AtthaPali Vol.34

14. Timsanipata 472. 1. Subhajivakambavanikatherigathavannana timsanipate jivakambavanam rammantiadika subhaya jivakambavanikaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti sambhavitakusalamula ^1- anukkamena paribruhitavimokkhasambhara paripakkanana hutva imasmim buddhuppade rajagahe brahmanamahasalakule nibbatti, subhatissa namamahosi. Tassa kira sariravayava sobhanavannayutta ahesum, tasma subhati anvatthameva namam jatam. Sa satthu rajagahappavesane patiladdhasaddha upasika hutva aparabhage samsare jatasamvega kamesu adinavam disva nekkhammanca khemato sallakkhanti mahapajapatiya gotamiya santike pabbajitva vipassanaya kammam karonti katipaheneva anagamiphale patitthasi. Atha nam ekadivasam annataro rajagahavasi dhuttapuriso taruno pathamayobbane thito jivakambavane divaviharaya gacchantim disva patibaddhacitto hutva maggam ovaranto ^2- kamehi nimantesi. Sa tassa nanappakarehi kamanam adinavam attano ca nekkhammajjhasayam pavedenti dhammam kathesi. So dhammakatham sutvapi na patikkamati, nibandhatiyeva. Theri nam attano vacane atitthantam akkhimhi ca abhirattam disva "handa taya ^3- sambhavitam akkhin"ti attano ekam akkhim uppatetva tassa upanesi. Tato so puriso santaso ^4- samvegajato tattha vigataragova hutva therim khamapetva gato. Theri satthu santikam agamasi. Satthuno saha dassanenevassa akkhipatipakatikam ahosi. Tato sa buddhagataya pitiya nirantaram phuta hutva atthasi. Sattha @Footnote: ¹ Ma. samropitakusalamula ² Ma. varento ³ Si. tassa ⁴ Si. santasi Tassa cittavaram natva dhammam desetva aggamaggatthaya kammatthanam acikkhi. Sa pitim vikkhambhetva tavadeva vipassanam vaddhetva saha patisambhidahi arahattam papuni. Arahattam pana patva phalasukhena nibbanasukhena viharanti attano patipattim paccavekkhitva attana tena ca dhuttapurisena vuttagatha udanavasena:- [368] "jivakambavanam rammam gacchantim bhikkhunim subham dhuttako sannivaresi tamenam abravi subha. [369] Kim te aparadhitam maya yam mam ovariyana titthasi na hi pabbajitaya avuso puriso samphusanaya kappati. [370] Garuke mama satthusasane ya sikkha sugatena desita parisuddhapadam ananganam kim mam ovariyana titthasi. [371] Avilacitto anavilam sarajo vitarajam ananganam sabbattha vimuttamanasam kim mam ovariyana titthasi. [372] Dahara ca apapika casi kim te pabbajja karissati nikkhipa kasayacivaram ehi ramana supupphite vane. [373] Madhuranca pavanti sabbaso kusumarajena samutthita duma Pathamavasanto sukho utu ehi ramama supupphite vane. [374] Kusumitasikhara ca padapa abhigajjantiva maruterita ka tuyham rati bhavissati yadi eka vanamogahissasi. [375] Valamigasanghasevitam kunjaramattakarenulolitam asahayika gantumicchasi rahitam bhimsanakam mahavanam. [376] Tapaniyakatava dhitika vicarasi cittalateva ^1- acchara kasikasukhumehi vaggubhi sobhasi suvasanehi nupame. [377] Aham tava vasanugo siyam yadi viharemase kananantare na hi matthi taya piyattaro pano kinnarimandalocane. [378] Yadi me vacanam karissasi sukhita ehi agaramavasa pasadanivatavasini parikammam te karontu nariyo @Footnote: ¹ Si. cittaratheva [379] Kasikasukhumani dharaya abhiropehi ca malavannakam kancanamanimuttakam bahum vividham abharanam karomi te. [380] Sudhotarajapacchadam subham gonakatulikasanthatam navam abhiruha sayanam maharaham candanamanditasaragandhikam. [381] Uppalam cudaka samuggatam yatha tam amanussasevitam evam tvam brahmacarini sakesangesu jaram gamissasi. [382] Kim te idha sarasammatam kunapapuramhi susanavaddhane bhedanadhamme kalevare yam disva vimano udikkhasi. [383] Akkhini ca turiyariva kinnariyariva pabbatantare tava me nayanani dakkhiya