ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 15 : PALI ROMAN An.A. (manoratha.2)

                      16. 6. Acelakavaggavannana
     [157-163] Ito paresu agalha patipadati galha kakkhala lobhavasena
thiraggahana. Nijjhamati attakilamathanuyogavasena sutthu jhama santattaparitatta.
Majjhimati neva kakkhala na jhama majjhe bhava. Acelakoti niccelo naggo.
Muttacaroti visatthacaro, uccarakammadisu lokiyakulaputtacarena virahito
thitakova uccaram karoti, passavam karoti, khadati bhunjati. Hatthavalekhanoti 1- hatthe
pindamhi nitthite jivhaya hattham avalekhati, 2- uccaram va 3- katva hatthasmimyeva
udakasanni 4- hutva hatthena apalikhati. Bhikkhaya gahanattham "ehi bhadante"ti vutte 5-
na etiti na ehibhadantiko. "tenahi tittha bhadante"ti vuttepi na titthatiti
na titthabhadantiko. Tadubhayampi kira so "etassa vacanam katam bhavissati"ti na karoti.
Abhihatanti puretaram gahetva ahatabhikkham. Uddissakatanti imehi 6- tumhe
uddissa katanti evam arocitabhikkham. Nimantananti "asukam nama kulam va
vithim va gamam va paviseyyatha"ti evam nimantito bhikkhampi na sadiyati na
ganhati. Na kumbhimukhati kumbhito uddharitva diyyamanam bhikkhampi na ganhati.
Na kalopimukhati  kalopiti ukkhali va pacchi va, tatopi na ganhati. Kasma?
"kumbhikalopiyo mam nissaya katacchuna paharam labhanti"ti. Na elakamantaranti
ummaram antaram katva diyyamanam na ganhati. Kasma? "ayam mam nissaya
antarakaranam labhati"ti. Dandamusalesupi eseva nayo. Dvinnanti dvisu bhunjamanesu
ekasmim utthaya dente na ganhati. Kasma? kabalantarayo hotiti.
     Na gabbhiniyatiadisu pana gabbhiniya kucchiyam darako kilamati, payantiya
darakassa khirantarayo hoti, purisantaragataya ratiantarayo hotiti na ganhati.
@Footnote: 1 cha.Ma.,i. hatthapalekhanoti    2 cha.Ma.,i apalekhati
@3 cha.Ma. uccarampi     4 cha.Ma. dandakasanni
@5 cha.Ma. vuttopi    6 cha.Ma. idam, i. imam
Na sankittisuti sankittetva katabhattesu. Dubbhikkhasamaye kira acelakasavaka acelakanam
atthaya tato tato tanduladini samadapetva bhattam pacanti, ukkatthacelako tato
na patigganhati. Na yattha sati yattha sunakho "pindam labhissami"ti upatthito
hoti, tattha tassa adatva ahatam na ganhati. Kasma? etassa pindantarayo
hotiti. Sandasandacariniti  samuhasamuhacarini. Sace hi acelakam disva "imassa
bhikkham dassama"ti manusakani 1- bhattageham pavisanti, tesu ca pavisantesu
kalopimukhadisu nilina makkhika uppatitva sandasanda caranti, tato ahatam bhikkham
na ganhati. Kasma? "mam nissaya makkhikanam gocarantarayo 2- jato"ti.
     Na thusodakanti 3- sabbasassasambharehi katam sovirakam. Ettha ca surapanameva
savajjam, ayam pana sabbesu savajjasanni. Ekagarikoti yo ekasmim 4- gehe
bhikkham labhitva nivatatati. Ekalopikoti ekeneva alopena yapeti.
Dvagarikadisupi eseva nayo. Ekissapi dattiyati ekaya dattiya. Datti nama
eka khuddakapati hoti, yattha aggam bhikkham  pakkhipitva thapenti. Ekahikanti
ekadivasantarikam. Addhamasikanti addhamasantarikam. Pariyayabhattabhojananti
varabhattabhojanam, ekahavarena dvihavarena sattahavarena addhamasavarenati evam
divasavarena abhatam bhattabhojanam. Sakabhakkhotiadini vuttatthaneva.
     Ubbhatthakoti uddham thitako. Ukkutikappadhanamanuyuttoti ukkutikaviriyam
anuyutto, gacchantopi ukkutikova hutva uppatitva uppatitva gacchati.
Kantakapassayikoti ayakantake va pakatikantake va bhumiyam kottetva tattha cammam
attharitva thanacankamadini karoti. Seyyanti sayantopi tatheva seyyam kappeti.
Sayam tatiyamassati sayatatiyakam. Pato majjhantike sayanti divasassa tikkhattum
"papam pavahessami"ti udakorohananuyogam anuyutto viharati.
@Footnote: 1 cha.Ma. manussa, pa.su. 1/155/366, su.vi. 1/394/292   2 Ma. bhojanantarayo
@3 i. na kusodakanti    4 cha.Ma.,i. ekasmimyeva
     Kaye kayanupassitiadini hettha ekakanipatavannanayam vuttanayena
veditabbani. Ayam vuccati bhikkhave majjhima patipadati bhikkhave ayam kama-
sukhallikanuyoganca attakilamathanuyogancati dve ante anupagata sassatucchedantehi
va vimutta majjhima patipadati veditabba.
                  17-18. 7. Kammapathapeyyalavannana 1-
     [164-184] Samanunnoti samanajjhasayo. Ragassati pancakamagunika-
ragassa. Abhinnayati abhijananattham. Sunnato samadhitiadihi tihipi samadhihi
vipassanava kathita. Vipassana hi niccabhinivesaniccanimittaniccapanidhiadinam abhava
imani namani labhati. Parinnayati parijananattham. Sesapadesupi eseva nayoti.
                   Manorathapuraniya anguttaranikayatthakathaya
                       tikanipatavannana nitthita.
                         ---------------
@Footnote: 1 cha.Ma. peyyalavaggavannana



             The Pali Atthakatha in Roman Book 15 page 276-278. http://84000.org/tipitaka/atthapali/read_rm.php?B=15&A=6388&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=6388&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=20&i=596              เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=7827              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=8039              The Pali Tipitaka in Roman Character :- http://84000.org/tipitaka/read/roman_read.php?B=20&A=8039              Contents of The Tipitaka Volume 20 http://84000.org/tipitaka/read/?index_20

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com