Atthakatha Book 2 : PALI ROMAN
Vinaya.A. (samanta.2)

     {263} Dasamasikkhapade. Catusu paccayesu antamaso dantakatthampi
sabbam pamsukulameva assati sabbapamsukuliko. So kira susane
chadditabhajanameva pattam katva tattha chadditacolakeheva civaram katva
tattha chadditamancapithakaniyeva gahetva paribhunjati. Ayyavosatitakaniti
ettha ayyati vuccanti kalakata pitipitamaha. Vosatitakani
vuccanti tesam atthaya susanadisu chadditakani khadaniyabhojaniyani.
Manussa kira kalakate natake uddissa yantesam sajivakale piyam hoti
tam etesu susanadisu pindapindam katva nataka no paribhunjantuti
thapenti. So bhikkhu tam gahetva bhunjati annam panitampi
diyyamanam na icchati. Tena vuttam susanepi rukkhamulepi ummarepi
ayyavosatitakani samam gahetva paribhunjatiti. Theroti thiro
ghanabaddho. Vaddharoti thulo 1-. Thulo ca ghanasariro cayam bhikkhuti
@Footnote: 1. vadharoti ghatakoti amhakam mati. paliyam vadharoti dissati.
---------------------------------------------------------------------------------------------
page427.
Vuttam hoti. Manussamamsam manne khadatiti manussamamsam khadatiti nam
sallakkhema. Manussamamsam khadanta hi idisa bhavantiti ayam tesam
adhippayo. {264} Udakadantapone kukkuccayantiti ettha te bhikkhu
adinnam mukhadvaram aharam ahareyyati padassa samma attham
asallakkhetva kukkuccayimsu. Bhagava pana yathauppannassa
vatthussa vasena pita viya darake te bhikkhu sannapento
anuppannattim thapesi. {265} Adinnanti kayena va kayapatibaddhena
va ganhantassa kayakayapatibaddhanissaggiyanam annataravasena
na dinnam. Etadeva hi sandhaya padabhajane adinnam nama
apatiggahitakam vuccatiti vuttam. Dutiyaparajike pana adinnannama
parapariggahitam vuccatiti vuttam. Dinnanti idam pana tasseva
adinnassa patipakkhavasena lakkhanadassanattham uddhatam. Niddese
cassa kayena va kayapatibaddhena va nissaggiyena va denteti
evam annasmim dadamane. Hatthapase thito kayena va
kayapatibaddhena va patigganhatiti tam evam diyamanam antamaso
ratharenumpi sace pubbe vuttalakkhane hatthapase thito kayena
va kayapatibaddhena va patigganhati. Etam evam patiggahitam
dinnam nama vuccati. Na idam ganha idam tava hotutiadivacanena
nissattham. Tattha kayenati hatthadisu yenakenaci sariravayavena
antamaso padanguliyapi diyamanam kayena dinnam nama hoti.
Patiggahanepi eseva nayo. Yenakenaci hi sariravayavena gahitam
---------------------------------------------------------------------------------------------
page428.
Kayena gahitameva hoti. Sacepi natthukaraniyam diyamanam nasaputena
akallakova mukhena patigganhati. Abhogamattameva hi ettha
pamanam. Ayam nayo mahapaccariyam vutto. Kayapatibaddhenati
katacchuadisu yenakenaci upakaranena dinnam kayapatibaddhena dinnam
nama hoti. Patiggahanepi eseva nayo. Yenakenaci
sarirasambaddhena pattathalakadina gahitam kayapatibaddhena patiggahitameva
hoti. Nissaggiyenati kayato ca kayapatibaddhato ca mocetva
hatthapase thitassa kayena va kayapatibaddhena va patiyamanam hi
nissaggiyena payogena dinnam nama hoti. Ayam tava palivannana.