bhiyyo kamarati pavaddhati. [384] Uppalasikharopamani te vimale hatakasannibhe mukhe Tava me nayanani dakkhiya bhiyyo kamaguno pavaddhati. [385] Api duragata saramhase ayatapamhe visuddhadassane na hi matthi taya piyattaro nayana kinnarimandalocane. [386] Apathena payatumicchasi candam kilanakam gavesasi merum langhetumicchasi yo tvam buddhasutam maggayasi. [387] Natthi hi loke sadevake rago yatthapi dani me siya napi nam janami kiriso atha maggena hato samulako. [388] Ingalakuyava ujjhito visapattoriva aggito kato ^1- napi nam passami kiriso atha maggena hato samulako. [389] Yassa siya apaccavekkhitam sattha va anupasito siya tvam tadisikam palobhaya janantim so imam vihannasi. @Footnote: ¹ Si. agghato hato [390] Mayham hi akkutthavandite sukhadukkhe ca sati upatthita sankhatamasubhanti janiya sabbattheva mano na limpati. [391] Saham sugatassa savika maggatthangikayanayayini uddhatasalla anasava sunnagaragata ramamaham. [392] Dittha hi maya sucittita sombha darukapillakani va tantihi ca khilakehi ca vinibaddha vividham panaccaka. [393] Tamhuddhate tantikhilake vissatthe vikale parikrite na vindeyya khandaso kate kimhi tattha manam nivesaye. [394] Tathupama dehakani mam tehi dhammehi vina na vattanti dhammehi vina na vattati kimhi tattha manam nivesaye. [395] Yatha haritalena makkhitam addasa cittikam bhittiya katam Tamhi te viparitadassanam sanna manusika niratthika. [396] Mayam viya aggato katam supinanteva suvannapadapam upagacchasi andha rittakam janamajjheriva rupparupakam. [397] Vattaniriva kotarohita majjhe pubbulaka saassuka pilakolika cettha jayati vividha cakkhuvidha ca pindita. [398] Uppatiya carudassana na ca pajjittha asangamanasa handa te cakkhum harassu tam tassa narassa adasi tavade. [399] Tassa ca viramasi tavade rago tattha khamapayi ca nam sotthi siya brahmacarini na puno edisakam bhavissati. [400] Asadiya edisam janam aggim pajjalitamva lingiya ganhiya asivisam viya api nu sotthi siya khamehi no. [401] Mutta ca tato sa bhikkhuni agami buddhavarassa santikam passiya varapunnalakkhanam cakkhu asi yatha puranakan"ti ima gatha paccudahasi. Tattha jivakambavananti jivakassa komarabhaccassa ambavanam. Rammanti ramaniyam. Tam kira bhumibhagasampattiya chayudakasampattiya ca rukkhanam ropitakarena ativiya manunnam manoramam. Gacchantinti ambavanam uddissa gatam, divaviharaya upagacchantim. Subhanti evamnamikam. Dhuttakoti itthidhutto. Rajagahavasi kireko mahavibhavassa suvannakarassa putto yuva abhirupo itthidhutto puriso matto ^1- vicarati. So tam patipathe disva patibaddhacitto maggam uparundhitva atthasi. Tena vuttam "dhuttako sannivaresi"ti, mama gamanam nisedhesiti attho. Tamenam abravi subhati tamenam nivaretva thitam dhuttam subha bhikkhuni kathesi. Ettha ca "gacchantim bhikkhunim subham, abravi subha"ti ca attanameva theri annam viya katva vadati. Theriya vuttagathanam sambandhadassanavasena sangitikarehi ayam gatha vutta. "abravi subha"ti vatva tassa vuttakaradassanattham aha "kim te aparadhitan"ti- adim. Tattha yam mam ovariyana titthasiti yena aparadhena mam gacchantim ovaritva gamanam nisedhetva titthasi, so natthevati adhippayo. Atha itthitisannaya evam patipajjasi, evampi na yuttanti dassenti aha "na hi pabbajitaya avuso, puriso samphusanaya kappati"ti, avuso suvannakaraputta lokiyacarittenapi purisassa pabbajitanam samphusanaya na kappati, pabbajitaya pana puriso tiracchanagatopi samphusanaya na kappati, titthatu tava purisaphusana, ^2- ragavasenassa nissaggiyena purisassa nissaggiyassapi phusana na kappateva. @Footnote: ¹ Si. purisamadamatto ² Ma. sariraphusana Tenaha "garuke mama