บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[168] Tena kho pana samayena annataro bhikkhu naggo hutva yena [1]- bhagava tenupasankami upasankamitva bhagavantam etadavoca bhagava bhante anekapariyayena appicchassa santutthassa sallekhassa dhutassa pasadikassa apacayassa viriyarambhassa vannavadi idam bhante naggiyam anekapariyayena appicchataya santutthataya 2- sallekhaya dhutattaya pasadikataya apacayaya viriyarambhaya samvattati sadhu bhante bhagava bhikkhunam naggiyam anujanatuti . vigarahi buddho bhagava ananucchavikam moghapurisa .pe. katham hi nama tvam moghapurisa naggiyam titthiyasamadanam samadiyissasi netam moghapurisa appasannanam va pasadaya .pe. vigarahitva dhammim katham katva bhikkhu amantesi na bhikkhave @Footnote: 1 Yu. hi. 2 Yu. santutthiya.--------------------------------------------------------------------------------------------- page233.
Naggiyam titthiyasamadanam samadiyitabbam yo samadiyeyya apatti thullaccayassati. {168.1} Tena kho pana samayena annataro bhikkhu kusaciram nivasetva .pe. vakaciram nivasetva .pe. phalakaciram nivasetva .pe. kesakambalam nivasetva .pe. valakambalam nivasetva .pe. Ulukapakkham nivasetva .pe. ajinakkhipam nivasetva yena bhagava tenupasankami upasankamitva bhagavantam etadavoca bhagava bhante anekapariyayena appicchassa santutthassa sallekhassa dhutassa pasadikassa apacayassa viriyarambhassa vannavadi idam bhante ajinakkhipam anekapariyayena appicchataya santutthataya sallekhaya dhutattaya pasadikataya apacayaya viriyarambhaya samvattati sadhu bhante bhagava bhikkhunam ajinakkhipam anujanatuti. {168.2} Vigarahi buddho bhagava ananucchavikam moghapurisa .pe. Katham hi nama tvam moghapurisa ajinakkhipam titthiyaddhajam dharessasi netam moghapurisa appasannanam va pasadaya .pe. vigarahitva dhammim katham katva bhikkhu amantesi na bhikkhave ajinakkhipam titthiyaddhajam dharetabbam yo dhareyya apatti thullaccayassati. {168.3} Tena kho pana samayena annataro bhikkhu akkanalam nivasetva .pe. potthakam nivasetva yena bhagava tenupasankami upasankamitva bhagavantam etadavoca bhagava bhante anekapariyayena appicchassa santutthassa sallekhassa dhutassa pasadikassa apacayassa viriyarambhassa vannavadi ayam bhante potthako anekapariyayena--------------------------------------------------------------------------------------------- page234.
Appicchataya santutthataya sallekhaya dhutattaya pasadikataya apacayaya viriyarambhaya samvattati sadhu bhante bhagava bhikkhunam potthakam anujanatuti . vigarahi buddho bhagava ananucchavikam moghapurisa .pe. katham hi nama tvam moghapurisa potthakam nivasessasi netam moghapurisa appasannanam va pasadaya .pe. vigarahitva dhammim katham katva bhikkhu amantesi na bhikkhave potthako nivasetabbo yo nivaseyya apatti dukkatassati. [169] Tena kho pana samayena chabbaggiya bhikkhu sabbanilakani civarani dharenti sabbapitakani civarani dharenti sabbalohitakani civarani dharenti sabbamanjetthakani civarani dharenti sabbakanhani civarani dharenti sabbamaharangarattani civarani dharenti sabbamahanamarattani civarani dharenti acchinnadasani civarani dharenti dighadasani civarani dharenti pupphadasani civarani dharenti phanadasani civarani dharenti kancukam dharenti tiritakam dharenti vethanam dharenti. {169.1} Manussa ujjhayanti khiyanti vipacenti [1]- seyyathapi gihi kamabhoginoti . bhagavato etamattham arocesum . na bhikkhave sabbanilakani civarani dharetabbani na sabbapitakani civarani dharetabbani na sabbalohitakani civarani dharetabbani na sabbamanjetthakani civarani dharetabbani na sabbakanhani civarani dharetabbani na sabbamaharangarattani civarani dharetabbani @Footnote: 1 Ma. katham hi nama samana sakyaputtiya vethanam dharessanti.--------------------------------------------------------------------------------------------- page235.
Na sabbamahanamarattani civarani dharetabbani na acchinnadasani civarani dharetabbani na dighadasani civarani dharetabbani na pupphadasani civarani dharetabbani na phanadasani civarani dharetabbani na kancukam dharetabbam na tiritakam dharetabbam na vethanam dharetabbam yo dhareyya apatti dukkatassati.The Pali Tipitaka in Roman Character Volume 5 page 232-235. https://84000.org/tipitaka/read/roman_read.php?B=5&A=4820&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=4820&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=168&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=46 Study Atthakatha :- https://84000.org/tipitaka/attha/attha.php?b=5&i=168 The Pali Atthakatha in Thai :- https://84000.org/tipitaka/atthapali/read_th.php?B=3&A=5083 The Pali Atthakatha in Roman :- https://84000.org/tipitaka/atthapali/read_rm.php?B=3&A=5083 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]