Tassuddanam.
[197] Rukkhe thambhe ca kudde ca atthane 1- gandhasuttiya
viggayha mallako kacchu jara ca puthupanika
vallikapica pamango kanthasuttam 2- na dharaye
kati ovatti kayuram hatthabharanamuddika
dighe kocche phane hatthe sittha udakatelake
adasudapattavana alepo maddacunnana
lancenti angaraganca mukharagam tadubhayam
cakkhurogam giragganca ayatam sara bahiram
ambapesisakalehi ahi chindi 3- ca candanam
uccavaca pattamula suvanna 4- bahala vali
citradussati 5- duggandho unhe bhijjimsu midhiya
paribhandam tinam colam malo 6- kundolikaya ca
thavika amsavaddhanca tatha bandhanasuttaka
khilam mance ca pithe ca ange chatte panamana 7-
tumbaghatichavasisam calakani patiggaho
viphalidandasovannam 8- patte pesi ca nalika
kinna sattu 9- saritanca madhusittham 10- sipatikam
vikannam bandhi visamam chama jirappahoti 11- ca
@Footnote: 1 Yu. attane. 2 Yu. kannasuttam. 3 Ma. Yu. ahicchindi. 4 Ma. Yu. suvanno.
@5 Ma. citradussati. Yu. citradussanti. 6 Ma. malam. Yu. colam malam.
@7 Yu. panamita. 8 Yu. vippari.... 9 Ma. kannasattu.... Yu. kinnasatthu
@sarikanca. 10 Yu. madhusittha.... 11 Yu. jirapatoti ca.
Kalimbam 1- moghasuttanca adhotallam upahana
angule patiggahanca avesananca vitthakam
patiggahatthavikanca amsasuttam ca bandhaka 2-
ajjhokase nicavatthu cayo capi vihannare
paripatam tinacunnam ullittancavalittakam 3-
setam kalakavannanca parikammanca gerukam
malakammam latakammam makaradantapatikam 4-
civaravamsam rajjunca anunnasi vinayako.
Ujjhitva pakkamanti ca kathinam paribhijjati
vinivethiyati kudde 5- pattenadaya gacchare
thavika bandhasuttantam 6- bandhitva ca upahana
upahanatthavikanca amsavaddhanca suttakam 7-
udakakappiyam magge parissavanacolakam
dhammakarakam 8- dve bhikkhu vesalim agama muni
dandam ottharikam 9- tattha- nunnasi parissavanam.
Makasehi panitena bahvadadha ca jivako
cankamanajantagharam visame nicavatthuko 10-
@Footnote: 1 Ma. Yu. kalimbham. 2 Ma. Yu. angule patiggahanca vithatkam thavikabandhaka.
@3 Ma. ullittaavalittakam. Yu. ullittavalittakam. 4 Ma. Yu. makaradantakam patika.
@5 Ma. Yu. vinivethiya kuddepi. 6 Ma. Yu. bandhasuttanca. 7 Ma. Yu. ayam patho na
@dissati. 8 Yu. dhammakarake. 9 Ma. ottharakam. Yu. dandaottarakam.
@10 Yu. nicavatthuka.
Tayo caye vihannanti sopanalambavedikam
ajjhokase tinacunnam ullittancavalittakam
setakam kalavannanca parikammanca gerukam
malakammam latakammam makaradantapatikam
vamsam civararajjunca uccam va 1- vatthukam kare
cayo sopanabahanca kavatam pitthasanghatam
udukkhaluttarapasakam vattinca kapisisakam
sucighatitalachiddam avinchananca rajjukam
mandalam dhumanettanca majjhe ca mukhamattika
doni duggandha ca dahati udadhanam saravakam 2-
na sedeti ca cikkhallam dhovi niddhamanam kare
pithanca 3- kotthake kammam marumba silaniddhamam 4-
nagga chamayam vassante paticchadi tayo tahim
udapanam lujjati ca 5- valliya kayabandhane
tulam karakatam cakkam bahu bhijjanti bhajana
lohadarucammakhandam sala tinapidhani ca
doni candani pakara 6- cikkhallam niddhamena ca
sitikatam pokkharani purananca nillekhakam
catumasam sayanti ca gandhapuppham nadhitthahe 7-
@Footnote: 1 Ma. uccam ca. Yu. ucca ca. 2 Yu. duggandho ca dahatica uddakatala saravakam.
@3 Yu. pitheca. 4 Ma. silaniddhamanam. Yu. silaniddhamana. 5 Yu. lujjati nica.