satthusasane"tiadim. Tassattho:- garuke pasanacchattam viya garukatabbe mayham satthu sasane ya sikkha bhikkhuniyo uddissa sugatena sammasambuddhena desita pannatta. Tahi parisuddhapadam parisuddhakusalakotthasam ragadiangananam sabbaso abhavena ananganam evambhutam mam gacchantim kena karanena avaritva titthasiti. Avilacittoti cittassa avilabhavakaranam kamavitakkadinam vasena avilacitto tvam tadabhavato anavilam ragarajadinam vasena sarajo sangano tadabhavato vitarajam ananganam sabbattha khandhapancake samucchedavimuttiya vimuttamanasam mam kasma ovaritva titthasiti. Evam theriya vutte dhuttako attano adhippayam vibhavento "dahara ca"tiadina dasa gatha abhasi. Tattha daharati taruni pathame yobbane thita. Apapika casiti rupena alamika ca asi, uttamarupadhara cahositi adhippayo. Kim te pabbajja karissatiti tuyham evam pathamavaye thitaya rupasampannaya pabbajja kim karissati, vuddhaya bibhaccharupaya va pabbajitabbanti adhippayena vadati. Nikkhipati chaddehi. "ukkhipa"ti va patho, apanehiti attho. Madhuranti subham, sugandhanti attho. Pavantiti vayanti. Sabbasoti samantato. Kusumarajena samutthita dumati ime rukkha mandavatena samutthahamanakusumarenujatena attano kusumarajena sayam samutthita viya hutva samantato surabhi vayanti. Pathamavasanto sukho ututi ayam pathamo vasantamaso sukhasamphasso ca utu vattatiti attho. Kusumitasikharati supupphitagga. Abhigajjantiva maruteritati vatena sancalita abhigajjantiva abhitthanita ^1- viya titthanti. Yadi eka vanamogahissasiti sace tvam @Footnote: ¹ Si. abhitthunanta Ekika vanamogahissasi, ka nama te tattha rati bhavissatiti attana baddha- sukhabhirattatta evamaha. Valamigasanghasevitanti sihabyagghadivalamigasamuhehi tattha tattha upasevitam. Kunjaramattakarenulolitanti mattakunjarehi hatthinihi ca miganam cittatapanena rukkha- gacchadinam sakhabhanjanena ca alolitapadesam. Kincapi tasmim vane idisam tada natthi, vanam nama evarupanti tam bhimsapetukamo evamaha. Rahitanti janarahitam vijanam. Bhimsanakanti bhayajanakam. Tapaniyakatava dhitikati rattasuvannena vicarita dhitalika viya sukusalena yantacariyena yantayogavasena sajjita suvannapatima viya vicarasi, idaneva ^1- ito cito ca sancarasi. Cittalateva accharati cittalata ^2- namake uyyane devacchara viya. Kasikasukhumehiti kasiratthe uppannehi ativiya sukhumehi. Vaggubhiti siniddhamatthehi. ^3- Sobhasi suvasanehi nupameti nivasanaparupanavatthehi anupame upamarahite tvam idani me vasanugo sobhasiti bhavinam attano adhippayavasena ekantikam vattamanam viya katva vadati. Aham tava vasanugo siyanti ahampi tuyham vasanugo kimkarapatissavi bhaveyyam. Yadi viharemase kananantareti yadi mayam ubhopi vanantare saha vasama ramana. Na hi matthi taya piyattaroti vasanugabhavassa karanamaha. Panoti satto, anno kocipi satto taya piyataro mayham na hi atthiti attho. Athava panoti attano jivitam sandhaya vadati, mayham jivitam taya piyataram na hi atthiti attho. Kinnarimandalocaneti kinnariya viya mandaputhuvilocane. Yadi me vacanam karissasi, sukhita ehi agaramavasati sace tvam mama vacanam karissasi, ekasanam ekaseyyam brahmacariyadukkham pahaya ehi kamabhogehi sukhita @Footnote: ¹ Si. idani tvam ² Si. cittaratha ³ Si. siniddhamattehi Hutva agaram ajjhavasa. "sukhita heti agaramavasanti"ti keci pathanti, tesam sukhita bhavissati, agaram ajjhavasantiti attho. Pasadanivatavasiniti nivatesu pasadesu vasini. "pasadavimanavasini"ti ca patho, vimanasadisesu pasadesu vasiniti attho. Parikammanti veyyavaccam. Dharayati paridaha, nivasehi ceva uttariyanca karohi. Abhiropehiti mandana- vibhusanavasena va sariram aropaya, alankarohiti attho. Malavannakanti malanceva