|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[27] Tena kho pana samayena gilananam bhikkhunam vasehi bhesajjehi attho hoti . bhagavato etamattham arocesum . anujanami bhikkhave vasani bhesajjani acchavasam macchavasam susukavasam 1- sukaravasam gadrabhavasam kale patiggahitam kale nipakkam 2- kale samsattham 3- telaparibhogena paribhunjitum . vikale ce bhikkhave patiggahitam vikale nipakkam vikale samsattham tance paribhunjeyya apatti tinnam dukkatanam . Kale ce bhikkhave patiggahitam vikale nipakkam vikale samsattham tance paribhunjeyya apatti dvinnam dukkatanam . kale ce bhikkhave patiggahitam kale nipakkam vikale samsattham tance paribhunjeyya apatti dukkatassa . kale ce bhikkhave patiggahitam kale nipakkam kale samsattham tance paribhunjeyya anapattiti. [28] Tena kho pana samayena gilananam bhikkhunam mulehi bhesajjehi attho hoti . bhagavato etamattham arocesum . anujanami bhikkhave mulani bhesajjani haliddam singiveram vacam vacattham ativisam katukarohinim usiram bhaddamuttakam yani va panannanipi atthi mulani bhesajjani neva khadaniye khadaniyattham 4- pharanti na bhojaniye bhojaniyattham 5- pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati . tena kho @Footnote: 1 Ma. susumarasam. 2 Si. nippakkam. 3 Si. Po. samsattam. 4 Yu. khadaniyattam. @5 Yu. bhojaniyattam.--------------------------------------------------------------------------------------------- page42.
Pana samayena gilananam bhikkhunam mulehi bhesajjehi pitthehi attho hoti . bhagavato etamattham arocesum . anujanami bhikkhave nisadam nisadapotanti 1-. [29] Tena kho pana samayena gilananam bhikkhunam kasavehi bhesajjehi attho hoti . bhagavato etamattham arocesum . anujanami bhikkhave kasavani bhesajjani nimbakasavam kutajakasavam patolakasavam 2- paggavakasavam nattamalakasavam yani va panannanipi atthi kasavani bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati. [30] Tena kho pana samayena gilananam bhikkhunam pannehi bhesajjehi attho hoti . bhagavato etamattham arocesum. Anujanami bhikkhave pannani bhesajjani nimbapannam kutajapannam patolapannam sulasipannam kappasipannam 3- yani va panannanipi atthi pannani bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati. [31] Tena kho pana samayena gilananam bhikkhunam phalehi bhesajjehi attho hoti . bhagavato etamattham arocesum . anujanami bhikkhave @Footnote: 1 Po. Ma. nisadapotakanti. 2 Ma. Yu. patolakasavanti patho natthi. 3 Yu. @kappasikapannam.--------------------------------------------------------------------------------------------- page43.
Phalani bhesajjani vilangam pipphalim 1- maricam haritakam vibhitakam 2- amalakam gothaphalam 3- yani va panannanipi atthi phalani bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati. [32] Tena kho pana samayena gilananam bhikkhunam jatuhi bhesajjehi attho hoti . bhagavato etamattham arocesum . anujanami bhikkhave jatuni bhesajjani hingum hingujatum 4- hingusipatikam takam takapattim takapannim sajjulasam yani va panannanipi atthi jatuni bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati. [33] Tena kho pana samayena gilananam bhikkhunam lonehi bhesajjehi attho hoti . bhagavato etamattham arocesum . anujanami bhikkhave lonani bhesajjani samuddam kalalonam sindhavam ubbhidam 5- bilam 6- yani va panannanipi atthi lonani bhesajjani neva khadaniye khadaniyattham pharanti na bhojaniye bhojaniyattham pharanti tani patiggahetva yavajivam pariharitum sati paccaye paribhunjitum asati paccaye paribhunjantassa apatti dukkatassati. [34] Tena kho pana samayena ayasmato anandassa @Footnote: 1 Ma. pippalim. Yu. pippalam. 2 Po. Ma. vibhedagam. 3 Po. Ma. kotthaphalam. @4 Po. Yu. hingujatu. 5 Ma. ubbhiram. 6 Po. vilaham.--------------------------------------------------------------------------------------------- page44.
