|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Saratthappakasini nama samyuttanikayatthakatha mahavaravaggavannana -------------- namo tassa bhagavato arahato sammasambuddhassa. 1. Maggasamyutta 1. Avijjavagga 1-2. Avijjasuttadivannana [1-2] Mahavaggassa pathame pubbangamati sahajatavasena ca upanissayavasena cati dvihakarehi pubbangama. Samapattiyati samapajjanaya sabhavapatilabhaya, uppattiyati attho. Anvadeva ahirikam anottappanti sa panesa yadetam alajjanakarasanthitam ahirikam, abhayanakarasanthitam ca anottappam, etam anudeva saheva ekatova, na vina tena uppajjatiti attho. Avijjagatassati avijjaya upagatassa samannagatassa. Micchaditthiti ayathavaditthi aniyyanikaditthi. Pahotiti hoti uppajjati. Micchasankappadisupi ayathavaaniyyanikavaseneva micchabhavo veditabbo. Iti imani atthapi akusaladhammasamapattiya micchattaangani nama honti. Tani pana na ekakkhane sabbani labbhanti, nanakkhane labbhanti. Katham? yada hi ditthisampayuttam cittam kayavinnattim samutthapentam Uppajjati, tada micchaditthi micchasankappo micchavayamo micchasati micchasamadhi micchakammantoti cha angani honti. Yada ditthivippayuttam, tada micchaditthivajjani panca. Yada taneva dve vacivinnattim samutthapenti, tada--------------------------------------------------------------------------------------------- page179.
Micchakammantatthane micchavacaya saddhim taneva 1- cha va panca va. Ayam ajivo nama. Kuppamano kayavacidvaresuyeva annatarasmim kuppati, na manodvare. Tasma yada ajivasisena taneva cittani kayavacivinnattiyo samutthapenti, tada kayakammam micchajivo nama hoti, tatha vacikammanti micchajivassa vasena taneva cha va panca va. Yada pana vinnattim asamutthapetva tani cittani uppajjanti, tada micchaditthimicchasankappamicchavayamamicchasatimicchasamadhivasena panca va, micchasankappadivasena cattari va hontiti evam na ekakkhane sabbani labbhanti, nanakkhane labbhantiti. Sukkapakkhe vijjati kammassakatananam. Ihapi sahajatavasena ca upanissayavasena cati dviheva akarehi pubbangama veditabba. Hirottappanti hiri ca ottappanca. Tattha lajjanakarasanthita hiri, bhayanakarasanthitam ottappam. Ayamettha sankhepo, vittharo pana visuddhimagge vuttova. Vijjagatassati vijjaya upagatassa samannagatassa. Viddasunoti viduno panditassa. Sammaditthiti yathavaditthi niyyanikaditthi. Sammakammantadisupi eseva nayo. Iti kusaladhammasamapattiya imani atthangani honti, tani lokiyamaggakkhane na ekato sabbani 2- labbhanti, lokuttaramaggakkhane pana labbhanti. Tani ca kho pathamajjhanikamagge, dutiyajjhanikadisu pana sammasankappavajjani satteva honti. Tattha yo evam vadeyya "yasma majjhimanikayamhi salayanavibhangasutte 3- `ya tathabhutassa ditthi, sassa hoti sammaditthi. Yo tathabhutassa sankappo, svassa hoti sammasankapPo. Yo tathabhutassa vayamo, svassa hoti sammavayamo. Ya tathabhutassa sati, sassa hoti sammasati. Yo tathabhutassa samadhi, @Footnote: 1 ka. santhitaneva 2 Si. atthapi 3 Ma.u. 14/431/371--------------------------------------------------------------------------------------------- page180.
Svassa hoti sammasamadhi. Pubbeva kho panassa kayakammam vacikammam ajivo ca suparisuddho'ti vuttam. Tasma pancangikopi lokuttaramaggo hoti"ti. So vattabbo:- tasmimyeva sutte "evamassayam ariyo atthangiko maggo bhavanaparipurim gacchati"ti 1- idam kasma na passasi. Yam panetam "pubbe kho panassa"ti vuttam, tam pabbajitadivasato patthaya parisuddhabhavadassanattham. Pabbajitadivasato patthaya hi parisuddhani kayakammadini lokuttaramaggakkhane atiparisuddhani hontiti ayamattho dipito. Yampi abhidhamme vuttam "tasmim kho pana samaye pancangiko maggo hoti"ti 2- tam ekam kiccantaram dassetum vuttam. Yasmim hi kale micchakammantam pahaya sammakammantam pureti, tasmim kale micchavaca va micchajivo va na hoti, ditthi sankappo vayamo sati samadhiti imesuyeva pancasu karakangesu sammakammanto purati. Virativasena hi sammakammanto purati nama. Sammavacasammaajivesupi eseva nayo. Iti imam kiccantaram dassetum evam vuttam. Lokiyamaggakkhane ca panceva honti, virati pana aniyata. Tasma "../../bdpicture/chaangiko"ti avatva "pancangiko"tveva vuttam. "ya kho bhikkhave ariyacittassa anasavacittassa ariyamaggasamangino ariyamaggam bhavayato tihi kayaduccaritehi arati virati pativirati veramani akiriya akaranam, ayam bhikkhave sammakammanto ariyo anasavo lokuttaramaggo"ti 3- evam pana mahacattalisakasuttadisu anekesu suttesu sammakammantadinam ca lokuttaramaggassa angabhavasiddhito atthangikova lokuttaramaggo @Footnote: 1 Ma.u. 14/431/371 @2 abhi.vi. 35/212/133 3 Ma.u. 14/139/125--------------------------------------------------------------------------------------------- page181.
Hotiti veditabbo. 1- Imasmim sutte ayam atthangikamaggo lokiyalokuttaramissakova kathito. Dutiyam kosalasamyutte vuttameva.The Pali Atthakatha in Roman Book 13 page 178-181. http://84000.org/tipitaka/atthapali/read_rm.php?B=13&A=3875&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=3875&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=1 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=1 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=1 The Pali Tipitaka in Roman Character :- http://84000.org/tipitaka/read/roman_read.php?B=18&A=1 Contents of The Tipitaka Volume 18 http://84000.org/tipitaka/read/?index_18
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]