|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
Nivapasuttam [301] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca na bhikkhave nevapiko nivapam nivapati migajatanam imam me nivapam nivuttam migajata paribhunjanta dighayuka vannavanto ciram dighamaddhanam yapentuti . evanca kho bhikkhave nevapiko nivapam nivapati migajatanam imam me nivapam nivuttam migajata anupakhajja mucchita bhojanani bhunjissanti anupakhajja mucchita bhojanani bhunjamana madam apajjissanti matta samana pamadam apajjissanti pamatta samana yathakamakaraniya bhavissanti imasmim nivapeti. [302] Tatra bhikkhave pathama migajata amum nivapam nivuttam nevapikassa anupakhajja mucchita bhojanani bhunjimsu te tattha anupakhajja mucchita bhunjamana madam apajjimsu matta samana pamadam apajjimsu pamatta samana yathakamakaraniya ahesum nevapikassa amusmim nivape evanhi te bhikkhave pathama migajata na parimuccimsu nevapikassa iddhanubhava. [303] Tatra bhikkhave dutiya migajata evam samacintesum ye--------------------------------------------------------------------------------------------- page299.
Kho te pathama migajata amum nivapam nivuttam nevapikassa anupakhajja mucchita bhojanani bhunjimsu te tattha anupakhajja mucchita bhojanani bhunjamana madam apajjimsu matta samana pamadam apajjimsu pamatta samana yathakamakaraniya ahesum nevapikassa amusmim nivape evanhi te pathama migajata na parimuccimsu nevapikassa iddhanubhava yannuna mayam sabbaso nivapabhojana pativirameyyama bhayabhoga pativirata arannayatanani ajjhogahetva vihareyyamati te sabbaso nivapabhojana pativiramimsu bhayabhoga pativirata arannayatanani ajjhogahetva viharimsu. {303.1} Tesam gimhanam pacchime mase tinodakasankhaye adhimattakasimanam patto kayo hoti tesam adhimattakasimanam pattakayanam balaviriyam parihayi balaviriye parihine tameva nivapam nivuttam nevapikassa paccagamimsu te tattha anupakhajja mucchita bhojanani bhunjimsu te tattha anupakhajja mucchita bhojanani bhunjamana madam apajjimsu matta samana pamadam apajjimsu pamatta samana yathakamakaraniya ahesum nevapikassa amusmim nivape evanhi te bhikkhave dutiyapi migajata na parimuccimsu nevapikassa iddhanubhava. [304] Tatra bhikkhave tatiya migajata evam samacintesum ye kho te pathama migajata amum nivapam nivuttam nevapikassa .pe. Evanhi te pathama migajata na parimuccimsu nevapikassa iddhanubhava yepi te dutiya migajata evam samacintesum ye kho te pathama--------------------------------------------------------------------------------------------- page300.
Migajata amum nivapam nivuttam nevapikassa .pe. evanhi te pathama migajata na parimuccimsu nevapikassa iddhanubhava yannuna mayam sabbaso nivapabhojana pativirameyyama bhayabhoga pativirata arannayatanani ajjhogahetva vihareyyamati te sabbaso nivapabhojana pativiramimsu bhayabhoga pativirata arannayatanani ajjhogahetva viharimsu tesam gimhanam pacchime mase tinodakasankhaye adhimattakasimanam patto kayo hoti tesam adhimattakasimanam pattakayanam balaviriyam parihayi balaviriye parihine tameva nivapam nivuttam nevapikassa paccagamimsu te tatra anupakhajja mucchita bhojanani bhunjimsu te tatra anupakhajja mucchita bhojanani bhunjamana madam apajjimsu matta samana pamadam apajjimsu pamatta samana yathakamakaraniya ahesum nevapikassa amusmim nivape evanhi te dutiyapi migajata na parimuccimsu nevapikassa iddhanubhava yannuna mayam amum nivapam nivuttam nevapikassa upanissaya asayam kappeyyama tatrasayam kappetva amum nivapam nivuttam nevapikassa ananupakhajja amucchita 1- bhojanani bhunjissama ananupakhajja amucchita bhojanani bhunjamana na madam apajjissama amatta samana nappamadam apajjissama appamatta samana na yathakamakaraniya bhavissama nevapikassa amusmim nivapeti. {304.1} Te amum nivapam nivuttam nevapikassa upanissaya asayam kappayimsu tatrasayam kappetva amum nivapam nivuttam nevapikassa @Footnote: 1 Po. mucchita. ito param evam natabbam.--------------------------------------------------------------------------------------------- page301.
