35
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]