|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6. Upasivasuttavannana [1076] Eko ahanti upasivasuttam. Tattha mahantamoghanti mahantam ogham. Anissitoti dhammam va puggalam va anissito. No visahamiti na sakkomi. Arammananti nissayam. Yam nissitoti yam dhammam va puggalam va nissito. [1077] Idani yasma so brahmano akincannayatanalabhi tanca santampi nissayam na janati, tenassa bhagava tanca nissayam uttarinca niyyanapatham dassento "akincannan"ti gathamaha. Tattha pekkhamanoti tam akincannayatanasamapattim sato samapajjitva vutthahitva ca aniccadivasena passamano. Natthiti nissayati tam "natthi kinci"ti pavattasamapattim arammanam katva. Tarassu oghanti tato pabhuti pavattaya vipassanaya yathanurupam catubbidhampi ogham tarassu. Kathahiti kathamkathahi. Tanhakkhayam rattamahabhipassati 1- rattindivam nibbanam vibhutam katva passa. Etenassa ditthadhammasukhaviharam 2- katheti. [1078-9] Idani "kame pahaya"ti sutva vikkhambhanavasena attana pahinakame sampassamano "sabbesu"ti gathamaha. Tattha hitva mannanti annam tato hettha chabbidhampi samapattim hitva. Sannavimokkhe parameti sattasu sannavimokkhesu uttame akincannayatane. Titthe nu so tattha ananuyayiti 3- so puggalo tattha akincannayatanabrahmaloke adhigacchamano tittheyya 4- nuti pucchati. Athassa bhagava satthikappasahassamattamyeva thanam anujananto tatiyagathamaha. [1080] Evam tassa tattha thanam sutva idanissa sassatucchedabhavam pucchanto "titthe ce"ti gathamaha. Tattha pugampi vassananti anekasankhyampi @Footnote: 1 cha.Ma. nattamahabhipassati 2 ka. ditthadhammika.... 3 ka. ananuvayiti @4 cha.Ma. avigacchamano tittheyya, i. avigacchamano titthe--------------------------------------------------------------------------------------------- page443.
Vassanam, ganarasinti attho. "pugampi vassani"tipi patho, tattha vibhattibyattayena 1- samivacanassa paccattavacanam kattabbam, puganti va etassa bahuniti attho vattabbo. "pugani"ti vapi pathanti, purimapathoyeva sabbasundaro. Tattheva so siti siya 2- vimuttoti so puggalo tatthevakincannayatane nanadukkhehi parivimutto 3- sitibhavappatto bhaveyya, nibbanappatto sassato hutva tittheyyati adhippayo. Cavetha 4- vinnanam tathavidhassati udahu tathavidhassa vinnanam anupadaya parinibbayeyyati ucchedam pucchati, patisandhiggahanattham vapi bhaveyyati patisandhimpi tassa pucchati. [1081] Athassa bhagava ucchedasassatam anupagamma tattha uppannassa ariyasavakassa anupadaya parinibbanam dassento "acci yatha"ti gathamaha. Tattha attham paletiti attham gacchati. Na upeti sankhanti "asukam nama disam gato"ti voharam na gacchati. Evam muni namakaya vimuttoti evam tattha uppanno sekkhamuni pakatiya pubbeva rupakaya vimutto tattha catutthamaggam nibbattetva dhammakayassa 5- parinnatatta puna namakayapi vimutto ubhatobhagavimutto khinasavo hutva anupadaparinibbanasankhatam attham paleti na upeti sankham "khattiyo va brahmano va"ti evamadikam. [1082] Adani "attham paleti"ti sutva tassa yoniso atthamasallakkhento "atthangato so"ti gathamaha. Tassattho:- so attham gato udahu natthi, udahu ve sassatiya sassatabhavena arogo aviparinamadhammo soti evam tam me muni sadhu viyakarohi. Kimkaranam? tatha hi te vidito esa dhammoti. @Footnote: 1 ka. vibhattibyattayanayena 2 ka. sitiya 3 cha.Ma.,i. vimutto @4 ka. bhavetha 5 ka. namakayassa--------------------------------------------------------------------------------------------- page444.
[1083] Athassa bhagava tatha avattabbatam dassento "atthangatassa"ti gathamaha. Tattha atthangatassati anupadaparinibbutassa. Na pamanamatthiti rupadippamanam natthi. Yena nam vajjunti yena ragadina nam vadeyyum. Sabbesu dhammesuti sabbesu khandhadidhammesu. Sesam sabbattha pakatameva. Evam bhagava idampi suttam arahattanikuteneva desesi, desanapariyosane ca vuttasadiso eva dhammabhisamayo ahositi. Paramatthajotikaya khuddakatthakathaya suttanipatatthakathaya upasivasuttavannana nitthita. ---------------The Pali Atthakatha in Roman Book 29 page 442-444. http://84000.org/tipitaka/atthapali/read_rm.php?B=29&A=9941&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=9941&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=430 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=11154 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=11169 The Pali Tipitaka in Roman Character :- http://84000.org/tipitaka/read/roman_read.php?B=25&A=11169 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]