|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
|
|
[499] Athakho ayasma upali yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma upali bhagavantam etadavoca attadanam adatukamena bhante bhikkhuna katamangasamannagatam attadanam adatabbanti. {499.1} Attadanam adatukamena upali bhikkhuna pancangasamannagatam attadanam adatabbam attadanam adatukamena upali bhikkhuna evam paccavekkhitabbam yam kho aham imam attadanam adatukamo kalo nu kho imam attadanam adatum udahu noti . sace upali bhikkhu paccavekkhamano evam janati akalo imam attadanam adatum no kaloti na tam upali attadanam adatabbam. {499.2} Sace panupali bhikkhu paccavekkhamano evam janati kalo imam attadanam adatum no akaloti tenupali bhikkhuna uttarim paccavekkhitabbam yam kho aham imam attadanam adatukamo bhutam nu kho idam attadanam udahu noti . sace upali bhikkhu paccavekkhamano evam janati abhutam idam attadanam no bhutanti na tam upali attadanam adatabbam . sace panupali bhikkhu--------------------------------------------------------------------------------------------- page310.
Paccavekkhamano evam janati bhutam idam attadanam no abhutanti tenupali bhikkhuna uttarim paccavekkhitabbam yam kho aham imam attadanam adatukamo atthasanhitam nu kho idam 1- attadanam udahu noti . sace upali bhikkhu paccavekkhamano evam janati anatthasanhitam idam attadanam no atthasanhitanti na tam upali attadanam adatabbam. {499.4} Sace panupali bhikkhu paccavekkhamano evam janati atthasanhitam idam attadanam no anatthasanhitanti tenupali bhikkhuna uttarim paccavekkhitabbam imam kho aham attadanam adiyamano labhissami sanditthe sambhatte bhikkhu dhammato vinayato pakkhe udahu noti. Sace upali bhikkhu paccavekkhamano evam janati imam kho aham attadanam adiyamano na labhissami sanditthe sambhatte bhikkhu dhammato vinayato pakkheti na tam upali attadanam adatabbam. {499.5} Sace panupali bhikkhu paccavekkhamano evam janati imam kho aham attadanam adiyamano labhissami sanditthe sambhatte bhikkhu dhammato vinayato pakkheti tenupali bhikkhuna uttarim paccavekkhitabbam imam kho me attadanam adiyato bhavissati sanghassa tatonidanam bhandanam kalaho viggaho vivado sanghabhedo sangharaji sanghavavatthanam sanghananakaranam udahu noti . Sace upali bhikkhu paccavekkhamano evam janati imam kho me attadanam adiyato bhavissati sanghassa tatonidanam bhandanam kalaho @Footnote: 1 Ma. imam.--------------------------------------------------------------------------------------------- page311.
Viggaho vivado sanghabhedo sangharaji sanghavavatthanam sanghananakarananti na tam upali attadanam adatabbam. {499.6} Sace panupali bhikkhu paccavekkhamano evam janati imam kho me attadanam adiyato na bhavissati sanghassa tatonidanam bhandanam kalaho viggaho vivado sanghabhedo sangharaji sanghavavatthanam sanghananakarananti adatabbam tam upali attadanam evam pancangasamannagatam kho upali attadanam adinnam pacchapi 1- avippatisarakaram bhavissatiti. [500] Codakena bhante bhikkhuna param codetukamena kati 2- dhamme ajjhattam paccavekkhitva paro codetabboti . codakenupali bhikkhuna param codetukamena panca dhamme ajjhattam paccavekkhitva paro codetabbo codakenupali bhikkhuna param codetukamena evam paccavekkhitabbam parisuddhakayasamacaro nu khomhi parisuddhenamhi kayasamacarena samannagato acchiddena appatimamsena samvijjati nu kho me eso dhammo udahu noti . no ce upali bhikkhu parisuddhakayasamacaro hoti parisuddhena kayasamacarena samannagato acchiddena appatimamsena tassa bhavanti vattaro ingha tava ayasma kayikam sikkhassuti itissa bhavanti vattaro. [501] Puna caparam upali codakena bhikkhuna param codetukamena evam paccavekkhitabbam parisuddhavacisamacaro nu khomhi parisuddhenamhi vacisamacarena samannagato acchiddena appatimamsena samvijjati @Footnote: 1 Yu. apisaddo natthi. 2 Ma. Yu. kati.--------------------------------------------------------------------------------------------- page312.
