paliTIPITAKA Volume 18 - Sutta Pitaka 10

[343] Yassa kassaci bhikkhave bhikkhussa va bhikkhuniya va cakkhu- vinneyyesu rupesu uppajjeyya chando va rago va doso va moho va patigham vapi cetaso tato cittam nivareyya sabhayo ceso maggo sappatibhayo ca sakantako ca sagahano ca ummaggo ca kumaggo ^3- ca duhitiko ca asappurisasevito ceso maggo na ceso maggo sappurisasevito na tvam etam arahasiti . tato cittam nivaraye cakkhuvinneyyehi rupehi .pe. yassa kassaci bhikkhave bhikkhussa va bhikkhuniya va jivhavinneyyesu rasesu .pe. Manovinneyyesu dhammesu uppajjeyya chando va rago va doso @Footnote: ¹ Ma. Yu. aniccuc... . ² Ma. singhatakoti. @³ Ma. Yu. kummaggo. evamuparipi.

--------------------------------------------------------------------------------------------- page243.

Va moho va patigham vapi cetaso tato cittam nivareyya sabhayo ceso maggo sappatibhayo ca sakantako ca sagahano ca ummaggo ca kumaggo ca duhitiko ca asappurisasevito ceso maggo na ceso maggo sappurisasevito na tvam etam arahasiti . Tato cittam nivaraye manovinneyyehi dhammehi. [344] Seyyathapi bhikkhave kittham sampannam kittharakkho ca pamatto gono ca kitthado adum kittham otaritva yavadattham madam apajjeyya pamadam apajjeyya ^1- . evameva kho bhikkhave assutava puthujjano chasu phassayatanesu asamvutakari pancasu kamagunesu yavadattham madam apajjati pamadam apajjati ^2- . Seyyathapi bhikkhave kittham sampannam kittharakkho ca appamatto gono ca kitthado adum kittham otareyya tamenam kittharakkho nasaya suggahitam ganheyya nasaya suggahitam gahetva uparighatayam suniggahitam nigganheyya uparighatayam suniggahitam niggahetva dandena sutalitam taleyya dandena sutalitam taletva osajjeyya . dutiyampi kho bhikkhave .pe. tatiyampi kho bhikkhave gono kitthado adum kittham otareyya tamenam kittharakkho nasaya suggahitam ganheyya nasaya suggahitam gahetva uparighatayam suniggahitam nigganheyya uparighatayam suniggahitam niggahetva dandena sutalitam taleyya dandena sutalitam taletva osajjeyya . evam @Footnote: ¹ Yu. pamadam apajjeyyati ime dve patha natthi. ² Yu. pamadam apajjatiti @ime dve patha natthi.

--------------------------------------------------------------------------------------------- page244.

Hi so bhikkhave gono kitthado gamagato va arannagato va thanabahulo va assa nisajjabahulo va na tam kittham puna otareyya tameva purimam dandasamphassam samanussaranto . evameva kho bhikkhave yato ^[1]- bhikkhuno chasu phassayatanesu cittam udujjitam ^2- hoti sudujjitam ^3- ajjhattameva santitthati sannisidati ekodi hoti samadhiyati. [345] Seyyathapi bhikkhave ranno va rajamahamattassa va vinaya saddo assutapubbo assa . so vinaya saddam suneyya so evam vadeyya ambho kassa ^4- nu kho eso saddo evamrajaniyo evamkammaniyo ^5- evammadaniyo evammucchaniyo evambandhaniyoti . tamenam evam vadeyyum esa kho bhante vina nama yassa eso saddo evamrajaniyo evamkammaniyo evammadaniyo evammucchaniyo evambandhaniyoti . so evam vadeyya gacchatha me bho tam vinam aharathati . Tassa tam vinam ahareyyum tamenam evam vadeyyum ayam kho sa bhante vina yassa eso saddo evamrajaniyo evamkammaniyo evammadaniyo evammucchaniyo evambandhaniyoti. {345.1} So evam vadeyya alam me bho taya vinaya tameva me saddam aharathati . Tamenam evam vadeyyum ayam kho bhante vina nama anekasambhara mahasambhara anekehi sambharehi samaraddha carati ^6-. Seyyathidam. Doninca paticca cammanca paticca dandanca paticca upadharane @Footnote: ¹ Ma. Yu. kho . ² Yu. ujujatam . ³ Yu. sammujujatam . ⁴ Yu. kissa. @⁵ Ma. evam kamaniyo. Yu. evamkamaniyo. evamuparipi . ⁶ Ma. Yu. vadati.

--------------------------------------------------------------------------------------------- page245.

Ca paticca tantiyo ca paticca konanca paticca purisassa ca tajjam vayamam paticca evayam bhante vina nama anekasambhara mahasambhara anekehi sambharehi samaraddha caratiti. {345.2} So tam vinam dasadha va satadha va phaleyya dasadha va satadha va tam phaletva sakalikam sakalikam kareyya sakalikam sakalikam karitva aggina daheyya aggina dahitva masim kareyya masim karitva mahavate va ophuneyya nadiya va sighasotaya pavaheyya. So evam vadeyya asati kirayam bho vina nama yathevam yankinci vina nama ettha panayam jano ativelampatto palalitoti ^1- . evameva kho bhikkhave bhikkhu rupam samannesati ^2- yavata rupassa gati vedanam samannesati yavata vedanaya gati sannam samannesati yavata sannaya gati sankhare samannesati yavata sankharanam gati vinnanam samannesati yavata vinnanassa gati . tassa rupam samannesato yavata rupassa gati vedanam samannesato .pe. sannam ... sankhare ... Vinnanam samannesato yavata vinnanassa gati yampissa tam hoti ahanti va mamanti va asmiti va tampi tassa na hotiti. Navamam.

The Pali Tipitaka in Roman Character Volume 18 page 242-245. http://84000.org/tipitaka/pitaka_item/roman_item_s.php?book=18&item=343&items=3&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=18&item=343&items=3&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=343&items=3&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=343&items=3&pagebreak=1&modeTY=2 Study Atthakatha :- http://84000.org/tipitaka/attha/attha.php?b=18&i=343 The Pali Atthakatha in Thai :- http://84000.org/tipitaka/atthapali/read_th.php?B=13&A=2714 The Pali Atthakatha in Roman :- http://84000.org/tipitaka/atthapali/read_rm.php?B=13&A=2714 Contents of The Tipitaka Volume 18 http://84000.org/tipitaka/read/?index_18