AtthaPali Vol.13

7. Dukkhadhammasuttavannana [244] Sattame dukkhadhammananti dukkhasambhavadhammanam. Pancasu hi khandhesu sati chedanavadhabandhanadibhedam dukkham sambhavati, tasma te dukkhasambhavadhammata dukkhadhammati vuccanti. Tatha kho panassati tenakarenassa. Yathassa kame passatoti yenakarenassa kame passantassa. Yatha carantanti yenakarena caranca viharanca anubandhitva ^2- carantam. Angarakasupama kama dittha hontiti pariyetthimulakassa ceva patisandhimulakassa ca dukkhassa vasena angarakasu viya mahaparilahati dittha honti. Kame pariyesantanam hi navaya mahasamuddo gahanaajapathasankupathapatipajjanaubhatobyulhasangamapakkhandanadivasena pariyetthimulakampi, ^3- kame paribhunjantanam kamaparibhogacetanaya catusu apayesu @Footnote: ¹ cha.Ma. angarassujjalanam ² Si. anubujjhitva ³ Si. pariyetthidayajjamulakampi Dinnapatisandhimulakampi mahaparilaham dukkham uppajjati. Evametassa duvidhassapi dukkhassa vasena angarakasu viya mahaparilahati dittha honti. Dayanti atavim. Puratopi kantakoti purimapasse vijjhitukamo viya asannatthaneyeva thitakantako. Pacchatotiadisupi eseva nayo. Hettha pana padehi akkantatthanassa santike, na akkantatthaneyeva. ^1- Evam so kantakagabbham pavittho viya bhaveyya. Ma mam kantakoti ma mam kantako vijjhiti kantakavedham rakkhamano. Dandho bhikkhave satuppadoti satiya uppadoyeva dandho, uppannamattaya pana taya kaci kilesa niggahitava honti, na santhatum sakkonti. Cakkhudvarasmim hi ragadisu uppannesu dutiyajavanavarena ^2- "kilesa me uppanna"ti natva tatiye javanavare samvarajavanamyeva javati. Anacchariyam cetam, yam vipassako tatiye javanavare kilese nigganheyya. Cakkhudvare pana ittharammane apathagate bhavangam avattetva avajjanadisu uppannesu votthabbananantaram sampattakilesajavanavaram nivattetva kusalameva uppadeti. Araddhavipassakanam hi ayamanisamso bhavanapatisankhane patitthitabhavassa. Abhihatthum pavareyyunti sudinnattherassa viya ratthapalakulaputtassa viya ca kayena va satta ratanani abhiharitva vacaya va "amhakam dhanato yattakam icchasi, tattakam ganha"ti vadanta pavareyyum. Anudahantiti sarire palivethitatta unhaparilaham janetva anudahanti, sanjatasede va sarire lagganta anusentitipi attho. Yam hi tam bhikkhave cittanti idam yasma citte anavattante puggalassa avattanam nama natthi. Evarupanhi cittam anavattanti, ^3- tasma vuttam. Iti imasmim sutte vipassanabalameva dipitam. @Footnote: ¹ Si.,ka. akkantatthaneyeva va ² Ma. dutiyajavanavare @³ Si. evarupanca cittam na vattati

The Pali Atthakatha in Roman Book 13 page 113-114. http://84000.org/tipitaka/atthapali/read_rm.php?B=13&A=2473&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=2473&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=18&i=332 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=5092 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=4739 The Pali Tipitaka in Roman Character :- http://84000.org/tipitaka/read/roman_read.php?B=18&A=4739 Contents of The Tipitaka Volume 18 http://84000.org/tipitaka/read/?index_18