Nu kho me eso dhammo udahu noti . no ce upali bhikkhu parisuddhavacisamacaro hoti parisuddhena vacisamacarena samannagato acchiddena appatimamsena tassa bhavanti vattaro ingha tava ayasma vacasikam sikkhassuti itissa bhavanti vattaro. [502] Puna caparam upali codakena bhikkhuna param codetukamena evam paccavekkhitabbam mettam nu kho me cittam paccupatthitam sabrahmacarisu anaghatam samvijjati nu kho me eso dhammo udahu noti. No ce upali bhikkhuno mettam cittam paccupatthitam hoti sabrahmacarisu anaghatam tassa bhavanti vattaro ingha tava ayasma sabrahmacarisu mettam cittam upatthapehiti itissa bhavanti vattaro. [503] Puna caparam upali codakena bhikkhuna param codetukamena evam paccavekkhitabbam bahussuto nu khomhi sutadharo sutasannicayo ye te dhamma adikalyana majjhekalyana pariyosanakalyana sattham sabyanjanam kevalaparipunnam parisuddham brahmacariyam abhivadanti tatharupa me dhamma bahussuta honti 1- dhata 2- vacasa paricita manasanupekkhita ditthiya suppatividdha samvijjati nu kho me eso dhammo udahu noti . no ce upali bhikkhu bahussuto hoti sutadharo sutasannicayo ye te dhamma adikalyana majjhekalyana pariyosanakalyana sattham sabyanjanam kevalaparipunnam @Footnote: 1 Yu. ayam patho natthi. 2 Ma. dhata.--------------------------------------------------------------------------------------------- page313.
Parisuddham brahmacariyam abhivadanti tatharupassa 1- dhamma na 2- bahussuta honti dhata vacasa paricita manasanupekkhita ditthiya suppatividdha tassa bhavanti vattaro ingha tava ayasma agamam pariyapunassuti itissa bhavanti vattaro. [504] Puna caparam upali codakena bhikkhuna param codetukamena evam paccavekkhitabbam ubhayani nu kho me patimokkhani vittharena svagatani honti 3- suvibhattani suppavattini suvinicchitani suttaso 4- anubyanjanaso samvijjati nu kho me eso dhammo udahu noti . No ce upali bhikkhuno ubhayani patimokkhani vittharena svagatani honti suvibhattani suppavattini suvinicchitani suttaso 4- anubyanjanaso idam panavuso kattha vuttam bhagavatati iti puttho na sampadeti 5- tassa bhavanti vattaro ingha tava ayasma vinayam pariyapunassuti itissa bhavanti vattaro codakenupali bhikkhuna param codetukamena ime panca dhamme ajjhattam paccavekkhitva paro codetabboti. [505] Codakena bhante bhikkhuna param codetukamena kati dhamme ajjhattam upatthapetva paro codetabboti . codakenupali bhikkhuna param codetukamena panca dhamme ajjhattam upatthapetva paro codetabbo kalena vakkhami no akalena bhutena vakkhami @Footnote: 1 Ma. tatharupassa. 2 Yu. nasaddo natthi. 3 Yu. ayam patho natthi. @4 Yu. Ra. suttato. 5 Ma. sampayati. Yu. sampadayati.--------------------------------------------------------------------------------------------- page314.
No abhutena sanhena vakkhami no pharusena atthasanhitena vakkhami no anatthasanhitena mettacitto vakkhami no dosantaroti codakenupali bhikkhuna param codetukamena ime panca dhamme ajjhattam upatthapetva paro codetabboti. [506] Adhammacodakassa bhante bhikkhuno katihakarehi vippatisaro upadahatabboti . adhammacodakassa upali bhikkhuno pancahakarehi vippatisaro upadahatabbo akalenayasma codesi no kalena alante vippatisaraya abhutenayasma codesi no bhutena alante vippatisaraya pharusenayasma codesi no sanhena alante vippatisaraya anatthasanhitenayasma codesi no atthasanhitena alante vippatisaraya dosantaro ayasma codesi no mettacitto alante vippatisarayati adhammacodakassa upali bhikkhuno imehi pancahakarehi vippatisaro upadahatabbo . tam kissa hetu . yatha na annopi bhikkhu abhutena codetabbam manneyyati. [507] Adhammacuditassa 1- pana bhante bhikkhuno katihakarehi avippatisaro upadahatabboti . adhammacuditassa upali bhikkhuno pancahakarehi avippatisaro upadahatabbo akalenayasma cudito no kalena alante avippatisaraya abhutenayasma cudito no bhutena alante avippatisaraya pharusenayasma @Footnote: 1 Yu. ... cuditakassa.--------------------------------------------------------------------------------------------- page315.
