ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                         9. Jatilasuttavannana
      [9] Navame gayayanti ettha gayati gamopi titthampi vuccati. Gayagamassa
hi avidure viharanto bhagava "gayayam viharati"ti vuccati, tatha gayatitthassa.
Gayatitthanti hi gayagamassa avidure eka pokkharani atthi nadipi, tadubhayam
"papapavahanatitthan"ti lokiyamahajano samudacarati. Gayasiseti gajasisasadisasikharo 1-
tattha eko pabbato gayasisanamako, yattha hatthikumbhasadiso pitthipasano
bhikkhusahassassa okaso pahoti, tatra bhagava viharati. Tena vuttam "gayayam
viharati gayasise"ti.
@Footnote: 1 Si.... sikhare
      Jatilati tapasa. Te hi jatadharitaya idha "jatila"ti vutta. Antaratthake
himapatasamayeti hemantassa utuno abbhantarabhute maghamasassa avasane cattaro,
phaggunamasassa adimhi cattaroti atthadivasaparimane himapatanakale. Gayayam
ummujjantiti keci tasmim titthasammate udake pathamam nimuggasakalasarira tato
ummujjanti vutthahanti uppilavanti. Nimmujjantiti sasisam udake osidanti.
Ummujjanimmujjampi karontiti punappunam ummujjananimmujjananipi karonti.
    Tattha hi keci "ekummujjaneneva papasuddhi hoti"ti evamditthika, te
ummujjanameva katva gacchanti. Ummujjanam pana nimmujjanamantarena natthiti
avinabhavato nimmujjanampi te karontiyeva. Yepi "ekanimmujjaneneva papasuddhi
hoti"ti evamditthika, tepi ekavarameva nimmujjitva vuttanayena avinabhavato
ummujjanampi katva pakkamanti. Ye pana "tasmim titthe 1- nimmujjaneneva
papasuddhi hoti"ti evamditthika, te tattha nimmujjitva assase sannirumbhitva
maruppapatapatita 2- viya tattheva jivitakkhayam papunanti. Apare "punappunam
ummujjananimmujjanani katva nhate papasuddhi hoti"ti evamditthika, te
kalena kalam ummujjananimmujjanani karonti. Te sabbepi sandhaya vuttam
"ummujjantipi nimmujjantipi ummujjanimmujjampi 3- karonti"ti. Ettha ca
kincapi nimmujjanapubbakam ummujjanam, nimmujjanameva pana karonta katipaya,
ummujjanam tadubhayanca karonta bahuti tesam yebhuyyabhavadassanattham ummujjanam
pathamam vuttam. Tatha sambahula jatilati jatilanam yebhuyyataya vuttam,
mundasikhandinopi ca brahmana udakasuddhika tasmim kale tattha tatha karonti.
@Footnote: 1 ka. titthe  2 Si.,Ma. assasapassase sannirujjhitva
@3 ka. ummujjananimmujjanampi, khu.u. 25/9/10
      Osincantiti keci gayaya udakam hatthena gahetva attano sise ca
sarire ca osincanti, apare ghatehi udakam gahetva tire thatva tatha karonti.
Aggim juhantiti keci gayatire vedim sajjetva dhumadabbipujadike upakarane
upanetva aggihutam juhanti aggihutam paricaranti. 1- Imina suddhiti imina
gayayam ummujjanadina aggiparicaranena ca papamalato suddhi papapavahana samsarasuddhi
eva va hotiti evamditthika hutvati attho.
