|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Inasuttavannana
[45] Tatiye daliddiyanti daliddabhavo. Kamabhoginoti kame bhunjanakasattassa.
Assakoti attano santakena rahito. Anaddhikoti na addho. 3- Inam adiyatiti
jivitum asakkonto inam adiyati. Vaddhim patissunatiti datum asakkonto
vaddhim dassamiti patijanati. Anucarantipi nanti parisamajjhaganamajjhadisu
atapatthapanapamsuokiranadihi vippakaram papenta pacchato pacchato anubandhanti.
Saddha natthiti okappanasaddhamattakampi natthi. Hiri natthiti hiriyanakara-
mattakampi natthi. Ottappam natthiti bhayanakaramattakampi natthi. Viriyam natthiti
kayikaviriyamattakampi natthi. Panna natthiti kammassakatapannamattakampi natthi.
Inadanasmim vadamiti inaggahanam vadami. Ma mam jannuti 4- ma mam janatu.
Daliddiyam dukkhanti dhanadaliddabhavo dukkham. Kamalabhabhijappinanti kamalabham
patthentanam. Papakammam vinibbayoti papakammavaddhako. Samsappatiti paripphandati.
Jananti jananto. Yassa vippatisarajati ye assa vippatisarato jata.
Yonimannataranti ekam tiracchanayonim. Dadam cittam pasadayanti cittam pasadento
dadamano.
@Footnote: 1 Si. vacisamsarati 2 cha.Ma. ekekena
@3 Si. analhiyoti na addho, Ma. analikoti analo, cha. analhikoti na addho
@4 Si. jannati
---------------------------------------------------------------------------------------------
page127.
Kataggahoti jayaggaho anaparadhaggaho hoti. Gharamesinoti gharavasam
pariyesantassa vasamanassa va. Cago punnam pavaddhatiti cagoti sankham gatam
punnam pavaddhati. Caga punnanti va patho. Patitthitati patitthitasaddha nama
sotapannassa saddha. Hirimanoti hirisampayuttacitto. Niramisam sukhanti tini
jhanani nissaya uppajjanakasukham. Upekkhanti catutthajjhanupekkham. Araddhaviriyoti
paripunnapaggahitaviriyo. Jhanani upasampajjati cattari jhanani patva. Ekodi
nipako satoti ekaggacitto kammassakatananasatihi ca samannagato.
Etam 1- natva yathabhutanti etam ettakam karanam yathasabhavam janitva.
Sabbasamyojanakkhayeti nibbane. Sabbasoti sabbakarena. Anupadayati aggahetva.
Samma cittam vimuccatiti idam vuttam hoti:- sabbasamyojanakkhayasankhate nibbane
sabbato anupadiyitva samma hetuna nayena maggacittam vimuccati. "evam natva
yathabhutam, sabbasamyojanakkhayan"tipi palim likhanti, 2- tassa etam sabbasamyojanakkhaya-
sankhatam nibbanam yathabhutam natvati attho. Purimapacchimehi pana saddhim na ghatiyati.
Tassa sammavimuttassati tassa sammavimuttassa khinasavassa. Nanam ce 3-
hotiti paccavekkhanananam hoti. Tadinoti tamsanthitassa. Akuppati akupparammanatta
kuppakarakanam 4- kilesananca abhavena akuppa. Vimuttiti maggavimuttipi
phalavimuttapi. Bhavasannojanakkhayeti bhavasamyojanakkhayasankhate nibbane bhavasamyojanananca
khayante uppanna. 5- Etam kho paramam nananti etam maggaphalananam paramananam nama.
Sukhamanuttaranti etadeva maggaphalasukham anuttarasukham nama. Ananyamuttamanti sabbesam
anananam khinasavo uttamaanano, tasma arahattaphalam ananyamuttamanti arahattaphalena
desanaya kutam ganhi. Imasminca sutte vattameva kathetva gathasu vattavivattam
kathitanti.
@Footnote: 1 cha.Ma. evam. evamuparipi 2 cha.Ma. paliyam likhitam 3 cha.Ma. ayam saddo na dissati
@4 cha.Ma. kuppakarananam 5 ka. uppannatta
The Pali Atthakatha in Roman Book 16 page 126-127.
http://84000.org/tipitaka/atthapali/read_rm.php?B=16&A=2843&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=16&A=2843&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=22&i=316
เนื้อความพระไตรปิฎกฉบับหลวง :-
http://84000.org/tipitaka/read/r.php?B=22&A=8303
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=22&A=8273
The Pali Tipitaka in Roman Character :-
http://84000.org/tipitaka/read/roman_read.php?B=22&A=8273
Contents of The Tipitaka Volume 22
http://84000.org/tipitaka/read/?index_22
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]