AtthaPali Vol.2

{247} Sattamasikkhapade. Giraggasamajjoti girimhi aggasamajjo girassa va aggappadese samajjo. So kira sattame divase bhavissatiti nagare ghosana kariyati. Nagarassa bahiddha same bhumibhage pabbatacchayayam mahajanakayo sannipati. Anekappakarani natanatakani pavattanti. Tesam dassanattham mancatimance bandhanti. Sattarasavaggiya appannatte sikkhapade daharava upasampanna. Te natakani avuso passissamati tattha agamamsu. Atha nesam nataka amhakam ayya agatati tutthacitta nahapetva vilimpitva bhojetva annampi puvakhadaniyadim hatthe adamsu. Te sandhaya vuttam manussa sattarasavaggiye bhikkhu passitvati adi. {248-249} Vikaleti vigate kale. Kaloti bhikkhunam bhojanakalo adhippeto. So ca sabbantimena paricchedena majjhantiko tasmim vitivatteti

--------------------------------------------------------------------------------------------- page414.

Adhippayo. Tenevassa padabhajane vikalo nama majjhantike vitivatte yava arunuggamanati vuttam. Thitamajjhantikopi kalasangaham gacchati. Tato patthaya khaditum va bhunjitum va na sakka sahasa pivitum sakka bhaveyya kukkuccakena pana na kattabbam. Kalaparicchedajananattham ca kalatthambho yojetabbo. Kalantare va bhattakiccam katabbam. Avasesam khadaniyam namati ettha yam tava sakkhalimodakadi pubbannaparannamayam tattha vattabbamevamatthi. Yampi pannamuladippabhedam amisagatikam hoti seyyathidam mulakhadaniyam kandakhadaniyam mulalakhadaniyam matthakakhadaniyam khandhakhadaniyam tacakhadaniyam pattakhadaniyam pupphakhadaniyam phalakhadaniyam atthikhadaniyam pitthakhadaniyam niyyasakhadaniyanti idampi khadaniyasangahameva gacchati. Tattha pana amisagatikam sallakkhanattham idam khadaniyam mukhamattanidassanam. Mulakhadaniye tava mulakamulam varakamulam puccumulam tambakamulam tanduleyyakamulam vatthaleyyakamulam vajjakalimulam jajjharimulanti evamadini supeyyapannamulani amisagatikani. Ettha ca vajjakalimule jaraddham chinditva chaddenti tam yavajivikam hoti. Annampi evarupam eteneva nayena veditabbam. Mulakavarakajajjharimulani pana jaraddhanipi amisagatikanevati vuttam. Yani pana paliyam anujanami bhikkhave mulani bhesajjani haliddam singaveram vacam vacattham ativisam katukarohinim usiram bhaddamuttakam yani va panannanipi atthi

--------------------------------------------------------------------------------------------- page415.

Mulani bhesajjani neva khadaniye khadaniyattham pharanti na bhojaniye bhojaniyattham pharantiti ^1- vuttani tani yavajivikani. Tesam culapancamulam mahapancamulanti adina nayena ganiyamananam gananaya anto natthi. Khadaniyatthanca bhojaniyatthanca apharanabhavoyeva panetesam lakkhanam. Tassa yankinci mulam tesu tesu janapadesu pakatiaharavasena manussanam khadaniyattham bhojaniyattham ca pharati tam yavakalikam itaram yavajivikanti veditabbam. Subahum vatvapi hi imasmimyeva lakkhane thatabbam. Namasannasu pana vuccamanasu tam tam namam ajanantanam sammohoyeva hoti. Tasma namasannaya adaram akatva lakkhanameva dassitam. Yatha ca mule evam kandadisupi yam lakkhanam dassitam tasseva vasena vinicchayo veditabbo. Yanca tam paliyam haliddadi atthavidham vuttam tassa khandhatacapupphaphalampi sabbam yavajivikanti vuttam. Kandakhadaniye duvidho kando digho ca vatto ca. Digho ca rasso ca bhisakimsukakandadi vatto uppalakaserukakandadi yam ganthitipi vadanti. Tattha sabbesam kandanam jinnajaraddhatthanam ca challi ca sukhumamulani ca yavajivikani. Taruno pana sukhakhadaniyo salakalyanipotakakando kimsukapotakakando ambatakakando ketakakando maluvakando bhisasankhato padumapundarikakando pindalumasaluadayo ca vallikanda aluvakando siggukando talakando niluppalarattuppalakumudasogandhikanam kanda kaddalikando velukando @Footnote: ^1. vi. mahavagga. 5/41.

