Atthakatha Book 32 : PALI ROMAN
Thera.A.1 (paramatthadi.1)

                    209. 2. Atumattheragathavannana
      yatha kaliro susu vaddhitaggoti ayasmato atumattherassa gatha. Ka
uppatti?
      sopi purimabuddhesu katadhikaro tattha tattha bhave vivattupanissayam punnam
acinanto ito ekanavute kappe kulagehe nibbattitva vinnutam patto vipassim
bhagavantam antaravithiyam gacchantam disva pasannamanaso gandhodakena gandhacunnena
@Footnote: 1 Si. nivatanicavuttina vuddhasilesu  2 Si. patipattivuttina   3 cha.Ma. sayam
---------------------------------------------------------------------------------------------
page250.
Ca pujam akasi. So tena punnakammena devaloke nibbatto aparaparam sugatisuyeva
samsaranto kassapassa bhagavato sasane pabbajitva samanadhammam akasi, nanassa
pana aparipakkatta visesam nibbattetum nasakkhi. Atha imasmim buddhuppade savatthiyam
setthiputto hutva nibbatti, atumotissa namam ahosi. Tassa vayappattassa mata
"puttassa me bhariyam anessama"ti natakehi sammantesi. So tam upadharetva
hetusampattiya codiyamano "kim mayham gharavasena, idaneva pabbajissami"ti bhikkhunam
santikam gantva pabbaji. Pabbajitampi nam mata uppabbajetukama nananayehi
palobheti. So tassa avasaram adatva attano ajjhasayam pakasento:-
            [72] "yatha kaliro susu vaddhitaggo
                  dunnikkhamo hoti pasakhajato
                  evam aham bhariyayanitaya
                  anumanna mam pabbajitomhi dani"ti
gatham abhasi.
      Tattha kaliroti ankuro, idha pana vamsankuro adhippeto. Susuti taruno.
Vaddhitaggoti pavaddhitasakho. Susuvaddhitaggoti va sutthu vaddhitasakho 1- sanjata-
pattasakho. Dunnikkhamoti velugumbato nikkhametum niharitum asakkuneyyo.
Pasakhajatoti jatapasakho, 2- sakhanampi pabbe pabbe uppannaanusakho. Evam aham
bhariyayanitayati yatha vamso vaddhitaggo vamsantaresu samsattha 3- sakhapasakho velugumbato
dunniharaniyo hoti, evam ahampi bhariyaya mayham anitaya puttadhitadivasena vaddhitaggo
asattivasena gharavasato dunniharaniyo bhaveyyam. Yatha pana vamsakaliro asanjatasakhabandho
velugumbato suniharaniyova hoti, evam ahampi asanjataputtadaradibandho suniharaniyo
@Footnote: 1 Ma. vaddhitasikho   2 Si. jatasakhapasakho  3 Si., Ma. sampatta....
---------------------------------------------------------------------------------------------
page251.
Homi, tasma ananitayaeva bhariyaya anumanna mam attanava mam anujanapetva.
Pabbajitomhi daniti "idani pana pabbajito amhi, sadhu sutthu"ti attano
nekkhammabhiratim pakasesi, athava "anumanna mam pabbajitomhi dani"ti matu katheti.
Ayam hettha attho:- yadipi taya pubbe nanumatam, idani pana pabbajito amhi,
tasma anumanna anujanahi mam samanabhaveyeva thatum, naham taya nivattaniyoti.
Evam pana kathento yathathitova vipassanam vaddhetva maggapatipatiya kilese
khepetva chalabhinno ahosi. Tena vuttam apadane 1- :-
          "nisajja pasadavare          vipassim addasam jinam
           kakudham vilasantamva             sabbannum tamanasakam.
           Pasadassavidure ca         gacchati lokanayako
           pabha niddhavate tassa        yatha ca sataramsino. 2-
           Gandhodakanca paggayha         buddhasettham samokirim
           tena cittappasadena         tattha kalankato aham.
           Ekanavutito kappe          yam gandhodakamakirim
           duggatim nabhijanami          buddhapujayidam phalam.
           Ekatimse ito kappe        sugandho nama khattiyo
           sattaratanasampanno           cakkavatti mahabbalo.
           Kilesa jhapita mayham .pe.   katam buddhassa sasanan"ti.
      Chalabhinno pana hutva mataram apucchitva tassa pekkhantiyayeva akasena
pakkami. So arahattappattiya uttarikalampi antarantara tameva gatham paccudahasi.
      Tattha "pabbajitomhi"ti iminapadesena ayampi therassa annabyakaranagatha
@Footnote: 1 khu.apa. 32/35/215 gandhodakiyattherapadana    2 pali. sataramsimhi nibbute
---------------------------------------------------------------------------------------------
page252.
Ahosi attano santane ragadimalassa pabbajitabhavadipanato. Tenaha bhagava
"pabbajayamattano malam, tasma `pabbajito'ti vuccati"ti. 1-
                    Atumattheragathavannana nitthita.
                         ---------------


             The Pali Atthakatha in Roman Book 32 page 249-252.
http://84000.org/tipitaka/atthapali/read_rm.php?B=32&A=5573&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=5573&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=26&i=209
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5397
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5621
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5621
             Contents of The Tipitaka Volume 26
http://84000.org/tipitaka/read/?index_26