Atthakatha Book 34 : PALI ROMAN
Theri.A. (paramatthadi.)

page57.
                            3. Tikanipata
                  430. 1. Aparasamatherigathavannana
      tikanipate pannavisati vassanitiadika aparaya samaya theriya gatha.
      Ayampi purimabuddhesu katadhikara tattha tattha bhave vivattupanissayam kusalam
upacinanti vipassissa bhagavato kale candabhagaya nadiya tire kinnarayoniyam nibbatti.
Sa tattha kinnarehi saddhim kilapasuta vicarati. Athekadivasam sattha tassapi kusalabija-
ropanattham tattha gantva naditire cankami. Sa bhagavantam disva hatthatuttha
salalapupphani adaya satthu santikam gantva vanditva tehi pupphehi bhagavantam
pujesi. Sa tena punnakammena devamanussesu samsaranti imasmim buddhuppade
kosambiyam kulaghare nibbattitva vayappatta samavatiya sahayika hutva tassa matakale
samvegajata pabbajitva pancavisati vassani cittasamadhanam alabhitva mahallikakale
sugatovadam labhitva vipassanam vaddhetva saha patisambhidahi arahattam papuni.
Tena vuttam apadane 1-:-
            "candabhaganaditire        ahosim kinnari tada
             addasaham devadevam       cankamantam narasabham.
             Ocinitvana salalam 2-     buddhasetthassadasaham
             upasinghi mahaviro        salalam devagandhikam.
             Patiggahetva sambuddho    vipassi lokanayako
             upasinghi mahaviro        pekkhamanaya me tada.
@Footnote: 1 khu.apa. 33/22/300  2 ocinitva salalapuppham (sya)
---------------------------------------------------------------------------------------------
page58.
             Anjalim paggahetvana      vanditva dipaduttamam 1-
             sakam cittam pasadetva     tato pabbatamaruhim.
             Ekanavutito kappe       yam pupphamadadim tada
             duggatim nabhijanami       buddhapujayidam phalam.
             Kilesa jhapita mayham .pe. Katam buddhassa sasanan"ti.
      Arahattam pana patva attano patipattim paccavekkhitva udanavasena:-
      [39]  "pannavisati vassani        yato pabbajitaya me
             nabhijanami cittassa      samam laddham kudacanam.
      [40]   Aladdha cetaso santim     citte avasavattini
             tato samvegamapadim       saritva jinasasanam.
      [41]   Bahuhi dukkhadhammehi        appamadarataya me
             tanhakkhayo anuppatto     katam buddhassa sasanam
             ajja me sattami ratti     yato tanha visosita"ti
ima gatha abhasi.
      Tattha cittassa samanti cittassa vupasamam, cetosamathamaggaphalasamadhiti attho.
      Tatoti tasma cittavasam vattetum asamatthabhavato. Samvegamapadinti satthari
dharantepi pabbajitakiccam matthakam papetum asakkonti pacchakatham papayissamiti samvegam
nanutrasam apajjim. Saritva jinasasananti kanakacchapopamadisatthuovadam 2-
anussaritva. Sesam vuttanayameva.
                   Aparasamatherigathavannana nitthita.
@Footnote: 1 cha.Ma. dvipaduttamam  2 sam.maha. 19/1117/396, Ma.u. 14/252/220


             The Pali Atthakatha in Roman Book 34 page 57-58.
http://84000.org/tipitaka/atthapali/read_rm.php?B=34&A=1208&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=34&A=1208&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=26&i=430
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=9045
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=9104
             The Pali Tipitaka in Roman Character :-
http://84000.org/tipitaka/read/roman_read.php?B=26&A=9104
             Contents of The Tipitaka Volume 26
http://84000.org/tipitaka/read/?index_26