AtthaPali Vol.35

3 Kandinajatakam dhiratthu kandinam sallanti idam sattha jetavane viharanto puranadutiyikappalobhanam arabbha kathesi. Tam atthanipate indriyajatake avibhavissati. Bhagava pana tam bhikkhum etadavoca bhikkhu pubbepi tvam etam matugamam nissaya jivitakkhayam patva vitacchikesu angaratalesu pakkositi. Bhikkhu tassatthassavibhavatthaya bhagavantam yacimsu. Bhagava bhavantarena

--------------------------------------------------------------------------------------------- page234.

Paticchannam karanam pakatamakasi. Ito parampana bhikkhunam ayacanam bhavantarappaticchannatanca avatva atitam ahariti ettakameva vakkhama. Ettake vuttepi ayacanam balahakagabbhato candaniharanupama ca bhavantarappaticchannakaranabhavo cati sabbametam hetthavuttanayeneva yojetva veditabbam. Atite magadharatthe rajagahe magadharaja nama rajjam karesi. Magadhavasikanam sassasamaye miganam mahaparipantho hoti. Te aranne pabbatapadam pavisanti. Eko arannavasi pabbateyyamigo ekaya gamavasiniya migapotikaya saddhim santhavam katva tesam miganam pabbatapadato oruyha puna gamantam otinnakale migapotikaya patibaddhacittataya tehi saddhimyeva otari. Atha nam sa aha tvam khosi ayya pabbateyyo balamigo gamanto ca nama sasanko sappatibhayo ma amhehi saddhim otarati. So tassa patibaddhacittataya anivattitva taya saddhimyeva agamasi. Magadhavasino idani miganam pabbatapada otaranakaloti natva magge paticchannakotthakesu titthanti. Tesampi dvinnam agamanamagge eko luddako paticchannakotthake thito hoti. Migapotika manussagandham ghayitva eko luddako thito bhavissatiti tam balamigam purato katva sayam pacchato ahosi. Luddako ekeneva sarappaharena migam tattheva patesi. Migapotika tassa viddhabhavam natva uppatitva vatavegagatiya palayi. Luddako kotthakato nikkhamitva migam okkantitva aggim katva vitacchikesu

--------------------------------------------------------------------------------------------- page235.

Angaresu madhuramamsam pacitva khaditva paniyam pivitva avasesam lohitavinduhi paggharantehi kajenadaya darake tosento gharam agamasi. Tada bodhisatto tasmim vanasande devata hutva nibbatto hoti. So tam karanam disva imassa balamigassa maranam neva mataram nissaya na pitaram atha kho kamam nissaya kamanimittanhi satta sugatiyam hatthacchedadim duggatiyanca pancavidhabandhanadim nanappakaram dukkham papunanti paresam maranadukkhuppadanam nama imasmim loke garahitameva yam janapadam matugamo vicareti anusasati so itthiparinayako janapadopi garahitova ye satta matugamassa vasam gacchanti tepi garahitayevati ekaya gathaya tini garahavatthuni dassetva vanadevatasu sadhukaram datva gandhapupphadihi pujayamanasu madhurassarena tam vanasandam unnadento imaya gathaya dhammam desesi dhiratthu kandinam sallam purisam galhavedhinam dhiratthu tam janapadam yatthitthi parinayika te vapi dhikkita satta ye itthinam vasam gatati. Tattha dhiratthuti garahanatthe nipato. Svayamidha uttasa- ubbegavasena garahane datthabbo. Uttasitubbiggo hi honto bodhisatto evamaha. Kandamassa atthiti kandi. Tam kandinam. Tampana kandam anuppavisanatthena sallanti vuccati tasma kandinam sallanti ettha sallakandinanti attho. Sallam va assa atthiti

--------------------------------------------------------------------------------------------- page236.

Sallo. Tam sallam. Mahantam vanamukham katva balavappaharam dadanto galham vijjhatiti galhavedhi. Tam galhavedhinam. Nanappakarakena kandena kumudapattasanthanaphalena ujukagamaneneva sallena samannagatam galhavedhinam purisam dhiratthuti ayamettha attho. Parinayikati issara samvidhayika. Dhikkitati garahita. Sesamettha uttanatthameva. Ito parampana ettakampi avatva yam yampi anuttanam tam tadeva vannayissama. Evam ekaya gathaya tini garahavatthuni dassetva bodhisatto vanam unnadetva buddhalilhaya dhammam desesi. Sattha imam dhammadesanam aharitva saccani pakasesi. Saccapariyosane ukkanthitabhikkhu sotapattiphale patitthahi. Sattha dve vatthuni kathetva anusandhim ghatet va jatakam samodhanesi. Ito parampana dve vatthuni kathetvati idam avatva anusandhim ghatetvati ettakameva vakkhami. Avuttampi pana hetthavuttanayeneva yojetva gahetabbam. Tada pabbateyyamigo ukkanthitabhikkhu ahosi migapotika puranadutiyika kamesu dosam dassetva dhammadesikadevata pana ahameva ahositi. Kandinajatakam tatiyam. ----------------

The Pali Atthakatha in Roman Book 35 page 233-236. http://84000.org/tipitaka/atthapali/read_rm.php?B=35&A=4850&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=4850&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=13 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=85 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=85 The Pali Tipitaka in Roman Character :- http://84000.org/tipitaka/read/roman_read.php?B=27&A=85 Contents of The Tipitaka Volume 27 http://84000.org/tipitaka/read/?index_27