@6 Ma. Yu. pakaram. 7 Ma. Yu. namatakanca nadhitthahe.
Asittakamalorikam 1- bhunjantekam tuvattayum 2-
vaddho bodhi ca akkami 3- ghatam katakasammajjani
sakkharam 4- kathalanceva phenakam padaghamsani
vidhupanam talavantam makasancapi camari
chattam vina ca arame tayo sikkaya sammati
roma sittha 5- nakha digha chindantangulika dukkha
salohitam pamananca visati dighakesata
khuram silam sipatikam namatam 6- khurabhandakam
massum kappenti vaddhenti golomi caturassakam
parimukham addharukanca dathi sambadhasamhare
abadha kattari vano digham sakkharikaya ca
palitam thakitam ucca lohabhandanjani saha
pallatthikanca ayogo vatam ca kayabandhanam 7-
kalabukam deddubhakam murajjam maddavinakam
pattika sukarantanca dasa murajjavenika
anto sobhagunakanca pavanantopi jirati
ganthika uccavacanca phalakantepi ogahe
gihivattham sondam macchavalakam catukkannakam 8-
talavantam satavalli gihiparutaparupam
@Footnote: 1 Ma. asittakam malorikam. Yu. asittaka maloratham. 2 Yu. bhnjantoka tuvatteyyum.
@3 Ma. na akkami. 4 Yu. sakkhara.... 5 Ma. romasittha. 6 Ma. Yu. namatakam.
@7 Yu. patam salakabandhanam. 8 Yu. pattika...catukkannakanti ime patha na
@dissanti.
Samvelli ubhatokajam dantakatthabhikotane 1-
kanthe vilaggam dayanca pataggi rukkhahatthina
sakate 2- lokayatakam pariyapunimsu vacayum 3-
tiracchanakatha vijja khipi mangalam khadi ca
vatabadho dussati ca duggandho dukkhapaduka
hiriyanti 4- paruduggandho taham taham karonti ca
duggandho kupam lujjati 5- uccavatthu cayena ca
sopanalambanabaha ante dukkhanca paduka
bahiddha doni katthanca pitharo 6- ca aparuto
vaccakuti 7- kavatanca pitthasanghatameva ca
udukkhaluttarapaso vattinca kapisisakam
sucighatitalachiddam avinchanachiddameva ca
rajju ullittavalittam setavannanca kalakam
malakammam latakammam makaram pancapatikam
civaravamsam rajjunca jaradubbalapakaram
kotathake capi tatheva marumbapadarasila 8-
santitthati niddhamanam kumbhincapi saravakam
dukkham hiri apidhanam anacaranca acarum.
@Footnote: 1 Ma. Yu. dantakattham akotane. 2 Ma. Yu. yamele. 3 Yu. vacesum.
@4 Yu. hiriyanti. 5 Ma. kupam lujjanati. 6 Yu. pidharo. 7 Ma. Yu. vaccakutim.
@8 Ma. marumbam padarasila. Yu. marumbanca padasila.
Lohabhandam anunnasi thapayitva paharanim.
Thapayitvasandim pallankam 1- darupattanca padukam
sabbam darumayam bhandam anunnasi mahamuni.
Katakam kumbhakaranca thapayitva tathagato
sabbampi mattikabhandam anunnasi anukampako.
Yassa vatthussa niddeso purimena yadi samam
tampi sankhittam uddane nayato tam vijaniya.
Evam dasasata vatthu vinaye khuddakavatthuke
saddhammatthitiko 2- ceva pesalanancanuggaho
susikkhito vinayadharo hitacitto supesalo
padipakarano dhiro pujaraho bahussutoti.
Khuddakavatthukkhandhako nitthito
---------
@Footnote: 1 Ma. Yu. thapayitvasandipallankam. 2 Yu. saddhammathittika.
Senasanakkhandhakam
[198] Tena samayena buddho bhagava rajagahe viharati veluvane
kalandakanivape . tena kho pana samayena bhagavata bhikkhunam senasanam
appannattam hoti . te ca 1- bhikkhu taham taham viharanti aranne
rukkhamule pabbate kandarayam giriguhayam susane vanapatthe ajjhokase
palalapunje . te kalasseva tato tato upanikkhamanti aranna
rukkhamula pabbata kandara giriguha susana vanapattha ajjhokasa
palalapunja pasadikena abhikkantena patikkantena alokitena
vilokitena samminjitena pasaritena okkhittacakkhu iriyapathasampanna.
