|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{503-505} Tena samayenati puranacivarasikkhapadam. Tattha yava sattama
pitamahayugati pitu pita pitamaho. Pitamahassa yugam pitamahayugam.
Yuganti ayuppamanam vuccati. Abhilapamattameva cetam. Atthato
pana pitamahoyeva pitamahayugam. Tato uddham sabbepi pubbapurisa
pitamahaggahaneneva gahita. Evam yava sattamo puriso tava ya
asambaddha sa yava sattama pitamahayuga asambaddhati vuccati.
Desanamukhamevetam. Matito va pitito vati vacanato pana
pitamahayugampi pitamahiyugampi matamahayugampi matamahiyugampi tesampi
bhatikabhaginibhagineyyaputtappaputtadayopi sabbe te idha sangahitaevati
veditabba. Tatrayam vittharanayo. Pita pitu pita tassa pita
---------------------------------------------------------------------------------------------
page187.
Tassapi pitati evam yava sattama yuga. Pita pitu mata
tassapi pita ca mata ca bhata ca bhagini ca putta ca dhitaro cati
evampi uddham ca adho ca yava sattama yuga. Pita pitu bhata
pitu bhagini pitu putta pitu dhitaro tesampi puttadhituparamparati
evampi yava sattama yuga. Mata matu mata tassa mata
tassapi matati evam yava sattama yuga. Mata matu pita
tassa pita ca mata ca bhata ca bhagini ca putta ca dhitaro
cati evampi uddham ca adho ca yava sattama yuga. Mata
matu bhata matu bhagini matu putta matu dhitaro tesampi
puttadhituparamparati evampi yava sattama yuga. Neva matusambandhena na
pitusambandhena sambaddha ayam annatika nama. Ubhatosangheti
bhikkhusanghe natticatutthena ca bhikkhunisanghe natticatutthena cati
atthavaciyakammena upasampanna. Sakim nivatthampi sakim parutampiti rajitva
kappam katva ekavarampi nivattham va parutam va. Antamaso
paribhogasisena amse va matthake va katva maggam gato hoti
ussisakam va katva nipanno hoti etampi puranacivarameva.
Sace pana paccattharanassa hettha katva nipajjati hatthehi va
ukkhipitva akase vitanam katva sisena aphusanto gacchati ayam
paribhogo nama na hotiti kurundiyam vuttam. Dhotam nissaggiyanti
ettha evam anatta bhikkhuni dhovanatthaya uddhanam sajjeti daruni
samharati aggim karoti udakam aharati yava nam dhovitva ukkhipati
---------------------------------------------------------------------------------------------
page188.
Tava bhikkhuniya payoge payoge bhikkhussa dukkatam dhovitva
ukkhittamattam nissaggiyam. Sace duddhotanti mannamana puna sincati
va dhovati va yava nitthanam na gacchati tava payoge payoge
dukkatam. Esa nayo rajanakottanesu. Rajanadoniyam hi rajanam
akiritva yava sakim rajati tato pubbe yankinci rajanatthaya karoti
paccha va patirajati evam sabbattha payoge payoge dukkatam.
Evam akottanepi payogo veditabbo. {506} Annatikaya
annatikasanni puranacivaram dhovapetiti no cepi imam me dhovati vadati
athakho dhovanatthaya kayavikaram katva hatthena hatthe deti padamule
va thapeti upari va khipati sikkhamanasamanerasamaneri-
upasikatitthiyadinam hatthe peseti nadititthe dhovantiya
upacare va khipati anto dvadasahatthe okase dhovapitamyeva
hoti. Sace pana upacaram muncitva orato thapeti sa ca
dhovitva aneti anapatti. Sikkhamanaya va samaneriya va
upasikaya va hatthe dhovanatthaya deti sa ce upasampajjitva
dhovati apattiyeva. Upasakassa hatthe deti so ce linge
parivatte bhikkhunisu pabbajitva upasampajjitva dhovati apattiyeva.
Samanerassa va bhikkhussa va hatthe dinnepi lingaparivattane
eseva nayo. Dhovapeti rajapetiti adisu ekena vatthuna
nissaggiyam dutiyena dukkatam. Tinipi karapentassa ekena
nissaggiyam sesehi dve dukkatani. Yasma pana etani
---------------------------------------------------------------------------------------------
page189.
Dhovanadini patipatiya va uppatipatiya va karentassa mokkho
natthi tasma ettha tini catukkani vuttani. Sacepi hi imam
civaram rajitva dhovitva anehiti vutte sa bhikkhuni pathamam dhovitva
paccha rajati nissaggiyena dukkatameva. Evam sabbesupi
viparitavacanesu nayo veditabbo. Sace pana dhovitva anehiti vutte
dhovati ceva rajati ca dhovanapaccayaeva apatti rajane
anapatti. Evam sabbattha vuttadhikarane avutta dhovatiti imina
lakkhanena anapatti veditabba. Imasmim civare yam katabbam tam
sabbam tuyham bharoti vadanto pana ekavacaya sambahula apattiyo
apajjati. Annatikaya vematiko annatikaya natikasanniti
imani pana padani vuttananeneva tinnam catukkanam vasena vittharato
veditabbani. Ekato upasampannayati bhikkhuninam santike
upasampannaya dhovapentassa dukkatam. Bhikkhunam santike upasampannaya
pana yathavatthukameva. Bhikkhunam santike upasampanna nama
pancasata sakiyaniyo. {507} Avutta dhovatiti uddesaya va ovadaya
va agata kilittham civaram disva thapitatthanato gahetva va
detha ayya dhovissamiti aharapetva va dhovati ca rajati ca
akotteti ca ayam avutta dhovati nama. Yapi imam civaram
dhovati daharam va samaneram va anapentassa bhikkhuno sutva
aharatha ayya aham dhovissamiti dhovati tavakalikam va gahetva
dhovitva rajitva deti ayampi avutta dhovati nama.
---------------------------------------------------------------------------------------------
page190.
Annam parikkharanti upahanatthavikapattatthavikaamsabandhakakaya-
bandhanamancapithabhisitatikadinam yankinci dhovapeti anapatti. Sesamettha
uttanatthameva.
Samutthanadisu pana idam sikkhapadam chassamutthanam kiriya
nosannavimokkham acittakam pannattivajjam kayakammam vacikammam
ticittam tivedananti.
Puranacivaradhovapanasikkhapadavannana nitthita.
The Pali Atthakatha in Roman Book 2 page 186-190.
http://84000.org/tipitaka/atthapali/read_rm.php?B=2&A=3911&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=3911&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=1&i=23
เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=751
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=765
The Pali Tipitaka in Roman Character :-
http://84000.org/tipitaka/read/roman_read.php?B=1&A=765
Contents of The Tipitaka Volume 1
http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]