|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Sedamocanagathavannana --------- {479} sedamocanagathasu. Asamvasoti uposathapavaranadina samvasena asamvaso. Sambhogo ekacco tahim na labbhatiti akappiyasambhogo na labbhati. Nahapanabhojanadipatijagganam pana matarayeva katum labbhati. Avippavasena anapattiti sahagaraseyyaya anapatti. Panha mesa kusalehi cintitati esa panha kusalehi panditehi cintita. Assa vissajjanam darakamatuya bhikkhuniya veditabbam. Tassa hi puttam sandhayetam vuttanti. Avissajjitagatha garubhandam sandhaya vutta. Attho panassa garubhandavinicchaye vuttoyeva. Dasa puggale na vadamiti senasanakkhandhake vutte dasa na vadami. Ekadasa vivajjiyati ye mahakhandhake ekadasa vivajjaniya puggala vutta tepi na vadami. Ayam panha naggam bhikkhum sandhaya vutta. Katham nu sikkhaya asadharanoti ayam panha nahapitapubbakam bhikkhum sandhaya vutta. Ayam hi khurabhandam pariharitum na labhati. Anne pana labhanti tasma sikkhaya asadharano. Tam puggalam katamam vadanti buddhati ayam panha nimittabuddham sandhaya vutta. Adhonabhim vivajjiyati adhonabhim vivajjetva. Ayam panha yantam nasisakam kabandham yassa ure akkhini ceva mukham ca hoti tam--------------------------------------------------------------------------------------------- page601.
Sandhaya vutta. Bhikkhu sannacikaya kutinti ayam panha tinacchadanam kutim sandhaya vutta. Dutiyapanha sabbamattikamayam kutim sandhaya vutta. Apajjeyya garukam chejjavatthunti ayam panha vajjapaticchadikam bhikkhunim sandhaya vutta. Dutiyapanha pandakadayo abhabbapuggale sandhaya vutta. Ekadasapi hi te gihibhaveyeva parajikam patta. Vacati vacaya analapanto. Giram no ca pare bhaneyyati itime sossantiti parapuggale sandhaya saddampi na nicchareyya. Ayam panha santim apattim navikareyya sampajana- musavadassa hotiti imam musavadam sandhaya vutta. Tassa hi bhikkhuno adhammikaya patinnaya tunhibhutassa nisinnassa manodvare apatti nama natthi yasma pana avikatabbam na avikasi tenassa vacidvare akiriyato ayam apatti samutthatiti veditabba. Sanghadisesa caturoti ayam panha arunugge gamantarapariyapannam nadiparam okkantabhikkhunim sandhaya vutta. Sa hi sakagamato paccusasamaye nikkhamitva arunuggamanakale vuttappakaram nadiparam okkantamattava rattivippavasagamantaranadiparaganamhaohiyyanalakkhane ekappahareneva caturo sanghadisese apattiyo apajjati. Siya apattiyo nanati ayam panha ekato upasampanna dve bhikkhuniyo sandhaya vutta. Tasu hi bhikkhunam santike ekato upasampannaya hatthato ganhantassa pacittiyam. Bhikkhuninam santike ekato upasampannaya hatthato ganhantassa dukkatam. Caturo--------------------------------------------------------------------------------------------- page602.
Jana samvidhayati acariyo ca tayo ca antevasika chamasakam bhandam avaharimsu. Acariyassa sahatthika tayo masaka anattiyapi tayova tasma thullaccayam apajjati. Itaresam sahatthiko ekeko anattika panceti tasma parajikam apajjimsu. Ayamettha sankhepo. Vittharo pana adinnadanaparajike samvidhavaharavannanayam vutto. Chiddam tasmim ghare natthiti ayam panha dussakutiadini santhatapeyyalanca sandhaya vutta. Telam madhum phanitanti gatha lingaparivattam sandhaya vutta. Nissaggiyenati gatha parinamanam sandhaya vutta. Yo hi sanghassa parinatalabhato ekam civaram attano ekam annassati dve civarani ekam mayham ekam tassa dehiti ekappayogena parinameti. So nissaggiyapacittiyanceva suddhikapacittiyanca ekato apajjati. Kammanca tam kuppeyya vaggapaccayati ayam panha dvadasayojanappamanesu baranasiadisu nagaresu gamasimam sandhaya vutta. Padavitiharamattenati gatha sancarittam sandhaya vutta. Atthopi cassa sancarittavannanayameva vutto. Sabbani tani nissaggiyaniti ayam panha annatikaya bhikkhuniya dhovapanam sandhaya vutta. Sacepi hi tinnam civaranam kakaohanam va kaddamamakkhitam va kannam gahetva bhikkhuni udakena dhovati bhikkhussa kayagataneva nissaggiyani honti. Saranagamanampi na ca tassa atthiti saranagamanaupasampadapi natthi. Ayam panha mahapajapatiya upasampadam sandhaya vutta. Haneyya anariyam--------------------------------------------------------------------------------------------- page603.
