AtthaPali Vol.32

175. 8. Gavampatittheragathavannana yo iddhiya sarabhunti ayasmato gavampatittherassa gatha. Ka uppatti? @Footnote: ¹ kha.apa. 33/116/167 dandadayakattherapadana (sya) @² pali.aham ³ Si. subbaco abhivadayim

--------------------------------------------------------------------------------------------- page160.

So kira purimabuddhesu katadhikaro ito ekatimse kappe sikhim bhagavantam passitva pasannamanaso pupphehi pujam akasi. So tena punnakammena devaloke uppanno ^1- aparaparam punnani karonto konagamanassa bhagavato cetiye chattanca vedikanca karesi. Kassapassa pana bhagavato kale annatarasmim kulagehe nibbatto. Tasmim ca kule bahum gomandalam ahosi. Tam gopalaka rakkhanti. Ayam tattha antarantara yuttappayuttam vicarento vicarati. So ekam khinasavattheram game pindaya caritva bahigame devasikam ekasmim padese bhattakiccam karontam disva "ayyo suriyatapena kilamissati"ti cintetva cattaro sirisadande ussapetva tesam upari sirisasakhayo thapetva sakhamandapam katva adasi. "mandapassa samipe sirisarukkham ropesi"ti ca vadanti. Tassa anukampaya devasikam thero tattha nisidi. So tena punnakammena tato cavitva catumaharajikesu nibbatti. Tassa purimakammasamsucakam vimanadvare mahantam sirisavanam nibbatti vannagandhasampannehi annehi ^2- pupphehi sabbakale upasobhayamanam, tena tam vimanam "serisakan"ti pannayittha. So devaputto ekam buddhantaram devesu ca manussesu ca samsaritva imasmim buddhuppade yasattherassa catusu gihisahayesu gavampati nama hutva ayasmato yasassa pabbajitabhavam sutva attano sahayehi saddhim bhagavato santikam agamasi. Sattha tassa dhammam desesi. So desanavasane sahayehi saddhim arahatte patitthasi. Tena vuttam apadane ^3- :- "migaluddo pure asim vipine vicaram aham addasam virajam buddham sabbadhammana paragum. Tasmim mahakarunike sabbasattahite rate pasannacitto sumano nelapuppham apujayim. @Footnote: ¹ Si. nibbatto ² Si. cannehi ³ khu.apa. 33/117/168 @ girinelapujakattherapadana (sya)

--------------------------------------------------------------------------------------------- page161.

Ekatimse ito kappe yam pupphamabhipujayim duggatim nabhijanami buddhapujayidam ^1- phalam. Kilesa jhapita mayham .pe. katam buddhassa sasanan"ti. Arahattam pana patva thero vimuttisukham patisamvedento sakete viharati anjanavane. Tena ca samayena bhagava mahata bhikkhusamghena saddhim saketam gantva anjanavane vihasi. Senasanam nappahosi. Sambahula bhikkhu viharasamanta sarabhuya nadiya valikapuline sayimsu. Atha addharattasamaye nadiya udakoghe agacchante samaneradayo uccasaddamahasadda ahesum. Bhagava tam natva ayasmantam gavampatim anapesi "gaccha gavampati jalogham vikkhambhetva bhikkhunam phasuviharam karohi"ti. Thero "sadhu bhante"ti iddhibalena nadisotam vikkhambhi, tam duratova pabbatakutam viya atthasi. Tato patthaya therassa anubhavo loke pakato ahosi. Athekadivasam sattha mahatiya devaparisaya majjhe nisiditva dhammam desentam theram disva lokanukampaya tassa gunanam vibhavanattham tam pasamsanto:- ^2- "yo iddhiya sarabhum atthapesi so gavampati asito anejo tam sabbasangatigatam mahamunim deva namassanti bhavassa paragun"ti gatham abhasi. ^2- [38] Tattha iddhiyati adhitthaniddhiya. Sarabhunti evamnamikam nadim, ^3- yam loke "sarabhun"ti vadanti. Atthapesiti ^4- sanditum adento sotam nivattetva pabbatakutam viya mahantam jalarasim katva thapesi. Asitoti na sito, tanhaditthinissayarahito, @Footnote: ¹ Si. pupphapujayidam ^2-2 cha.Ma. "yo iddhiya sarabhun"ti gatham abhasi @³ Si.evamnamaka nadi ⁴ Ma. patthapesiti

--------------------------------------------------------------------------------------------- page162.

Bandhanasankhatanam ^1- va sabbasamyojananam samucchinnatta kenacipi bandhanena abaddho, tatoeva ejanam ^2- kilesanam abhavato anejo so gavampati, tam sabbasangatigatam tadisam sabbepi ragadosamohamanaditthisange atikkamitva thitatta sabbasangatigatam, asekkhamunibhavato mahamunim, tatoeva kamakammabhavadibhedassa ^3- sakalassapi bhavassa param nibbanam gatatta bhavassa paragum. Deva namassantiti devapi namassanti, pageva itara pajati. Gathapariyosane mahato janakayassa dhammabhisamayo ahosi. Thero annam byakaronto "sattharam pujessami"ti imameva gatham abhasiti. Gavampatittheragathavannana nitthita. -------------

The Pali Atthakatha in Roman Book 32 page 159-162. http://84000.org/tipitaka/atthapali/read_rm.php?B=32&A=3584&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3584&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=175 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5201 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5467 The Pali Tipitaka in Roman Character :- http://84000.org/tipitaka/read/roman_read.php?B=26&A=5467 Contents of The Tipitaka Volume 26 http://84000.org/tipitaka/read/?index_26