[877] Ajivavipattipaccaya kati apattiyo apajjati .
Ajivavipattipaccaya cha apattiyo apajjati ajivahetu ajivakarana
papiccho icchapakato asantam abhutam uttarimanussadhammam ullapati
apatti parajikassa . ajivahetu ajivakarana sancarittam
samapajjati apatti sanghadisesassa . ajivahetu ajivakarana
yo te vihare vasati so bhikkhu arahati bhanati pativijanantassa
apatti thullaccayassa.
{877.1} Ajivahetu ajivakarana bhikkhu panitabhojanani attano
atthaya vinnapetva bhunjati apatti pacittiyassa . ajivahetu
ajivakarana bhikkhuni panitabhojanani attano atthaya vinnapetva
bhunjati apatti patidesaniyassa . ajivahetu ajivakarana bhikkhu 1-
supam va odanam va agilano attano atthaya vinnapetva bhunjati
apatti dukkatassa. Ajivavipattipaccaya ima cha apattiyo apajjati.
{877.2} Ta apattiyo catunnam vipattinam kati vipattiyo bhajanti .pe. Sattannam
samathanam katihi samathehi sammanti . ta apattiyo catunnam vipattinam dve
@Footnote: 1 Ma. Yu. ayam patho na dissati.
Vipattiyo bhajanti siya silavipattim siya acaravipattim .
Sattannam apattikkhandhanam chahi apattikkhandhehi sangahita siya
parajikapattikkhandhena siya sanghadisesapattikkhandhena siya
thullaccayapattikkhandhena siya pacittiyapattikkhandhena siya
patidesaniyapattikkhandhena siya dukkatapattikkhandhena.
{877.3} Channam apattisamutthananam chahi samutthanehi
samutthahanti siya kayato samutthahanti na vacato na cittato
siya vacato samutthahanti na kayato na cittato siya kayato ca
vacato ca samutthahanti na cittato siya kayato ca cittato ca
samutthahanti na vacato siya vacato ca cittato ca samutthahanti na
kayato siya kayato ca vacato ca cittato ca samutthahanti. Catunnam
adhikarananam apattadhikaranam . sattannam samathanam tihi samathehi
sammanti siya sammukhavinayena ca patinnatakaranena ca siya
sammukhavinayena ca tinavattharakena ca.
Vipattipaccayavaram nitthitam catuttham.
[878] Vivadadhikaranapaccaya kati apattiyo apajjati .
Vivadadhikaranapaccaya dve apattiyo apajjati upasampannam
omasati apatti pacittiyassa . anupasampannam omasati apatti
dukkatassa . vivadadhikaranapaccaya ima dve apattiyo apajjati .
Ta apattiyo catunnam vipattinam kati vipattiyo bhajanti .pe.
Sattannam samathanam katihi samathehi sammanti . ta apattiyo
Catunnam vipattinam ekam vipattim bhajanti acaravipattim . sattannam
apattikkhandhanam dvihi apattikkhandhehi sangahita siya
pacittiyapattikkhandhena siya dukkatapattikkhandhena . channam
apattisamutthananam tihi samutthanehi samutthahanti siya kayato
ca cittato ca samutthahanti na vacato siya vacato ca cittato ca
samutthahanti na kayato siya kayato ca vacato ca cittato ca
samutthahanti . catunnam adhikarananam apattadhikaranam . sattannam
samathanam tihi samathehi sammanti siya sammukhavinayena ca
patinnatakaranena ca siya sammukhavinayena ca tinavattharakena ca.
[879] Anuvadadhikaranapaccaya kati apattiyo apajjati .
Anuvadadhikaranapaccaya tisso apattiyo apajjati bhikkhum amulakena
parajikena dhammena anuddhamseti apatti sanghadisesassa . amulakena
sanghadisesena anuddhamseti apatti pacittiyassa . amulikaya
acaravipattiya anuddhamseti apatti dukkatassa . anuvadadhikaranapaccaya
ima tisso apattiyo apajjati . ta apattiyo
catunnam vipattinam kati vipattiyo bhajanti .pe. sattannam samathanam
katihi samathehi sammanti . ta apattiyo catunnam vipattinam dve
vipattiyo bhajanti siya silavipattim siya acaravipattim .
Sattannam apattikkhandhanam tihi apattikkhandhehi sangahita siya
sanghadisesapattikkhandhena siya pacittiyapattikkhandhena siya
Dukkatapattikkhandhena . channam apattisamutthananam tihi samutthanehi
samutthahanti siya kayato ca cittato ca samutthahanti na vacato
siya vacato ca cittato ca samutthahanti na kayato siya kayato ca
vacato ca cittato ca samutthahanti . catunnam adhikarananam
apattadhikaranam . sattannam samathanam tihi samathehi sammanti siya
sammukhavinayena ca patinnatakaranena ca siya sammukhavinayena ca
tinavattharakena ca.