Cudito no sanhena alante avippatisaraya anatthasanhitenayasma cudito no atthasanhitena alante avippatisaraya dosantarenayasma cudito no mettacittena alante avippatisarayati adhammacuditassa upali bhikkhuno imehi pancahakarehi avippatisaro upadahatabboti. [508] Dhammacodakassa bhante bhikkhuno katihakarehi avippatisaro upadahatabboti . dhammacodakassa upali bhikkhuno pancahakarehi avippatisaro upadahatabbo kalenayasma codesi no akalena alante avippatisaraya bhutenayasma codesi no abhutena alante avippatisaraya sanhenayasma codesi no pharusena alante avippatisaraya atthasanhitenayasma codesi no anatthasanhitena alante avippatisaraya mettacitto ayasma codesi no dosantaro alante avippatisarayati dhammacodakassa upali bhikkhuno imehi pancahakarehi avippatisaro upadahatabbo . tam kissa hetu . Yatha annopi bhikkhu bhutena codetabbam manneyyati. [509] Dhammacuditassa pana bhante bhikkhuno katihakarehi vippatisaro upadahatabboti . dhammacuditassa upali bhikkhuno pancahakarehi vippatisaro upadahatabbo kalenayasma cudito no akalena alante vippatisaraya bhutenayasma cudito no--------------------------------------------------------------------------------------------- page316.
Abhutena alante vippatisaraya sanhenayasma cudito no pharusena alante vippatisaraya atthasanhitenayasma cudito no anatthasanhitena alante vippatisaraya mettacittenayasma cudito no dosantarena alante vippatisarayati dhammacuditassa upali bhikkhuno imehi pancahakarehi vippatisaro upadahatabboti. [510] Codakena bhante bhikkhuna param codetukamena kati dhamme ajjhattam manasikaritva paro codetabboti . codakenupali bhikkhuna param codetukamena panca dhamme ajjhattam manasikaritva paro codetabbo karunnata hitesita anukampita 1- apattivutthanata vinayapurekkharatati codakenupali bhikkhuna param codetukamena ime panca dhamme ajjhattam manasikaritva paro codetabboti. [511] Cuditena pana bhante bhikkhuna katisu dhammesu patitthatabbanti . cuditenupali bhikkhuna dvisu dhammesu patitthatabbam sacce ca akuppe cati. Patimokkhatthapanakkhandhakam nitthitam navamam. Imamhi khandhake vatthu timsa. Bhanavara dve. ----------- @Footnote: 1 Yu. anukampata.--------------------------------------------------------------------------------------------- page317.
Tassuddanam [512] Uposathe yavatikam papabhikkhu na nikkhami 1- moggallanena nivuttho 2- accharam 3- jinasasane ninnonupubbasikkha ca thitadhammo natikkama 4- kunapukkhipati sangho savantiyo jahanti ca 5- savanti parinibbanti ekarasa vimutti ca bahu dhammavinayopi bhutatthariyapuggala samuddam upamam katva thapesi 6- sasane gunam. Uposathe patimokkham na amhe koci janati patikacceva ujjhanti eko dve tini caturo 7- panca cha satta atthani nava 8- ca dasamani ca. Sila acara ditthi ca ajivancatubhagike 9-. Parajikanca sanghadi pacitti patidesani dukkatam pancabhagesu silacaravipatti ca akataya kataya ca chabbhagesu yathavidhi 10-. Parajikam ca sanghadi thullapacittiyena ca @Footnote: 1 Yu. nikkhamati. 2 Ma. nicchuddho. Yu. nicchuddo. 3 Ma. acchera. @4 Ma. Yu. natikkama. 5 Yu. casaddo natthi. 6 Ma. Yu. vacesi. @7 Ma. Yu. Ra. cattari. 8 Yu. nava. 9 yu ajivam catusavake. @10 Ma. Yu. yatha thiti.--------------------------------------------------------------------------------------------- page318.
Patidesaniyanceva dukkatanca dubbhasitam silacaravipatti ca ajivanca vipattiya atthakataya katena silacara ca ditthiya 1- akataya katayapi katakatayameva ca evam navavidha vutta yathabhutena nayato. Parajiko vippakata 2- paccakkhato tatheva ca upeti paccadiyati paccadanakathaya ca 3- silacaravipatti ca tatha 4- ditthivipattiya ditthasutaparisankitam 5- dasadha tam vijanatha. Bhikkhu vipassati bhikkhum anno carocayati tam suddhe va tassa akkhati patimokkham thapesi so. Vutthati antarayena raja coraaggudakam manussamanussa vala sirimsapa ca jivitam brahmacari ca dasannam tasmim annataresu va 6- @Footnote: 1 Ma. Yu. silacaravipatti ca ditthiajivavipatti ya ca attha katakate teneka @silacaraditthiya. 2 Yu. vippakato. 3 Ma. paccadanakatha ca ya. Yu. paccadanakatha ca @yo. 4 Yu. yatha. 5 Yu. ditthasutaparisanki. 6 Yu. bhikkhu vipassati bhikkhum @vipassanno carocati tam suddhe va tassa akkhati patimokkham thapeti so. @vutthati anatarayena rajacoraggudaka ca manussa amanussa ca valasirisapajivi @brahmam dasannannatarekena tasmim annataresu va. Ma. soyeva tassa akkhati ....--------------------------------------------------------------------------------------------- page319.
