|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
[292] Tena kho pana samayena savatthiya avidure annatarasmim gamakavase avasika bhikkhu upadduta honti agantukagamikanam bhikkhunam senasanam pannapenta . athakho tesam bhikkhunam etadahosi etarahi kho mayam avuso upadduta agantukagamikanam bhikkhunam senasanam pannapenta handa mayam avuso sabbam sanghikam senasanam ekassa dema tassa santakam paribhunjissamati . te sabbam 1- sanghikam senasanam ekassa adamsu . agantuka 2- te avasike 3- bhikkhu etadavocum amhakam avuso senasanam pannapethati . Natthavuso sanghikam senasanam sabbam amhehi ekassa dinnanti . kim pana tumhe avuso sanghikam senasanam vissajjethati . Evamavusoti. Ye te bhikkhu appiccha .pe. te ujjhayanti khiyanti vipacenti katham hi nama bhikkhu sanghikam senasanam vissajjessantiti . bhagavato @Footnote: 1 Yu. sabbampi. 2 Ma. Yu. agantuka bhikkhu. 3 Ma. Yu. ayam patho na dissati.--------------------------------------------------------------------------------------------- page133.
Etamattham arocesum . saccam kira bhikkhave bhikkhu sanghikam senasanam vissajjentiti . saccam bhagavati . vigarahi buddho bhagava katham hi nama te bhikkhave moghapurisa sanghikam senasanam vissajjessanti netam bhikkhave appasannanam va pasadaya .pe. vigarahitva dhammim katham katva bhikkhu amantesi pancimani bhikkhave avissajjiyani na vissajjetabbani sanghena va ganena va puggalena va vissajjitanipi avissajjitani honti yo vissajjeyya apatti thullaccayassa. {292.1} Katamani panca . aramo aramavatthu idam pathamam avissajjiyam na vissajjetabbam sanghena va ganena va puggalena va vissajjitampi avissajjitam hoti yo vissajjeyya apatti thullaccayassa viharo viharavatthu idam dutiyam avissajjiyam na vissajjetabbam sanghena va ganena va puggalena va vissajjitampi avissajjitam hoti yo vissajjeyya apatti thullaccayassa manco pitham bhisi 1- bimbohanam idam tatiyam avissajjiyam na vissajjetabbam sanghena va ganena va puggalena va vissajjitampi avissajjitam hoti yo vissajjeyya apatti thullaccayassa lohakumbhi lohabhanakam lohavarako lohakataham vasi pharasu kuthari kuddalo nikhadanam idam catuttham avissajjiyam na vissajjetabbam sanghena va ganena va puggalena va vissajjitampi avissajjitam hoti yo vissajjeyya apatti thullaccayassa valli velu munjam @Footnote: 1 Ma. bhisi.--------------------------------------------------------------------------------------------- page134.
Pabbajam 1- tinam mattika darubhandam mattikabhandam idam pancamam avissajjiyam na vissajjetabbam sanghena va ganena va puggalena va vissajjitampi avissajjitam hoti yo vissajjeyya apatti thullaccayassa imani kho bhikkhave panca avissajjiyani na vissajjetabbani sanghena va ganena va puggalena va vissajjitanipi avissajjitani honti yo vissajjeyya apatti thullaccayassati. [293] Athakho bhagava savatthiyam yathabhirantam viharitva yena kitagiri tena carikam pakkami mahata bhikkhusanghena saddhim pancamattehi bhikkhusatehi sariputtamoggallanehi ca . assosum kho assaji- punabbasuka bhikkhu bhagava kira kitagirim agacchati mahata bhikkhusanghena saddhim pancamattehi bhikkhusatehi sariputtamoggallanehi ca handa mayam avuso sabbam sanghikam senasanam bhajema papiccha sariputta- moggallana papikanam icchanam vasam gata na mayam tesam senasanam pannapessamati. Te sabbam sanghikam senasanam bhajesum. {293.1} Athakho bhagava anupubbena carikancaramano yena kitagiri tadavasari . athakho bhagava sambahule bhikkhu amantesi gacchatha tumhe bhikkhave assajipunabbasuke bhikkhu upasankamitva evam vadetha bhagava avuso agacchati mahata bhikkhusanghena saddhim pancamattehi bhikkhusatehi sariputtamoggallanehi @Footnote: 1 Yu. munjapabbajam.--------------------------------------------------------------------------------------------- page135.
