AtthaPali Vol.13

6. Adittasuttavannana [28] Chatthe gayasiseti gayagamassa hi avidure gayati eka pokkharanipi atthi nadipi, gayasisanamako hatthikumbhasadiso pitthipasanopi, yattha bhikkhusahassassapi okaso pahoti, bhagava tattha viharati. Tena vuttam "gayasise"ti. Bhikkhu amantesiti tesam sappayadhammadesanam vicinitva tam desessamiti amantesi. Tatrayam anupubbikatha:- ito kira dvanavute kappe mahindo nama raja ahosi. Tassa jetthaputto pusso ^1- nama, so puritaparami pacchimabhavikasatto, paripakagate nane bodhimandam aruyha sabbannutam pativijjhi. Ranno kanitthaputto tassa aggasavako ahosi, purohitaputto dutiyasavako. Raja cintesi "mayham jetthaputto nikkhamitva buddho jato, kanitthaputto aggasavako, purohitaputto dutiyasavako"ti. So "amhakamyeva buddho, amhakam dhammo, amhakam samgho"ti viharam karetva viharadvarakotthakato yava attano gharadvara ubhato @Footnote: ¹ cha.Ma. phusso

--------------------------------------------------------------------------------------------- page8.

Velubhittikutikahi ^1- parikkhipitva matthake suvannatarakakhacita- samosaritagandhadamamaladamavitanam bandhapetva hettha rajatavannam valikam santharitva pupphani vikirapetva tena maggena bhagavato agamanam karesi. Sattha viharasmimyeva thito civaram parupitva antosaniyava saddhim bhikkhusamghena rajageham agacchati, katabhattakicco antosaniyava gacchati. Koci katacchubhikkhamattampi datum na labhati. Tato nagara ujjhayimsu "buddho loke uppanno, na ca mayam punnani katum labhama. Yatha hi candimasuriya sabbesam alokam karonti, evam buddha nama sabbesam hitatthaya uppajjanti, ayam pana raja sabbesam punnacetanam ^2- attanoyeva anto paveseti"ti. Tassa ca ranno anne tayo putta atthi, nagara tehi saddhim ekato hutva sammantayimsu "rajakulehi saddhim atto nama natthi, ekam upayam karoma"ti. Te paccante core utthapetva "katipaya gama pahata"ti sasanam aharapetva ranno arocayimsu. Raja putte pakkosapetva "tata aham mahallako, gacchatha core vupasametha"ti pesesi. Payuttacora ito cito ca avippakiritva ^3- tesam santikameva agamimsu. Te anavase gameva pesetva ^4- "vupasamita cora"ti agantva rajanam vanditva atthamsu. Raja tuttho "tata varam vo demi"ti aha. Te adhivasetva gantva nagarehi saddhim mantayimsu "ranna amhakam varo dinno, kim ganhama"ti. Ayyaputta tumhakam hatthiassadayo na dullabha, buddharatanam pana dullabham, na sabbakalam uppajjati, tumhakam jetthabhatikassa pussabuddhassa patijagganavaram @Footnote: ¹ Si. velukitikahi, ka. velukatthakahi ² Si. punnakkhettam @³ ka. vippakiritva ⁴ cha.Ma. game vasetva

--------------------------------------------------------------------------------------------- page9.

Ganhathati. Te "evam karissama"ti nagaranam patissunitva katamassukamma nhatanulitta ^1- ranno santikam gantva "deva no varam detha"ti yacimsu. Kim ganhissatha tatati. Deva amhakam hatthiassadihi attho natthi, jetthabhatikassa no pussabuddhassa ^2- patijagganavaram dethati. "ayam varo na sakka maya jivamanena datun"ti dve kanne pidahi. ^3- "deva na tumhe amhehi balakkarena varam dapita, tumhehi attano ruciya tutthehi dinno, kim deva rajakulassa dve katha vattanti"ti saccavaditaya bhanimsu. ^4- Raja vinivattitum alabhanto "tata satta samvacchare satta mase satta ca divase upatthahitva tumhakam dassami"ti aha. Sundaram deva patibhogam dethati. Kissa patibhogam tatati. Ettakam kalam amaranapatibhogam dethati. Tata ayuttapatibhogam dapetha, na sakka evam patibhogam datum, tinagge ussavabindusadisam sattanam jivitanti. No ce deva patibhogam detha, mayam antara mata kim kusalam karissamati. Tenahi tata cha samvaccharani dethati. Na sakka devati. Tenahi panca, cattari, tini, dve, ekam samvaccharam detha. Satta, cha mase detha .pe. Masaddhamattam dethati. Na sakka devati. Tenahi divasamattam dethati. Sadhu devati satta divase sampaticchimsu. Raja satta samvacchare satta mase satta divase kattabbasakkaram sattasuyeva divasesu akasi. Tato puttanam vasanatthanam sattharam pesetum atthausabhavitthatam maggam alankarapesi, majjhatthane catuusabhappamanam padesam hatthihi maddapetva kasinamandalasadisam katva valikaya santharapetva pupphabhikinnam akasi, tattha tattha kadaliyo ca punnaghate ca thapapetva dhajapataka ukkhipapesi. Usabhe usabhe pokkharanim khanapesi, aparabhage dvisu passesu gandhamalapupaphapane pasarapesi. @Footnote: ¹ cha.Ma. sunhata suvilitta ² cha.Ma. phussabuddhassa ³ Si.,ka. dve kannepi thakesi @⁴ Si. vattanti, mayam saccavaditaya ganhimhati ahamsu, @ka. vattatiti saccavaditaya ganhimsu

--------------------------------------------------------------------------------------------- page10.

