AtthaPali Vol.32

308. 2. Paccayattheragathavannana pancahaham pabbajitoti ayasmato paccayattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto ito ekanavute kappe vipassissa bhagavato kale kulagehe nibbattitva vinnutam patto ekadivasam sattharam vinataya nama nadiya tire gacchantam disva pasannamanaso manunna- dassanani ^2- mahantani udumbaraphalani ocinitva upanamesi. So tena punnakammena sugatisuyeva samsaranto imasmim bhaddakappe kassape bhagavati loke uppajjitva pavattavara- dhammacakke veneyyajananuggaham karonte tassa sasane pabbajitva vipassanam patthapetva bhavanamanuyunjanto ekadivasam samsaradukkham cintetva ativiya sanjatasamvego vihare nisinno "arahattam appatva ito na nikkhamissami"ti cittam adhitthaya vayamanto nanassa aparipakkatta vipassanam ussukkapetum nasakkhi. So kalankatva deva- manussesu samsaranto imasmim buddhuppade rohininagare ^3- khattiyakule nibbattitva paccayoti laddhanamo vayappatto pitu accayena rajje patitthito ekadivasam maharajabalim katum arabhi. Tattha mahajano sannipati. Tasmim samagame tassa pasadanjananattham @Footnote: ¹ Si. gahamattena ² Si. manunnarasani ³ cha.Ma. rohitanagare Sattha mahajanassa pekkhantasseva akase vessavanena nimmite ratanamayakutagare ratanamayasihasane nisiditva dhammam desesi. Mahato janakayassa dhammabhisamayo ahosi. Tam dhammam sutva paccayarajapi rajjam pahaya purimahetusancodito pabbaji. So yatha ^1- kassapassa bhagavato kale patinnam akasi, evam patinnam katva ^2- viharam pavisitva vipassanam vaddhetva ^3- nanassa paripakam gatatta tavadeva arahattam papuni. Tena vuttam apadane ^4- :- "vinatanadiya ^5- tire vihasi purisuttamo addasam virajam buddham ekaggam susamahitam. Tasmim pasannamanaso kilesamaladhovane udumbaraphalam gayha buddhasetthassadasaham. Ekanavute ito kappe yam phalamadadim tada duggatim nabhijanami phaladanassidam phalam. ^6- Imamhi bhaddake kappe samviggataramanaso ^7- kassapassa bhagavato sasane pabbajim aham. Tatha pabbajito santo bhavanam anuyunjisam ^8- na vihara nikkhamissam iti katvana manasam. Uttamattham asampatto na ca pattomhi tavade idani pana nanassa paripakena nibbuto. Pattomhi acalam thanam phusitva accutam padam. ^6- Kilesa jhapita mayham .pe. katam buddhassa sasanan"ti. Arahattam pana patva attano patipattikittanamukhena annam byakaronto:- @Footnote: ¹ Si.,i. so saddhaya pabbajito yatha ² i. kale patinnam katva ³ cha.Ma. vaddhento @⁴ khu.apa. 32/15/411 udumbaraphaladayakattherapadana ⁵ pali. ninnaganadiya ^6-6 paliyam @ ime patha natthi, idha pana atthi ⁷ cha.Ma. samviggamanamanaso ⁸ Si. anuyunjiham [222] "pancahaham pabbajito sekho ^1- appattamanaso viharam me pavitthassa cetaso panidhi ahu. ^2- [223] Nasissam na pivissami viharato na nikkhame napi passam nipatessam tanhasalle anuhate. [224] Tassa mevam viharato passa viriyaparakkamam tisso vijja anuppatta katam buddhassa sasanan"ti ima tisso gatha abhasi. Tattha pancahaham pabbajitoti pancaho aham, pabbajito hutva pancaho, ^3- pabbajitadivasato pancamo aho ^4- nitthitoti attho. Sekho appattamanasoti adhisila- sikkhadinam sikkhanato sekho. Anavasesato manam siyati ^5- samucchindatiti manaso, aggamaggo, tamnibbattito manasato agatam manasam, arahattam, tam, so va ^6- appatto etenati appattamanaso. Viharam me pavitthassa, cetaso panidhi ahuti evam sekhassa me vasanakaviharam ovarakam pavitthassa sato evarupo idani vuccamanakaro cetopanidhi ahosi, evam maya cittam panihitanti attho. Nasissantiadina cittapanidhim ^7- dasseti. Tattha nasissanti yam kinci bhojanam na bhunjissam na bhunjissami tanhasalle mama hadayagate anuhate anuddhateti evam sabbapadesu yojetabbam. Na pivissamiti yam kinci patabbam na pivissami. Viharato na nikkhameti imasma idani maya nisinnagabbhato na nikkhameyyam. Napi passam nipatessanti mama sarirassa dvisu passesu ekampi passam kayakilamathavinodanattham na nipatessam, ekapassenapi na nipajjissamiti attho. @Footnote: ¹ pali. sekkho ² pali. ahu ³ Si. pancaham ⁴ Si. pancame ahe ⁵ cha.Ma. siyati @⁶ Si.,Ma. manasam, tam arahattam so va, i. manasam, arahattam so ⁷ Si. tam cittapanidhim Tassa mevam viharatoti tassa me evam cittam panidhaya dalhaviriyadhitthanam katva vipassananuyogavasena viharato. Passa viriyaparakkamanti vidhina irayitabbato ^1- "viriyam ", param thanam akkamanato "parakkamo"ti ca laddhanamam ussolhibhutam vayamam passa janahi. Yassa pananubhavena maya tisso vijja anuppatta, katam buddhassa sasananti vuttatthameva. Paccayattheragathavannana nitthita. ---------------

The Pali Atthakatha in Roman Book 32 page 526-529. http://84000.org/tipitaka/atthapali/read_rm.php?B=32&A=11766&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=11766&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=308 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6064 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6187 The Pali Tipitaka in Roman Character :- http://84000.org/tipitaka/read/roman_read.php?B=26&A=6187 Contents of The Tipitaka Volume 26 http://84000.org/tipitaka/read/?index_26