Upajjhayassa ayasmato velatthasisassa thullakacchabadho hoti . Tassa lasikaya civarani kaye lagganti . tani bhikkhu udakena temetva temetva apakaddhanti . addasa kho bhagava senasanacarikam ahindanto te bhikkhu tani civarani udakena temetva temetva apakaddhante disvana yena te bhikkhu tenupasankami upasankamitva te bhikkhu etadavoca kimimassa bhikkhave bhikkhuno abadhoti . imassa bhante ayasmato thullakacchabadho lasikaya civarani kaye lagganti tani mayam udakena temetva temetva apakaddhamati . atha kho bhagava etasmim nidane etasmim pakarane dhammim katham katva bhikkhu amantesi anujanami bhikkhave yassa kandu va pilaka va assavo va thullakaccha va abadho kayo va duggandho cunnani bhesajjani agilanassa chakanam mattikam rajananipakkam anujanami bhikkhave udukkhalam musalanti. [35] Tena kho pana samayena gilananam bhikkhunam cunnehi bhesajjehi calitehi attho hoti . bhagavato etamattham arocesum. Anujanami bhikkhave cunnacalaninti 1- . sanhehi attho hoti . Anujanami bhikkhave dussacalaninti. [36] Tena kho pana samayena annatarassa bhikkhuno amanussikabadho hoti . tam acariyupajjhaya upatthahanta nasakkhimsu arogam katum . so sukarasunam gantva amakamamsam khadi amakalohitam @Footnote: 1 Po. cunnapalinanti. Ma. cunnacalinanti.--------------------------------------------------------------------------------------------- page45.
Pivi 1- . tassa so amanussikabadho patippassambhi . bhagavato etamattham arocesum . anujanami bhikkhave amanussikabadhe amakamamsam amakalohitanti 2-. [37] Tena kho pana samayena annatarassa bhikkhuno cakkhurogabadho hoti . tam bhikkhu 3- pariggahetva uccarampi passavampi nikkhamenti. Addasa kho bhagava senasanacarikam ahindanto te bhikkhu tam bhikkhum pariggahetva uccarampi passavampi nikkhamente disvana yena te bhikkhu tenupasankami upasankamitva te bhikkhu etadavoca kimimassa bhikkhave bhikkhuno abadhoti . imassa bhante ayasmato cakkhurogabadho imam mayam pariggahetva uccarampi passavampi nikkhamemati . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave anjanam kalanjanam rasanjanam sotanjanam gerukam kapallanti . anjanupapimsanehi 4- attho hoti . bhagavato etamattham arocesum . anujanami bhikkhave candanam tagaram kalanusariyam talisam 5- bhaddamuttakanti . tena kho pana samayena bhikkhu pitthani anjanani thalakesupi 6- saravakesupi nikkhipanti tinacunnehipi pamsukehipi okiriyanti . bhagavato etamattham arocesum . anujanami bhikkhave anjaninti. {37.1} Tena kho pana samayena chabbaggiya bhikkhu uccavaca anjaniyo dharenti sovannamayam rupiyamayam . manussa @Footnote: 1 Po. amakamamsanca khadi amakalohitanca pivi. 2 Po. ... amussikabadhena amakamamsam @khaditum pivitum amakalohitanti. 3 Po. Yu. bhikkhum. 4 Po. -padhimsanehi. Ma. Yu. @papisanehi. 5 Po. talisapattam. 6 Ma. carukesu. Yu. thalikesu.--------------------------------------------------------------------------------------------- page46.
