AtthaPali Vol.12

6. Sihasuttavannana [78] Chatthe sihoti cattaro siha:- tinasiho kalasiho pandusiho kesarasihoti. Tesu tinasiho kapotavannagavisadiso tinabhakkho ca hoti. Kalasiho kalagavisadiso tinabhakkhoyeva. Pandusiho pandupalasavannagavisadiso mamsabhakkho. Kesarasiho lakharasaparikammakateneva mukhena agganangutthena catuhi ca padapariyantehi samannagato matthakatopissa patthaya lakhatulikaya kata viya tisso rajiyo pitthimajjhena gantva antarasatthimhi dakkhinavatta hutva thita, khandhe panassa satasahassagghanikakambalaparikkhepo viya kesarabharo hoti, avasesatthanam parisuddham salipitthasankhacunnapicuvannam hoti. Imesu catusu sihesu ayam kesarasiho idha adhippeto. Migarajati migaganassa raja. Asayati vasanatthanato suvannaguhato va rajatamaniphalikamanosilaguhato va nikkhamatiti vuttam hoti. Nikkhamamano panesa catuhi karanehi nikkhamati andhakarapilito va alokatthaya uccarapassavapilito va tesam vissajjanatthaya jighacchapilito va gocaratthaya sambhavapilito va asaddhammapatisevanatthaya. Idha pana gocaratthaya nikkhantoti adhippeto. @Footnote: ¹ Si. pancame ² cha.Ma. kakiyamane

--------------------------------------------------------------------------------------------- page312.

Vijambhatiti suvannatale ^1- va rajatamaniphalikamanosilatalanam va annatarasmim dve pacchimapade samam patitthapetva purimapade purato pasaretva sarirassa pacchabhagam akaddhitva purimabhagam abhiharitva pitthim nametva givam ukkhipitva asanisaddam karonto viya nasaputani pothetva sariralaggarajam vidhunanto vijambhati. Vijambhanabhumiyanca pana tarunavacchako viya aparaparam javati. Javato panassa sariram andhakare paribbhamantam alatam viya khayati. Anuviloketiti kasma anuviloketi? paranuddayataya. Tasmim kira sihanadam Nadante papatavatadisu visamatthanesu caranta hatthigokannamahimsadayo pana papatepi avatepi patanti, tesam anuddayaya anuviloketi. Kim panassa luddakammassa paramamsakhadino anuddaya nama atthiti? ama atthi. Tatha hesa "kim me bahuhi ghatitehi"ti attano gocaratthayapi khuddake pane na ganhati, evam anuddayam karoti. Vuttampi "maham khuddake pane visamagate sanghatam apadesin"ti ^2- sihanadam nadatiti tikkhattum tava abhitanadam nadati. Evanca panassa vijambhanabhumiyam thatva nadantassa saddo samanta tiyojanam padesam ekaninnadam karoti, tamassa ninnadam sutva tiyojanabbhantaragata dipadacatuppadagana yathathane thatum na sakkonti. Gocaraya pakkamatiti aharatthaya gacchati. Katham? so hi vijambhanabhumiyam thatva dakkhinato va vamato va pacchato va ^3- uppatanto usabhamattam thanam ganhati, uddham uppatanto cattaripi atthapi usabhani uppatati, samatthane ujukam pakkhandanto solasausabhamattampi visatiusabhamattampi thanam pakkhandati, thala va pabbata va pakkhandanto satthiusabhamattampi asitiusabhamattampi thanam pakkhandati, antaramagge rukkham va pabbatam va disva tam pariharanto @Footnote: ¹ Ma. suvannaphalake ² an. dasaka. 24/21/26 @³ cha.Ma. pacchato vati patho na dissati

--------------------------------------------------------------------------------------------- page313.