Dhammikadhammika ceva yathamaggena janatha 1-. Kalabhutatthasanhitam labhissami bhavissati kayavacasika metta bahusaccubhayani tu 2-. Kalabhutena sanhena atthamettena codaye vippatisari adhammena tathevapi vinodaye 3-. Dhammacodacuditassa vinode vippatissare. Karuna hitanukampa vutthanampi purakkhita 4- codakassa patipatti sambuddhena pakasita 5- sacce ceva akuppe ca cuditassesa 6- dhammatati. ---------- @Footnote: 1 Ma. Yu. janatha. 2 Ma. Yu. bahusaccam ubhayani. 3 Ma. Yu. vippatisaradhammena @tatha vaca vinodaye. 4 Ma. Yu. dhammacodacuditassa vinodeti vippatisaro @karuna hitanukampi vutthana purekkharata. 5 Yu. Ra. pakasitam. 6 Ma. Yu. @cuditasseva. Ra. cuditassesa.--------------------------------------------------------------------------------------------- page320.
Bhikkhunikhandhakam [513] Tena samayena buddho bhagava sakkesu viharati kapilavatthusmim nigrodharame . athakho mahapajapati gotami yena bhagava tenupasankami upasankamitva bhagavantam abhivadetva ekamantam atthasi . ekamantam thita kho mahapajapati gotami bhagavantam etadavoca sadhu bhante labheyya matugamo tathagatappavedite dhammavinaye agarasma anagariyam pabbajjanti . alam gotami ma te rucci matugamassa tathagatappavedite dhammavinaye agarasma anagariyam pabbajjati . dutiyampi kho .pe. tatiyampi kho mahapajapati gotami bhagavantam etadavoca sadhu bhante labheyya matugamo tathagatappavedite dhammavinaye agarasma anagariyam pabbajjanti . Alam gotami ma te rucci matugamassa tathagatappavedite dhammavinaye agarasma anagariyam pabbajjati . athakho mahapajapati gotami na bhagava anujanati matugamassa tathagatappavedite dhammavinaye agarasma anagariyam pabbajjanti dukkhi dummana assumukhi rudamana bhagavantam abhivadetva padakkhinam katva pakkami. [514] Athakho bhagava kapilavatthusmim yathabhirantam viharitva yena vesali tena carikam pakkami anupubbena carikancaramano yena vesali tadavasari . tatra sudam bhagava vesaliyam viharati--------------------------------------------------------------------------------------------- page321.
Mahavane kutagarasalayam . athakho mahapajapati gotami kese chedapetva kasayani vatthani acchadetva sambahulahi sakiyanihi saddhim yena vesali tena pakkami anupubbena yena vesali mahavanam kutagarasala tenupasankami . athakho mahapajapati gotami sunehi padehi rajokinnena gattena dukkhi dummana assumukhi rudamana bahidvarakotthake atthasi . addasa kho ayasma anando mahapajapatim gotamim sunehi padehi rajokinnena gattena dukkhim dummanam assumukhim rudamanam bahidvarakotthake thitam disvana mahapajapatim gotamim etadavoca kissa tvam gotami sunehi padehi rajokinnena gattena dukkhi dummana assumukhi rudamana bahidvarakotthake thitati . tatha hi pana bhante ananda na bhagava anujanati matugamassa tathagatappavedite dhammavinaye agarasma anagariyam pabbajjanti . tenahi 1- gotami muhuttam tvam 2- idheva tava hohi yavaham bhagavantam yacami matugamassa tathagatappavedite dhammavinaye agarasma anagariyam pabbajjanti. [515] Athakho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca esa bhante mahapajapati gotami sunehi padehi rajokinnena gattena dukkhi dummana assumukhi rudamana bahidvarakotthake thita na @Footnote: 1 Ma. tenahi tvam. 2 Yu. tvamsaddo natthi.--------------------------------------------------------------------------------------------- page322.
Bhagava anujanati matugamassa tathagatappavedite dhammavinaye agarasma anagariyam pabbajjanti sadhu bhante labheyya matugamo tathagatappavedite dhammavinaye agarasma anagariyam pabbajjanti . Alam ananda ma te rucci matugamassa tathagatappavedite dhammavinaye agarasma anagariyam pabbajjati . dutiyampi kho ayasma anando bhagavantam etadavoca sadhu bhante labheyya matugamo tathagatappavedite dhammavinaye agarasma anagariyam pabbajjanti . alam ananda ma te rucci matugamassa tathagatappavedite dhammavinaye agarasma anagariyam pabbajjati. {515.1} Tatiyampi kho ayasma anando bhagavantam etadavoca sadhu bhante labheyya matugamo tathagatappavedite dhammavinaye agarasma anagariyam pabbajjanti . alam ananda ma te rucci matugamassa tathagatappavedite dhammavinaye agarasma anagariyam pabbajjati. {515.2} Athakho ayasma anando na bhagava anujanati matugamassa tathagatappavedite dhammavinaye agarasma anagariyam pabbajjam 1- yannunaham annenapi pariyayena bhagavantam yaceyyam matugamassa tathagatappavedite dhammavinaye agarasma anagariyam pabbajjanti . athakho ayasma anando bhagavantam etadavoca bhabbo nu kho bhante matugamo tathagatappavedite dhammavinaye agarasma anagariyam pabbajitva sotapattiphalam va sakidagamiphalam 2- va anagamiphalam va @Footnote: 1 Ma. pabbajjanti. 2 Ma. Yu. sabbattha varesu sakadagamiphalam.--------------------------------------------------------------------------------------------- page323.
