PaliRoman Vol.22

[332] 61 Ekam ^2- samayam bhagava baranasiyam viharati isipatane migadaye . tena kho pana samayena sambahulanam theranam bhikkhunam pacchabhattam pindapatapatikkantanam mandalamale sannisinnanam sannipatitanam ayamantara katha udapadi vuttamidam avuso bhagavata parayane metteyyapanhe yo ubhante ^3- viditvana majjhe manta na limpati tam brumi mahapuriso ^4- sodha sibbanimaccagati ^5-. {332.1} Katamo nu kho avuso eko anto katamo dutiyo anto kim majjhe ka sibbaniti. {332.2} Evam vutte annataro bhikkhu there bhikkhu etadavoca phasso kho avuso eko anto phassasamudayo dutiyo anto phassanirodho majjhe tanha sibbani tanha hi nam sibbati tassa tasseva @Footnote: ¹ Po. viharati . ² Po. Ma. Yu. purato evam me sutanti dissati . ³ Po. ubho @ante. Ma. ubhonte . ⁴ Ma. Yu. mahapurisoti . ⁵ Ma. sibbini .... Bhavassa abhinibbattiya ettavata kho avuso bhikkhu abhinneyyam abhijanati parinneyyam parijanati abhinneyyam abhijananto parinneyyam parijananto dittheva dhamme dukkhassantakaro hotiti. {332.3} Evam vutte annataro bhikkhu there bhikkhu etadavoca atitam kho avuso eko anto anagatam dutiyo anto paccuppannam majjhe tanha sibbani ^1- tanha hi nam sibbati tassa tasseva bhavassa abhinibbattiya ettavata kho avuso bhikkhu abhinneyyam abhijanati parinneyyam parijanati abhinneyyam abhijananto parinneyyam parijananto dittheva dhamme dukkhassantakaro hotiti. {332.4} Evam vutte annataro bhikkhu there bhikkhu etadavoca sukha avuso vedana eko anto dukkha vedana dutiyo anto adukkhamasukha vedana majjhe tanha sibbani tanha hi nam sibbati tassa tasseva bhavassa abhinibbattiya ettavata kho avuso bhikkhu abhinneyyam abhijanati parinneyyam parijanati abhinneyyam abhijananto parinneyyam parijananto dittheva dhamme dukkhassantakaro hotiti. {332.5} Evam vutte annataro bhikkhu there bhikkhu etadavoca namam kho avuso eko anto rupam dutiyo anto vinnanam majjhe tanha sibbani tanha hi nam sibbati tassa tasseva bhavassa abhinibbattiya ettavata kho avuso bhikkhu abhinneyyam abhijanati @Footnote: ¹ Ma. sibbini. Parinneyyam parijanati abhinneyyam abhijananto parinneyyam parijananto dittheva dhamme dukkhassantakaro hotiti. {332.6} Evam vutte annataro bhikkhu there bhikkhu etadavoca cha kho avuso ajjhattikani ayatanani eko anto cha bahirani ayatanani dutiyo anto vinnanam majjhe tanha sibbani tanha hi nam sibbati tassa tasseva bhavassa abhinibbattiya ettavata kho avuso bhikkhu abhinneyyam abhijanati parinneyyam parijanati abhinneyyam abhijananto parinneyyam parijananto dittheva dhamme dukkhassantakaro hotiti. {332.7} Evam vutte annataro bhikkhu there bhikkhu etadavoca sakkayo kho avuso eko anto sakkayasamudayo dutiyo anto sakkayanirodho majjhe tanha sibbani tanha hi nam sibbati tassa tasseva bhavassa abhinibbattiya ettavata kho avuso bhikkhu abhinneyyam abhijanati parinneyyam parijanati abhinneyyam abhijananto parinneyyam parijananto dittheva dhamme dukkhassantakaro hotiti. {332.8} Evam vutte annataro bhikkhu there bhikkhu etadavoca byakatam kho avuso amhehi sabbeheva yathasakam patibhanam ayamavuso yena bhagava tenupasankamissama upasankamitva bhagavato etamattham arocessama yatha no bhagava byakarissati tatha nam dhareyyamati ^1- @Footnote: ¹ Ma. dharessamati. Evamavusoti kho thera bhikkhu tassa bhikkhuno paccassosum . Atha kho thera bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu ekamantam nisinna kho thera bhikkhu yavatako ahosi sabbeheva saddhim kathasallapo tam sabbam bhagavato arocesum kassa nukho bhante subhasitanti . Sabbesam vo bhikkhave subhasitam pariyayena apica yam maya sandhaya bhasitam parayane metteyyapanhe yo ubhante viditvana majjhe manta na limpati tam brumi mahapuriso sodha sibbanimaccagati. {332.9} Tam sunatha sadhukam manasikarotha bhasissamiti. Evam bhanteti kho thera bhikkhu bhagavato paccassosum . bhagava etadavoca phasso kho bhikkhave eko anto phassasamudayo dutiyo anto phassanirodho majjhe tanha sibbani tanha hi nam sibbati tassa tasseva bhavassa abhinibbattiya ettavata kho bhikkhave bhikkhu abhinneyyam abhijanati parinneyyam parijanati abhinneyyam abhijananto parinneyyam parijananto dittheva dhamme dukkhassantakaro hotiti.

The Pali Tipitaka in Roman Character Volume 22 page 446-449. https://84000.org/tipitaka/read/roman_read.php?B=22&A=9408&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=9408&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=332&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=312 Study Atthakatha :- https://84000.org/tipitaka/attha/attha.php?b=22&i=332 The Pali Atthakatha in Thai :- https://84000.org/tipitaka/atthapali/read_th.php?B=16&A=3286 The Pali Atthakatha in Roman :- https://84000.org/tipitaka/atthapali/read_rm.php?B=16&A=3286 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22