[880] Apattadhikaranapaccaya kati apattiyo apajjati .
Apattadhikaranapaccaya catasso apattiyo apajjati bhikkhuni
janam parajikam dhammam paticchadeti apatti parajikassa . vematika
paticchadeti apatti thullaccayassa . bhikkhu sanghadisesam paticchadeti
apatti pacittiyassa . acaravipattim paticchadeti apatti
dukkatassa . apattadhikaranapaccaya ima catasso apattiyo
apajjati.
{880.1} Ta apattiyo catunnam vipattinam kati vipattiyo bhajanti
.pe. sattannam samathanam katihi samathehi sammanti . ta apattiyo
catunnam vipattinam dve vipattiyo bhajanti siya silavipattim siya
acaravipattim . sattannam apattikkhandhanam catuhi apattikkhandhehi
sangahita siya parajikapattikkhandhena siya thullaccayapattikkhandhena
siya pacittiyapattikkhandhena siya dukkatapattikkhandhena .
Channam apattisamutthananam ekena samutthanena
Samutthahanti kayato ca vacato ca cittato ca samutthahanti .
Catunnam adhikarananam apattadhikaranam . sattannam samathanam tihi
samathehi sammanti siya sammukhavinayena ca patinnatakaranena ca
siya sammukhavinayena ca tinavattharakena ca.
[881] Kiccadhikaranapaccaya kati apattiyo apajjati .
Kiccadhikaranapaccaya panca apattiyo apajjati ukkhittanuvattika
bhikkhuni yavatatiyam samanubhasanaya nappatinissajjati nattiya dukkatam
dvihi kammavacahi thullaccaya kammavacapariyosane apatti
parajikassa . bhedakanuvattaka bhikkhu yavatatiyam samanubhasanaya
nappatinissajjanti apatti sanghadisesassa . papikaya ditthiya
yavatatiyam samanubhasanaya nappatinissajjati apatti pacittiyassa .
Kiccadhikaranapaccaya ima panca apattiyo apajjati.
{881.1} Ta apattiyo catunnam vipattinam kati vipattiyo bhajanti
.pe. sattannam samathanam katihi samathehi sammanti . ta apattiyo
catunnam vipattinam dve vipattiyo bhajanti siya silavipattim siya
acaravipattim . sattannam apattikkhandhanam pancahi apattikkhandhehi
sangahita siya parajikapattikkhandhena siya sanghadisesapattikkhandhena
siya thullaccayapattikkhandhena siya pacittiyapattikkhandhena
siya dukkatapattikkhandhena . channam apattisamutthananam ekena
samutthanena samutthahanti kayato ca vacato ca cittato ca
Samutthahanti . catunnam adhikarananam apattadhikaranam . sattannam
samathanam tihi samathehi sammanti siya sammukhavinayena ca patinnatakaranena
ca siya sammukhavinayena ca tinavattharakena ca.
[882] Thapetva satta apattiyo satta apattikkhandhe avasesa
apattiyo catunnam vipattinam kati vipattiyo bhajanti . sattannam
apattikkhandhanam katihi apattikkhandhehi sangahita . channam
apattisamutthananam katihi samutthanehi samutthahanti . catunnam
adhikarananam katamam adhikaranam . sattannam samathanam katihi samathehi
sammanti . thapetva satta apattiyo satta apattikkhandhe
avasesa apattiyo catunnam vipattinam na katamam vipattim bhajanti .
Sattannam apattikkhandhanam na 1- katamena apattikkhandhena sangahita.
Channam apattisamutthananam na 1- katamena samutthanena samutthahanti .
Catunnam adhikarananam na 1- katamam adhikaranam . sattannam samathanam na
katamena samathena sammanti . tam kissa hetu . thapetva satta
apattiyo satta apattikkhandhe natthanna apattiyoti.
Adhikaranapaccayavaram nitthitam pancamam.
Anantarapeyyalam 2- nitthitam.
The Pali Tipitaka in Roman Character Volume 8 page 254-259.
https://84000.org/tipitaka/read/roman_item.php?book=8&item=877&items=6
Classified by [Item Number] :-
http://84000.org/tipitaka/read/roman_item.php?book=8&item=877&items=6&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=8&item=877&items=6
Compare with The Royal Version of Thai Tipitaka :-
https://84000.org/tipitaka/read/byitem.php?book=8&item=877&items=6
Study Atthakatha :-
https://84000.org/tipitaka/attha/attha.php?b=8&i=877
Contents of The Tipitaka Volume 8
https://84000.org/tipitaka/read/?index_8
https://84000.org/tipitaka/english/?index_8
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
