AtthaPali Vol.32

231. 4. Mettajittheragathavannana namo hi tassa bhagavatoti ayasmato mettajittherassa gatha. Ka uppatti? so kira anomadassissa bhagavato kale kulagehe nibbattitva vinnutam patto sasane abhippasanno hutva bodhirukkhassa itthakahi veditam cinitva sudhaparikammam karesi. Sattha tassa anumodanam akasi. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade magadharatthe annatarassa brahmanassa putto hutva nibbatti, mettajitissa namam ahosi. So vayappatto kamesu adinavam disva tapasapabbajjam pabbajitva aranne viharanto buddhuppadam sutva pubbahetuna codiyamano satthu santikam gantva pavattinivattiyo ^1- arabbha panham pucchitva satthara panhe vissajjite patiladdhasaddho pabbajitva vipassanam patthapetva arahattam papuni. Tena vuttam apadane ^2- :- "anomadassimunino bodhivedimakasaham sudhaya pindam datvana panikammam akasaham. Disva tam sukatam kammam anomadassi naruttamo bhikkhusamghe thito sattha ima gatha ^3- abhasatha. Imina sudhakammena cetanapanidhihi ca sampattim anubhotvana dukkhassantam karissati. Pasannamukhavannomhi ekaggo susamahito dharemi antimam deham sammasambuddhasasane. Ito kappasate asim paripunne anunake ^4- @Footnote: ¹ Si. pavattiyo ² khu.apa. 32/26/236 anulomadayakattherapadana @³ pali. imam gatham ⁴ pali. paripunno anunako Raja sabbaghano namam cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva sattharam thomento:- [94] "namo hi tassa bhagavato sakyaputtassa sirimato tenayam aggappattena aggadhammo ^1- sudesito"ti gatham abhasi. Tattha namoti namakaro. Hiti nipatamattam. Tassati yo so bhagava samatimsaparamiyo puretva sabbakilese bhanjitva anuttaram sammasambodhim abhisambuddho, sakyarajassa puttoti sakyaputto. Anannasadharanaya punnasampattiya ca sambhavito uttamaya rupakayasiriya dhammakayasiriya ca samannagatatta sirima, tassa bhagavato sakyaputtassa sirimato namo atthu, tam namamiti attho. Tenati tena bhagavata. Ayanti tassa dhammassa attano paccakkhataya vadati. Aggappattenati aggam sabbannutam, sabbehi va gunehi aggabhavam setthabhavam pattena. Aggadhammoti aggo uttamo navavidhalokuttaro dhammo sutthu aviparitam desito paveditoti. Mettajittheragathavannana nitthita. --------------

The Pali Atthakatha in Roman Book 32 page 303-304. http://84000.org/tipitaka/atthapali/read_rm.php?B=32&A=6738&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6738&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=231 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5524 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5716 The Pali Tipitaka in Roman Character :- http://84000.org/tipitaka/read/roman_read.php?B=26&A=5716 Contents of The Tipitaka Volume 26 http://84000.org/tipitaka/read/?index_26