AtthaPali Vol.33

357. 11. Nhatakamunittheragathavannana vatarogabhinitotiadika ayasmato nhatakamunittherassa ^4- gatha. Ka uppatti? ayampi purimabuddhesu katadhikaro tattha tattha bhave punnani upacinitva imasmim buddhuppade rajagahe brahmanakule nibbattitva vayappatto vijjatthanadisu nipphattim gato nhatakalakkhanayogena nhatakoti pannayittha. So @Footnote: ¹ Ma. karoti, i. iriyati ² Si.,i. sadhuna sadhu @³ Si.,i. ajannakarina damito ⁴ cha.Ma. nhatakamunissa

--------------------------------------------------------------------------------------------- page125.

Tapasapabbajam pabbajitva rajagahassa tiyojanappamane thane arannayatane nivarehi yapento aggim paricarayamano vasati. Tassa sattha ghate viya padipam ^1- hadayabbhantare pajjalantam arahattupanissayam disva assamapadam agamasi. So bhagavantam disva hatthatuttho attano upakappananiyamena aharam upanesi. Tam bhagava paribhunji. Evam tayo divase datva catutthadivase "bhagava tumhe paramasukhumala, katham imina aharena yapetha"ti aha. Tassa sattha ariyasantosagunam pakasento dhammam desesi. Tapaso tam sutva sotapanno hutva pabbajitva arahattam papuni. Bhagava tam arahatte patitthapetva gato. So pana tattheva viharanto aparabhage vatabadhena upadduto ahosi. Sattha tattha gantva patisantharamukhena tassa viharam pucchanto:- [435] "vatarogabhinito tvam viharam kanane vane pavitthagocare ^2- lukhe katham bhikkhu karissasi"ti gathamaha. Atha thero:- [436] "pitisukhena vipulena pharitvana samussayam lukhampi abhisambhonto viharissami kanane. [437] Bhavento satta bojjhange indriyani balani ca jhanasokhummasampanno ^3- viharissam anasavo. [438] Vippamuttam kilesehi suddhacittam anavilam abhinham paccavekkhanto viharissam anasavo. [439] Ajjhattanca bahiddha ca ye me vijjimsu asava sabbe asesa ucchinna na ca uppajjare puna. [440] Pancakkhandha parinnata titthanti chinnamulaka dukkhakkhayo anuppatto natthi dani punabbhavo"ti imahi sesagathahi attano viharam satthu pavedesi. @Footnote: ¹ Ma. ghate dipasadisam ² cha.Ma.,i. paviddhagocare ³ pali. jhanasukhumasampanno

--------------------------------------------------------------------------------------------- page126.

Tattha jhanasokhummasampannoti jhanasukhumabhavena samannagato. Jhanasukhumam nama arupajjhanam, tasma atthasamapattilabhimhiti vuttam hoti. Tena attano ubhatobhaga- vimuttitam dasseti. Apare panahu "sokhummanti aggamaggaphalesu adhipannasikkha adhippeta, tato jhanaggahanena ^1- attano ubhatobhagavimuttitam vibhaveti"ti. Vippamuttam kilesehiti patipassaddhivimuttiya sabbakilesehi vimuttam, tatoeva suddhacittam, anavilasankappataya anavilam, tihipi padehi arahattaphalacittameva vadati. Sesam hettha vuttanayameva. Imameva ca therassa annabyakaranam ahositi. Nhatakamunittheragathavannana nitthita. -----------------

The Pali Atthakatha in Roman Book 33 page 124-126. http://84000.org/tipitaka/atthapali/read_rm.php?B=33&A=2840&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=2840&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=357 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6643 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6784 The Pali Tipitaka in Roman Character :- http://84000.org/tipitaka/read/roman_read.php?B=26&A=6784 Contents of The Tipitaka Volume 26 http://84000.org/tipitaka/read/?index_26