|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
1. Kodhapeyyala [181] Ito paresu kujjhanalakkhano kodho. Upanandhanalakkhano 1- upanaho. Sukatakaranamakkhanalakkhano makkho. Yugaggahalakkhano palaso. Usuyanalakkhana issa. Maccherabhavo 2- macchariyam. Tam sabbampi maccharayanalakkhanam. Katapaticchadanalakkhana maya. Keratikalakkhanam satheyyam. Alajjanakaro ahirikam. Upavadato abhayanakaro 3- anottappam akkodhadayo tesam patipakkhavasena veditabba. [185] Sekhassa bhikkhunoti sattavidhassapi sekkhassa upari upari gunehi 4- parihanaya samvattanti, puthujjanassa pana saddhammagarukasseva 5- parihanaya samvattantiti veditabbam. 6- Aparihanayati upari upari gunehi aparihanatthaya. [187] Yathabhatam nikkhittoti yatha aharitva 7- anetva nikkhitto, evam niraye patitthitovati veditabbo. [190] Ekaccoti yassete kodhadayo atthi, so ekacco nama. Kodhapeyyalam nitthitam. ------------- 2. Akusalapeyyala [191-200] Savajjati sadosa. Anavajjati niddosa. Dukkhudrayati dukkhavaddhika. Sukhudrayati sukhavaddhika. Sabyapajjhati sadukkha. Abyapajjhati niddukkha. Ettavata vattavivattameva kathitam. 8- Akusalapeyyalam nitthitam. @Footnote: 1 Ma. upanahalakkhano 2 Ma. pancamaccherassa bhavo, cha. pancamaccherabhavo @3 i. abhayanakaram 4 cha.Ma. upariuparigunehi 5 cha.Ma.,i. pathamataramyeva @6 cha.Ma. veditabba. 7 cha.Ma. ayam patho na dissati 8 Ma. iritam--------------------------------------------------------------------------------------------- page74.
3. Vinayapeyyala [201] Dveme bhikkhave atthavase paticcati bhikkhave dve atthe nissaya dve karanani sandhaya. Sikkhapadam pannattanti sikkhakotthaso thapito. Samghasutthutayati samghassa sutthubhavaya, "sutthu bhante"ti vatva sampaticchanatthayati attho. Samghaphasutayati samghassa phasuviharatthaya. Dummankunanti dussilanam. Pesalananti piyasilanam. Ditthadhammikanam asavananti ditthadhamme imasmimyeva attabhave vitikkamapaccaya patiladdhabbanam vadhabandhanagarahadinam dukkhadhammasankhatanam 1- asavanam. Samvarayati pidahanatthaya. Samparayikananti tatharupanamyeva apayikadukkhasankhatanam 2- samparaye uppajjanakaasavanam. Patighatayati patisedhanatthaya. Verananti akusalaveranampi puggalaveranampi. Vajjananti dosanam. Teeva va dukkhadhamma vajjaniyatta idha vajjati 3- adhippeta. Bhayananti cittutrasabhayanampi bhayahetunam tesamyeva dukkhadhammanampi. Akusalananti akkhematthena 4- akusalasankhatanam dukkhadhammanam. Gihinam anukampayati gihisu ujjhayantesu pannattasikkhapadam gihinam anukampaya pannattam nama. Papicchanam pakkhupacchedayati papiccha pakkham nissaya samgham bhindeyyunti tesam pakkhupacchedanatthaya. Appasannanam pasadayati pubbe appasannanampi panditamanussanam sikkhapadapannattisampadam disva pasaduppattiatthaya. Pasannanam bhiyyobhavayati pasannanam uparupari pasadabhavaya. 5- Saddhammatthitiyati saddhammassa ciratthitatthaya. Vinayanuggahayati pancavidhassapi vinayassa anugganhanatthaya. [202-230] Patimokkham pannattanti bhikkhupatimokkham bhikkhunipatimokkhanti duvidhampi patimokkham pannattam. Patimokkhuddesati 6- bhikkhunam panca, bhikkhuninam cattaroti nava patimokkhuddesa pannatta. Patimokkhatthapananti uposathatthapanam. @Footnote: 1 cha.Ma. vadhandhanadidukkhadhammasankhatanam 2 cha.Ma. apayadukkhasankhatanam @3 Si.,i. vajjanti 4 cha.Ma. akkhamatthena 5 Si.,i. uparuparibhavaya @6 cha.Ma. patimokkhuddesoti--------------------------------------------------------------------------------------------- page75.
