AtthaPali Vol.32

210. 3. Manavattheragathavannana jinnanca disva dukhitanca byadhitanti ayasmato manavattherassa gatha. Ka uppatti? Ayampi purimabuddhesu katadhikaro tattha tattha bhave vivattupanissayam kusalam upacinanto ito ekanavute kappe brahmanakule nibbattitva lakkhanadharo hutva vipassissa bhagavato abhijatiya lakkhanani pariggahetva pubbanimittani savetva "ekamsena ayam buddho bhavissati"ti byakaritva nananayehi thometva abhivadetva padakkhinam katva pakkami. So tena punnakammena sugatisuyeva samsaranto imasmim buddhuppade savatthiyam brahmanamahasalassa gehe nibbattitva yava sattavassani, tava antoghareyeva vaddhitva sattame samvacchare upanayanattham uyyanam nito antara- magge jinnaturamate disva tesam aditthapubbatta te parijane pucchitva jara- rogamaranasabhavam sutva sanjatasamvego tato anivattanto ^2- viharam gantva satthu santike dhammam sutva matapitaro anujanapetva pabbajitva vipassanam patthapetva na cirasseva arahattam papuni. Tena vuttam apadane ^3- :- "jayamane vipassimhi nimittam byakarim aham @Footnote: ¹ khu.dhamMa. 25/388/84 annatarapabbajitavatthu ² Si., Ma. anuvattanto @³ khu.apa. 32/41/216 sammukhathavikattherapadana

--------------------------------------------------------------------------------------------- page253.

Nibbapayim ca janatam buddho loke bhavissati. Yasminca jayamanasmim dasasahassi kampati so dani bhagava sattha dhammam deseti cakkhuma. Yasminca jayamanasmim aloko vipulo ahu so dani bhagava sattha dhammam deseti cakkhuma. Yasminca jayamanasmim saritayo na sandayum so dani bhagava sattha dhammam deseti cakkhuma. Yasminca jayamanasmim avicaggi ^1- na pajjali so dani bhagava sattha dhammam deseti cakkhuma. Yasminca jayamanasmim pakkhisangho na sancari so dani bhagava sattha dhammam deseti cakkhuma. Yasminca jayamanasmim vatakkhandho na vayati ^2- so dani bhagava sattha dhammam deseti cakkhuma. Yasminca jayamanasmim sabbaratanani jotayum so dani bhagava sattha dhammam deseti cakkhuma. Yasminca jayamanasmim sattasum padavikkama so dani bhagava sattha dhammam deseti cakkhuma. Jatamatto ca sambuddho disa sabba vilokayi vacasabhimudiresi esa buddhana dhammata. Samvejayitva janatam thavitva lokanayakam sambuddham abhivadetva pakkamim pacinamukho. Ekanavutito kappe yam buddhamabhithomayim duggatim nabhijanami thomanaya idam phalam. @Footnote: ¹ Si. avicimaggi ² Si. vatagandho na vayatha

--------------------------------------------------------------------------------------------- page254.

Ito navutikappamhi sammukhathavikavhayo sattaratanasampanno cakkavatti mahabbalo. Pathavidundubhi nama ekunanavutimhito sattaratanasampanno cakkavatti mahabbalo. Atthasitimhito kappe obhaso nama khattiyo sattaratanasampanno cakkavatti mahabbalo. Sattasitimhito kappe saritacchedanavhayo ^1- sattaratanasampanno cakkavatti mahabbalo. Agginibbapano nama kappanam chalasitiya sattaratanasampanno cakkavatti mahabbalo. Gatipacchedano nama kappanam pancasitiya sattaratanasampanno cakkavatti mahabbalo. Raja vatasamo nama kappanam cullasitiya sattaratanasampanno cakkavatti mahabbalo. Ratanapajjalo nama kappanam teasitiya sattaratanasampanno cakkavatti mahabbalo. Padavikkamano nama kappanam dveasitiya sattaratanasampanno cakkavatti mahabbalo. Raja vilokano nama kappanam ekasitiya sattaratanasampanno cakkavatti mahabbalo. Girasaroti namena kappesitimhi khattiyo sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. @Footnote: ¹ Si. sadinacchedanavhayo

--------------------------------------------------------------------------------------------- page255.

Adhigatarahatto pana bhikkhuhi "kena tvam avuso samvegena atidaharova samano pabbajito"ti pucchito attano pabbajjanimittakittanapadesena annam byakaronto:- [73] "jinnanca disva dukhitanca byadhitam matanca disva gatamayusankhayam tato aham nikkhamituna pabbajim pahaya ^1- kamani manoramani"ti gatham abhasi. Tattha jinnanti jaraya abhibhutam, khandiccapaliccavalittacatadihi samangibhutam. Dukhitanti dukkhitam dukkhasannuttam. ^2- Byadhitanti gilanam. Ettha ca "byadhitan"ti vuttepi dukkhappattabhavo siddho, "dukhitan"ti vacanam tassa balhagilanabhavaparidipanattham. Matanti kalankatam, yasma kalankato ayuno khayam vayam bhedam gato nama hoti, tasma vuttam "gatamayusankhayan"ti. Tasma jinnabyadhimatanam ditthatta, "ime jaradayo nama na imesamyeva, atha kho sabbasadharana, tasma ahampi jaradike anativatto"ti samviggatta. Nikkhamitunati nikkhamitva, ayameva va patho. Pabbajjadhippayena gharato niggantva. Pabbajinti satthu sasane pabbajjam upagato. Pahaya kamani manoramaniti itthakantadibhavato avitaraganam mano ramentiti manorame vatthukame pajahitva, tappatibaddhassa chandaragassa ariyamaggena samucchindanena nirapekkhabhavena chaddetvati attho. Kamanam pahanakittanamukhena cetam therassa annabyakaranam ahosi. Manavakale pabbajitatta imassa therassa manavotveva samanna jatati. Manavattheragathavannana nitthita. @Footnote: ¹ Si. hitvana ² cha.Ma. dukkhappattam, Ma. dukhitanti dukkhitam dukkhasannitam

The Pali Atthakatha in Roman Book 32 page 252-255. http://84000.org/tipitaka/atthapali/read_rm.php?B=32&A=5628&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5628&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=210 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5403 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5627 The Pali Tipitaka in Roman Character :- http://84000.org/tipitaka/read/roman_read.php?B=26&A=5627 Contents of The Tipitaka Volume 26 http://84000.org/tipitaka/read/?index_26