Ananupakhajja amucchita bhojanani bhunjimsu te tatra ananupakhajja amucchita bhojanani bhunjamana na madam apajjimsu amatta samana nappamadam apajjimsu appamatta samana na yathakamakaraniya ahesum nevapikassa amusmim nivapeti 1- tatra bhikkhave nevapikassa ca nevapikaparisaya ca etadahosi apissu 2- namime tatiya migajata ketubhino iddhimantassu 3- namime tatiya migajata parajana imanca nama nivapam nivuttam paribhunjanti na ca nesam janama agatim va gatim va yannuna mayam imam nivapam nivuttam mahatihi dandavagurahi 4- samanta sappadesam anuparivareyyama appevanama tatiyanam migajatanam asayam passeyyama yattha te gaham gaccheyyunti. {304.2} Te amum nivapam nivuttam mahatihi dandavagurahi samanta sappadesam anuparivaresum . addasasum kho bhikkhave nevapiko ca nevapikaparisa ca tatiyanam migajatanam asayam yattha te gaham agamamsu . evanhi te bhikkhave tatiyapi migajata na parimuccimsu nevapikassa iddhanubhava. [305] Tatra bhikkhave catuttha migajata evam samacintesum ye kho te pathama migajata .pe. evanhi te pathama migajata na parimuccimsu nevapikassa iddhanubhava yepi te dutiya migajata evam samacintesum ye kho te pathama migajata .pe. evanhi te pathama migajata na parimuccimsu nevapikassa iddhanubhava yannuna @Footnote: 1 Ma. Yu. itisaddo natthi. 2 Si. Yu. sathassu. Ma. sathassu. sabubatth idisameva. @3 Po. Ma. iddhimantassu. sabbattha idisameva. 4 Si. Ma. Yu. dandavakarahi.--------------------------------------------------------------------------------------------- page302.
Mayam .pe. evanhi te dutiya migajata na parimuccimsu nevapikassa iddhanubhava yepi te tatiya migajata evam samacintesum ye kho te pathama migajata .pe. evanhi te pathama migajata na parimuccimsu nevapikassa iddhanubhava yepi te dutiya migajata evam samacintesum ye kho te pathama migajata .pe. evanhi te pathama migajata na parimuccimsu nevapikassa iddhanubhava yannuna mayam .pe. evanhi te dutiya migajata na parimuccimsu nevapikassa iddhanubhava yannuna mayam amum nivapam nivuttam nevapikassa upanissaya asayam kappeyyama {305.1} tatrasayam kappetva amum nivapam nivuttam nevapikassa ananupakhajja amucchita bhojanani bhunjissama ananupakhajja amucchita bhojanani bhunjamana na madam apajjissama amatta samana nappamadam apajjissama appamatta samana na yathakamakaraniya bhavissama nevapikassa amusmim nivapeti te amum nivapam nivuttam nevapikassa upanissaya asayam kappayimsu tatrasayam kappetva amum nivapam nivuttam nevapikassa ananupakhajja amucchita bhojanani bhunjimsu te tattha ananupakhajja amucchita bhojanani bhunjamana na madam apajjimsu amatta samana nappamadam apajjimsu appamatta samana na yathakamakaraniya ahesum nevapikassa amusmim nivape . Tatra nevapikassa ca nevapikaparisaya ca etadahosi apissu namime tatiya migajata ketubhino iddhimantassu namime--------------------------------------------------------------------------------------------- page303.
Tatiya migajata parajana .pe. addasasum kho nevapiko ca nevapikaparisa ca tatiyanam migajatanam asayam yattha te gaham agamamsu evanhi te tatiyapi migajata na parimuccimsu nevapikassa iddhanu bhava yannuna mayampi yattha agati nevapikassa ca nevapikaparisaya ca tatrasayam kappeyyama tatrasayam kappetva amum nivapam nivuttam nevapikassa ananupakhajja amucchita bhojanani bhunjamana na madam apajjissama amatta samana nappamadam apajjissama appamatta samana na yathakamakaraniya bhavissama nevapikassa amusmim nivapeti. {305.2} Te yattha agati nevapikassa ca nevapikaparisaya ca tatrasayam kappayimsu tatrasayam kappetva amum nivapam nivuttam nevapikassa ananupakhajja amucchita bhojanani bhunjimsu te tattha ananupakhajja amucchita bhojanani bhunjamana na madam apajjimsu amatta samana nappamadam apajjimsu appamatta samana na yathakamakaraniya ahesum nevapikassa amusmim nivape . tatra bhikkhave nevapikassa ca nevapikaparisaya ca etadahosi apissu namime catuttha migajata ketubhino iddhimantassu namime catuttha migajata parajana imanca nama nivapam nivuttam paribhunjanti na ca nesam janama agatim va gatim va yannuna mayam imam nivapam nivuttam mahatihi dandavagurahi samanta sappadesam anuparivareyyama appevanama catutthanam migajatanam asayam passeyyama yattha te gaham gaccheyyunti--------------------------------------------------------------------------------------------- page304.