Mandoti tampi itthim va purisam va anariyam haneyya. Ayam panha lingaparivattanena itthibhutam pitaram purisabhutam ca mataram sandhaya vutta. 1Na tenanantaram phuseti ayam panha migalingatapasasihakumaradinam viya tiracchanamatapitaro sandhaya vutta. Acodayitvati gatha dutena upasampadam sandhaya vutta. Codayitvati gatha pandakadinam upasampadam sandhaya vutta. Kurundiyam pana pathamagatha attha asammukhakammani dutiya anapattikassa kammam sandhaya vuttati agatam. Chindantassa apattiti vanappatim chindantassa parajikam tinalatadim chindantassa pacittiyam angajatam chindantassa thullaccayam. Chindantassa anapattiti kese ca nakhe ca chindantassa anapatti. Chadentassati apattim chadentassa. Anapattiti gehadini chadentassa anapatti. Saccam bhanantoti gathaya. (sikhirani 1- ubhatobyanjanam ca) sikhiranisi 1- ubhatobyanjanasiti saccam bhananto garukam apajjati. Sampajanamusavade pana musa bhasato lahukapatti hoti. Abhutarocane musa bhananto garukam apajjati. Bhutarocane saccam bhasato lahukapatti hoti. Adhitthitanti gatha nissaggiyam civaram anissajjitva paribhunjantam sandhaya vutta. Atthangate suriyeti gatha romatthakam sandhaya vutta. Na rattacittoti gathaya ayamattho rattacitto methunadhammaparajikam apajjati theyyacitto @Footnote: 1. likhara...itipi. amhakam pana khanti sikhariniti. idanhi sikhara iti mulasaddato @nikkhantam hoti sikharasaddo viya.--------------------------------------------------------------------------------------------- page604.
Adinnadanaparajikam parammaranayacetentomanussaviggahaparajikam. Sanghabhedako pana na rattacitto na ca pana theyyacitto na capi so parammaranaya cetayi. Salakam panassa dentassa hoti chejjam parajikam hoti. Salakam patigganhantassa bhedakanuvattakassa thullaccayanti. Gaccheyya addhayojananti ayam panha suppatitthita- nigrodhasadisam ekakulassa rukakhamulam sandhaya vutta. Kayikaniti gatha sambahulanam itthinam kese va anguliyo va ekato ganhantam sandhaya vutta. Vacasikaniti ayam gatha sabba tumhe sikhiraniyotiadina nayena dutthullabhanim sandhaya vutta. Tissitthiyo methunam tam na seveti ya tisso itthiyo vutta tasupi yantam methunam nama tam na sevati. Tayo puriseti tayo purisepi upagantava methunam na sevati. Tayo ca anariyapandaketi ubhatobyanjanasankhate tayo anariye tayo ca pandaketi imepi cha jane upagantva methunam na sevati. Na cacare methunam byanjanasminti anulomaparajikavasenapi methunam nacarati. Chejjam siya methunadhammapaccayati siya methunadhammapaccaya parajikanti ayam panha atthavatthukam sandhaya vutta. Tassa hi methunadhammassa pubbabhagam kayasamsaggam apajjitum vayamantiya methunadhammapaccaya chejjam hoti. Mataram civaranti ayam gatha pitthisamaye vassikasatikattham satuppadakaranam sandhaya vutta. Vinicchayo panassa vassikasatika- sikkhapadavannanayameva vuttam. Kuddho aradhako hotiti gatha--------------------------------------------------------------------------------------------- page605.
Titthiyavattam sandhaya vutta. Titthiyo hi vattam purayamano titthiyanam vanne bhannamane kuddho aradhako hoti. Vatthuttayassa vanne bhannamane kuddho garayho hotiti tatthevassa vittharo vutto. Dutiyagathapi tameva sandhaya vutta. Sanghadisesanti adigatha ya bhikkhuni avassuta avassutassa purisassa hatthato pindapatam gahetva manussamamsalasunapanitabhojanasesaakappiyamamsehi saddhim omadditva ajjhoharati tam sandhaya vutta. Eko upasampanno eko anupasampannoti gatha akasagatam sandhaya vutta. Sace hi dvisu samaneresu eko iddhiya kesaggamattampi pathavim muncitva nisinno hoti. So anupasampanno nama hoti. Sanghenapi akase nisiditva bhumigatassa kammam na katabbam. Sace karoti kuppati. Akappakatanti gatha acchinnacivarakam bhikkhum sandhaya vutta. Tasmimyeva cassa sikkhapade vittharena vinicchayopi vutto. Na deti nappatigganhatiti napi uyyojika deti na uyyojita tassa hatthato ganhati. Patiggaho tena na vijjatiti teneva karanena uyyojitaya hatthato uyyojikaya patiggaho na vijjati. Apajjati garukanti evam santepi avassutassa hatthato pindapatagahane uyyojenti sanghadisesapattim apajjati. Tanca paribhogapaccayati tanca pana apattim apajjamana tassa uyyojitaya paribhogapaccaya apajjati. Tassa hi bhojanapariyosane uyyojikaya sanghadiseso hoti. Dutiyagatha tassayeva udakadantaponagahane--------------------------------------------------------------------------------------------- page606.
Uyyojanam sandhaya vutta. Na bhikkhuni no ca phuseyya vajjanti sattarasakesu hi annataram apajjitva anadariyena chadayamanapi bhikkhuni chadanapaccaya vajjam na phusati annam navam apattim napajjati. Paticchannaya va appaticchannaya va apattiya pakkhamanattameva labhati. Ayam pana bhikkhunipi na hoti savasesanca garukam apajjitva chadetva vajjam na phusati. Panha mesa kusalehi cintitati ayam kira panha ukkhittakam bhikkhum sandhaya vutta. Tena hi saddhim vinayakammam natthi tasma so sanghadisesam apajjitva chadentopi vajjam na phusatiti. Sedamocanagathavannana nitthita. --------The Pali Atthakatha in Roman Book 3 page 600-606. http://84000.org/tipitaka/atthapali/read_rm.php?B=3&A=12170&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=12170&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]