|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Isigilisuttavannana [133] Evamme sutanti isigilisuttam. Tattha annava samanna ahositi isigilissa isigiliti samannaya uppannakale vebharo na vebharoti pannayittha, annayevassa samanna ahosi. Anna pannattiti idam purimapadasseva vevacanam. Sesesupi eseva nayo. Tada kira bhagava sayanhasamaye samapattito vutthaya gandhakutito nikkhamitva yasmim thane nisinnanam panca pabbata pannayanti, tattha bhikkhusamghaparivuto nisiditva ime panca pabbate patipatiya acikkhi. Tattha na bhagavato pabbatehi attho atthi, iti imesu pana pabbatesu patipatiya kathiyamanesu isigilissa isigilibhavo kathetabbo hoti, tasmim kathiyamane padumavatiya puttanam pancasatanam paccekabuddhanam namani ceva padumatiya ca patthana kathetabba bhavissatiti bhagava imam pancapabbatapatipatim 1- acikkhi. Pavisanta dissanti pavittha na dissantiti yathaphasukatthane pindaya caritva katabhattakicca agantva cetiyagabbhe yamakamahadvaram vivaranta viya tam pabbatam dvedha katva anto pavisitva rattitthanadivatthanani mapetva tattha vasimsu, tasma evamaha. Ime isiti ime paccekabuddha iSi. Kada pana te tattha vasimsu? atite kira anuppanne tathagate Baranasim upanissaya ekasmim gamake eka kuladhita khettam rakkhamana ekassa paccekabuddhassa pancahi lajasatehi 2- saddhim ekam padumapuppham datva panca puttasatani patthesi, tasmimyeva ca khane pancasata migaluddaka madhuramamsam datva "etissa putta bhaveyyama"ti patthayimsu. Sa yavatayukam thatva devaloke nibbatta, tato cuta jatassare padumagabbhe nibbatti. Tameko tapaso disva patijaggi. Tassa vicarantiyava paduddhare paduddhare bhumito 3- padumani utthahanti. Eko vanacarako disva baranasiranno @Footnote: 1 Si.,ka. pabbatapatipatim 2 cha.Ma. lakhasatehi 3 Si. paduddhare paduddharabhumito--------------------------------------------------------------------------------------------- page91.
Arocesi, raja nam aharapetva 1- aggamahesim akasi, tassa gabbho santhasi, mahapadumakumaro matukucchiyam vasi. Sesa gabbhamalam nissaya nibbatta. Vayappatta uyyane padumassare kilanta ekekasmim padume nisiditva khayavayam patthapetva paccekabodhinanam nibbattayimsu. Ayam tesam byakaranagatha ahosi:- "saroruham padumapalasapattajam supupphitam bhamaragananucinnam aniccatayupagatam viditva eko care khaggavisanakappo"ti. Tasmim kale te tattha vasimsu, tada cassa pabbatassa isigiliti samanna udapadi. [135] Ye sattasarati arittho uparittho taggarasikhi yasassi sudassano piyadassi gandharo pindolo upasako ca nito tatho sutava bhavitattoti terasannam paccekabuddhanam namani vatva idani tesanca annesanca gathabandhena namani acikkhanto ye sattasaratiadimaha. Tattha sattasarati sattanam sarabhuta. Anighati niddukkha. Nirasati nittanha. Dve jalinoti culajali mahajaliti dve jalinamaka. Santacittoti idampi ekassa namameva. Passi jahi upadhidukkhamulanti ettha passi nama so paccekabuddho, dukkhassa pana mulam upadhim jahiti ayamassa thuti. Aparajitotipi ekassa namameva. Sattha pavatta sarabhango lomahamso uccangamayoti ime panca jana. Asito anasavo manomayoti imepi tayo jana. Manacchido ca bandhumati bandhuma nama eko, manassa pana chinnatta manacchidoti vutto. Tadadhimuttotipi namameva. @Footnote: 1 Si., ka. anetva--------------------------------------------------------------------------------------------- page92.
Ketumbarago ca matango ariyoti ime tayo jana. Athaccutoti atha accuto. Accutagamabyamakoti 1- ime dve jana. Khemabhirato ca soratoti ime dveyeva. Sayho anomanikkamoti sayho nama so buddho, anomaviriyatta pana anomanikkamoti vutto. Anando nando upanando dvadasati cattaro ananda, cattaro nanda cattaro upanandati evam dvadasa. Bharadvajo antimadehadhariti bharadvajo nama so buddho, antimadehadhariti thuti. Tanhacchidoti sikharissayam 2- thuti. Vitaragoti mangalassa thuti. Usabhacchida jalinim dukkhamulanti usabho nama so buddho dukkhamulabhutajalinim acchidati attho. Santam padam ajjhagamupanitoti upanito nama so buddho santam padam ajjhagama. Vitaragotipi ekassa namameva. Suvimuttacittoti ayam kanhassa thuti. Ete ca anne cati ete paliyam agata ca paliyam anagata anne ca etesam ekanamakayeva. Imesu hi pancasu paccekabuddhasatesu dvepi tayopi dasapi dvadasapi anandadayo viya ekanamaka ahesum. Iti paliyam agatanameheva sabbesam namani vuttani hontiti ito param visum visum avatva "ete ca anne ca"ti aha. Sesam sabbattha uttanamevati. Papancasudaniya majjhimanikayatthakathaya isigilisuttavannana nitthita. -------------The Pali Atthakatha in Roman Book 10 page 90-92. http://84000.org/tipitaka/atthapali/read_rm.php?B=10&A=2296&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=2296&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=247 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=3647 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=3483 The Pali Tipitaka in Roman Character :- http://84000.org/tipitaka/read/roman_read.php?B=14&A=3483 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]