Te amum nivapam nivuttam mahatihi dandavagurahi samanta sappadesam anuparivaresum . neva kho bhikkhave addasasum nevapiko ca nevapikaparisa ca catutthanam migajatanam asayam yattha te gaham gaccheyyum . Tatra bhikkhave nevapikassa ca nevapikaparisaya ca etadahosi sace kho mayam catutthe migajate ghattessama te ghattita anne ghattessanti evam imam nivapam nivuttam sabbaso migajata rincissanti 1- yannuna mayam catutthe migajate ajjhupekkheyyamati . ajjhupekkhimsu kho bhikkhave nevapiko ca nevapikaparisa ca catutthe migajate evanhi te bhikkhave catutthapi migajata parimuccimsu nevapikassa iddhanubhava. [306] Upama kho me ayam bhikkhave kata atthassa vinnapanaya. Ayancevettha attho . nivapoti kho bhikkhave pancannetam kamagunanam adhivacanam . nevapikoti kho bhikkhave marassetam papimato adhivacanam. Nevapikaparisati kho bhikkhave maraparisayetam adhivacanam . migajatati kho bhikkhave samanabrahmananametam adhivacanam. [307] Tatra bhikkhave pathama samanabrahmana amum nivapam nivuttam marassa amuni ca lokamisani anupakhajja mucchita bhojanani bhunjimsu te tattha anupakhajja mucchita bhojanani bhunjamana madam apajjimsu matta samana pamadam apajjimsu pamatta samana yathakamakaraniya ahesum marassa amusmim nivape amusmim ca @Footnote: 1 Ma. parimuccissanti.--------------------------------------------------------------------------------------------- page305.
Lokamise evanhi te bhikkhave pathama samanabrahmana na parimuccimsu marassa iddhanubhava . seyyathapi te bhikkhave pathama migajata tathupame aham ime pathame samanabrahmane vadami. [308] Tatra bhikkhave dutiya samanabrahmana evam samacintesum ye kho te pathama samanabrahmana amum nivapam nivuttam marassa amuni ca lokamisani anupakhajja mucchita bhojanani bhunjimsu te tattha anupakhajja mucchita bhojanani bhunjamana madam apajjimsu matta samana pamadam apajjimsu pamatta samana yathakamakaraniya ahesum marassa amusmim nivape amusmim ca lokamise evanhi te pathama samanabrahmana na parimuccimsu marassa iddhanubhava yannuna mayam sabbaso nivapabhojana lokamisa pativirameyyama bhayabhoga pativirata arannayatanani ajjhogahetva vihareyyamati {308.1} te sabbaso nivapabhojana lokamisa pativiramimsu te sabbaso nivapabhojana lokamisa pativirata bhayabhoga pativirata arannayatanani ajjhogahetva viharimsu te tattha sakabhakkhapi ahesum samakabhakkhapi ahesum nivarabhakkhapi ahesum daddulabhakkhapi ahesum hatabhakkhapi ahesum kanabhakkhapi ahesum acamabhakkhapi ahesum pinnakabhakkhapi ahesum tinabhakkhapi ahesum gomayabhakkhapi ahesum vanamulaphalahara yapesum pavattaphalabhoji tesam gimhanam pacchime mase tinodakasankhaye adhimattakasimanam patto kayo hoti tesam--------------------------------------------------------------------------------------------- page306.