--------------------------------------------------------------------------------------------- page416.

Kaserukakandoti evamadayo tesu tesu janapadesu pakatiaharavasena manussanam khadaniyattham bhojaniyattham ca pharanakanda yavakalika. Khiravallikando adhoto yavajiviko dhoto yavakaliko. Khirakakolijivikausabhakalasunadikanda pana yavajivika. Te paliyam yani va panannanipi atthi mulani bhesajjaniti ^1- evam mulabhesajjasangaheneva sangahita. Mulalakhadaniye padumamulalam pundarikamulalasadisameva. Erakamulam kandalamulanti evamadi tesu tesu janapadesu pakatiaharavasena manussanam khadaniyattham bhojaniyatthanca pharanakamulalam yavakalikam. Haliddasingavera- makacicaturassavalliketakatalahintalakuntalanalikerapugarukkhadimulalam pana yavajivikam. Tam sabbampi paliyam yani va panannanipi atthi mulani bhesajjaniti ^2- evam mulabhesajjasangaheneva sangahitam. Matthakakhadaniye talahintalakuntalaketakanalikerapugarukkhakhajjurivettaerakakaddalinam kalirasankhata matthaka velukaliro nalakaliro ucchukaliro mulakakaliro sasapakaliro satavarikaliro sattannam dhannanam kalirati evamadi tesu tesu janapadesu pakatiaharavasena manussanam khadaniyattham bhojaniyattham ca pharanako rukkhavalliadinam matthako yavakaliko. Haliddasingaveravacamakacilasunanamkaliranamtalahintalakuntalanalikerakaliranam ca chinditva patito jaraddhabundho yavajiviko. Khandhakhadaniye antopathavigato salakalyanikkhandho ucchukkhandho niluppalarattuppalakumudasogandhikanam khandhati evamadi tesu tesu janapadesu @Footnote: 1.2. vi. mahavagga. 5/41.

--------------------------------------------------------------------------------------------- page417.

Pakatiaharavasena manussanam khadaniyattham bhojaniyatthanca pharanako khandho yavakaliko. Uppalajatinam pannadandako padumajatinam sabbopi dandako aravindakadandadayo ca avasesa sabbe khandha yavajivika. Tacakhadaniye ucchuttacova eko yavakaliko. Sopi saraso. Seso sabbo yavajiviko. Tesam pana matthakakkhandhattacanam tinnampi paliyam kasavabhesajjena sangaho veditabbo. Vuttam hetam anujanami bhikkhave kasavani bhesajjani nimbakasavam kudajakasavam paggavakasavam nattamalakasavam yani va panannanipi atthi kasavani bhesajjani neva khadaniye khadaniyattham pharanti na bhojaniye bhojaniyattham pharantiti ^1-. Ettha etesampi sangaho sijjhati. Vuttakasavani ca sabbakappiyaniti veditabbani. Pattakhadaniye mulako varako puccutambako tanduleyyako punnago vatthaleyyako vajjakali jajjhari selu siggu kasamaddako ummacinamuggo maso rajamaso thapetva mahanipphavam avasesanipphavo aggimattho sunisannako setavarano naliko bhumiyam jataloniti etesam pattani annani ca evarupani tesu tesu janapadesu pakatiaharavasena manussanam khadanayattham bhojaniyattham ca pharanakani pattani ekamsena yavakalikani. Ya panannapi mahanakhapitthimattapannaloni rukkhe va gacche va arohati tassa pattam yavajivikam brahmipattanca yavajivikanti dipavasino vadanti. Ambapallavam yavakalikam. Asokapallavam pana yavajivikam. Yani va panannani paliyam anujanami bhikkhave @Footnote: ^1. vi. mahavagga. 5/42. paliyam anujanami.. nimbakasavam kutjakasavam patolakasavanti @dissati.

--------------------------------------------------------------------------------------------- page418.

