|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{638} Akkantassati chattadandake angulantaram appavesetva kevalam
padukam akkamitva thitassa. Patimukkassati patimuncitva thitassa.
Upahanayapi eseva nayo. Omukkoti panettha panhikabandham
omuncitva thito vuccati. {640} Yanagatassati ettha sacepi dvihi
janehi hatthasanghatena gahito satake va thapetva amsena vayhati
ayutte va vayhadike yane visankharitva va thapite cakkamattepi
nisinno yanagatotveva sankhyam gacchati. Sace pana dvepi
ekayane nisinna honti vattati. Visum nisinnesupi ucce
yane nisinnena nice yane nisinnassa dhammam desetum vattati.
Samappamanepi vattati. Purime yane nisinnena pacchime nisinnassa
dhammam desetum vattati. Pacchime pana uccatarepi nisinnena dhammam
desetum na vattati. {641} Sayanagatassati antamaso katasarakepi
pakatibhumiyampi nipannassa uccepi mance va pithe va bhumippadese
va thitena va nisinnena va dhammam desetum na vattati.
---------------------------------------------------------------------------------------------
page503.
Sayanagatena pana sayanagatassa uccatare va samappamane va
nipannena dhammam desetum vattati. Nipannena thitassa va
nisinnassa va dhammam desetum vattati. Nisinnenapi thitassa va
nisinnassa va vattati. Thitena thitasseva vattati. {642} Pallatthikayati
ayogapallatthikaya va hatthapallatthikaya va dussapallatthikaya va
yaya kayaci pallatthithaya nisinnassa agilanassa dhammam desetum
na vattati. {643} Vethitasisassati dussavethanena va maladihi va
yatha kesanto na dissati evam vethitasisassa. {644} Ogunthitasisassati
sasisam parutassa. {645} Chamayam nisinnenati bhumiyam nisinnena. Asane
nisinnassati antamaso vatthampi tinanipi santharitva nisinnassa.
{647} Chavakassati candalassa. Chavakati candali. Nilinoti
paticchanno hutva. Yatra hi namati yo hi nama.
Sabbamidam ca parigatanti tattheva paripatiti sabbo ayam loko sankaram
gato nimmariyadoti evam vacanam vatva tattheva tesam dvinnampi
antara rukkhato patito. Patitva ca pana ubhinnampi purato
thatva imam gatham abhasi ubho attham na jananti .pe. Asma
kumbhamivabhidati 1-. Tattha ubho attham na janantiti dvepi jana
paliya attham na jananti. Dhammam na passareti palim
na passanti. Katame te ubhoti. Yo cayam mantam vaceti
yo cadhammena dhiyatiti evam brahmanam ca rajanam ca ubhopi
adhammikabhave thapesi. Tato brahmano salinanti gathamaha.
@Footnote: 1. vi. mahavibhanga. 2/565-566. naYu. ja. khu. 27/134.135.
---------------------------------------------------------------------------------------------
page504.
Tassattho janamaham bho ayam adhammoti apica kho maya digharattam
saputtadaraparijanena ranno santako salinam odano bhutto.
Sucimamsupasecanoti nanappakaravikatisampaditam sucimamsupasecanam
amisakaranamassati sucimamsupasecano. Tasma dhamme na vattamiti
yasma evam maya ranno odano bhutto anne ca bahu labha
laddha tasma dhamme aham na vattami udare baddho hutva
na dhammam ajananto ayam hi dhammo ariyehi vannito pasattho
thomitoti janami. Atha nam chavako dhiratthutiadina gathadvayena
ajjhabhasi. Tassattho yo taya dhanalabho ca yasalabho ca
laddho dhiratthu tam dhanalabham yasalabhanca brahmana 1-. Kasma.
Yasma ayam taya laddhalabho ayatim apayesu vinipatanahetuna
sampatti ca adhammacaranena vutti nama hoti. Evarupa ya
vutti ayatim vinipatena idha adhammacaranena va nippajjati
kintaya vuttiya. Tena vuttam
dhiratthu tam dhanalabham yasalabhanca brahmana
ya vutti vinipatena adhammacaranena vati 2-.
Paribbaja mahabrahmeti mahabrahmana ito desa sigham palayassu.
