|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Kathinabhedavannana --------- {403} kathine. Attha matikati khandhake vutta pakkamantikadika attha. Palibodhanisamsapi pubbe vutta eva. {404} Payogassati civaradhovanadino sattavidhassa pubbakaranassa atthaya yo udakaharanadiko payogo kayirati tassa payogassa. Katame dhamma anantarapaccayena paccayoti anagatavasena anantara hutva katame dhamma paccaya hontiti attho. Samanantarapaccayenati sutthu anantarapaccayena anantarapaccayameva asannataram katva pucchati. Nissayapaccayenati uppajjamanassa payogassa nissayam adharabhavam upagata viya hutva katame dhamma paccaya hontiti attho. Upanissayapaccayenati upetena nissayapaccayena nissayapaccayameva upagatataram katva pucchati. Purejatapaccayenati imina pathamam uppannassa paccayabhavam pucchati. Pacchajatapaccayenati imina paccha uppajjamanakassa paccayabhavam pucchati. Sahajatapaccayenati imina apubbam acarimam uppajjamananam paccayabhavam pucchati. Pubbakaranassati dhovanadino pubbakaranassa ca. Paccuddharassati puranasanghatiadinam paccuddharanassa. Adhitthanassati kathinacivaradhitthanassa. Attharassati kathinattharassa. Matikananca--------------------------------------------------------------------------------------------- page567.
Palibodhanancati atthannam matikanam dvinnam ca palibodhanam. Vatthussati sanghatiadino kathinavatthussa. Sesam vuttanayameva. Evam yam ca labbhati yam ca na labbhati sabbam pucchitva idani yam yassa labbhati tadeva dassento pubbakaranam payogassatiadina nayena vissajjanamaha. Tassattho yam vuttam payogassa katame dhammatiadi tattha vuccate pubbakaranam payogassa anantarapaccayena paccayo samanantaranissayaupanissayapaccayena paccayo. Payogassa hi sattavidhampi pubbakaranam yasma tena payogena nipphadetabbassa pubbakaranassatthaya so payogo kayirati tasma imehi catuhi paccayehi paccayo hoti. Purejatapaccaye panesa udditthadhammesu ekadhammampi na labhati. Annadatthum pubbakaranassa sayam purejata- paccayo hoti payoge sati pubbakaranassa nipphajjanato. Tena vuttam payogo pubbakaranassa purejatapaccayena paccayoti. Pacchajatapaccayam pana labhati. Tena vuttam pubbakaranam payogassa pacchajatapaccayena paccayoti. Paccha uppajjanakassa hi pubbakaranassa atthaya so payogo kayirati. Sahajatapaccayam pana matikapalibodhanisamsasankhate pannarasa dhamme thapetva anno payogadisu ekopi dhammo na labhati. Te eva hi pannarasa dhamma saha kathinattharena ekato nipphajjantiti annamannam sahajatapaccaya honti. Tena vuttam pannarasa dhamma sahajatapaccayena paccayoti. Etenupayena sabbapadavissajjanani veditabbani.--------------------------------------------------------------------------------------------- page568.
{405} Pubbakaranam kimnidanantiadipucchavissajjanam uttanameva. {406-407} Payogo kimnidanotiadipucchadvayavissajjanesu. Hetunidano paccayanidanoti ettha cha civarani hetu ceva paccayo cati veditabbani. Pubbapayogadinam hi sabbesam taniyeva hetu tani paccayo. Na hi chabbidhe civare asati payogo atthi na pubbakaranadini tasma payogo hetunidanotiadi vuttam. {408} Sangahavare. Vacibhedenati imaya sanghatiya imina uttara- sangena imina antaravasakena kathinam attharamiti etena vacibhedena. Katimuladipucchaya vissajjane. Kiriya majjheti paccuddharo ceva adhitthananca. {411} Vatthuvipannanca hotiti akappiyadussam hoti. Kalavipannam nama ajja dayakehi dinnam sve sangho kathinattharakassa deti. Karanavipannam nama tadaheva chinditva akatam. {412} Kathinam janitabbantiadipucchaya vissajjane. Tesamyeva dhammananti yesu rupadisu dhammesu sati kathinam nama hoti tesam samodhanamissibhavo. Namam namakammantiadina pana kathinanti idam bahusu dhammesu namamattam na paramatthato eko dhammo atthiti dasseti. Catuvisatiya akarehiti na ullikhitamattenatiadihi pubbe vuttakaranehi. Sattarasahi akarehiti ahatena atthatam hoti kathinantiadihi pubbe vuttakaranehi. Nimittakammadisu yam vattabbam tam sabbam kathinakkhandhakavannanayam vuttam.--------------------------------------------------------------------------------------------- page569.
{416} Ekuppada ekanirodhati uppajjamanapi ekato uppajjanti nirujjhamanapi ekato nirujjhanti. Ekuppada nananirodhati uppajjamana ekato uppajjanti nirujjhamana nana nirujjhanti. Kim vuttam hoti. Sabbepi attharena saddhim ekato uppajjanti. Atthare hi sati uddharo nama hoti. Nirujjhamana panettha purima dve attharena saddhim ekato nirujjhanti uddharabhavam papunanti. Attharassa hi nirodho etesanca uddharabhavo ekakkhane hoti. Itare nana nirujjhanti. Tesupi uddharabhavam pattesu attharo titthatiyeva. Sesam sabbattha uttanamevati. Kathinabhedavannana nitthita. Samantapasadikaya vinayasamvannanaya pannattivaggavannana nitthita. ---------The Pali Atthakatha in Roman Book 3 page 566-569. http://84000.org/tipitaka/atthapali/read_rm.php?B=3&A=11497&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=11497&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]