Pannani bhesajjani nimbapannam kudajapannam ^1- patolapannam gulasipannam kappasikapannam yani va panannanipi atthi pannani bhesajjani neva khadaniye khadaniyattham na bhojaniye bhojaniyattham pharantiti ^2- vuttani tani yavajivikani. Na kevalanca pannani tesam pupphaphaladinipi. Yavajivikapannanam patolapannam paggavapannam ajjukapannam phanijjakapannam tambolapannam paduminipannanti evam gananavasena anto natthi. Pupphakhadaniye mulakapuppham varakapuppham puccupuppham tambakapuppham vajjakalipuppham jajjharipuppham culanipphavapuppham mahanipphavapuppham kaserukapuppham nalikeratalaketakanam tarunapupphani setavaranapuppham siggupuppham uppalapadumajatikanam pupphani kannikarapuppham agandhikapuppham kannavirapuppham jivapupphanti evamadi tesu tesu janapadesu pakatiaharavasena manussanam khadaniyattham bhojaniyattham ca pharanakapuppham yavakalikam. Asokabakulakuleyyakapunnagacampakajati- kannavirakannikarakandavanamalikamallikadinam pana puppham yavajivikam. Tassa gananaya anto natthi. Paliyam panassa kasavabhesajjeneva sangaho veditabbo. Phalakhadaniye panasalabujatala- nalikeraambajambuambatakatintinikamatulungakapitthalavukumbhanda- pussaphalatimbarusakatipusavatinganacocamocamadhukadinam phalani yani loke tesu tesu janapadesu pakatiaharavasena manussanam khadaniyattham bhojaniyattham ca pharanti sabbani tani yavakalikani. Namagananavasena ca nesam na sakka pariyantam dassetum. Yani ca pana paliyam anujanami @Footnote: ^1. paliyam kutajapannanti dissati. ^2. vi. mahavagga. 5/42.

--------------------------------------------------------------------------------------------- page419.

Bhikkhave phalani bhesajjani vilangam pipphali ^1- maricam haritakam vibhitakam amalakam kotthaphalam yani va panannanipi atthi phalani bhesajjani neva khadaniye khadaniyattham pharanti na bhojaniye bhojaniyattham pharantiti ^2- vuttani tani yavajivikani. Tesampi aparipakkani acchiva bimbavaranaketakakasmiriadinam phalani jatiphalam katukaphalam ela takkolanti evam namavasena na sakka pariyantam dassetum. Atthikhadaniye labujatthi panasatthi ambatakatthi salatthi khajjuriketakatimbarusakanam tarunaphalatthi tintinikatthi bimbaphalatthi kosambatthi uppalapadumajatinam pokkharatthiti evamadini tesu tesu janapadesu manussanam pakatiaharavasena khadaniyattham bhojaniyattham ca pharanakani atthini yavakalikani. Madhukatthi punnagatthi haritakadinam atthini siddhatthakatthi rajikatthiti evamadini atthini yavajivikani. Tesam paliyam phalabhesajjeneva sangaho veditabbo. Pitthakhadaniye sattannam dhannanam dhannanulomanam aparannananca pittham panasapittham labujapittham ambatakapittham salapittham dhotakatalapittham ca khiravallipitthancati evamadini tesu tesu janapadesu pakatiaharavasena manussanam khadaniyattham bhojaniyattham ca pharanakani pitthani yavakalikani. Adhotakatalapittham khiravallipittham assagandhadipitthani yavajivikani. Tesam paliyam kasavehi ca mulaphalehi ca sangaho veditabbo. Niyyasakhadaniye eko ucchuniyyaso sattahakaliko. Sesa anujanami bhikkhave jatuni bhesajjani himgu himgujatu himgusipatika takkam takkapatti takkapanni ^3- sajjulasam yani va panannanipi @Footnote: ^1. paliyam pipphalinti dissati. ^2. vi. mahavagga. 5/42-3. ^3. paliyam hingum @hingujatum hingusipatikam takam takapattim takapanninti dissati.

--------------------------------------------------------------------------------------------- page420.

Atthi jatuni bhesajjaniti ^1- evam paliyam vuttaniyyasa yavajivika. Tattha yevapanakavasena sangahitanam kannikaraniyyaso ambaniyyasoti evam namavasena na sakka pariyantam dassetum. Evam imesu mulakhadaniyadisu yankinci yavakalikam sabbampi imasmim atthe avasesam khadaniyam namati sangahitam. Bhojaniyam nama panca bhojananitiadimhi yam vattabbam tam vuttameva. Khadissami bhunjissamiti patigganhati apatti dukkatassati yo bhikkhu vikale etam khadaniyam bhojaniyam ca patigganhati tassa patiggahane tava apatti dukkatassa. Sesamettha uttanameva. Elakalomasamutthanam kayato ca kayacittato ca samutthati kiriya nosannavimokkham acittakam pannattivajjam kayakammam ticittam tivedananti. Vikalabhojanasikkhapadam sattamam.

The Pali Atthakatha in Roman Book 2 page 413-420. http://84000.org/tipitaka/atthapali/read_rm.php?B=2&A=8712&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=8712&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1