     Ayam panettha palimuttakavinicchayo veditabbo. Pancahi
angehi patiggahanam ruhati. Thamamajjhimassa purisassa uccaranamattam
hoti hatthapaso pannayati abhiharo pannayati devo va manusso
va tiracchanagato va deti tam pana bhikkhu kayena va kayapatibandhena
va patigganhati. Evam pancahangehi patiggahanam ruhati.
     Tattha thitanisinnanipannanam pavaranasikkhapade vuttanayena hatthapaso
veditabbo. Sace pana dayakapatiggahakesu eko akase hoti
eko bhumiyam bhummatthassa ca sisena akasatthassa ca thapetva
datum va gahetum va pasaritahattham yam asannataram angam tassa
orimantena hatthapasappamanam paricchinditabbam. Sacepi eko kupe
hoti eko kupatate eko va rukkhe eko pathaviyam vuttanayeneva
hatthapasappamanam paricchinditabbam. Evarupe hatthapase thatva
---------------------------------------------------------------------------------------------
page429.
Sacepi pakkhi mukhatundakena hatthi va sondaya gahetva puppham va
phalam va deti patiggahanam ruhati. Sace pana pana addhatthamaratanassapi
hatthino khandhe nisinno tena sondaya diyamanam ganhati
vattatiyeva. Eko bahuni bhattabyanjanabhajanani sise katva
bhikkhussa santikam agantva thitakova ganhathati vadati na tava
abhiharo pannayati tasma na gahetabbam. Sace pana isakampi
onamati bhikkhuna hattham pasaretva hetthimabhajanam ekadesenapi
sampaticchitabbam. Ettavata sabbabhajanani patiggahitani honti.
Tato patthaya oropetva va ugghatetva va yam icchati tam
gahetum vattati. Sabhattapacchiadimhi pana ekabhajane vattabbameva
natthi. Kajena bhattam harantopi sace kajam onametva deti
vattati. Sacepi timsahattho velu hoti ekasmim ante gulakumbho
baddho hoti ekasmim sappikumbho tam ce patigganhati sabbam
patiggahitameva. Ucchuyantadonito paggharantameva rasam ganhathati
vadati abhiharo na pannayatiti na gahetabbo. Sace pana
kasatam chaddetva hatthena ussincitva ussincitva deti vattati.
     Bahu patta mance va pithe va katasarake va doniyam va
phalake va thapita honti. Yattha thitassa dayako hatthapase hoti
tattha thatva patiggahanasannaya mancadini anguliyapi phusitva
thitena va nisinnena va nipannena va yantesu pattesu diyati
tam sabbam patiggahitam hoti. Sacepi patiggahessamiti mancadini
---------------------------------------------------------------------------------------------
page430.
Aruhitva nisidati vattatiyeva. Pathaviyam pana sacepi kucchiya
kucchim ahacca thita honti yam yam pattam anguliya va suciya va
phusitva nisinno hoti tattha tattha diyamanameva patiggahitam hoti.
Yattha katthaci mahakatasarahatthattharadisu thapitapatte patiggahanam na
ruhatiti vuttam. Tam hatthapasatikkamam sandhaya vuttanti veditabbam.
Hatthapase pana sati yattha katthaci vattati annatra tattha jataka.
     Tattha jatake pana paduminipanne va kimsukapannadimhi va
na vattati. Na hi tam kayapatibaddhasankhyam gacchati. Yatha ca tattha
jatake evam khanuke bandhitva thapitamancadimhi asamharime
phalake va pasane va na ruhatiyeva. Tepi hi tattha jatake
sankhepupaga honti. Bhumiyam atthatesu sukhumesu tintinikadipannesupi
patiggahanam na ruhati. Na hi tani santhatum samatthaniti.