gandhavilepananca. Kancanamanimuttakanti kancanena manimuttahi ca yuttam, suvannamaya- manimuttahi khacitanti attho. Bahunti hatthupagadibhedato bahuppakaram. Vividhanti karanavikatiya nanavidham. Sudhotarajapacchadanti sudhotataya pavahitarajam uttaracchadam. Subhanti sobhanam. Gonakatulikasanthatanti dighalomakalakojavena ceva hamsalomadipunnaya tulikaya ca santhatam. Navanti abhinavam. Maharahanti mahaggham. Candanamanditasaragandhikanti gosisakadisara- candanena manditataya surabhigandhikam, evarupam sayanamaruha, tam aruhitva yathasukham sayahi ceva nisida cati attho. Uppalam cudaka samuggatanti cakaro nipatamattam, udakato uggatam utthitam accuggamma thitam suphullamuppalam. Yatha tam amanussasevitanti tanca rakkhasapariggahitaya pokkharaniya jatatta nimmanussehi sevitam kenaci aparibhuttameva bhaveyya. Evam tvam brahmacariniti evameva tam sutthu phullamuppalam viya tuvam brahmacarini. Sakesangesu attano sariravayavesu kenaci aparibhuttesuyeva jaram gamissasi, mudhayeva jarajinna bhavissasi. Evam dhuttakena attano adhippaye pakasite theri sarirasabhavavibhavanena tam tattha vicchindenti "kim te idha"ti gathamaha. Tassattho:- avuso suvanna- karaputta kesadikunapapure ekantena bhedanadhamme susanavaddhane idha imasmim Kayasannite asucikalevare kim nama tava saranti sammatam sambhavitam, yam disva vimano annatarasmim arammane vigatamanasankappo, ettheva va avimano somanassiko hutva udikkhasi, tam mayham kathehiti. Tam sutva dhuttako kincapi tassa rupam caturiyasobhitam, pathamadassanato pana patthaya yasmim ditthipate ^1- patibaddhacitto, tameva apadisanto "akkhini ca turiyariva"ti- adimaha. Kamancayam theri sutthu samyatataya santindriya, taya thiravippasannasommasantanayananipatesu kammanubhavanipphannesu pasannapancappasadapatimanditesu nayanesu labbhamane pabhavisitthacaturiye ^2- ditthipate yasma sayam caritahavabhavavilasadiparikappavancito so dhutto jato, tasmassa ^3- ditthirago savisesam vepullam agamasi. Tattha akkhini ca turiyarivati turi vuccati migi, casaddo nipatamattam, migacchapaya viya te akkhiniti attho. "koriyariva"ti ^4- va pali, kuncakarakukkutiyati ^5- vuttam hoti. Kinnariyariva pabbatantareti pabbatakucchiyam vicaramanaya kinnarivanitaya viya ca te akkhiniti attho. Tava me nayanani dakkhiyati tava vuttagunavisesani nayanani disva, bhiyyo uparupari me kamabhirati pavaddhati. Uppalasikharopamani teti rattuppalaaggasadisani pamhani tava. Vimaleti nimmale. Hatakasannibheti kancanarupakassa mukhasadise te mukhe, nayanani dakkhiyati yojana. Api duragatati duram thanam gatapi. Saramhaseti annam kinci acintetva tava nayanani eva anussarami. Ayatapamheti dighapakhume. Visuddhadassaneti nimmalalocane. Na hi matthi taya piyattaro nayanati tava nayanato anno koci mayham piyataro natthi. Tayati hi samiatthe eva karanavacanam. Evam cakkhusampattiya ummaditassa viya tam tam vippalapato tassa purisassa manoratham viparivattenti theri "apathena"tiadina dvadasa gatha abhasi. Tattha @Footnote: ¹ i. ditthipase ² Si. sabhavasiddha... ³ i. yasma yam ⁴ Si. cakoriyarivati @⁵ Si. cakora... Apathena payatumicchasiti avuso suvannakaraputta sante annasmim itthijane yo tvam buddhasutam buddhassa bhagavato orasadhitaram mam maggayasi patthesi, so tvam sante kheme ujumagge apathena kantakanivutena sabhayena kummaggena payatumicchasi patipajjitu- kamosi, candam kilanakam gavesasi candamandalam kilagolakam katukamosi, merum langhetumicchasi caturasitiyojanasahassubbedham sinerupabbatarajam langhayitva aparabhage thatukamosi, so tvam mam buddhasutam maggayasiti yojana. Idani tassa attano avisayabhavam patthanaya ca vighatavahatam