Arahattaphalam va sacchikatunti . bhabbo ananda matugamo tathagatappavedite dhammavinaye agarasma anagariyam pabbajitva sotapattiphalampi sakidagamiphalampi anagamiphalampi arahattaphalampi sacchikatunti . sace bhante bhabbo matugamo tathagatappavedite dhammavinaye agarasma anagariyam pabbajitva sotapattiphalampi sakidagamiphalampi anagamiphalampi arahattaphalampi sacchikatum bahupakara bhante mahapajapati gotami bhagavato matuccha apadika posika khirassa dayika bhagavantam janettiya kalakataya thannam payesi sadhu bhante labheyya matugamo tathagatappavedite dhammavinaye agarasma anagariyam pabbajjanti. [516] Sace ananda mahapajapati gotami attha garudhamme patigganhati sa vassa hotu upasampada vassasatupasampannaya bhikkhuniya tadahupasampannassa bhikkhuno abhivadanam paccutthanam anjalikammam samicikammam katabbam ayampi dhammo sakkatva garukatva manetva pujetva yavajivam anatikkamaniyo na bhikkhuniya abhikkhuke avase vassam vasitabbam ayampi dhammo sakkatva garukatva manetva pujetva yavajivam anatikkamaniyo anvaddhamasam bhikkhuniya bhikkhusanghato dve dhamma paccasimsitabba uposathapucchakanca ovadupasankamananca ayampi dhammo sakkatva garukatva manetva pujetva yavajivam anatikkamaniyo vassam vutthaya bhikkhuniya ubhatosanghe--------------------------------------------------------------------------------------------- page324.
Tihi thanehi pavaretabbam ditthena va sutena va parisankaya va ayampi dhammo sakkatva garukatva manetva pujetva yavajivam anatikkamaniyo garudhammam ajjhapannaya bhikkhuniya ubhatosanghe pakkhamanattam caritabbam ayampi dhammo sakkatva garukatva manetva pujetva yavajivam anatikkamaniyo dve vassani chasu dhammesu sikkhitasikkhaya sikkhamanaya ubhatosanghe upasampada pariyesitabba ayampi dhammo sakkatva garukatva manetva pujetva yavajivam anatikkamaniyo na bhikkhuniya kenaci pariyayena bhikkhu akkositabbo paribhasitabbo ayampi dhammo sakkatva garukatva manetva pujetva yavajivam anatikkamaniyo ajjatagge ovato bhikkhuninam bhikkhusu vacanapatho anovato bhikkhunam bhikkhunisu vacanapatho ayampi dhammo sakkatva garukatva manetva pujetva yavajivam anatikkamaniyo sace panananda 1- mahapajapati gotami ime attha garudhamme patigganhati sa vassa hotu upasampadati. [517] Athakho ayasma anando bhagavato santike attha garudhamme uggahetva yena mahapajapati gotami tenupasankami upasankamitva mahapajapatim gotamim etadavoca sace kho tvam gotami attha garudhamme patigganheyyasi sa va te bhavissati upasampada {517.1} vassasatupasampannaya bhikkhuniya tadahupasampannassa bhikkhuno abhivadanam paccutthanam anjalikammam samicikammam katabbam @Footnote: 1 Ma. Yu. sace ananda.--------------------------------------------------------------------------------------------- page325.
Ayampi dhammo sakkatva garukatva manetva pujetva yavajivam anatikkamaniyo na bhikkhuniya abhikkhuke avase vassam vasitabbam ayampi dhammo sakkatva garukatva manetva pujetva yavajivam anatikkamaniyo anvaddhamasam bhikkhuniya bhikkhusanghato dve dhamma paccasimsitabba uposathapucchakanca ovadupasankamananca ayampi dhammo sakkatva garukatva manetva pujetva yavajivam anatikkamaniyo vassam vutthaya bhikkhuniya ubhatosanghe tihi thanehi pavaretabbam ditthena va sutena va parisankaya va ayampi dhammo sakkatva garukatva manetva pujetva yavajivam anatikkamaniyo garudhammam ajjhapannaya bhikkhuniya ubhatosanghe pakkhamanattam caritabbam ayampi dhammo sakkatva garukatva manetva pujetva yavajivam anatikkamaniyo dve vassani chasu dhammesu sikkhitasikkhaya sikkhamanaya ubhatosanghe upasampada pariyesitabba ayampi dhammo sakkatva garukatva manetva pujetva yavajivam anatikkamaniyo na bhikkhuniya kenaci pariyayena bhikkhu akkositabbo paribhasitabbo ayampi dhammo sakkatva garukatva manetva pujetva yavajivam anatikkamaniyo ajjatagge ovato bhikkhuninam bhikkhusu vacanapatho anovato bhikkhunam bhikkhunisu vacanapatho ayampi dhammo sakkatva garukatva manetva pujetva yavajivam anatikkamaniyo {517.2} sace kho tvam gotami ime attha garudhamme patigganheyyasi sa va te--------------------------------------------------------------------------------------------- page326.