Mahantesu pana paduminipannadisu ruhati. Sace tattha hatthapasam
atikkamma thito dighadandakena ulunkena deti agantva dehiti
vattabbo. Vacanam assutva va anadiyitva va patte
akiratiyeva puna patiggahetabbam. Dure thatva bhattapindam khipantepi
eseva nayo. Sace pattatthavikato nihariyamane patte rajanacunnani
honti sati udake dhovitabbo . Asati rajanacunnam punchitva
patiggahetva va pindaya caritabbam. Sace pindaya carantassa
rajam 1- patati patiggahetva bhikkha ganhitabba. Apatiggahetva
@Footnote: 1. rajo.
---------------------------------------------------------------------------------------------
page431.
Ganhato pana vinayadukkatam. Tam pana puna patiggahetva bhunjato
anapatti. Sace pana patiggahetva dethati vutte vacanam
assutva va anadiyitva va bhikkham dentiyeva vinayadukkatam
natthi. Puna patiggahetva anna bhikkha patiggahetabba. Sace
mahavato tato tato rajam pateti na sakka hoti bhikkham
gahetum anupasampannassa dassamiti suddhacittena abhogam katva
ganhitum vattati. Evam pindaya caritva viharam va asanasalam
va gantva tam anupasampannassa datva puna tena dinnam va
tassa vissasena va patiggahetva bhunjitum vattati. Sace
bhikkhacare sarajam pattam bhikkhussa deti so vattabbo imam
patiggahetva bhikkham va ganheyyasi paribhunjeyyasi vati. Tena
tatha katabbam. Sace rajam upari uppalavati kanjikam pavahetva
sesam bhunjitabbam. Sace anto pavittham hoti patiggahetabbam.
Anupasampanne asati hatthato amocenteneva yattha anupasampanno atthi
tattha netva patiggahetabbam. Sukkhabhatte patitarajam apanetva bhunjitum
vattati. Sace pana atisukhumam hoti uparibhattena saddhim apanetabbam
patiggahetva va bhunjitabbam. Yagum va supam va purato
thapetva alulentanam bhajanato phusatani uggantva patte
patanti patto patiggahetabbo. Ulunkena aharitva dentanam
pathamataram ulunkato theva patte patanti supatita abhihatatta
doso natthi. Sacepi carukena bhatte akiriyamane carukato
---------------------------------------------------------------------------------------------
page432.
Masi va charika va patati abhihatatta nevatthi doso.
Anantarassa bhikkhuno diyamanam pattato uppatitva itarassa
patte patati supatitam patiggahitakameva hoti. Sace jajjharisakadim
phaletva ekassa bhikkhuno dentanam sakato phusitani annassa
patte patanti patto patiggahetabbo. Yassa pattassa upari
phalenti tassa patte patitesu datukamataya abhihatatta doso
natthi. Payasassa puretva pattam denti unhatta hettha
gahetum na sakkoti mukhavattiyapi gahetum vattatiyeva. Sace tathapi
na sakkoti adharakena ganhitabbo. Asanasalayam pattam
gahetva nisinno bhikkhu niddam okkamanto hoti. So neva
ahariyamanam na diyamanam janati apatiggahitakam hoti. Sace pana
abhogam katva nisinno hoti vattati. Sacepi so hatthena
adharakam muncitva padena piletva niddayati vattatiyeva.
Padena adharakam akkamitva patigganhantassa pana jagarantassapi
anadarapatiggahanam hoti tasma na katabbam. Keci evam adharakena
patiggahanam kayapatibaddhapatibaddhena patiggahanam nama hoti
tasma na vattatiti vadanti. Tam vacanamattameva. Atthato pana
sabbametam kayapatibaddhameva hoti. Kayasamsaggepi cesa nayo
dassito. Yampi bhikkhussa diyamanam patati tampi samam gahetva
paribhunjitum vattati. Tatridam suttam anujanami bhikkhave yam
diyamanam patati tam samam gahetva paribhunjitum tam kissahetu
---------------------------------------------------------------------------------------------
page433.
Pariccattam tam bhikkhave dayakehiti 1-. Idanca pana suttam neyyattham
tasma evamettha adhippayo veditabbo. Yam diyamanam dayakassa
hatthato parigalitva suddhaya va bhumiya paduminipannavatthakatasarakadisu
va patati tam samam gahetva paribhunjitum vattati.