dassetum "natthi"ti- adi vuttam. Tattha rago yatthapi dani me siyati yattha idani me rago siya bhaveyya, tam arammanam sadevake loke natthi eva. Napi nam janami kirisoti nam ragam kirisotipi na janami. Atha maggena hato samulakoti athati nipatamattam. Ayonisomanasikarasankhatena mulena samulako rago ariyamaggena hato samugghatito. Ingalakuyati angarakasuya. Ujjhitoti vatukkhitto viya yo koci, dahaniya indhanam viyati attho. Visapattorivati visagatabhajanam viya. Aggito katoti aggito angarato apagato kato 1-, visassa lesampi asesetva apanito ^2- vinasitoti attho. Yassa siya apaccavekkhitanti yassa itthiya idam khandhapancakam nanena appativekkhitam aparinnatam siya. Satta va anusasito siyati satta ^3- va dhamma- sarirassa adassanena yassa itthiya ananusasito ^4- siya. Tvam tadisikam palobhayati avuso tvam tatharupam aparimadditasankharam apaccavekkhitalokuttaradhammam kamehi palobhaya upagaccha. ^5- Janantim so imam vihannasiti so tvam ^6- pavattim nivattinca yathavato janantim patividdhasaccam imam subham bhikkhunim agamma vihannasi, sampati ayatinca vighatam dukkham apajjasi. @Footnote: ¹ Si.,i. agghato hatoti agghato abhihato, appagghanako kato ² Si. apanihito @³ Si. sattha ⁴ Si. anupasito ⁵ Si. upacchandaya ⁶ Si. imam Idanissa vighatapattitam karanavibhavanena dassenti "mayham hi"tiadimaha. Tattha hiti hetuatthe nipato. Akkutthavanditeti akkose vandanaya ca. Sukhadukkheti sukhe ca dukkhe ca, itthanitthavisayasamayoge va. Sati upatthitati paccavekkhanayutta sati sabbakalam upatthita. Sankhatamasubhanti janiyati tebhumakam sankharagatam kilesasucipaggharanena asubhanti natva. Sabbatthevati sabbasmimyeva bhavattaye mayham mano tanhalepadina na upalimpati. Maggatthangikayanayayiniti atthangikamaggasankhatena ariyayanena nibbanapuram yayini upagata. Uddhatasallati attano santanato samuddhataragadisalla. Sucittitati hatthapadamukhadiakarena sutthu cittita viracita. Sombhati sumbhaka. Darukapillakani vati darudandadihi uparacitarupakani. Tantihiti nharusuttakehi. Khilakehiti hatthapadapitthikannadiatthaya thapitadandehi. Vinibaddhati vividhenakarena baddha. ^1- Vividham panaccakati yantasuttadinam anchanavissajjanadina patthapitanaccaka, panaccanta viya ditthati yojana. Tamhuddhate tantikhilaketi sannivesavisittharacanavisesayuttam upadaya rupakasamanna tamhi tantimhi khilake ca thanato uddhate bandhato vissatthe visum karanena annamannam vikale tahim tahim khipanena parikrite vikirite. Na vindeyya khandaso kateti potthakarupassa avayave khandakhandite kate potthakarupam na vindeyya na upalabheyya. Evam sante kimhi tattha manam nivesaye tasmim potthakarupavayave kimhi kim khanuke, udahu rajjuke, mattikapindadike va manam manasannam niveseyya, visankhare avayave sa sanna kadacipi napateyyati attho. Tathupamati tamsadisa tena potthakarupena sadisa. Kinti ce aha "dehakani"ti- adim. Tattha dehakaniti hatthapadamukhadidehavayava. Manti me patibaddha upatthahanti. @Footnote: ¹ Ma.,i. bandha Tehi dhammehiti tehi pathaviadihi ca cakkhadihi ca dhammehi. Vina na vattantiti na hi tatha tatha sannivitthe pathaviadidhamme muncitva deha nama santi. Dhammehi vina na vattatiti deho avayavehi avayavadhammehi vina na vattati na upalabbhati. Evam sante kimhi tattha manam nivesayeti kimhi kim pathaviyam, udahu apadike dehoti va hatthapadadiniti va manam manasannam niveseyya. Yasma pathaviadipasadadhammamatte esa samanna, yadidam dehoti va hatthapadadiniti va sattoti va itthiti va purisoti va, tasma na ettha janato koci abhiniveso hotiti. Yatha haritalena makkhitam, addasa cittikam bhittiya katanti yatha kusalena cittakarena bhittiyam haritalena makkhitam