Adhimattakasimanam pattakayanam balaviriyam parihayi balaviriye parihine cetovimutti parihayi cetovimuttiya parihinaya tameva nivapam nivuttam marassa paccagamimsu tani ca lokamisani te tattha anupakhajja mucchita bhojanani bhunjimsu te tattha anupakhajja mucchita bhojanani bhunjamana madam apajjimsu matta samana pamadam apajjimsu pamatta samana yathakamakaraniya ahesum marassa amusmim nivape amusmim ca lokamise evanhi te bhikkhave dutiyapi samanabrahmana na parimuccimsu marassa iddhanubhava . seyyathapi te bhikkhave dutiya migajata tathupame aham ime dutiye samanabrahmane vadami. [309] Tatra bhikkhave tatiya samanabrahmana evam samacintesum ye kho te pathama samanabrahmana .pe. evanhi te pathama samanabrahmana na parimuccimsu marassa iddhanubhava yepi te dutiya samanabrahmana evam samacintesum ye kho te pathama samanabrahmana .pe. evanhi te pathama samanabrahmana na parimuccimsu marassa iddhanubhava yannuna mayam sabbaso nivapabhojana lokamisa pativirameyyama bhayabhoga pativirata arannayatanani ajjhogahetva vihareyyamati te sabbaso nivapabhojana lokamisa pativiramimsu bhayabhoga pativirata arannayatanani ajjhogahetva viharimsu {309.1} te tattha sakabhakkhapi ahesum .pe. pavattaphalabhoji tesam gimhanam pacchime mase tinodakasankhaye adhimattakasimanam--------------------------------------------------------------------------------------------- page307.
Patto kayo hoti tesam adhimattakasimanam pattakayanam balaviriyam parihayi balaviriye parihine cetovimutti parihayi cetovimuttiya parihinaya tameva nivapam nivuttam marassa paccagamimsu tani lokamisani te tattha anupakhajja mucchita bhojanani bhunjimsu te tattha anupakhajja mucchita bhojanani bhunjamana madam apajjimsu matta samana pamadam apajjimsu pamatta samana yathakamakaraniya ahesum marassa amusmim nivape amusmim ca lokamise evanhi te dutiyapi samanabrahmana na parimuccimsu marassa iddhanubhava yannuna mayam amum nivapam nivuttam marassa amuni ca lokamisani upanissaya asayam kappeyyama tatrasayam kappetva amum nivapam nivuttam marassa amuni ca lokamisani ananupakhajja amucchita bhojanani bhunjissama ananupakhajja amucchita bhojanani bhunjamana na madam apajjissama amatta samana nappamadam apajjissama appamatta samana na yathakamakaraniya bhavissama marassa amusmim nivape amusmim ca lokamiseti te amum nivapam nivuttam marassa amuni ca lokamisani upanissaya asayam kappayimsu . tatrasayam kappetva amum nivapam nivuttam marassa amuni ca lokamisani ananupakhajja amucchita bhojanani bhunjamana na madam apajjimsu amatta samana nappamadam apajjimsu appamatta samana na yathakamakaraniya ahesum marassa amusmim nivape amusmim ca--------------------------------------------------------------------------------------------- page308.
Lokamise. {309.2} Apica kho evam ditthika ahesum sassato loko itipi asassato loko itipi antava loko itipi anantava loko itipi tam jivam tam sariram itipi annam jivam annam sariram itipi hoti tathagato parammarana itipi na hoti tathagato parammarana itipi hoti ca na ca hoti tathagato parammarana itipi neva hoti na na hoti tathagato parammarana itipi evanhi te bhikkhave tatiyapi samanabrahmana na parimuccimsu marassa iddhanubhava . seyyathapi te bhikkhave tatiya migajata tathupame aham ime tatiye samanabrahmane vadami. [310] Tatra bhikkhave catuttha samanabrahmana evam samacintesum ye kho te pathama samanabrahmana .pe. evanhi te pathama samanabrahmana na parimuccimsu marassa iddhanubhava yepi te dutiya samanabrahmana evam samacintesum ye kho te pathama samanabrahmana .pe. evanhi te pathama samanabrahmana na parimuccimsu marassa iddhanubhava yannuna mayam .pe. evanhi te dutiya samanabrahmana na parimuccimsu marassa iddhanubhava yepi te tatiya samanabrahmana evam samacintesum ye kho te pathama samanabrahmana .pe. Evanhi te pathama samanabrahmana na parimuccimsu marassa iddhanubhava yepi te dutiya samanabrahmana evam samacintesum ye kho te pathama samanabrahmana--------------------------------------------------------------------------------------------- page309.