Pacantannepi paninoti annepi satta pacanti ceva bhunjanti ca
na kevalam tvanceva raja ca. Ma tam adhammo acarito
asma kumbhamivabhidati sace hi tvam ito aparibbajitva imam
adhammam acarissasi tato tam so adhammoeva acarito yatha
@Footnote: 1. paliyam dhiratthu tam yasalabham dhanalabhanca brahmanati dissati. 2. ja. khu. 27/134.
@ 135.261.
---------------------------------------------------------------------------------------------
page505.
Udakakumbham pasano bhindeyya evam bhijjati 1- tena mayam vadama
paribbaja mahabrahme pacantannepi panino
ma tam adhammo acarito asma kumbhamivabhidati 2-.
Ucce asaneti antamaso bhumippadesepi unnatatare nisinnassa dhammam
desetum na vattati. {648} Na thitena nisinnassati sacepi therupatthanam gantva
thitam daharabhikkhum asane nisinno mahathero panham pucchati na kathetabbam.
Garavena pana theram utthahitva pucchathati vattum na sakka.
Passe thitassa bhikkhussa kathemiti kathetum vattati. {649} Na pacchato
gacchantenati ettha sace purato gacchanto pacchato gacchantam
panham pucchati na kathetabbam. Pacchimassa bhikkhuno kathemiti
kathetum vattati. Saddhimuggahitadhammam pana sajjhayitum vattati.
Samadhurena gacchantassa kathetum vattati. {650} Na uppathenati etthapi
sace dvepi sakatapathe ekekacakkapathena uppatheneva va samadhuram
gacchanti vattati.
{651} Asanciccati paticchannatthanam gacchantassa sahasa uccaro
va passavo va nikkhamati asancicca kato nama anapatti.
{652} Na hariteti ettha yampi jivarukkhassa mulam pathaviyam dissamanam gacchati
sakha va bhumilagga gacchati sabbam haritasankhatameva. Khandhe nisiditva
apaharitatthane patetum vattati. Apaharitatthanam olokentasseva
sahasa nikkhamati gilanatthane thito hoti vattati. Apaharite
@Footnote: 1. bhindissati. 2. ja. khu. 27/134.
---------------------------------------------------------------------------------------------
page506.
Katoti apaharitam alabhante tinandupakam va palalandupakam va
thapetva katopi paccha haritam ottharati vattatiyeva. Khelena
cettha simghanikapi sangahitati mahapaccariyam vuttam. {653} Na udaketi
etam paribhogaudakameva sandhaya vuttam. Vaccakutisamuddadiudakesu
pana aparibhogesu anapatti. Deve vassante samantato
udakogho hoti. Anudakatthanam olokentasseva nikkhamati
vattati. Mahapaccariyam pana vuttam tadise kale anudakatthanam
alabhantena katum vattatiti. Sesam sabbasikkhapadesu uttanameva.
Sattamo vaggo.
Samutthanadidipanatthaya panettha idam pakinnakam
ujjagghikauccasaddapatisamyuttani cattari sakavalena mukhena byaharanam ekam
chama nicasanatthanapacchatogamanauppathagamanapatisamyuttani pancati imani
dasasikkhapadani samanubhasanasamutthanani kayavacacittato samutthahanti
kiriya sannavimokkhani sacittakani lokavajjani kayakammani
vacikammani akusalacittani dukkhavedananiti. Supodanavinnattisikkhapadam
theyyasatthasamutthanam kayacittato kayavacacittato ca samutthati
kiriya sannavimokkham sacittakam lokavajjam kayakammam vacikammam
akusalacittam dukkhavedananti. Chattapanidandapanisatthapani-
avudhapanipadukaupahanayanasayanapallatthikavethitaogunthitanamakani
ekadasa sikkhapadani dhammadesanasamutthanani vacacittato samutthahanti
kiriyakiriyani sannavimokkhani sacittakani lokavajjani vacikammani
---------------------------------------------------------------------------------------------
page507.
Akusalacittani dukkhavedananiti. Avasesani tepannasa sikkhapadani
pathamaparajikasamutthananiti. Sabbasekhiyesu abadhapaccaya
anapatti. Thupikatapindapate supabyanjanapaticchadane ujjhanasannamhiti
tisu sikkhapadesu gilano natthiti.
Sekhiyavannana nitthita.
The Pali Atthakatha in Roman Book 2 page 502-507.
http://84000.org/tipitaka/atthapali/read_rm.php?B=2&A=10574&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=10574&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=1&i=
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
The Pali Tipitaka in Roman Character :-
http://84000.org/tipitaka/read/roman_read.php?B=1&A=
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]