Yam pana sarajaya bhumaya patati tam rajam punchitva va dhovitva
va patiggahetva va paribhunjitabbam. Sace pana pavattantam annassa
bhikkhuno santikam gacchati tena aharapetumpi vattati. Sace tam
bhikkhum vadati tvamyeva khadati tassapi khaditum vattati.
Ananattena pana tena na gahetabbam. Ananattenapi itarassa
dassamiti gahetum vattatiti kurundiyam vuttam. Kasma panetam
itarassa bhikkhuno gahetum na vattatiti. Bhagavata ananunnatatta.
Bhagavata hi samam gahetva paribhunjitunti vadantena yasseva tam
diyamanam patati tassa appatiggahitakampi tam gahetva paribhogo
anunnato. Pariccattam tam bhikkhave dayakehiti vacanena panettha
parasantakabhavo dipito tasma annassa samam gahetva
paribhunjitum na vattati tassa pana anattiya vattati. Ayam
kirettha adhippayo. Yasma ca tam apatiggahitakatta anunnatam
tasma yathathitamyeva anamasitva kenaci pidahitva thapitam dutiyadivasepi
paribhunjitum vattati. Sannidhipaccaya anapatti. Patiggahetva pana
paribhunjitabbam. Tamdivasamyeva hi tassa samam gahetva paribhogo
anunnato na tato paranti ayampi kirettha adhippayo. Idani
@Footnote: 1. vi. cullavagga. 7/58.
---------------------------------------------------------------------------------------------
page434.
Abboharikanayo vuccati. Bhunjantanam hi danta khiyanti
nakha khiyanti pattassa vanno khiyati sabbam abboharikam.
Satthakena ucchuadisu phalitesu malam pannayati etam navasamutthitam
nama patiggahetva paribhunjitabbam. Satthakam dhovitva phalitesu
malam na pannayati lohagandhamattam hoti tam abboharikam.
Yampi satthakam gahetva pariharanti tena phalitesupi eseva nayo.
Na hi tam paribhogatthaya pariharantiti. Mulabhesajjadini pimsantanam va
kottentanam va nisadanisadapotakaudukkhalamusalani khiyanti.
Pariharanakavasim tapetva bhesajjatthaya takke va khire va pakkhipanti.
Tattha nilaka pannayati. Satthake vuttasadisova vinicchayo.
Amakatakkadisu pana sayam na pakkhipitabba. Pakkhipati ce
samapakato na muccati. Deve vassante pindaya carantassa
sarirato va civarato va kilittham udakam patte patati tam
patiggahetabbam. Rukkhamuladisu bhunjantassa patitepi eseva
nayo. Sace pana sattaham vassante deve suddhamudakam hoti
abbhokasato va patati vattati. Samanerassa odanam dentena
tassa pattagatam acchupanteneva databbam. Patto vassa
patiggahetabbo. Apatiggahite odanam chupitva puna attano patte
odanam ganhantassa uggahitako hoti. Sace pana datukamo
hutva ahara samanera pattam odanam ganhati vadati itaro ca alam
mayhanti patikkhipati puna tavetam maya pariccattanti ca vuttepi
---------------------------------------------------------------------------------------------
page435.