Ujjhayanti khiyanti vipacenti seyyathapi nama 1- gihi kamabhoginoti. Bhagavato etamattham arocesum. Na bhikkhave uccavaca anjani 2- dharetabba yo dhareyya apatti dukkatassa anujanami bhikkhave atthimayam dantamayam visanamayam nalamayam velumayam katthamayam jatumayam phalamayam lohamayam sankhanabhimayanti. Tena kho pana samayena anjani 3- aparuta honti tinacunnehipi pamsukehipi okiriyanti . bhagavato etamattham arocesum . anujanami bhikkhave apidhananti . apidhanam nipatati . anujanami bhikkhave suttakena bandhitva anjaniya bandhitunti . anjani phalati 4- . anujanami bhikkhave suttakena sibbetunti . tena kho pana samayena bhikkhu anguliya anjanti akkhini dukkhani honti . bhagavato etamattham arocesum . Anujanami bhikkhave anjanisalakanti. {37.2} Tena kho pana samayena chabbaggiya bhikkhu uccavaca anjanisalakayo dharenti sovannamayam rupiyamayam . manussa ujjhayanti khiyanti vipacenti seyyathapi gihi kamabhoginoti . Bhagavato etamattham arocesum . na bhikkhave uccavaca anjanisalaka dharetabba yo dhareyya apatti dukkatassa anujanami bhikkhave atthimayam dantamayam visanamayam .pe. sankhanabhimayanti . tena kho pana samayena anjanisalaka bhumiyam patati 5- pharusa hoti. Bhagavato etamattham @Footnote: 1 Ma. Yu. ayam patho na dissati. 2-3 Po. Ma. anjaniyo. 4 Po. anjaniyo @phalanti. Ma. Yu. anjani nipatati. 5 Yu. patita.--------------------------------------------------------------------------------------------- page47.
Arocesum . anujanami bhikkhave salakodhaniyanti 1- . tena kho pana samayena bhikkhu anjanimpi anjanisalakampi hatthena pariharanti . Bhagavato etamattham arocesum . anujanami bhikkhave anjanitthavikanti. Amsavaddhako 2- na hoti . bhagavato etamattham arocesum. Anujanami bhikkhave amsavaddhakam bandhanasuttakanti. [38] Tena kho pana samayena ayasmato pilindavacchassa sisabhitapo hoti. Bhagavato etamattham arocesum. Anujanami bhikkhave muddhani telakanti. Nakkhamaniyo hoti . bhagavato etamattham arocesum. Anujanami bhikkhave natthukammanti . natthu galati . Bhagavato etamattham arocesum. Anujanami bhikkhave natthukaraninti. {38.1} Tena kho pana samayena chabbaggiya bhikkhu uccavaca natthukaraniyo dharenti sovannamayam rupiyamayam . manussa ujjhayanti khiyanti vipacenti seyyathapi gihi kamabhoginoti . bhagavato etamattham arocesum . na bhikkhave uccavaca natthukarani dharetabba yo dhareyya apatti dukkatassa anujanami bhikkhave atthimayam .pe. sankhanabhimayanti . natthu visamam asinciyati . Bhagavato etamattham arocesum . anujanami bhikkhave yamakam natthukaraninti 3- . nakkhamaniyo hoti . Bhagavato etamattham arocesum. Anujanami bhikkhave dhumam patunti . tanneva vattim alimpetva @Footnote: 1 Ma. salakathaniyanti. Po. salakadhaniyanti. 2 Si. amsavaddhako. @Yu. amsabandhako. 3 Po. Ma. Yu. yamaka natthukaraninti.--------------------------------------------------------------------------------------------- page48.
Pivanti kantho 1- dahati . bhagavato etamattham arocesum . Anujanami bhikkhave dhumanettanti. {38.2} Tena kho pana samayena chabbaggiya bhikkhu uccavacani dhumanettani dharenti sovannamayam rupiyamayam . manussa ujjhayanti khiyanti vipacenti seyyathapi gihi kamabhoginoti . bhagavato etamattham arocesum . na bhikkhave uccavacani dhumanettani dharetabbani yo dhareyya apatti dukkatassa anujanami bhikkhave atthimayam .pe. Sankhanabhimayanti. {38.3} Tena kho pana samayena dhumanettani aparutani honti panaka pavisanti . bhagavato etamattham arocesum . anujanami bhikkhave apidhananti . tena kho pana samayena bhikkhu dhumanettani hatthena pariharanti . bhagavato etamattham arocesum . anujanami bhikkhave dhumanettatthavikanti . ekato ghamsiyanti . bhagavato etamattham arocesum . anujanami bhikkhave yamakatthavikanti . amsavaddhako na hoti . bhagavato etamattham arocesum . anujanami bhikkhave amsavaddhakam bandhanasuttakanti.The Pali Tipitaka in Roman Character Volume 5 page 41-48. https://84000.org/tipitaka/read/roman_read.php?B=5&A=838&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=838&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=27&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=8 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]