littam tena lepam datva katam alikhitam cittikam itthirupam addasa passeyya. Tattha ya upathambhanakhepanadikiriyasampattiya manusika nu kho ayam bhitti apassaya thitati sanna, sa niratthaka manussabhava- sankhatassa atthassa tattha abhavato, manusiti pana kevalam tahim tassa ca viparitadassanam, yathavato gahanam na hoti, dhammapunjamatte itthipurisadigahanampi evam sampadamidam datthabbanti adhippayo. Mayam viya aggato katanti mayakarena purato upatthapitam mayasadisam. Supinanteva suvannapadapanti supinameva supinantam, tattha upatthitasuvannamayarukkham viya. Upagacchasi andha rittakanti andhabala rittakam tucchakam antosararahitam imam attabhavam "etam mama"ti saravantam viya upagacchasi abhinivisasi. Janamajjheriva rupparupakanti mayakarena mahajanamajjhe dassitam rupiyarupasadisam saram viya upatthahantam, asaranti attho. Vattanirivati lakhaya gulika viya. Kotarohitati kotare rukkhasusire thapita. Majjhe pubbulakati akkhidalamajjhe thitajalapubbulasadisa. Saassukati assujalasahita. Pilakolikati akkhiguthako. Ettha jayatiti etasmim akkhimandale ubhosu kotisu visagandham vayanto nibbattati. Pilakolikati va akkhidalesu nibbattanaka pilaka vuccati. Vividhati setanilamandalananceva rattapitadinam sattantam patalananca vasena anekavidha. Cakkhuvidhati cakkhubhaga cakkhuppakara va tassa anekakalapagatabhavato ^1-. Pinditati samudita. Evam cakkhusmim sarajjantassa cakkhuno asubhatam anavatthitataya aniccatanca vibhavesi. Vibhavetva ca yatha nama koci lobhaniyam bhandam gahetva corakantaram patipajjanto corehi palibuddho tam lobhaniyabhandam datva gacchati, evameva cakkhumhi sarattena tena purisena palibuddha theri attano cakkhum uppatetva tassa adasi. Tena vuttam "uppatiya carudassana"tiadi. Tattha uppatiyati uppatetva cakkhu- kupato niharitva. Carudassanati piyadassana manoharadassana. Na ca pajjitthati tasmim cakkhusmim sangam napajji. Asangamanasati katthacipi arammane anasattacitta. Handa te cakkhunti taya kamitam tato eva maya dinnatta te cakkhusannitam asucipindam ganha, gahetva harassu pasadayuttam icchitam thanam nehi. Tassa ca viramasi tavadeti tassa dhuttapurisassa tavadeva akkhimhi uppatitak- khane eva rago vigacchi. Tatthati akkhimhi, tassam va theriyam. Athava tatthati tasmimyeva thane. Khamapayiti khamapesi. Sotthi siya brahmacariniti setthacarini mahesike tuyham arogyameva bhaveyya. Na puno edisakam bhavissatiti ito param evarupam anacaracaranam na bhavissati, na karissamiti attho. Asadiyati ghattetva. Edisanti evarupam sabbattha vitaragam. Aggim pajjalitamva lingiyati pajjalitam aggim alingetva viya. @Footnote: ¹ Si. anekakunapaggahana... Tatoti tasma dhuttapurisa. Sa bhikkhuniti sa subha bhikkhuni. Agami buddhavarassa santikanti sammasambuddhassa santikam upagacchi upasankami. Passiya varapunna- lakkhananti uttamehi punnasambharehi nibbattamahapurisalakkhanam disva. Yatha puranakanti poranakam viya uppatanato pubbe viya cakkhu patipakatikam ahosi. Yamettha antarantara na vuttam, tam vuttanayatta suvinneyyameva. Subhajivakambavanikatherigathavannana nitthita. Timsanipatavannana nitthita. -------------

The Pali Atthakatha in Roman Book 34 page 309-325. http://84000.org/tipitaka/atthapali/read_rm.php?B=34&A=6632&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=6632&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=472 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9927 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9954 The Pali Tipitaka in Roman Character :- http://84000.org/tipitaka/read/roman_read.php?B=26&A=9954 Contents of The Tipitaka Volume 26 http://84000.org/tipitaka/read/?index_26