AtthaPali Vol.37

4 Punnanadijatakam punnam nadinti idam sattha jetavane viharanto pannaparamim arabbha kakesi. Ekasmim hi divase dhammasabhayam bhikkhu tathagatassa pannam arabbha katham samutthapesum avuso sammasambuddho mahapanno puthupanno hasapanno javanapanno tikkhapanno nibbedhikapanno upayapannaya samannagatoti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepi tathagato pannava upayakusalo yevati vatva atitam ahari. Atite baranasiyam brahmadatte rajjam karente bodhisatto purohitakule nibbattitva vayappatto takkasilayam sabbasippani ugganhitva pitu accayena purohitatthanam labhitva baranasiranno atthadhammanusasako ahosi. Aparabhage raja paribhedakanam katham gahetva kuddho ma mama santike vasiti bodhisattam baranasito pabbajesi. Bodhisatto puttadaram gahetva ekasmim kasikagamake vasam kappesi. Aparabhage raja tassa gunam saritva mayham kanci pesetva acariyam pakkositum na yuttam, ekam pana gatham bandhitva pannam likhitva kakamamsam pacapetva pannanca mamsanca setavatthena palivethetva rajamuddakaya lanchetva pesessami, so yadi pandito bhavissati pannam vacetva kakamamsabhavam natva agamissati, no ce nagamissatiti. So punnam nadinti imam gatham panne likhi punnam nadim yena ca peyyamahu jatam yavam yena ca guyhamahu duram gatam yena ca avhayanti so tyabhato handa ca bhunja brahmanati tattha punnam nadim yena ca peyyamahuti kakapeyya naditi vadanta yena punnam nadim kakapeyyamahu, na hi apunna nadi kakapeyyati vuccati. Yadapi naditire thatva givam apasaretva ^1- kakena patum sakka hoti tada nam kakapeyyati vadanti. Jatam @Footnote: ¹ pasaretvatipi. Yavam yeva ca guyhamahuti yavanti desanamattam, idha pana sabbampi jatam uggatam sampannam tarunasassam adhippetam. Tam hi yada antopavitthakakam paticchadetum sakkoti tada guyhatiti guyham. Kim guyhati. Kakam. Iti kakassa guyham kakaguyhanti tam vadamana kakena guyhavacanassa karanabhutena guyhanti vadanti. Tena vuttam yena ca guyhamahuti. Duram gatam yena ca avhayantiti duram gatam vippavuttham piyapuggalam yam agantva nisinnam disva sace itthannamo agacchati vassa kakati va vassantanneva va sutva yatha kako vassati itthannamo agamissatiti evam vadanti. Yena ca avhayanti kathenti mantenti udaharantiti attho. So tyabhatoti so te anito. Handa ca bhunja brahmanati ganha brahmana bhunjassu nam khada imam kakamamsanti attho. Iti raja imam gatham panne likhitva bodhisattassa pesesi. So pannam vacetva va raja mam datthukamoti natva dutiyam gathamaha yato mam sarati raja vayasampi pahetave hamsa konca mayura ca asati yeva papiyati. Tattha yato mam sarati raja vayasampi pahetaveti yada raja vayasamamsam labhitva tampi pahetum mam sarati. Hamsa konca mayura cati yada panassa ete hamsadayo upanita bhavissanti, etani hamsamamsadini lacchati tada mam kasma na sarissatiti attho. Atthakathayam pana hamsakonacamayuranantipi patho. So sundarataro. Imesam Hamsadinam mamsani labhitva kasma mam na sarissati yevati attho. Asati yeva papiyati yam va tam va labhitva saranam nama sundaram, lokasmim pana asati yeva papiya, asatikaranam ^1- yeva hinam lamakam, tanca amhakam ranno natthi, sarati mam raja, agamanam me paccasimsati, tasma gamissamiti. Yanam yojapetva gantva rajanam passi. Raja tussitva purohitatthane yeva patitthapesi. Sattha imam dhammadesanam aharitva jatakam samodhanesi. Tada raja anando ahosi, purohito pana ahamevati. Punnanadijatakam catuttham. ----------

The Pali Atthakatha in Roman Book 37 page 230-233. http://84000.org/tipitaka/atthapali/read_rm.php?B=37&A=4549&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4549&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=277 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1614 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1601 The Pali Tipitaka in Roman Character :- http://84000.org/tipitaka/read/roman_read.php?B=27&A=1601 Contents of The Tipitaka Volume 27 http://84000.org/tipitaka/read/?index_27