Ca bhagavato ca avuso senasanam pannapetha bhikkhusanghassa ca sariputtamoggallananancati . evambhanteti kho te bhikkhu bhagavato patissutva yena assajipunabbasuka bhikkhu tenupasankamimsu upasankamitva assajipunabbasuke bhikkhu etadavocum bhagava avuso agacchati mahata bhikkhusanghena saddhim pancamattehi bhikkhusatehi sariputtamoggallanehi ca bhagavato ca avuso senasanam pannapetha bhikkhusanghassa ca sariputtamoggallananancati . natthavuso sanghikam senasanam sabbam amhehi bhajitam svagatam avuso bhagavato yasmim vihare bhagava icchissati tasmim vihare vasissati papiccha sariputtamoggallana papikanam icchanam vasam gata na mayam tesam senasanam pannapessamati . kimpana tumhe avuso sanghikam senasanam bhajitthati . evamavusoti . ye te bhikkhu appiccha .pe. Te ujjhayanti khiyanti vipacenti katham hi nama assajipunabbasuka bhikkhu sanghikam senasanam bhajessantiti. {293.2} Athakho te bhikkhu bhagavato etamattham arocesum .pe. Saccam kira bhikkhave assajipunabbasuka bhikkhu sanghikam senasanam bhajentiti. Saccam bhagavati . katham hi nama te bhikkhave moghapurisa sanghikam senasanam bhajessanti netam bhikkhave appasannanam va pasadaya .pe. vigarahitva dhammim katham katva bhikkhu amantesi pancimani bhikkhave avebhangiyani na vibhajitabbani sanghena va ganena va--------------------------------------------------------------------------------------------- page136.
Puggalena va vibhattanipi avibhattani honti yo vibhajeyya apatti thullaccayassa . katamani panca . aramo aramavatthu idam pathamam avebhangiyam na vibhajitabbam sanghena va ganena va puggalena va vibhattampi avibhattam hoti yo vibhajeyya apatti thullaccayassa viharo viharavatthu idam dutiyam avebhangiyam na vibhajitabbam sanghena va ganena va puggalena va vibhattampi avibhattam hoti yo vibhajeyya apatti thullaccayassa manco pitham bhisi bimbohanam idam tatiyam avebhangiyam na vibhajitabbam sanghena va ganena va puggalena va vibhattampi avibhattam hoti yo vibhajeyya apatti thullaccayassa lohakumbhi lohabhanakam lohavarako lohakataham vasi pharasu kuthari kuddalo nikhadanam idam catuttham avebhangiyam na vibhajitabbam sanghena va ganena va puggalena va vibhattampi avibhattam hoti yo vibhajeyya apatti thullaccayassa valli velu munjam pabbajam tinam mattika darubhandam mattikabhandam idam pancamam avebhangiyam na vibhajitabbam sanghena va ganena va puggalena va vibhattampi avibhattam hoti yo vibhajeyya apatti thullaccayassa imani kho bhikkhave panca avebhangiyani na vibhajitabbani sanghena va ganena va puggalena va vibhattanipi avibhattani honti yo vibhajeyya apatti thullaccayassati.The Pali Tipitaka in Roman Character Volume 7 page 132-136. https://84000.org/tipitaka/read/roman_read.php?B=7&A=2641&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=2641&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=292&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=40 Study Atthakatha :- https://84000.org/tipitaka/attha/attha.php?b=7&i=292 The Pali Atthakatha in Thai :- https://84000.org/tipitaka/atthapali/read_th.php?B=3&A=7797 The Pali Atthakatha in Roman :- https://84000.org/tipitaka/atthapali/read_rm.php?B=3&A=7797 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]