Va dakkhinato va uddham va ^1- usabhamattampi apakkamati. Tatiyam pana sihanadam naditva teneva saddhim tiyojane thane pannayati. Tiyojanam gantva nivattitva thito attanova nadassa anunadam sunati. Evam sighena javena pakkamatiti. Yebhuyyenati payena. Bhayam samvegam santasanti sabbam cittutrasasseva namam. Sihassa hi saddam sutva bahu satta bhayanti, appaka na bhayanti. Ke pana teti? samasiho hatthajaniyo assajaniyo usabhajaniyo purisajaniyo Khinasavoti. Kasma panete na bhayantiti? samasiho nama "jatigottakulasurabhavehi Samanosmi"ti na bhayati, hatthajaniyadayo attano sakkayaditthibalavataya na bhayanti, khinasavo sakkayaditthiya pahinatta na bhayati. Bilasayati bile sayanta bilavasino ahinakulagodhadayo. Dakasayati udakavasino macchakacchapadayo. Vanasayati vanavasino hatthiassagokannamigadayo. Pavisantiti "idani agantva ganhissati"ti maggam olokentova pavisanti. Dalheiti thirehi. Varattehiti cammarajjuhi. Mahiddhikotiadisu vijambhanabhumiyam thatva dakkhinapassadihi usabhamattam, ujukam visatiusabhamattadilanghanavasena mahiddhikata, sesamiganam adhipatibhavena mahesakkhata samanta tiyojane saddam sutva palayantanam vasena mahanubhavata veditabba. Evameva khoti bhagava tesu tesu suttesu tatha tatha attanam kathesi. "sihoti kho bhikkhave tathagatassetam adhivacanam arahato sammasambuddhassa"ti ^2- imasmim tava sutte sihasadisam attanam kathesi. "bhisakko sallakattoti kho sunakkhatta tathagatassetam adhivacanan"ti ^3- imasmim vejjasadisam. "brahmanoti bhikkhave tathagatassetam adhivacanan"ti ^4- imasmim brahmanasadisam. "puriso maggakusaloti kho tissa tathagatassetam adhivacanan"ti ^5- imasmim maggadesakapurisasadisam. "rajahamasmi @Footnote: ¹ cha.Ma. uddhamvati patho na dissati @² an pancaka. 22/99/137 (sya), an. dasaka. 24/21/26 @³ Ma.u. 14/65/48 ⁴ an. atthaka. 23/192/352 (sya) @⁵ sam.kha. 17/84/87 ^6. khu.su. 25/560/447

--------------------------------------------------------------------------------------------- page314.

Sela"ti imasmim rajasadisam. "sihoti kho tathagatassetam adhivacanan"ti ^1- imasmim pana sutte sihasadisameva katva attanam kathento evamaha. Tatrayam sadisata:- sihassa kancanaguhadisu vasanakalo viya hi tathagatassa dipankarapadamule katabhiniharassa aparimitakalam paramiyo puretva pacchimabhave patisandhiggahanena ceva matukucchito nikkhamanena ca dasasahassilokadhatum kampetva vuddhimanvaya dibbasampattisadisam sampattim anubhavamanassa tisu pasadesu nivasanakalo datthabbo. Sihassa kancanaguhadito nikkhantakalo viya tathagatassa ekunatimse ^2- samvacchare vivatena dvarena kanthakam ^3- aruyha channasahayassa nikkhamitva tini rajjani atikkamitva anomanaditire brahmuna dinnani kasayani ^4- paridahitva pabbajitassa sattame divase rajagaham gantva tattha pindaya caritva pandavagiripabbhare katabhattakiccassa sammasambodhim patva pathamameva magadharattham agamanatthaya yava ranna ^5- patinnadanakalo. Sihassa vijambhanakalo viya tathagatassa ninnapatinnassa alarakalamaupasankamanam adim katva yava sujataya dinnapayasassa ekunapannasaya pindehi paribhuttakalo veditabbo. Sihassa kesaravidhunanam viya sayanhasamaye sotthiyena ^6- dinna atthatinamutthiyo gahetva dasasahassacakkavaladevatahi thomiyamanassa gandhadihi pujiyamanassa tikkhattum bodhim padakkhinam katva bodhimandam aruyha cuddasahatthubbedhe thane tinasantharam santharitva caturangaviriyam adhitthaya nisinnassa tamkhanamyeva marabalam vidhamitva tisu yamesu tisso vijja visodhetva anulomapatilomam paticcasamuppadamahasamuddam yamakananamanthanena manthentassa sabbannutanane patividdhe tadanubhavena dasasahassilokadhatukampanam veditabbam. Sihassa catuddisavilokanam viya patividdhasabbannutananassa sattasattaham bodhimande viharitva paribhuttamadhupindikaharassa ajapalanigrodhamule mahabrahmuno @Footnote: ¹ an. pancaka. 22/99/137 (sya), an. dasaka. 24/21/36 @² Si. ekunatimsatime ³ Si. kanthakam ⁴ Ma.,ka. kasavani @⁵ Ma. magadharanno ⁶ cha.Ma. sottiyena

--------------------------------------------------------------------------------------------- page315.

