AtthaPali Vol.32

283. 6. Punnamasattheragathavannana panca nivarane hitvatiadika ayasmato punnamasattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto tissassa bhagavato kale kulagehe nibbattitva vinnutam patto ekadivasam satthari aranne viharante pamsukulacivaram dumasakhaya laggetva gandhakutim pavitthe dhanuhattho gahanam pavittho satthu pamsukulam disva pasannamanaso dhanum nikkhipitva buddhagune anussaritva pamsukulam vandi. So tena punnakammena devamanussesu samsaranto imasmim buddhuppade savatthiyam kutumbikakule nibbatti. Tassa kira jatadivase tasmim gehe sabbabhajanani suvannaratanamayehi masehi paripunnaneva ahesum. Tenassa punnamasotveva namam akamsu. So vayappatto darapariggaham katva ekasmim putte uppanne gharavasam pahaya pabbajitva gamakavase vasanto ghatento vayamanto chalabhinno ahosi. Tena vuttam apadane ^2- :- @Footnote: ¹ i.,Ma. cola viya ² khu.apa. 33/71/99 pamsukulasannakattherapadana (sya)

--------------------------------------------------------------------------------------------- page458.

"tisso namasi bhagava sayambhu lokanayako ^1- pamsukulam thapetvana viharam pavisi jino. Sajjitam ^2- dhanumadaya pakkhittasalilam aham ^3- mandalaggam gahetvana kananam pavisim aham. Tatthaddasam pamsukulam dumagge laggitam tada capam tattheva nikkhippa sire katvana anjalim. Pasannacitto sumano vipulaya ca pitiya buddhasettham saritvana pamsukulam avandaham. Dvenavute ito kappe pamsukulamavandaham duggatim nabhijanami vandanaya idam phalam. Kilesa jhapita mayham .pe. katam buddhassa sasanan"ti. Chalabhinno pana hutva savatthim upagantva sattharam vanditva susane vasati, tassa ca aciragatasseva sato ^4- putto kalamakasi. Darakamata therassa agatabhavam sutva "ma idam aputtakam sapateyyam rajano hareyyun"ti tam uppabbajetukama mahata parivarena therassa santikam gantva patisantharam katva palobhetum arabhi. Thero attano vitaragabhavajanapanattham akase thatva attano patipattikittanamukhena tassa dhammam desento:- [171] "panca nivarane hitva yogakkhemassa pattiya dhammadasam gahetvana nanadassanamattano. [172] Paccavekkhim imam kayam sabbam santarabahiram ajjhattanca bahiddha ca tuccho kayo adissatha"ti gathadvayam abhasi. @Footnote: ¹ cha.Ma. aggapuggalo ² cha.Ma. vinatam ³ Si. akkhitto yamadi aham, @ cha.Ma. bhakkhatthaya carim aham ⁴ Si. sako

--------------------------------------------------------------------------------------------- page459.

Tattha panca nivarane hitvati kamacchandadike panca nivarane pahaya jhanadhigamena viddhamsetva. Yogakkhemassa pattiyati kamayogadihi catuhi yogehi khemassa anupaddutassa nibbanassa adhigamaya. Dhammadasanti dhammabhutam adasam. Yatha hi adaso olokentassa rupakaye gunagunam adamseti, ^1- evam vipassanasankhato dhammanam samannavisesavabodhanato nanadassanabhuto dhammadaso vipassantassa vodanasankilesadhammavibhavanena tappahanasadhanena ca visesato nama kaye gunam adamseti. Tenaha:- "dhammadasam gahetvana nanadassanamattano paccavekkhim imam kayam sabbam santarabahiran"ti imam kayam dhammasamuham mama attabhavam ajjhattikabahirayatanabhavato santarabahiram sabbam anavasesam dhammadasam gahetva "aniccan"tipi "dukkhan"tipi "anatta"tipi patiavekkhim nanacakkhuna passim. Evam passata ca maya ajjhattanca bahiddha cati attano santane parasantane ca tuccho kayo adissatha niccasaradivirahito tuccho khandha- pancakasankhato attabhavakayo nanacakkhuna yathavato apassittha. Sakalampi hi khandhapancakam "avijjanivutassa bhikkhave balassa tanhasamyuttassa evamayam kayo samudagato"tiadisu ^2- "kayo"ti vuccati. "adissatha"ti ca imina yadeva kaye ^3- datthabbam, tam dittham, na danissa kinci ^4- maya passitabbam atthiti katakiccatam dassento annam byakasi. Evam thero imahi gathahi puranadutiyikaya dhammam desetva tam saranesu ca silesu ca sampatitthapetva uyyojesi. Punnamasattheragathavannana nitthita. @Footnote: ¹ Ma. adiseti ² sam.ni. 16/19/25 balapanditasutta @³ Ma. kayena ⁴ Ma. na dani yam kinci

The Pali Atthakatha in Roman Book 32 page 457-459. http://84000.org/tipitaka/atthapali/read_rm.php?B=32&A=10229&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=10229&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=283 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5851 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6002 The Pali Tipitaka in Roman Character :- http://84000.org/tipitaka/read/roman_read.php?B=26&A=6002 Contents of The Tipitaka Volume 26 http://84000.org/tipitaka/read/?index_26