      Ummujjanadi cettha nidassanamattam vuttanti datthabbam. Tesu hi keci
udakavasam vasanti, keci udakanjalim denti, keci tasmim udake thatva candimasuriye
anuparivattanti, keci anekasahassavaram savittiadike japanti, keci "inda
agaccha"tiadina vijjajapam 2- avhayanti, keci mahatupatthanam karonti, evanca
karonta keci otaranti, keci uttaranti, keci uttaritva suddhikaacamanam
karonti, keci antoudake thita tanti vadenti, vinam 3- vadentiti evamadika
nanappakarakiriya dassenti. Yasma va te evarupa vikarakiriya karontapi
tasmim udake nimmujjanummujjanapubbakameva karonti, tasma tam sabbam
nimmujjanummujjanantogadhameva katva "ummujjanti"tipiadi vuttam. Evam tattha
akulabyakule vattamane uparipabbate thito bhagava tesam tam kolahalam sutva "kinnu
kho etan"ti olokento tam kiriyavikaram addasa, tam sandhaya vuttam "addasa
kho bhagava .pe. Imina suddhi"ti, tam vuttatthameva.
      Etamattham viditvati etam attham udakorohanadiasuddhimagge tesam
suddhimaggaparamasanam saccadike ca suddhimagge attano aviparitavabodham sabbakarato
viditva. Imam udananti imam udakasuddhiya asuddhimaggabhavadipakam 4-
saccadidhammananca yathavato suddhimaggabhavadipakam udanam udanesi.
@Footnote: 1 Si. parijjahanti  2 si. visamucchajapam, ka. viccojasam
@3 ka. sitagaddhita dantavinam  4 ka. udakasuddhikamaggabhavadipakam
      Tattha na udakena suci hotiti ettha udakenati udakummujjanadina.
Udakummujjanadi hi idha uttarapadalopena "udakan"ti vuttam yatha rupabhavo
rupanti. Athava udakenati ummujjanadikiriyaya sadhanabhutena udakena suci
sattassa suddhi nama na hoti, natthiti attho. Athava suciti tena yathavuttena
udakena suci papamalato suddho nama satto na hoti. Kasma? bahvettha
nhayati jano. Yadi hi udakorohanadina yathavuttena papasuddhi nama siya,
bahu ettha udake jano nhayati, matughatadipapakammakari anno ca
gomahimsadiko antamaso macchakacchape upadaya, tassa sabbassapi papasuddhi
siya, na panevam hoti. Kasma? nhanassa papahetunam appatipakkhabhavato. Yam
hi yam vinaseti, so tassa patipakkho yatha aloko andhakarassa, vijja ca
avijjaya, na evam nhanam papassa. Tasma nitthamettha gantabbam "na udakena
suci hoti"ti.
      Yena pana suci hoti, tam dassetum "yamhi saccanca"tiadimaha. Tattha
yamhiti yasmim puggale. Saccanti vacisaccanceva viratisaccanca.  athava saccanti
nanasaccanceva paramatthasaccanca. Dhammoti ariyamaggadhammo phaladhammo ca, so
sabbopi yasmim puggale upalabbhati, so suci so ca brahmanoti so
ariyapuggalo visesato khinasavo accantasuddhiya suci ca brahmano cati.
Kasma panettha saccam dhammato visum katva gahitam? saccassa bahupakaratta. Tatha
Hi "saccam ve amata vaca. 1- Saccam have sadhutaram rasanam, 2- sacce atthe ca
dhamme ca, ahu santo patitthita. 1- Sacce thita samanabrahmana ca"tiadina 3-
anekesu suttapadesu saccaguna pakasita. Saccavipariyassa ca "ekam dhammam
@Footnote: 1 khu.su. 25/456/419  2 sam.sa. 15/246/258, khu.su. 25/184/370
@3 khu.ja. 28/358/140 (sya)
Atitassa, musavadissa jantuno. 1- Abhutavadi nirayam upeti"ti 2- ca adina
pakasitati.
                       Navamasuttavannana nitthita.
                         ---------------



             The Pali Atthakatha in Roman Book 26 page 77-81. http://84000.org/tipitaka/atthapali/read_rm.php?B=26&A=1732&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=1732&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=46              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=1591              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=1592              The Pali Tipitaka in Roman Character :- http://84000.org/tipitaka/read/roman_read.php?B=25&A=1592              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com