AtthaPali Vol.3

{365} Mancake nipatesunti evam dhovitva annam kasavam nivasetva mancake nipajjapesum nipajjapetvava panayasma anando muttakarisakilittham kasavam dhovitva bhumiyam paribhandam akasi. Yo bhikkhave mam upatthaheyya so gilanam upatthaheyyati yo mam ovadanusasanikaranena upatthaheyya so gilanam upatthaheyya. Mama ovadakarakena gilano upatthatabboti ayamettha attho. Bhagavato ca gilanassa ca upatthanam ekasadisanti evampanettha attho na gahetabbo. Sanghena upatthapetabboti ^1- yassete upajjhayadayo tasmim vihare natthi agantuko hoti ekacariko @Footnote: ^1. upatthatabboti paliya dissati.

--------------------------------------------------------------------------------------------- page244.

So bhikkhusanghassa bharo tasma sanghena upatthatabbo no ce upatthaheyya sakalassa sanghassa apatti. Varam thapetva jaggantesu pana yo attano vare na jaggati tasseva apatti. Sanghattheropi varato na muccati. Sace sakalo sangho ekassa bharam karoti eko va vattasampanno bhikkhu ahameva jaggissamiti patipajjati sangho apattito muccati. {366} Abhikkantam va abhikkamatitiadisu vaddhantam va abadham idam nama me paribhunjantassa vaddhati idam nama me paribhunjantassa parihayati idam paribhunjantassa titthatiti yathabhutam navikarotiti evamattho datthabbo. Nalanti nappatirupo na yutto upatthatum. Bhesajjam samvidhatunti bhesajjam yojetum asamattho hoti. Amisantaroti amisam assa antaranti amisantaro. Antaranti karanam vuccati. Amisakarano yagubhattapattacivarani patthento upatthatiti attho. {367} Kalakateti kalakiriyaya. Gilanupatthakanam datunti ettha anantaram vuttaya kammavacaya dinnampi apaloketva dinnampi dinnameva hoti vattati. {369} Yam tattha lahubhandam yam tattha garubhandanti ettha lahubhandagarubhandanam nanakaranam parato vannayissama. Gilanu- patthakalabhe pana ayam adito patthaya vinicchayo sace sakale bhikkhusanghe upatthahante kalam karoti sabbepi samika. Atha ekaccehi vare kate ekaccehi vare akateyeva kalam karoti tattha ekacce acariya vadanti sabbepi attano vare

--------------------------------------------------------------------------------------------- page245.

Sampatte kareyyum tasma sabbepi saminoti. Ekacce vadanti yehi jaggito teyeva labhanti itare na labhantiti. Sace samanere kalakatepissa civaram atthi gilanupatthakanam databbam no ce atthi yam atthi tam databbam annasmim parikkhare sati civarabhagam katva databbam. Bhikkhu ca samanero ca sace samam upatthahimsu samako bhago databbo. Atha samanerova upatthahati bhikkhussa samvidahanamattameva hoti samanerassa jetthako bhago databbo. Sace samanero bhikkhuna anitaudakena yagum pacitva patiggahapanamattameva karoti bhikkhu upatthahati bhikkhussa jetthako bhago databbo. Bahu bhikkhu sabbe samagga hutva upatthahanti sabbesam samako bhago databbo. Yo panettha visesena upatthahati tassa viseso databbo. Yena pana ekadivasam gilanupatthakavasena yagubhattam va pacitva dinnam nahanam va patiyaditam sopi gilanupatthakova. Yo samipam anagantva bhesajjatanduladinipi peseti ayam gilanupatthako na hoti. Yo pana pariyesitva gahapetva agacchati ayam gilanupatthakova etassapi databbo. Eko vattasisena jaggati eko paccasaya matakale ubhopi paccasimsanti ubhinnampi databbam. Eko upatthahitva gilanassa va kammena attano va kammena katthaci gato puna agantva jaggissamiti etassapi databbam. Eko ciram upatthahitva idani na sakkomiti dhuram nikkhipitva

--------------------------------------------------------------------------------------------- page246.

Gacchati sacepi tam divasameva gilano kalam karoti upatthakabhago na databbo. Gilanupatthako nama gihi va hotu pabbajito va antamaso matugamopi sabbe bhagam labhanti. Sace tassa bhikkhuno pattacivaramattameva hoti annam natthi sabbam gilanupatthakanamyeva databbam sacepi sahassam agghati. Annam pana bahumpi parikkharam te na labhanti sanghasseva hoti. Avasesabhandam bahunceva mahagghanca ticivaram appaggham tato gahetva ticivaraparikkharo databbo sabbancetam sanghikatova labbhati sace pana so jivamanoyeva sabbam attano parikkharam nissajjitva kassaci adasi koci va vissasam aggahesi yassa dinnam yena ca gahitam tasseva hoti. Tassa ruciya eva gilanupatthaka labhanti. Annesam adatva dure thapitaparikkharapi tattha tattha sanghasseva honti. Sace dvinnam santakam hoti avibhattam ekasmim kalakate itaro sami. Bahunnampi santake eseva nayo. Sabbesu matesu sanghikam hoti. Sacepi avibhajitva saddhiviharikadinam denti adinnameva hoti. Vissajjitva dinnam pana sudinnam. Tesu matesupi saddhiviharikadinamyeva hoti na sanghassa.

The Pali Atthakatha in Roman Book 3 page 243-246. http://84000.org/tipitaka/atthapali/read_rm.php?B=3&A=5014&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=5014&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3551 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3640 The Pali Tipitaka in Roman Character :- http://84000.org/tipitaka/read/roman_read.php?B=4&A=3640 Contents of The Tipitaka Volume 4 http://84000.org/tipitaka/read/?index_4