Na mayham etenatthoti vadati satakkhattumpi pariccajatu yava
attano hatthagatam patiggahitakameva hoti. Sace pana adharakepi
thitam nirapekkho ganhahiti vadati puna patiggahetabbam. Sace
sapekkho adharake pattam thapetva eto puvam va bhattam va
ganhati samaneram vadati samanero hattham dhovitva sacepi
satakkhattum gahetva attano pattagatam aphusantova attano patte
pakkhipati puna patiggahanakiccam natthi. Yadi pana attano
pattagatam phusitva tato  ganhati samanerassa santakena samsattham
hoti puna patiggahetabbam. Keci pana sacepi gayhamanam chijjitva
tattha patati puna patiggahetabbanti vadanti. Tam ekam
bhattapindam ganha ekam puvam ganha imassa gulapindassa ettakam
padesam ganhati evam paricchinditva vutte veditabbam. Idha pana
paricchedo natthi tasma yam samanerassa patte patati tadeva
patiggahanam vijahati. Hatthagatam pana yava samanero va alanti
na oramati bhikkhu va na vareti tava bhikkhusseva santakam tasma
patiggahanam na vijahati. Sace attano va bhikkhunam va yagupacanakabhajane
kesanci atthaya bhattam pakkhipati samanera bhajanassa upari hattham
karohiti vatva tassa hatthe pakkhipitabbam. Tass hatthato bhajane
patati. Tam hi dutiyadivase bhajanassa akappiyabhavam na karoti
pariccattatta. Sace evam akatva pakkhipati pattamiva bhajanam
niramisam katva paribhunjitabbam. Dayaka yagukutam thapetva
---------------------------------------------------------------------------------------------
page436.
Gata. Tam daharasamanero patigganhapetum na sakkoti. Bhikkhu
pattam upanameti. Samanero kutassa givam pattassa mukhavattiyam
thapetva avatteti. Pattagata yagu patiggahitava hoti.
Athava bhikkhu bhumiyam hattham thapeti. Samanero pavattetva
tattha aropeti vattati. Puvapacchibhattapacchiucchubharadisupi eseva
nayo. Sace patiggahanupagam bharam dve tayo va samanera
denti ekena va balavata ukkhittam dve tayo bhikkhu ganhanti
vattati. Mancassa va pithassa va padesu telaghatam va phanitaghatam
va laggenti bhikkhussa mancepi pithepi nisiditum vattati.
Uggahitakam nama na hoti. Nagadantake va ankusake va dve
telaghata laggita honti. Upari patiggahitako hettha
apatiggahitako. Uparimam gahetum vattati. Hettha patiggahitako upari
apatiggahitako. Uparimam gahetva itaram ganhato uparimo uggahitako
hoti. Hetthamance apatiggahitakam telathalakam hoti. Tance
sammajjanto sammajjaniya ghatteti uggahitakam na hoti. Patiggahitakam
ganhissamiti apatiggahitakam ganhitva natva puna gahitatthane
thapeti uggahitakam na hoti. Bahi niharitva sanjanati.
Bahi atthapetva haritva tattheva thapetabbam natthi doso.
Sace pana pubbe vivaritva thapitam na pidahitabbam yatha pubbe thitam
tatheva thapetabbam. Sace bahi thapeti puna na chupitabbam. Atha
hetthapasadam orohanto nissenimajjhe sanjanati anokasatta
---------------------------------------------------------------------------------------------
page437.
Uddham va adho va niharitva thapetabbam. Patiggahitake
teladimhi kanika uttheti. Singaveradimhi ghunacunnam.
Tamsamutthanameva nama etam puna patiggahanakiccam natthi. Talam va
nalikeram va arulho yottena phalapindam otaretva uparitthitova
ganhathati vadati na gahetabbam. Sace anno bhumiyam thito
yottapasake gahetva ukkhipitva deti vattati. Saphalam mahasakham
kappiyam karetva patigganhati. Phalani patiggahitaneva honti
yathasukham paribhunjitum vattati. Antovatiyam thatva vatim chinditva
ucchum va timbarusakam va denti. Hatthapase sati vattati.
Vatidandakesu appaharitva niggatam ganhantassa vattati. Paharitva
niggate atthakathasu doso na dassito. Mayam pana yam thanam
pahatam tato sayam patitamiva hotiti takkayama. Tampi atthatva
gacchante yujjati sunkaghatato pavattetva bahi patitabhandam viya.
