AtthaPali Vol.16

8. Pacalayamanasuttavannana [61] Atthame pacalayamanoti tam gamam upanissaya ekasmim vanasande samanadhammam karonto sattaham cankamanaviriyena nimmathitatta kilantagatto cankamanakotiyam pacalayamano nisinno hoti. Pacalayasi noti niddayasi nu. Anumajjitvati parimajjitva. ^1- Alokasannanti middhavinodanaalokasannam. Divasannanti divati- sannam. Yatha diva tatha rattinti yatha diva alokasanna adhitthita, tatha nam rattimpi adhitthaheyyasi. Yatha rattim tatha divati yatha ca te rattim alokasanna adhitthita, tatha nam divapi adhitthaheyyasi. Sappabhasanti dibbacakkhunanatthaya sahobhasam. Pacchapuresanniti purato ca pacchato ca abhiharanasannaya sannava. Antogatehi indriyehiti bahi avikkhittehi anto anupavittheheva pancahi indriyehi. Middhasukhanti niddasukham. Ettakena thanena bhagava therassa middhavinodana- kammatthanam kathesi. Sondanti manasondam. Kiccakaraniyaniti ettha avassam kattabbani kiccani, itarani karaniyani. Mankubhavoti nittejata domanassata. Ettakena thanena satthara therassa bhikkhacaravattam kathitam. Idani bhasse pariyantakaritaya samadapetum tasmatihatiadimaha. Tattha viggahikakathanti "na tvam imam dhammavinayam janasi"tiadinayappavattaviggahikakatha. @Footnote: ¹ Si. apanijitvati parimadditva

--------------------------------------------------------------------------------------------- page193.

Naham moggallanatiadi papamittasamsaggavivajjanattham vuttam. Kittavata nu khoti kittakena nu kho. Tanhasankhayavimutto hotiti tanhasankhaye nibbane tam arammanam katva vimuttacittataya tanhasankhayavimutto nama sankhittena kittavata hoti. Yaya patipattiya tanhasankhayavimutto hoti, tameva khinasavassa bhikkhuno pubbabhaga- patipadam sankhittena desethati pucchati. Accantanitthoti khayavayasankhatam antam atitati accanta, accanta nittha assati accantanittha, ekantanittha sasatanitthati attho. Accantayogakkhemiti accantam yogakkhemi, niccayogakkhemiti attho. Accanta- brahmacariti accantam brahmacari, niccabrahmacariti attho. Accantapariyosanoti purimanayeneva accantapariyosano. Settho devamanussananti devananca manussananca settho uttamo. Evarupo bhikkhu kittavata hoti, sankhepeneva tassa patipattim kathethati yacati. Sabbe dhamma nalam abhinivesayati ettha sabbe dhamma nama pancakkhandha dvadasayatanani attharasa dhatuyo, te sabbepi tanhaditthivasena abhinivesaya nalam na pariyatta na samatta na yutta. Kasma? gahitakarena atitthanato. Te hi nicca sukha attati gahitapi anicca dukkha anattava sampajjanti. Tasma nalam abhinivesaya. Abhijanatiti aniccam dukkham anattati nataparinnaya abhijanati. Parijanatiti tatheva tiranaparinnaya parijanati. Yankanci vedananti antamaso pancavinnanasampayuttampi yankinci appamattakampi vedanam anubhavati. Imina bhagava therassa vedanavasena vinivattetva arupapariggaham dasseti. Aniccanupassiti aniccato anupassanto. Viraganupassiti ettha dve viraga khayavirago ca accantavirago ca. Tattha sankharanam khayam khayato passana vipassanapi, accantaviragam nibbanam viragato dassanamaggananampi viraganupassana. Tadubhaya- samangipuggalo viraganupassi nama. Tam sandhaya vuttam "viraganupassi"ti, viragato

--------------------------------------------------------------------------------------------- page194.

Anupassantoti attho. Nirodhanupassimhipi eseva nayo. Nirodhopi hi khayanirodho accantanirodhoti duvidhoyeva. Patinissagganupassiti ettha patinissaggo vuccati vossaggo. So ca pariccagavossaggo pakkhandanavossaggoti duvidho hoti. Tattha pariccagavossaggoti vipassana. Sa hi tadangavasena kilese ca khandhe ca vossajjati. Pakkhandanavossaggoti maggo. So hi nibbanam arammanato pakkhandati. Dvihipi va karanehi so vossaggoyeva, samucchedavasena khandhanam kilesananca vossajjanato nibbane ca pakkhandanato. Tasma kilese ca khandhe ca pariccajatiti pariccagavossaggo. Nirodhaya nibbanadhatuya cittam pakkhandatiti pakkhandanavossaggoti ubhayam cetam magge sameti. Tadubhayasamangi puggalo imaya patinissagganupassanaya samannagatatta patinissagganupassi nama hoti. Tam sandhayetam vuttam. Na kinci loke upadiyatiti kinci ekampi sankharagatam tanhavasena na upadiyati na ganhati na paramasati. Anupadiyam na paritassatiti agganhanto tanhaparitassanaya na paritassati. Paccattamyeva parinibbayatiti sayameva kilesaparinibbanena parinibbayati. Khina jatitiadina panassa paccavekkhana dassita. Iti bhagava sankhittena khinasavassa pubbabhagapatipadam pucchito sankhitteneva kathesi. Idam pana suttam therassa ovadopi ahosi vipassanapi. So imasmimyeva sutte vipassanam vaddhetva arahattam pattoti.

The Pali Atthakatha in Roman Book 16 page 192-194. http://84000.org/tipitaka/atthapali/read_rm.php?B=16&A=4283&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=4283&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=22&i=58 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=1742 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=1807 The Pali Tipitaka in Roman Character :- http://84000.org/tipitaka/read/roman_read.php?B=22&A=1807 Contents of The Tipitaka Volume 22 http://84000.org/tipitaka/read/?index_22