.pe. Evanhi te pathama samanabrahmana na parimuccimsu marassa iddhanubhava yannuna mayam .pe. evanhi te dutiyapi samanabrahmana na parimuccimsu marassa iddhanubhava yannuna mayam amum nivapam nivuttam marassa amuni ca lokamisani upanissaya asayam kappeyyama tatrasayam kappetva amum nivapam nivuttam marassa amuni ca lokamisani .pe. ananupakhajja amucchita bhojanani bhunjamana na madam apajjissama amatta samana nappamadam apajjissama appamatta samana na yathakamakaraniya bhavissama marassa amusmim nivape amusmim ca lokamiseti te amum nivapam nivuttam marassa amuni ca lokamisani upanissaya asayam kappayimsu tatrasayam kappetva amum nivapam nivuttam marassa amuni ca lokamisani ananupakhajja amucchita bhojanani bhunjimsu te tattha ananupakhajja amucchita bhojanani bhunjamana na madam apajjimsu amatta samana nappamadam apajjimsu appamatta samana na yathakamakaraniya ahesum marassa amusmim nivape amusmim ca lokamise. {310.1} Apica kho evam ditthika ahesum sassato loko itipi .pe. neva hoti na na hoti tathagato parammarana itipi evanhi te tatiyapi samanabrahmana na parimuccimsu marassa iddhanubhava yannuna mayam yattha agati marassa ca maraparisaya ca tatrasayam kappeyyama tatrasayam kappetva amum nivapam nivuttam marassa--------------------------------------------------------------------------------------------- page310.
Amuni ca lokamisani ananupakhajja amucchita bhojanani bhunjissama ananupakhajja amucchita bhojanani bhunjamana na madam apajjissama amatta samana nappamadam apajjissama appamatta samana na yathakamakaraniya bhavissama marassa amusmim nivape amusmim ca lokamiseti te yattha agati marassa ca maraparisaya ca tatrasayam kappayimsu tatrasayam kappetva amum nivapam nivuttam marassa amuni ca lokamisani ananupakhajja amucchita bhojanani bhunjimsu te tattha ananupakhajja amucchita bhojanani bhunjamana na madam apajjimsu amatta samana nappamadam apajjimsu appamatta samana na yathakamakaraniya ahesum marassa amusmim nivape amusmim ca lokamise evanhi te bhikkhave catutthapi samanabrahmana parimuccimsu marassa iddhanubhava . seyyathapi te bhikkhave catuttha migajata tathupame aham ime catutthe samanabrahmane vadami. [311] Kathanca bhikkhave agati marassa ca maraparisaya ca . Idha bhikkhave bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati ayam vuccati bhikkhave bhikkhu andhamakasi maram apadam vadhitva maracakkhum adassanam gato papimato. {311.1} Puna caparam bhikkhave bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam .pe. tatiyam jhanam .pe. catuttham--------------------------------------------------------------------------------------------- page311.
Jhanam upasampajja viharati ayam vuccati bhikkhave bhikkhu andhamakasi maram apadam vadhitva maracakkhum adassanam gato papimato. {311.2} Puna caparam bhikkhave bhikkhu sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharati ayam vuccati bhikkhave bhikkhu andhamakasi maram apadam vadhitva maracakkhum adassanam gato papimato. {311.3} Puna caparam bhikkhave bhikkhu sabbaso akasanancayatanam samatikkamma anantam vinnananti vinnanancayatanam upasampajja viharati .pe. sabbaso vinnanancayatanam samatikkamma natthi kinciti akincannayatanam upasampajja viharati .pe. sabbaso akincannayatanam samatikkamma nevasannanasannayatanam upasampajja viharati .pe. {311.4} Puna caparam bhikkhave bhikkhu sabbaso nevasannanasannayatanam samatikkamma sannavedayitanirodham upasampajja viharati pannaya cassa disva asava parikkhina honti ayam vuccati bhikkhave bhikkhu andhamakasi maram apadam vadhitva maracakkhum adassanam gato papimato tinno loko visattikanti. Idamavoca bhagava attamana te bhikkhu bhagavato bhasitam abhinandunti. Nivapasuttam nitthitam pancamam. ------------The Pali Tipitaka in Roman Character Volume 12 page 298-311. https://84000.org/tipitaka/read/roman_read.php?B=12&A=6038&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=6038&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=301&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=25 Study Atthakatha :- https://84000.org/tipitaka/attha/attha.php?b=12&i=301 The Pali Atthakatha in Thai :- https://84000.org/tipitaka/atthapali/read_th.php?B=8&A=1728 The Pali Atthakatha in Roman :- https://84000.org/tipitaka/atthapali/read_rm.php?B=8&A=1728 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]