Pavarana pannattati catuddasika pannarasikati dve pavarana pannatta. Pavaranatthapanam 1- pannattanti sapattikassa bhikkhuno pavarana nattiya vattamanaya pavaranatthapanam pannattam. Tajjaniyakammadisu bhikkhunam 2- vacasattihi vitudantanam pandukalohitakanam bhikkhunam tajjaniyakammam 3- pannattam. Balassa abyattassa seyyakassa bhikkhuno niyasakammam 4- pannattam. Kuladusake assajipunabbasuke bhikkhu arabbha pabbajaniyakammam 5- pannattam. Gihinam akkosakassa sudhammattherassa patisaraniyakammam 6- pannattam. Apattiya adassanadisu ukkhepaniyakammam pannattam. Garukapattim apannassa paticchannaya apattiya parivasadanam pannattam. Parivase antarapattim apannassa mulayapatikassanam pannattam. Paticchannayapi appaticchannayapi apattiya manattadanam pannattam. Cinnamanattassa abbhanam panyattam. Sammavattantassa osaraniyam pannattam. Asammavattanadisu nissaraniyam pannattam. Ehibhikkhuupasampada saranagamanaupasampada ovadaupasampada panhabyakarana- upasampada natticatutthakammaupasampada garudhammaupasampada ubhatosamghe upasampada dutena upasampadati atthavidha upasampada pannatta. Nattikammam nava thanani gacchatiti evam navatthanikam nattikammam pannatta. Nattidutiyakammam satta thanani gacchatiti evam sattatthanikam nattidutiyakammam pannattam. Natticatutthakammam satta thanani gacchatiti evam sattatthanikameva natticatutthakammam pannattam. Natticatuttha- kammam satta thanani gacchatiti evam sattatthanikameva natticatutthakammam pannattam. Pathamaparajikadinam pathamapannatti appannatte pannattam nama. Tesamyeva anuppannatti nama pannatte anuppannattam. Dhammasammukhata vinayasammukhata samghasammukhata puggalasammukhatati imassa catubbidhassa sammukhibhavassa vasena sammukhavinayo @Footnote: 1 cha.Ma.,i. pavaranatthapanam 2 cha.Ma.,i. bhikkhu @3 vi.cu. 6/1/1 kammakkhandhaka 4 vi.cu. 6/11/14 kammakkhandhaka @5 vi.cu. 6/33/43 kammakkhandhaka 6 cha.Ma. sattatthanikameva--------------------------------------------------------------------------------------------- page76.
Pannatto. Sativepullappattassa khinasavassa acodanatthaya sativinayo pannatto. Ummattakassa bhikkhuno amulhavinayo pannatto. Appatinnaya cuditakassa apattiya akaranattham 1- patinnatakaranam pannattam. Bahutaranam dhammavadinam laddhim gahetva adhikarana- vupasamattham yebhuyyasika pannatta. Papussannassa puggalassa nigganhanattham tassapapiyasika panyatta. Bhandanadivasena bahum assamanakam katva apattim apannanam bhikkhunam thapetva thullavajjanca 2- gihipatisamyuttanca avasesapattinam vupasamatthaya tinavattharako pannatto. Vinayapeyyalam nitthitam. ----------------- 4. Ragapeyyala [231] Ragassa bhikkhave abhinnayati pancakamagunikassa ragasseva 3- abhijananattham paccakkhakaranattham. Parinnayati parijananattham. Parikkhayayati parikkhayagamanattham. Pahanayati pajahanattham. Khayaya vayayati khayavayagamanattham. Viragayati virajjanattham. Nirodhayati nirujjhanattham. Cagayati cajanattham. Patinissaggayati patinissajjanattham. [232-246] Thambhassati kodhamanavasena thaddhabhavassa. Sarambhassati karanuttariyalakkhanassa sarambhassa. Manassati navavidhamanassa. Atimanassati atikkamitva mannamanassa. Madassati majjanakaramadassa. Pamadassati sativippavasassa, pancasu va 4- kamagunesu cittavossaggassa. Sesam sabbattha uttanamevati. Ragapeyyalam nitthitam. Manorathapuraniya anguttaranikayatthakathaya dukanipatavannana nitthita. @Footnote: 1 Si.,i. karanattham 2 cha.Ma. thullavajjam thapetva @3 cha.Ma.,i. pancakamagunikaragassa 4 cha.Ma.,i. ayam saddo na dissatiThe Pali Atthakatha in Roman Book 15 page 73-76. http://84000.org/tipitaka/atthapali/read_rm.php?B=15&A=1602&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=1602&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=425 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=2508 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=2465 The Pali Tipitaka in Roman Character :- http://84000.org/tipitaka/read/roman_read.php?B=20&A=2465 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]