AtthaPali Vol.32

263. 6. Melajinattheragathavannana yadaham dhammamassosintiadika ayasmato melajinattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto sumedhassa bhagavato kale kulagehe nibbattitva vinnutam patto ekadivasam bhagavantam pindaya gacchantam disva pasannamanaso madhuram amodaphalam adasi. So tena punnakammena devamanussesu samsaranto imasmim buddhuppade baranasiyam khattiyakule nibbattitva melajinoti laddhanamo vijjasippesu nipphattim gato pandito byatto disasu pakato ahosi. So bhagavati baranasiyam isipatane viharante viharam gantva sattharam upasankamitva dhammam sutva patiladdhasaddho pabbajitva vipassanam patthapetva tadaheva arahattam papuni. Tena vuttam apadane ^1- :- "sahassaramsi bhagava sayambhu aparajito viveka vutthahitvana gocarayabhinikkhami. Phalahattho aham disva upagacchim narasabham pasannacitto sumano avatam adadim phalam. Catunnavute ito ^2- kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. katam buddhassa sasanan"ti. Arahattam pana patva aparabhage bhikkhuhi "avuso kim taya uttarimanussadhammo adhigato"ti puttho sihanadam nadanto:- @Footnote: ¹ khu.apa. 33/94/145 avataphaliyattherapadana (sya) ² cha.Ma. catunnavutito [131] "yadaham dhammamassosim bhasamanassa satthuno na kankhamabhijanami sabbannu aparajite. [132] Satthavahe mahavire sarathinam varuttame magge patipadayam va kankha mayham na vijjati"ti gathadvayam abhasi. Tattha yadati yasmim kale. Ahanti attanam niddisati. Dhammanti catusaccadhammam. Assosinti sunim. Satthunoti ditthadhammikadiatthehi veneyyanam sasanatthena satthuno. Kankhanti samsayam. Sankhatamasankhatanca anavasesato jananatthena sabbannu. Kutocipi parajitabhavena ^1- aparajite. ^2- Veneyyasattanam samsarakantarato nibbanam pativahanatthena satthavahe. Idam vuttam hoti:- yato pabhuti aham satthuno dhammam desentassa catusaccadhammam assosim sotadvaranusarena upadharesim upalabhim, tato patthaya anavasesasankhatasankhatasammutidhammanam sayambhunanena jananato sabbannu ^3- anavaranadassavimhi, pancannampi maranam abhibhavanato tehi ^4- aparajitatta sadevake loke appatihatadhammacakkatta ca aparajite, veneyyasattanam lobhakantaradito vahanatthena satthavahe, mahavikkantataya mahavire, annehi duddamanam purisa- dammanam saranato accantikena damathena ^5- damanato sarathinam pavarabhute uttame samma- sambuddhe, "buddho nu kho, no nu kho"ti kankham nabhijanami aparapaccaya- bhavato. Tatharupe desite ariyamagge tadupadayabhutaya ca siladipatipadaya "niyyaniko nu kho, na nu kho"ti kankha vicikiccha na vijjati natthiti. Ettha ca ariyadhamme samsayabhavakathanena ariyasamghepi samsayabhavo kathitoyevati datthabbam tattha patitathataya ^6- anannathabhavatoti. Melajinattheragathavannana nitthita. @Footnote: ¹ Si., Ma. aparajita.... ² i., Ma. aparajito ³ i. sabbannu @⁴ Si., i. tehipi ⁵ Si., i. damanena ⁶ cha.Ma. patitthitassa

The Pali Atthakatha in Roman Book 32 page 389-390. http://84000.org/tipitaka/atthapali/read_rm.php?B=32&A=8662&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=8662&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=263 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5707 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5873 The Pali Tipitaka in Roman Character :- http://84000.org/tipitaka/read/roman_read.php?B=26&A=5873 Contents of The Tipitaka Volume 26 http://84000.org/tipitaka/read/?index_26