Vatim va pakaram va langhapetva denti. Sace pana na puthulo
pakaro antopakare ca bahipakare ca thitassa hatthapaso pahoti
hatthasatampi uddham gantva sampattam gahetum vattati. Bhikkhu gilanam
samaneram khandhena vahati. So phalaphalam disva gahetva khandhe
nisinnova deti vattati. Aparo bhikkhum vahanto khandhe nisinnassa
bhikkhuno deti vattatiyeva. Bhikkhu phalinim sakham chayatthaya gahetva
gacchati. Phalani khaditum citte uppanne patiggahapetva khaditum
vattati. Macchikavaranattham kappiyam karetva patigganhati.
---------------------------------------------------------------------------------------------
page438.
Khaditukamo ce hoti mulapatiggahanameva vattati khadantassa doso
natthi. Bhikkhu patiggahanaraham bhandam manussanam yane thapetva maggam
gacchati. Yanam kaddame laggati. Daharo cakkam gahetva ukkhipati
vattati. Uggahitakam nama na hoti. Navayam thapetva navam
arittena va pajeti hatthena va kaddhati vattati. Ulumpepi
eseva nayo. Patiya va kundake va ghate va thapetvapi
tam anupasampannena gahapetva anupasampannam bahayam gahetva
taritum vattati. Tasmimpi asati anupasampannam gahapetva tam
bahayam gahetva taritum vattati. Upasaka gamikabhikkhunam
patheyyatandule denti. Samanera bhikkhunam tandule gahetva attano
tandule gahetum na sakkonti. Bhikkhu tesam tandule ganhanti.
Samanera attana gahitatandulesu khinesu itarehi tandulehi yagum
pacitva sabbesam pattani patipatiya thapetva yagum akiranti.
Pandito samanero attano pattam gahetva therassa deti
therassa pattam dutiyatherassati evam sabbani parivatteti. Sabbehi
samanerassa santakam bhuttam hoti vattati. Sacepi samanero
apandito hoti attano patte yagum sayameva patum arabhati
avuso tuyham yagum mayham dehiti evam therehi patipatiya yacatva
pivitum vattati. Sabbehi samanerassa santakameva bhuttam hoti.
Neva uggahitakapaccaya na sannidhipaccaya vajjam phusanti. Ettha
pana matapitunam teladinam chayadinam atthaya sakhadini ca harantanam
---------------------------------------------------------------------------------------------
page439.
Imesam ca viseso na dissati tasma karanam upaparikkhitabbam.
     Samanero bhattam pacitukamo tandule dhovitva niccaletum na
sakkoti. Bhikkhuna tandule ca bhajanam ca patiggahetva tandule
dhovitva niccaletva bhajanam uddhanam aropetabbam. Aggi
na katabbo. Pakkakale vivaritva pakkabhavo janitabbo.
Sace duppakkam hoti pakatthaya pidahitum na vattati. Rajassa
va charikaya va apatanatthaya vattati. Pakkakale oropetumpi
bhunjitumpi vattati. Tato patthaya puna patiggahanakiccam natthi.
     Samanero patibalo pacitum khano panassa natthi katthaci
gantukamo bhikkhuna satandulodakam bhajanam patiggahetva uddhanam
aropetva aggim jaletva gacchati vattabbo. Tato param
purimanayeneva sabbam katum vattati. Bhikkhu yaguatthaya suddhabhajanam
aropetva udakam tapeti vattati. Tatte udake samanero
tandule pakkhipati. Tato patthaya pana bhikkhuna aggi na
katabbo. Pakkam yagum patiggahetva patum vattati. Samanero
yagum pacati. Hatthakukkuccako bhikkhu kilanto bhajanam amasati
pidhanam amasati uggatam phenum chinditva harati. Tasseva patum
na vattati. Durupacinnam nama hoti. Sace pana dabbim va
ulunkam va gahetva anukkhipanto aluleti sabbesam na vattati.
Samapakanceva hoti durupacinnam ca. Sace ukkhipati uggahitakampi
hoti. Bhikkhuna pindaya caritva adharake patto thapito
---------------------------------------------------------------------------------------------
page440.
