AtthaPali Vol.37

5 Kacchapajatakam avadhi vata attananti idam sattha jetavane viharanto kokalikam arabbha kathesi. Vatthu mahatakkarijatake avibhavissati. Tada pana sattha na bhikkhave kokaliko idaneva vacaya hato pubbepi vacaya hato yevati vatva atitam ahari. Atite baranasiyam brahmadatte rajjam karente bodhisatto amaccakule nibbattitva vayappatto tassa atthadhammanusasako @Footnote: ¹ asaranantipi. Ahosi. So pana raja bahubhani ahosi. Tasmim kathente annesam vacanassa okaso nama natthi. Bodhisatto tassa tam bahubhanitam varetukamo ekam upayam upadharento vicarati. Tasmim hi kale himavantappadese ekasmim sare kacchapo vasati. Dve hamsapotaka gocaraya caranta tena saddhim vissasam agamamsu. Te dalhavissasika hutva ekadivasam kacchapam ahamsu samma kacchapa amhakam himavante cittakutapabbatatale kancanaguhayam vasanatthanam ramaniyo padeso, gacchasi amhakam saddhinti. Aham kinti katva gamissamiti. Mayam tam gahetva gamissama, sace tvam mukham rakkhitum sakkhissasi, kassaci kinci na kathesiti. Sakkhissami, gahetva mam gacchathati. Te sadhuti vatva ekam dandakam kacchapena damsapetva sayam tassa ubho kotiyo damsitva akase pakkhandimsu. Tam tatha hamsehi niyamanam gamadaraka disva dve hamsa kacchapam dandakena harantiti ahamsu. Kacchapo yadi mam sahayaka nenti, tumhakam ettha kim dutthacetakati vattukamo hamsanam sighavegataya baranasinagare rajanivesanassa uparibhagam sampattakale datthatthanato dandakam vissajjetva akase patitva dvebhago ahosi. Kacchapo akasato patitva dvedha bhinnoti ekakolahalam ahosi. Raja bodhisattam adaya amaccaganaparivuto tam thanam gantva kacchapam disva bodhisattam pucchi pandita kinti katva patitoti. Bodhisatto cirapatikamkhoham rajanam ovaditukamo upayam upadharento carami, imina kacchapena hamsehi saddhim vissaso kato bhavissati, Tahi imam himavantam nessamati dandakam damsapetva akasam pakkhandehi bhavitabbam, atha imina kassaci vacanam sutva arakkhitamukhataya kinci vattukamena dandako vissattho bhavissati, evam akasato patitva jivitakkhayam pattena bhavitabbanti cintetva ama maharaja atimukhara nama apariyantavacana evarupam dukkham papunanti yevati vatva ima gatha avoca avadhi vata attanam kacchapo va pabyaharam, suggahitasmim katthasmim vacaya sakiya vadhi, etampi disva naravirasettha vacam pamunce kusalam nativelam, passasi bahubhanena kacchapam byasanam gatanti. Tattha avadhi vatati ghatesi vata. Pabyaharanti byaharanto. Suggahitasmim katthasminti mukhena sutthu damsitva gahite dandake. Vacaya sakiya vadhiti atimukharataya akale vacam niccharento datthatthanam vissajjetva taya sakaya vacaya attanam vadhi ghatesi, evameva jivitakkhayam patto na annathati. Etampi disvati etampi karanam disva. Naravirasetthati naresu viriyena settha uttamaviriya rajavara. Vacam pamunce kusalam nativelanti saccadipatisamyuttam kusalameva panditapuriso munceyya nicchareyya, tampi hitam kalayuttam na ativelam atikkantakalam apariyantavacam bhaseyya. Passasiti nanu paccakkhato passasi. Bahubhanenati bahubhananena. Kacchapam byasanam Gatanti evam kacchapam jivitakkhayam pattanti. Raja mam sandhaya bhasatiti natva amhe sandhaya kathesi panditati aha. Bodhisatto maharaja tvam va hotu anno va yo koci pamanatikkantam bhasento evarupam byasanam papunatiti pakatam katva kathesi. Raja tato patthaya viramitva mandabhani ahosi. Sattha imam dhammadesanam aharitva jatakam samodhanesi. Tada kacchapo kokaliko ahosi, dve hamsapotaka dve mahathera, raja anando, amaccapandito pana ahamevati. Kacchapajatakam pancamam. ---------

The Pali Atthakatha in Roman Book 37 page 233-236. http://84000.org/tipitaka/atthapali/read_rm.php?B=37&A=4612&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4612&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=279 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1624 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1611 The Pali Tipitaka in Roman Character :- http://84000.org/tipitaka/read/roman_read.php?B=27&A=1611 Contents of The Tipitaka Volume 27 http://84000.org/tipitaka/read/?index_27