บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
457. 7. Guttatherigathavannana gutte yadattham pabbajjatiadika guttaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti anukkamena sambhatavimokkhasambhara hutva paripakkakusalamula sugatisuyeva samsaranti imasmim buddhuppade savatthiyam brahmanamahasalakule 3- nibbatta, guttatissa namam ahosi. Sa vinnutam patva upanissayasampattiya codiyamana gharavasam jigucchanti matapitaro anujanapetva mahapajapatigotamiya santike pabbaji. Pabbajitva ca vipassanam patthapetva bhavanam anuyunjantiya tassa cittam cirakalam paricayena bahiddharammane vidhavati, ekaggam nahosi. Sattha disva tam anugganhanto gandhakutiyam yatha nisinnova obhasam pharitva tassa asanne akase nisinnam viya attanam dassetva ovadanto:- @Footnote: 1 cha.Ma. jatavedassa 2 cha.Ma. sukham 3 cha.Ma. brahmanakule [163] "gutte yadattham pabbajja hitva puttam vasum piyam tameva anubruhehi ma cittassa vasam gami. [164] Cittena vancita satta marassa visaye rata anekajatisamsaram sandhavanti avindimsu. 1- [165] Kamacchandanca byapadam sakkayaditthimeva ca silabbataparamasam vicikicchanca pancamam. [166] Samyojanani etani pajahitvana bhikkhuni orambhagamaniyani nayidam punarehisi. [167] Ragam manam avijjanca uddhaccanca vivajjiya samyojanani chetvana dukkhassantam karissasi. [168] Khepetva jatisamsaram parinnaya punabbhavam ditthe dhammeva nicchata upasanta carissasi"ti ima gatha abhasi. Tattha yadatthanti 2- yassa kilesaparinibbanassa khandhaparinibbanassa ca atthaya. Hitva puttam vasum piyanti piyayitabbam natiparivattam bhogakkhandham ca hitva mama sasane pabbajja brahmacariyavaso icchito, tameva anubruhehiti 3- tameva vaddheyyasi sampadeyyasi. Ma cittassa vasam gamiti digharattam 4- rupadiarammanavasena vaddhitassa kutacittassa vasam ma gacchi. Yasma cittam nametam mayupamam, yena pana 5- vancita andhaputhujjana te 6- maravasanuga samsaram nativattanti. Tena vuttam "cittena vancita"tiadi. @Footnote: 1 cha.Ma. aviddasu 2 cha.Ma. tameva anubruhehiti yadattham 3 cha.Ma. ime patha na @dissanti 4 Si.,i. digharassa 5 cha.Ma. pana-saddo na dissati 6 cha.Ma. ayam patho na @dissati Samyojanani etaniti etani "kamacchandanca byapadan"tiadina yatha- vuttani panca bandhanatthena samyojanani. Pajahitvanati anagamimaggena samucchinditva. Bhikkhuniti tassa alapanam. Orambhagamaniyaniti ruparupadhatuto hetthabhage kamadhatuyam manussajivassa hitani upakarani tattha patisandhiya paccaya- bhavato. Makaro padasandhikaro. "oramagamaniyani"ti pali, so evattho. Nayidam punarehisiti orambhagiyanam samyojananam pahanena idam kamatthanam kamabhavam patisandhi- vasena puna nagamissasi. Rakaro padasandhikaro. "itthan"tipi 1- pali, itthattam kama- bhavamicceva attho. Raganti ruparaganca aruparaganca. Mananti aggamaggavajjham manam. Avijjanca uddhaccancati etthapi eseva nayo. Vivajjiyati vipassanaya vikkhambhetva. Samyojanani chetvanati etani ruparagadini pancuddhambhagiyani samyojanani arahattamaggena samucchinditva. Dukkhassantam karissasiti sabbassapi vattadukkhassa pariyantam pariyosanam papunissasi. Khepetva jatisamsaranti jatisamulakasamsarapavattim pariyosapetva. Nicchatati nittanha. Upasantati sabbaso kilesanam vupasamena upasanta. Sesam vuttanayameva. Evam satthara imasu gathasu bhasitasu gathapariyosane theri saha patisambhidahi arahattam patva udanavasena bhagavata bhasitaniyameneva ima gatha abhasi. Teneva ta 2- theriya gatha nama jata. Guttatherigathavannana nitthita. ------------------ @Footnote: 1 cha.Ma. itthanti va 2 Ma. tenetaThe Pali Atthakatha in Roman Book 34 page 201-203. http://84000.org/tipitaka/atthapali/read_rm.php?B=34&A=4328&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=4328&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=457 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9367 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9417 The Pali Tipitaka in Roman Character :- http://84000.org/tipitaka/read/roman_read.php?B=26&A=9417 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]