Majjhatthane catuusabhavittharassa alankatamaggassa ubhosu passesu dve dve usabhavittharamagge khanukantake harapetva dandadipikayo karapesi. Rajaputtapi attano anapavattitthane solasausabhamaggam tatheva alankarapesum. Raja attano anapavattitthanassa kedarasimam gantva sattharam vanditva paridevamano "tata mayham dakkhinakkhim uppatetva ganhanta viya gacchatha. Evam ganhitva gata pana buddhanam anucchavikam kareyyatha, ma surasonda viya pamatta vicarittha"ti aha. Te "janissama mayam deva"ti sattharam gahetva gata viharam karetva satthu niyyatetva tattha sattharam patijagganta kalena therasane, kalena majjhimasane, kalena samghanavakasane titthanti. Danam upaparikkhamananam ^1- tinnampi jananam ^2- ekasadisameva ahosi. Te upakatthaya vassupanayikaya cintayimsu "katham nu kho satthu ajjhasayam ganheyyama"ti. Atha nesam etadahosi "buddha nama dhammagaruno na amisagaruno, sile patitthamana ^3- mayam satthu ajjhasayam gahetum sakkhissama"ti danasamvidhayake manusse pakkosapetva "tata iminava niharena yagubhattakhadaniyadini sampadenta danam pavattetha"ti vatva danasamvidahanapalibodham chindimsu. Atha nesam jetthabhata pancasate purise adaya dasasilesu patitthaya dve kasayani acchadetva kappiyam udakam paribhunjamano vasam kappesi. Majjhimo tihi, kanittho dvihi purisasatehi saddhim tatheva patipajji. Te yavajivam sattharam upatthahimsu. Sattha tesamyeva santike parinibbayi. Tepi kalam katva tato patthaya dvanavutikappe manussalokato devalokam, devalokato ca manussalokam samsaranta amhakam satthu kale devaloka cavitva manussaloke @Footnote: ¹ Si. upaparikkhamana, ka. upaparikkhaya ² Si. jananam danam ³ ka. patitthaya

--------------------------------------------------------------------------------------------- page11.

Nibbattimsu. Tesam danagge byavato ^1- mahaamacco angamagadhanam raja bimbisaro hutva nibbatti. Te tasseva ranno ratthe brahmanamahasalakule nibbattimsu. Jetthabhata jetthova jato, majjhimakanittha majjhimakanitthayeva. yepi tesam parivaramanussa, te parivaramanussava jata. Te vuddhimanvaya tayopi jana tam purisasahassam adaya nikkhamitva tapasa hutva uruvelayam naditireyeva vasimsu. Angamagadhavasino mase mase tesam mahasakkaram abhiharanti. Atha amhakam bodhisatto katabhinikkhamano anupubbena sabbannutam patva pavattitapavaradhammacakko yasadayo kulaputte vinetva satthi arahante dhammadesanatthaya disasu uyyojetva sayam pattacivaramadaya "te tayo jatilabhatike damessami"tiuruvelam gantva anekehi patihariyasatehi tesam ditthim bhinditva te pabbajesi. So tam iddhimayapattacivaradharam samanasahassam adaya gayasisam gantva tehiparivarito nisiditva "katara nu kho etesam dhammakatha sappaya"ti cintento "ime sayampatam aggim paricaranti, imesam dvadasayatanani adittani sampajjalitani viya katva desessami, evam ime arahattam papunitum sakkhissanti"ti sannitthanamakasi. Atha nesam tatha dhammam desetum imam adittapariyayam abhasi. Tena vuttam "bhikkhu amantesiti tesam sappayadhammadesanam vicinitava tam desessamiti amantesi"ti. Tattha adittanti padittam sampajjalitam. Sesam vuttanayameva. Iti imasmim sutte dukkhalakkhanam kathitam.

The Pali Atthakatha in Roman Book 13 page 7-11. http://84000.org/tipitaka/atthapali/read_rm.php?B=13&A=140&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=140&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=31 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=378 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=445 The Pali Tipitaka in Roman Character :- http://84000.org/tipitaka/read/roman_read.php?B=18&A=445 Contents of The Tipitaka Volume 18 http://84000.org/tipitaka/read/?index_18