Bhavissati upasampadati . seyyathapi bhante ananda itthi va pariso va daharo yuva mandanajatiko sisamnahato uppalamalam va vassikamalam va adhimattakamalam va 1- labhitva ubhohi hatthehi patiggahetva uttamange sirasi patitthapeyya evameva kho aham bhante ananda ime attha garudhamme patigganhami yavajivam anatikkamaniyeti. [518] Athakho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca patiggahita bhante mahapajapatiya gotamiya attha garudhamma upasampanna bhagavato matucchati 2-. {518.1} Sace panananda nalabhissa matugamo tathagatappavedite dhammavinaye agarasma anagariyam pabbajjam ciratthitikam ananda brahmacariyam abhavissa vassasahassam saddhammo tittheyya yato ca kho ananda matugamo tathagatappavedite dhammavinaye agarasma anagariyam pabbajito nadani ananda brahmacariyam ciratthitikam bhavissati pancevadani ananda vassasatani saddhammo thassati {518.2} seyyathapi ananda yani kanici @Footnote: 1 Ma. Yu. atimuttakamalam va. 2 matucchayatipi patho dissati.--------------------------------------------------------------------------------------------- page327.
Kulani bahuitthikani 1- appapurisakani tani suppadhamsiyani honti corehi kumbhathenakehi evameva kho ananda yasmim dhammavinaye labhati matugamo agarasma anagariyam pabbajjam na tam brahmacariyam ciratthitikam hoti {518.3} seyyathapi ananda sampanne salikkhette setatthika nama rogajati nipatati evam tam salikkhettam na ciratthitikam hoti evameva kho ananda yasmim dhammavinaye labhati matugamo agarasma anagariyam pabbajjam na tam brahmacariyam ciratthitikam hoti {518.4} seyyathapi ananda sampanne ucchukkhette manjetthika 2- nama rogajati nipatati evam tam ucchukkhettam na ciratthitikam hoti evameva kho ananda yasmim dhammavinaye labhati matugamo agarasma anagariyam pabbajjam na tam brahmacariyam ciratthitikam hoti {518.5} seyyathapi ananda puriso mahato talakassa patikacceva palim 3- bandheyya yavadeva udakassa anatikkamanaya 4- evameva kho ananda maya patikacceva bhikkhuninam attha garudhamma pannatta yavajivam anatikkamaniyati. Bhikkhuninam attha garudhamma nitthita 5-. [519] Athakho mahapajapati gotami yena bhagava tenupasankami upasankamitva bhagavantam abhivadetva ekamantam atthasi . ekamantam @Footnote: 1 Ma. Yu. bahutthikani. 2 Ma. manjithika. 3 Ma. Yu. Ra. alim. 4 Ma. @anatikkamaya. 5 Yu. bhikkhuninam atthagarudhammam nitthitam.--------------------------------------------------------------------------------------------- page328.
Thita kho mahapajapati gotami bhagavantam etadavoca kathaham bhante imasu sakiyanisu patipajjamiti . athakho bhagava mahapajapatim gotamim dhammiya kathaya sandassesi samadapesi samuttejasei sampahamsesi. Athakho mahapajapati gotami bhagavata dhammiya kathaya sandassita samadapita samuttejita sampahamsita bhagavantam abhivadetva padakkhinam katva pakkami . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave bhikkhuhi bhikkhuniyo upasampadetunti. [520] Athakho ta bhikkhuniyo mahapajapatim gotamim etadavocum ayya anupasampanna mayancamha 1- upasampanna evam hi bhagavata pannattam bhikkhuhi bhikkhuniyo upasampadetabbati . Athakho mahapajapati gotami yenayasma anando tenupasankami upasankamitva ayasmantam anandam abhivadetva ekamantam atthasi . Ekamantam thita kho mahapajapati gotami ayasmantam anandam etadavoca ima mam bhante ananda bhikkhuniyo evamahamsu ayya anupasampanna mayancamha upasampanna evam hi bhagavata pannattam bhikkhuhi bhikkhuniyo upasampadetabbati . athakho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando @Footnote: 1 Yu. Ra. mayamha.--------------------------------------------------------------------------------------------- page329.
