AtthaPali Vol.47

29-31. Nanattayaniddesavannana [78] Nanattayaniddese nimittanti sankharanimittam. Animitteti sankhara- nimittapatipakkhe nibbane. Adhimuttattati tanninnabhavena cittassa vissatthatta. Phussa phussa vayam passatiti sankharanimittam nanena phussitva phussitva tassa bhangam vipassanananeneva passati. Etena bhanganupassana siddha. Sa aniccanupassanam sadheti, aniccassa dukkhatta sa dukkhanupassanam, dukkhassa anattatta sa anattanupassananti evamettha tisso anupassana vutta honti. Animitto viharoti nimittam bhayato ditthatta so vipassanattayaviharo animitta- viharo nama hoti. Panidhinti tanham. Appanihiteti tanhapatipakkhe nibbane. Abhinivesanti attabhinivesam. Sunnateti attavirahite nibbane. Sunnatoti sunnamyeva sunnato. Pavattam ajjhupekkhitvati vipakappavattam sankharupekkhaya ajjhupekkhitva. Sugatisankhatavipakapavattabhinandino hi satta. Ayam pana phalasamapattim samapajjitukamo tampi pavattam, sabbanca sankharagatam aniccadito passitva ajjhupekkhatiyeva. Evam hi ditthe phalasamapattim samapajjitum sakkoti, na annatha. Avajjitvati avajjanena avajjitva. Samapajjatiti phalasamapattim patipajjati. Animitta samapattiti nimittam bhayato disva samapannatta animitta samapatti nama. Animittaviharasamapattiti vipassanaviharavasena ca phalasamapattivasena ca tadubhayam nama hoti. [79] Idani sankharanimittameva vibhajjetva dassento rupanimittantiadimaha. Jaramaranaggahane vattabbe pubbe vuttameva. "anno animittaviharo"tiadihi vutteyeva nigametva dasseti. Sankhepena viharatthe nanam nama phalasamapattiya pubbabhage sankharupekkhanane thitassa vipassanaviharananatte nanam. Samapattatthe nanam nama phalasamapattinanatte nanam viharasamapattatthe nanam Nama tadubhayananatte nanam. Vipassanavihareneva vitinametukamo vipassana- viharameva pavatteti, phalasamapattivihareneva vitinametukamo vipassanapatipatiya ussakkitva phalasamapattiviharameva pavatteti, tadubhayena vitinametukamo tadubhayam pavatteti. Evam puggaladhippayavasena tividham jatam. Sesamettha vattabbam sankharupekkhananavannanayam vuttameva. Nanattayaniddesavannana nitthita. -----------

The Pali Atthakatha in Roman Book 47 page 323-324. http://84000.org/tipitaka/atthapali/read_rm.php?B=47&A=7211&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7211&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=202 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2234 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=2676 The Pali Tipitaka in Roman Character :- http://84000.org/tipitaka/read/roman_read.php?B=31&A=2676 Contents of The Tipitaka Volume 31 http://84000.org/tipitaka/read/?index_31