|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{323} Bhandikadhanamattenati dvarabahanam upari katena kapota-
bhandikayojanamattena. Paribhandakaranamattenati gomayaparibhanda-
kasavaparibhandakaranamattena. Dhumakalikanti idam yavassa citakadhumo
na pannayati tava ayam viharo etassevati evam dhumakale
apaloketva katapariyositam viharam denti. Vippakatanti ettha
@Footnote: 1. gandiko gandivethano itipi?
---------------------------------------------------------------------------------------------
page391.
Vippakato nama yava gopanasiyo na arohanti. Gopanasisu pana
arulhasubahukatonamahoti tasma tato patthaya na databboti.
Kincideva samadapetva karessati. Khuddake vihare kammam
oloketva chappancavassikanti kammam oloketva catuhatthe vihare
catuvassikam pancahatthe pancavassikam chahatthe chavassikam databbam.
Addhayogo pana yasma sattatthahattho hoti tasma ettha
sattatthavassikanti vuttam. Sace pana so navahattho hoti
navavassikampi databbam. Mahallake pana dasahatthe ekadasahatthe vihare
va pasade va dasavassikam va ekadasavassikam va databbam.
Dvadasahatthe pana tato adhike va lohapasadasadisepi dvadasa-
vassikameva databbam na tato uttarim. Navakammiko bhikkhu
antovasse tam avasam labhati utukale patibahitum na labhati. Sace
so avaso jirati avasasamikassa va tassa vamse uppannassa
va kassaci kathetabbam avaso vo nassati jaggatha etam
avasanti. Sace so na sakkoti bhikkhuhi natake va upatthake
va samadapetva jaggitabbo. Sace tepi na sakkonti sanghikena
paccayena jaggitabbo. Tasmimpi asati ekam avasam vissajjetva
avasesa jaggitabba. Bahu vissajjetva ekam santhapetumpi
vattatiyeva. Dubbhikkhe bhikkhusu pakkantesu sabbe avasa nassanti
tasma ekam va dve va tayo va avase vissajjetva tato
yagubhattacivaradini paribhunjantehi sesa avasa jaggitabbayeva.
---------------------------------------------------------------------------------------------
page392.
Kurundiyam pana vuttam sanghike paccaye asati eko bhikkhu tuyham
ekam mancatthanam gahetva jaggahiti vattabbo. Sace bahutaram
icchati tibhagam va upaddhabhagam va datvapi jaggapetabbo. Atha
thambhamattamevettha avasittham bahukammam kattabbanti na icchati.
Tuyham puggalikameva katva jagga evampi hi sanghassa bhandakatthapanat-
thananca navakananca vasanatthanam bhavissatiti jaggapetabbo.
Evam jaggito pana tasmim jivante puggaliko hoti. Mate sanghikoyeva.
Sace saddhiviharikanam datukamo hoti kammam oloketva
tatiyabhagam va upaddhabhagam va puggalikam katva jaggapetabbo.
Etam hi saddhiviharikanam datum labhati. Evam jagganake pana asati
ekam avasam vissajjetvatiadina nayena jaggapetabboti.
Idampi ca annam tattheva vuttam. Dve bhikkhu sanghikam bhumim gahetva
sodhetva sanghikam senasanam karonti. Yena sa bhumi pathamam
gahita so sami. Ubhopi puggalikam karonti soyeva sami.
So sanghikam karoti itaro puggalikam karoti. Annam ce bahum
senasanatthanam atthi puggalikam karontopi na varetabbo.
Annasmim pana tadise patirupe thane asati tam patibahitva
sanghikam karonteneva katabbam. Yam pana tassa tattha vayakammam
katam tam databbam. Sace pana katavase va avasakaranatthane
va chayupakaphalupaka rukkha honti apaloketva haretabba.
Puggalika ce honti samika apucchitabba. No ce denti
---------------------------------------------------------------------------------------------
page393.
Yavatatiyam apucchitva rukkhaagghanakam mulam dassamati haretabba.
Yo pana sanghikam vallimattampi agahetva aharimena upakaranena
sanghikaya bhumiya puggalikam viharam kareti. Upaddham sanghikam
hoti upaddham puggalikam. Pasado ce hoti hettha
pasado sanghiko upari puggaliko. Sace yo hettha pasadam
icchati tassa hoti. Atha hettha ca upari ca icchati
ubhayattha upaddham labhati. Dve senasanani kareti ekam sanghikam
ekam puggalikam sace vihare utthitena sanghikena dabbasambharena
kareti tatiyam labhati. Sace akatatthane cayam va pamukham va
karoti bahikudde upaddham sanghassa upaddham tassa. Atha
mahantam visamam samam puretva apade padam dassetva katam hoti
anissaro tattha sangho.
The Pali Atthakatha in Roman Book 3 page 390-393.
http://84000.org/tipitaka/atthapali/read_rm.php?B=3&A=8019&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=3&A=8019&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=4&i=121
เนื้อความพระไตรปิฎกฉบับหลวง :-
http://84000.org/tipitaka/read/r.php?B=4&A=3418
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=4&A=3511
The Pali Tipitaka in Roman Character :-
http://84000.org/tipitaka/read/roman_read.php?B=4&A=3511
Contents of The Tipitaka Volume 4
http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]