Bhagavantam etadavoca mahapajapati bhante gotami evamaha ima mam bhante ananda bhikkhuniyo evamahamsu ayya anupasampanna mayancamha upasampanna evam hi bhagavata pannattam bhikkhuhi bhikkhuniyo upasampadetabbati . yadaggena ananda mahapajapatiya gotamiya attha garudhamma patiggahita tadevassa 1- upasampannati. [521] Athakho mahapajapati gotami yenayasma anando tenupasankami upasankamitva ayasmantam anandam abhivadetva ekamantam atthasi . ekamantam thita kho mahapajapati gotami ayasmantam anandam etadavoca ekaham bhante ananda bhagavantam varam yacami sadhu bhante bhagava anujaneyya bhikkhunanca bhikkhuninanca yathavuddham abhivadanam paccutthanam anjalikammam samicikammanti. {521.1} Athakho ayasma anando yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca mahapajapati bhante gotami evamaha ekaham bhante ananda bhagavantam varam yacami sadhu bhante bhagava anujaneyya bhikkhunanca bhikkhuninanca yathavuddham abhivadanam paccutthanam anjalikammam samicikammanti. {521.2} Atthanametam ananda anavakaso yam tathagato anujaneyya matugamassa abhivadanam paccutthanam anjalikammam samicikammam ime hi nama ananda annatitthiya durakkhatadhamma matugamassa @Footnote: 1 Ma. Yu. tadeva sa.--------------------------------------------------------------------------------------------- page330.
Abhivadanam paccutthanam anjalikammam samicikammam na karissanti kimangam pana tathagato anujanissanti matugamassa abhivadanam paccutthanam anjalikammam samicikammanti . athakho bhagava etasmim nidane etasmim pakarane dhammim katham katva bhikkhu amantesi na bhikkhave matugamassa abhivadanam paccutthanam anjalikammam samicikammam katabbam yo kareyya apatti dukkatassati. [522] Athakho mahapajapati gotami yena bhagava tenupasankami upasankamitva bhagavantam abhivadetva ekamantam atthasi . ekamantam thita kho mahapajapati gotami bhagavantam etadavoca yani tani bhante bhikkhuninam sikkhapadani bhikkhuhi sadharanani katham mayam bhante tesu sikkhapadesu patipajjamati . yani tani gotami bhikkhuninam sikkhapadani bhikkhuhi sadharanani yatha bhikkhu sikkhanti tatha tesu sikkhapadesu sikkhathati . yani pana tani bhante bhikkhuninam sikkhapadani bhikkhuhi asadharanani katham mayam bhante tesu sikkhapadesu patipajjamati . yani tani gotami bhikkhuninam sikkhapadani bhikkhuhi asadharanani yathapannattesu sikkhapadesu sikkhathati. [523] Athakho mahapajapati gotami yena bhagava tenupasankami upasankamitva bhagavantam abhivadetva ekamantam atthasi . Ekamantam thita kho mahapajapati gotami bhagavantam etadavoca sadhu bhante bhagava sankhittena dhammam desetu yamaham bhagavato--------------------------------------------------------------------------------------------- page331.
Dhammam sutva eka vupakattha appamatta atapini pahitatta vihareyyanti . ye kho tvam gotami dhamme janeyyasi ime dhamma saragaya 1- samvattanti no viragaya sannogaya samvattanti no visannogaya acayaya samvattanti no apacayaya mahicchataya samvattanti no appicchataya asantutthiya samvattanti no santutthiya sanganikaya samvattanti no pavivekaya kosajjaya samvattanti no viriyarambhaya dubbharataya samvattanti no subharataya ekamsena gotami dhareyyasi neso dhammo neso vinayo netam satthusasananti ye ca kho tvam gotami dhamme janeyyasi ime dhamma viragaya samvattanti no saragaya 1- visannogaya samvattanti no sannogaya apacayaya samvattanti no acayaya appicchataya samvattanti no mahicchataya santutthiya samvattanti no asantutthiya pavivekaya samvattanti no sanganikaya viriyarambhaya samvattanti no kosajjaya subharataya samvattanti no dubbharataya ekamsena gotami dhareyyasi eso dhammo eso vinayo etam satthusasananti. [524] Tena kho pana samayena bhikkhu bhikkhuninam patimokkham na uddisanti 2- .pe. te bhikkhu bhagavato etamattham arocesum @Footnote: 1 Yu. saragaya. 2 Ma. Yu. ra tena kho pana samayena bhikkhuninam patimokkham na @uddisiyati.--------------------------------------------------------------------------------------------- page332.
