AtthaPali Vol.2

{221} Tatiyasikkhapade. Na kho idam orakam bhavissati yatha ime manussa sakkaccam bhattam karontiti yena niyamena ime manussa sakkaccam bhattam karonti tena pannayati idam sasanam idam va

--------------------------------------------------------------------------------------------- page393.

Buddhappamukhe sanghe danam na kho orakam bhavissati parittam lamakam neva bhavissatiti. Kirapatikoti ettha kiroti tassa kulaputtassa namam. Adhipaccatthena pana kirapatikoti vuccati. So kira issaro adhipati masautusamvaccharaniyamena vettanam datva kammakare kammam kareti. Badara patiyattati upacaravasena vadati. Badaramissakenati badarasalavena. {222} Ussure ahariyitthati atidiva ahariyittha. {226} Mayham bhattapaccasam itthannamassa dammiti ayam bhattavikappana nama. Sammukhapi parammukhapi vattati. Sammukha disva tuyham vikappemiti vatva bhunjitabbam. Adisva pancasu sahadhammikesu itthannamassa vikappemiti vatva bhunjitabbam. Mahapaccariyadisu pana parammukha vikappanava vutta. Sa cayam yasma vinayakammena sangahita tasma bhagavato vikappetum na vattati. Bhagavati hi gandhakutiyam nisinnepi sanghamajjhe nisinnepi sanghena ganapahonake bhikkhu gahetva tamtam kammam katam sukatameva hoti. Bhagava neva kammam kopeti na sampadeti. Na kopeti dhammissaratta na sampadeti aganapurakatta. {229} Dve tayo nimantena ekato bhunjatiti dve tini nimantanani ekapatte pakkhipitva missetva ekam katva bhunjatiti attho. Dve tini kulani nimantetva ekasmim thane nisidapetva itocitoca aharitva bhattam akiranti supabyanjanam akiranti ekamissakam hoti ettha anapattiti mahapaccariyam vuttam. Sace pana mulanimantanam hettha

--------------------------------------------------------------------------------------------- page394.

Hoti pacchimam upari tam uparito patthaya bhunjantassapatti. Hattham pana anto pavesetva pathamanimantanato ekampi kavalam uddharitva bhuttakalato patthaya yatha tatha va bhunjantassa anapatti. Sacepi tattha khiram va rasam va akiranti yena ajjhotthatam bhattam ekarasam hoti kotito patthaya bhunjantassa anapattiti mahapaccariyam vuttam. Mahaatthakathayam pana vuttam khirabhattam va rasabhattam va labhitva nisinnassa tattheva annepi khirabhattam va rasabhattam va akiranti khiram va rasam va pivato anapatti bhunjantena pana pathamam laddham mamsakhandam va bhattapindam va mukhe pakkhipitva kotito patthaya bhunjitum vattati sappipayasepi eseva nayoti. Mahaupasako bhikkhum nimanteti tassa kulam upagatassa upasakopi tassa puttadarabhatikabhaginiadayopi attano attano kotthasam aharitva patte pakkhipanti upasakena pathamam dinnam abhunjitva paccha laddham bhunjantassa apattiti mahaatthakathayam vuttam. Kurundatthakathayam vattatiti vuttam. Mahapaccariyam sace patekkam pacanti attano attano pakkabhattato aharitva denti tattha paccha ahatam pathamam bhunjantassa pacittiyam yadi pana sabbesam ekova pako hoti paramparabhojanam na hotiti vuttam. Mahaupasako nimantetva nisidapesi. Anno manusso pattam ganhati. Na databbam. Kim bhante na dethati. Nanu upasaka taya nimantitamhati. Hotu bhante laddham laddham

--------------------------------------------------------------------------------------------- page395.

Bhunjathati vadati. Bhunjitum vattati. Annena aharitva bhatte dinne apucchitvapi bhunjitum vattatiti kurundiyam vuttam. Anumodanam katva gacchantam dhammam sotukama svepi bhante agaccheyyathati sabbe nimantenti. Punadivase agantva laddham laddham bhunjitum vattati. Kasma. Sabbehi nimantitatta. Eko bhikkhu pindaya caranto bhattam labhati. Tamanno upasako nimantetva ghare nisidapeti na ca tava bhattam sampajjati. Sace so bhikkhu pindaya caritva laddhabhattam bhunjati apatti. Abhutva nisinne kim bhante na bhunjasiti vutte taya nimantitattati vatva laddham laddham bhunjatha bhanteti vutto bhunjati ^1- vattati. Sakalena gamenati sakalena gamena ekato hutva nimantitasseva yattha katthaci bhunjato anapatti. Pugepi eseva nayo. Nimantiyamano bhikkham ganhissamiti bhanatiti bhattam ganhati nimantiyamano na mayham tava bhattena attho bhikkham ganhissamiti vadati. Ettha mahapadumatthero aha evam vadanto imasmim sikkhapade animantanam katum sakkoti bhunjanatthaya pana okaso kato hotiti neva ganabhojanato na carittato muccatiti. Mahasumatthero aha yadaggena animantanam katum sakkoti tadaggena neva ganabhojanam na carittam hotiti. Sesam vuttanayameva. Kathinasamutthanam kayavacato kayavacacittato ca samutthati kiriyakiriyam ettha hi bhojanam @Footnote: ^1. vutte bhunjitum.

--------------------------------------------------------------------------------------------- page396.

Kiriya avikappanam akiriya nosannavimokkham acittakam pannattivajjam kayakammam vacikammam ticittam tivedananti. Paramparabhojanasikkhapadam tatiyam.

The Pali Atthakatha in Roman Book 2 page 392-396. http://84000.org/tipitaka/atthapali/rm_line.php?B=2&A=8279&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8279&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=2&i=486 เนื้อความพระไตรปิฎกฉบับหลวง :- http://84000.org/tipitaka/read/r.php?B=2&A=10444 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=2&A=5672 The Pali Tipitaka in Roman Character :- http://84000.org/tipitaka/read/roman_read.php?B=2&A=5672 Contents of The Tipitaka Volume 1 http://84000.org/tipitaka/read/?index_2