Hoti. Tatra ce anno lolabhikkhu kilanto pattam amasati
pattapidhanam amasati. Tasseva tato laddhabhattam na vattati.
Sace pana pattam ukkhipitva thapeti sabbesam na vattati. Tattha
jatakaphalani sakhaya va valliya va gahetva caleti. Tasseva
tato laddhaphalam na vattati. Durupacinnadukkatanca apajjati.
Phalarukkham pana apassayitum va tattha kantake va bandhitum vattati
durupacinnam na hotiti mahapaccariyam vuttam. Aranne patitam pana
ambaphaladim disva samanerassa dassamiti aharitva datum
vattati. Sihavighasadim disva samanerassa dassamiti patiggahetva
va apatiggahetva va aharitva datum vattati. Sace
pana sakkoti vitakkam sodhetum tato laddham khaditumpi vattati.
Neva amakamamsapatiggahanapaccaya na uggahitakapaccaya vajjam phusati.
     Matapitunam atthaya teladini gahetva gacchato antaramagge
byadhi uppajjati. Tato yam icchati tam patiggahetva paribhunjitum
vattati. Sace pana mulepi patiggahitam hoti puna patiggahanakiccam
natthi. Matapitunam atthaya tandulam aharitva deti.
Te tatoyeva yaguadini sampadetva tassa denti vattati.
Sannidhipaccaya va uggahitakapaccaya va doso natthi. Bhikkhu
pidahitva udakam tapeti. Yava parikkhaya paribhunjitum vattati.
Sace panettha charika patati patiggahetabbam. Dighasandasena
thalakam gahetva telam pacantassa charika patati. Hatthena
---------------------------------------------------------------------------------------------
page441.
Amuncanteneva pacitva otaretva patiggahetabbam. Sace
angarapi daruni va patiggahetva thapitani mulapatiggahanameva
vattati. Bhikkhu ucchum khadati. Samanero mayhampi dethati
vadati. Ito chinditva ganhati vutto ganhati. Avasesesu
pana patiggahanakiccam natthi. Gulapindakam khadantassapi eseva
nayo. Vuttokasato chinditva gahitavasesam hi ajahitapatiggahanameva
hoti. Bhikkhu gulam bhajento patiggahetva kotthase
karoti. Bhikkhupi samanerapi agantva ekagahaneneva ekamekam
kotthasam ganhanti. Gahitavasesam patiggahitakameva hoti. Sace
lolasamanero ganhitva ganhitva puna thapeti tassa gahitavasesam
apatiggahitakam hoti. Bhikkhu dhumavattim patiggahetva dhumam
pivati. Mukham ca kantho ca manosilaya litto viya hoti .
Yavakalikam bhunjitum vattati. Yavakalikena yavajivikasamsaggadoso
natthi. Pattam va rajanam va pacantassa kannanasamukhacchiddehi dhumo
pavisati byadhipaccaya puppham va phalam va upasimghati. Abboharikatta
vattati. Bhuttuttaro talum ahacca antoyeva pavisati.
Avisayatta vattati. Mukhapavittham puna ajjhoharato vikale
apatti. Dantantare laggassa amisassa raso pavisati
apattiyeva. Sace sukhumam amisam hoti raso na pannayati
abboharikapakkham bhajati. Upakatthe kale nirudakatthane bhattam bhunjitva
kakkaretva dve tayo khelapinde patetva udakatthanam gantva
---------------------------------------------------------------------------------------------
page442.
Mukham vikkhaletabbam. Patiggahetva thapitasingaveradinam ankura
nikkhamanti. Puna patiggahanakiccam natthi. Lone asati samuddodakena
lonakiccam katum vattati. Patiggahetva thapitam lonodakam
lonam hoti lonam va udakam hoti. Ucchuraso phanitam
hoti phanitam va raso hoti. Mulapatiggahanameva vattati.