.pe. Anujanami bhikkhave bhikkhuninam patimokkham uddisitunti . Athakho bhikkhunam etadahosi kena nu kho bhikkhuninam patimokkham uddisitabbanti . te bhikkhu bhagavato etamattham arocesum .pe. Anujanami bhikkhave bhikkhuhi bhikkhuninam patimokkham uddisitunti. [525] Tena kho pana samayena bhikkhu bhikkhunupassayam upasankamitva bhikkhuninam patimokkham uddisanti . manussa ujjhayanti khiyanti vipacenti jayayo ima imesam jariyo ima imesam idani ime imahi saddhim abhiramissantiti . assosum kho bhikkhu tesam manussanam ujjhayantanam khiyantanam vipacentanam . athakho te bhikkhu bhagavato etamattham arocesum .pe. na bhikkhave bhikkhuhi bhikkhuninam patimokkham uddisitabbam yo uddiseyya apatti dukkatassa anujanami bhikkhave bhikkhunihi bhikkhuninam patimokkham uddisitunti . Bhikkhuniyo na jananti evam 1- patimokkham uddisitabbanti .pe. Te bhikkhu bhagavato etamattham arocesum .pe. anujanami bhikkhave bhikkhuhi bhikkhuninam acikkhitum evam patimokkham uddiseyyathati. [526] Tena kho pana samayena bhikkhuniyo apattim na patikaronti .pe. te bhikkhu bhagavato etamattham arocesum .pe. na bhikkhave bhikkhuniya apatti na patikatabba ya na patikareyya apatti dukkatassati . bhikkhuniyo na jananti evampi apatti @Footnote: 1 Yu. evampi.--------------------------------------------------------------------------------------------- page333.
Patikatabbati .pe. te bhikkhu bhagavato etamattham arocesum .pe. anujanami bhikkhave bhikkhuhi bhikkhuninam acikkhitum evam apattim patikareyyathati . athakho bhikkhunam etadahosi kena nu kho bhikkhuninam apatti patiggahetabbati . te bhikkhu bhagavato etamattham arocesum .pe. anujanami bhikkhave bhikkhuhi bhikkhuninam apattim patiggahetunti. [527] Tena kho pana samayena bhikkhuniyo rathiyapi viyuhepi 1- singhatakepi bhikkhum passitva pattam bhumiyam nikkhipitva ekamsam uttarasangam karitva ukkutikam nisiditva anjalim paggahetva apattim patikaronti . manussa ujjhayanti khiyanti vipacenti jayayo ima imesam jariyo ima imesam rattim vimanetva idani khamapentiti .pe. te bhikkhu bhagavato etamattham arocesum .pe. Na bhikkhave bhikkhuhi bhikkhuninam apatti patiggahetabba yo patigganheyya apatti dukkatassa anujanami bhikkhave bhikkhunihi bhikkhuninam apattim patiggahetunti . bhikkhuniyo na jananti evampi apatti patiggahetabbati . bhagavato etamattham arocesum .pe. Anujanami bhikkhave bhikkhuhi bhikkhuninam acikkhitum evam apattim patigganheyyathati. [528] Tena kho pana samayena bhikkhuhi 2- bhikkhuninam kammam na @Footnote: 1 Ma. byuhepi. Yu. vayuhepi. 2 Ma. Yu. Ra. bhikkhuhiti patho natthi.--------------------------------------------------------------------------------------------- page334.
Kariyati .pe. te bhikkhu bhagavato etamattham arocesum .pe. Anujanami bhikkhave bhikkhuninam kammam katunti . athakho bhikkhunam etadahosi kena nu kho bhikkhuninam kammam katabbanti . te bhikkhu bhagavato etamattham arocesum . anujanami bhikkhave bhikkhuhi bhikkhuninam kammam katunti. [529] Tena kho pana samayena katakamma bhikkhuniyo rathiyapi viyuhepi singhatakepi bhikkhum passitva pattam bhumiyam nikkhipitva ekamsam uttarasangam karitva ukkutikam nisiditva anjalim paggahetva khamapenti evam puna na 1- katabbanti mannamana . manussa tatheva ujjhayanti khiyanti vipacenti jayayo ima imesam jariyo ima imesam rattim vimanetva idani khamapentiti . te bhikkhu bhagavato etamattham arocesum . na bhikkhave bhikkhuhi bhikkhuninam kammam katabbam yo kareyya apatti dukkatassa anujanami bhikkhave bhikkhunihi bhikkhuninam kammam katunti . bhikkhuniyo na jananti evampi kammam katabbanti . te bhikkhu bhagavato etamattham arocesum . anujanami bhikkhave bhikkhuhi bhikkhuninam acikkhitum evam kammam kareyyathati.The Pali Tipitaka in Roman Character Volume 7 page 309-334. https://84000.org/tipitaka/read/roman_item.php?book=7&item=499&items=31&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=7&item=499&items=31&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=7&item=499&items=31&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=7&item=499&items=31&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=7&i=499 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]