[199] Tena kho pana samayena rajagahako setthi kalasseva
uyyanam agamasi . addasa kho rajagahako setthi te bhikkhu
kalasseva tato tato upanikkhamante aranna rukkhamula pabbata
kandara giriguha susana vanapattha ajjhokasa palalapunja
pasadikena abhikkantena patikkantena alokitena vilokitena
samminjitena pasaritena okkhittacakkhu iriyapathasampanne .
Disvanassa cittam pasidi . athakho rajagahako setthi yena te bhikkhu
tenupasankami upasankamitva te bhikkhu etadavoca sacaham bhante
vihare kareyyam 2- vaseyyatha me viharesuti. Na kho gahapati bhagavata
@Footnote: 1 Yu. tedha. 2 Ma. karapeyyam. Yu. karapeyya.
Vihara anunnatati . tenahi bhante bhagavantam patipucchitva
mama aroceyyathati . evam gahapatiti kho te bhikkhu rajagahakassa
setthissa patissutva yena bhagava tenupasankamimsu upasankamitva
bhagavantam abhivadetva ekamantam nisidimsu . ekamantam nisinna
kho te bhikkhu bhagavantam etadavocum rajagahako bhante setthi vihare
karapetukamo katham nu kho bhante amhehi 1- patipajjitabbanti.
[200] Athakho bhagava etasmim nidane etasmim pakarane 2- dhammim
katham katva bhikkhu amantesi anujanami bhikkhave panca senasanani 3-
viharam addhayogam pasadam hammiyam guhanti.
[201] Athakho te bhikkhu yena rajagahako setthi tenupasankamimsu
upasankamitva rajagahakam setthim etadavocum anunnata
kho gahapati bhagavata vihara yassidani kalam mannasiti .
Athakho rajagahako setthi ekaheneva satthi vihare patitthapesi .
Athakho rajagahako setthi te satthi vihare pariyosapetva
yena bhagava tenupasankami upasankamitva bhagavantam abhivadetva
ekamantam nisidi . ekamantam nisinno kho rajagahako setthi
bhagavantam etadavoca adhivasetu me bhante bhagava svatanaya
bhattam saddhim bhikkhusanghenati . adhivasesi bhagava tunhibhavena .
@Footnote: 1 Ma. Yu. ayam patho na dissati. 2 Yu. etasmim pakaraneti pathadvayam natthi.
@3 Ma. lenani. Yu. lenani.
Athakho rajagahako setthi bhagavato adhivasanam viditva utthayasana
bhagavantam abhivadetva padakkhinam katva pakkami . athakho
rajagahako setthi tassa rattiya accayena panitam khadaniyam
bhojaniyam patiyadapetva bhagavato kalam arocapesi kalo
bhante nitthitam bhattanti.
[202] Athakho bhagava pubbanhasamayam nivasetva pattacivaramadaya
yena rajagahakassa setthissa nivesanam tenupasankami upasankamitva
pannatte asane nisidi saddhim bhikkhusanghena . athakho rajagahako
setthi buddhappamukham bhikkhusangham panitena khadaniyena bhojaniyena sahattha
santappetva sampavaretva bhagavantam bhuttavim onitapattapanim
ekamantam nisidi . ekamantam nisinno kho rajagahako setthi bhagavantam
etadavoca ete me bhante satthi vihara punnatthikena saggatthikena
karapita kathaham bhante tesu viharesu patipajjamiti . tenahi tvam
gahapati te satthi vihare agatanagatassa catuddisassa sanghassa
patitthapehiti . evam bhanteti kho rajagahako setthi bhagavato patissutva
te satthi vihare agatanagatassa catuddisassa sanghassa patitthapesi.
Athakho bhagava rajagahakam setthim imahi gathahi anumodi
The Pali Tipitaka in Roman Character Volume 7 page 79-87.
https://84000.org/tipitaka/read/roman_item.php?book=7&item=197&items=6
Classified by [Item Number] :-
http://84000.org/tipitaka/read/roman_item.php?book=7&item=197&items=6&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=7&item=197&items=6
Compare with The Royal Version of Thai Tipitaka :-
https://84000.org/tipitaka/read/byitem.php?book=7&item=197&items=6
Study Atthakatha :-
https://84000.org/tipitaka/attha/attha.php?b=7&i=197
Contents of The Tipitaka Volume 7
https://84000.org/tipitaka/read/?index_7
https://84000.org/tipitaka/english/?index_7
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