Himakaraka udakagatikaeva. Pariharikena katakatthina udakam pasadenti
tam abboharikam amisena saddhim vattati. Amisagatikehi
kapitthaphaladihi pasaditam purebhattameva vattati. Pokkharaniadisu udakam
bahalam hoti vattati. Sace pana mukhe ca hatthe ca laggati
na vattati. Tam patiggahetva paribhunjitabbam. Khettesu kasitatthane
bahalam udakam hoti patiggahetabbam. Sace sanditva kandaradini
pavisitva nadim pureti vattati. Kakudhasobbhadayo honti rukkhato
patitehi pupphehi sanchannodaka. Sace puppharaso na pannayati
patiggahanakiccam natthi. Parittam udakam hoti raso pannayati
patiggahetabbam. Pabbatakandaradisu kalavannapannacchannaudakepi
eseva nayo. Paniyaghate sarenukani va savantakkhirani va
pupphani pakkhittani honti patiggahetabbam. Pupphani va
patiggahetva pakkhipitabbani. Patalikamallika pakkhitta honti
vasamattam titthati. Tam abboharikam dutiyadivasepi amisena saddhim
vattati. Bhikkhuna thapitapupphavasitakapaniyato samanero paniyam
gahetva pitavasesam tattheva akirati patiggahetabbam. Padumasaradisu
---------------------------------------------------------------------------------------------
page443.
Udakam santharitva thitam puppharenum ghatena vikkhambhetva udakam
gahetum vattati. Kappiyam karetva patiggahetva thapitam dantakattham
hoti. Sace tassa rasam pivitukamo mulapatiggahanameva vattati.
Apatiggahetva thapitam patiggahetabbam. Ajanantassa rase pavitthepi
apattiyeva. Acittakam hi idam sikkhapadam. Mahabhutesu kim
vattati kim na vattatiti. Khirantava vattati kappiyamamsakhiram va
akappiyamamsakhiram va hotu pivantassa anapatti. Assu khelo
singhanika muttam karisam semham dantamalam akkhiguthako kannaguthako sarire
utthitalonanti idam sabbam vattati. Yampanettha thanato cavitva
patte va hatthe va patati tam patiggahetabbam. Angalaggam
patiggahitakameva. Unhapayasam bhunjantassa sedo angulianusarena
ekabaddho hutva payase santitthati. Pindaya va carantassa
hatthato pattassa mukhavattim gato pattatalam orohati. Ettha
patiggahanakiccam natthi. Jhamakamahabhute idam nama na vattatiti
natthi. Dujjhapitam pana na vattati. Sujjhapitam pana manussatthimpi
cunnam katva lehe upanetum vattati. Cattari mahavikatani asati
kappiyakarake samampi gahetva paribhunjitum vattati. Ettha ca
dubbacopi asamatthopi kappiyakarako asantapakkheyeva titthati.
Charikaya asati sukkhadarum jhapetva charika gahetabba.
Sukkhadarumhi asati alladarum rukkhato chinditvapi katum vattati. Idam
pana catubbidhampi mahavikatam kaloddissam nama sappadatthakkhaneyeva
---------------------------------------------------------------------------------------------
page444.
Vattati. Sesamettha uttanameva.
     Elakalomasamutthanam kayato ca kayacittato ca samutthati
kiriya nosannavimokkham acittakam pannattivajjam kayakammam ticittam
tivedananti.
                  Dantaponasikkhapadam dasamam.
         Samatto vannanakkamena bhojanavaggo catuttho.


             The Pali Atthakatha in Roman Book 2 page 426-444.
http://84000.org/tipitaka/atthapali/read_rm.php?B=2&A=8993&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=8993&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
             The Pali Tipitaka in Roman Character :-
http://84000.org/tipitaka/read/roman_read.php?B=1&A=
             Contents of The Tipitaka Volume 1
http://84000.org/tipitaka/read/?index_1