Dhammadesanayacanam patiggahetva tattha viharantassa ekadasame divase "sve asalhapunnama bhavissati"ti paccusasamaye "kassa nu kho aham pathamam dhammam deseyyan"ti alarudakanam kalakatabhavam natva dhammadesanatthaya pancavaggiyanam olokanam datthabbam. Sihassa gocaratthaya tiyojanam gamanakalo viya attano pattacivaramadaya "pancavaggiyanam dhammacakkam pavattessami"ti pacchabhatte ajapalanigrodhato vutthitassa attharasayojanamaggam gamanakalo. Sihanadakalo viya tathagatassa attharasayojanamaggam gantva pancavaggiye sannapetva acalapallanke nisinnassa dasahi cakkavalasahassehi sannipatitena devaganena parivutassa "dveme bhikkhave anta pabbajitena na sevitabba"tiadina ^1- nayena dhammacakkappavattanakalo veditabbo. Imasminca pana pade desiyamane tathagatasihassa dhammaghoso hettha avicim upari bhavaggam gahetva dasasahassilokadhatum paticchadesi. Sihassa saddena khuddakapananam santasam apajjanakalo viya tathagatassa tini lakkhanani dipetva cattari saccani solasahakarehi satthiya ca ^2- nayasahassehi vibhajitva dhammam kathentassa dighayukadevatanam nanasantasassa uppattikalo veditabbo. Yadati yasmim kale. Tathagatoti atthahi karanehi bhagava tathagato:- tatha agatoti tathagato, tatha gatoti tathagato, tathalakkhanam agatoti tathagato, tathadhamme yathavato abhisambuddhoti tathagato, tathadassitaya tathagato, tathavaditaya tathagato, tathakaritaya tathagato. Abhibhavanatthena tathagatoti. Tesam vittharo brahmajalavannanayampi mulapariyayavannanayampi vuttoyeva. Loketi sattaloke. Uppajjatiti abhiniharato patthaya yava bodhipallanka va arahattamagganana @Footnote: ¹ vi. maha. 4/13/13, sam. maha. 19/1081/367 ² ka. saddhim yava

--------------------------------------------------------------------------------------------- page316.

Va uppajjati nama, arahattaphale pana patte uppanno nama. Araham sammasambuddhotiadini visuddhimagge buddhanussatiniddese vittharitani. Iti rupanti idam rupam ettakam rupam, na ito bhiyyo rupam atthiti. Ettavata sabhavato sarasato pariyantato paricchedato paricchindanato ^1- yavata cattaro ca mahabhuta catunnanca mahabhutanam upadayarupam, tam sabbam dassitam hoti. Iti rupassa samudayoti ayam rupassa samudayo nama. Ettavata hi "aharasamudaya rupasamudayo"tiadi sabbam dassitam hoti. Iti rupassa atthangamoti ayam rupassa atthangamo. Iminapi "aharanirodha rupanirodho"tiadi sabbam dassitam hoti. Iti vedanatiadisupi eseva nayo. Vannavantoti sariravannena vannavanto. Dhammadesanam sutvati imam pancasu khandhesu pannasalakkhanapatimanditam tathagatassa dhammadesanam sutva. Yebhuyyenati idha loke thapetva ariyasavakadeve. Tesanhi khinasavatta cittutrasabhayampi na uppajjati, samviggassa yoniso padhanena pattabbam pattataya nanasamvegopi. Itaresam pana devanam "taso heso bhikkhu"ti aniccatam manasikarontanam cittutrasabhayampi, balavavipassanakale ^2- nanabhayampi na uppajjati. Bhoti dhammalapanamattametam sakkayapariyapannati pancakkhandhapariyapanna. Iti tesam sammasambuddhe vattadosam dassetva tilakkhanahatam katva dhammam desente nanabhayam nama okkamati. Abhinnayati janitva. Dhammacakkanti pativedhananampi desanananampi. Pativedhananam nama yena nanena bodhipallanke nisinno cattari saccani solasahakarehi satthiya ca nayasahassehi pativijjhi. Desanananam nama yena nanena tiparivattam dvadasakaram dhammacakkam pavattesi. Ubhayampi tam dasabalassa @Footnote: ¹ Si. parivatumato ² Ma. balavavipassanakarena

--------------------------------------------------------------------------------------------- page317.

Ure jatananameva. Tesu idha desanananam gahetabbam. Tam panesa yava attharasahi brahmakotihi saddhim annakondannattherassa sotapattiphalam uppajjati, tava pavatteti nama. Tasmim uppanne pavattitam nama hotiti veditabbam. Appatipuggaloti sadisapuggalarahito. Yasassinoti parivarasampanna. Tadinoti labhalabhadihi ekasadisassa. Chattham.

The Pali Atthakatha in Roman Book 12 page 311-317. http://84000.org/tipitaka/atthapali/read_rm.php?B=12&A=6850&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=12&A=6850&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=16&i=329 เนื้อความพระไตรปิฎกฉบับหลวง :- http://84000.org/tipitaka/read/r.php?B=16&A=3670 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=16&A=3389 The Pali Tipitaka in Roman Character :- http://84000.org/tipitaka/read/roman_read.php?B=16&A=3389 Contents of The Tipitaka Volume 16 http://84000.org/tipitaka/read/?index_16