|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7 Saketajatakam ko nu kho bhagava hetuti idam sattha saketam upanissaya viharanto saketabrahmanam arabbha kathesi. Vatthu panettha atitampi paccuppannampi hettha ekanipate kathitameva. Tathagatassa pana viharam gatakale bhikkhu sineho namesa bhante katham patitthatiti pucchanta pathamam gathamahamsu ko nu kho bhagava hetu ekacce idha puggale ativa hadayam nibbati cittam vapi 1- pasidatiti. Tassattho ko nu kho hetu yena idhekacce puggale ditthamatte yeva hadayam ativiya nibbati 2- suvasitassa udakassa ghatasahassena parisittam viya sitalam hoti, ekacce na nibbati, ekacce ditthamatte yeva cittam pasidati mudu hoti pemavasena alaliyati, ekacce na alliyatiti. Atha nesam sattha pemakaranam dassento dutiyam gathamaha pubbe va sannivasena paccuppannahitena va evantam jayate pemam uppalamva yathodaketi. Tassattho bhikkhave pemam nametam dvihi karanehi jayati, pubbe purimabhave mata va pita va dhita va putto va bhata @Footnote: 1 cittancapitipi . 2 nibbayatitipi.--------------------------------------------------------------------------------------------- page314.
Va bhagini va pati va bhariya va sahayo va mitto va hutva yo yena saddhim ekatthane vutthapubbo tassa imina pubbe va sannivasena bhavantarepi anubandhanto sopi sineho na vijahati, imasmim attabhave katena paccuppannahitena va evam tam jayate pemam, imehi dvihi karanehi tam pemam jayati. Yatha kim. Uppalam va yathodaketi. Vakarassa rassattam katam. Samuccayatthe cesa vutto. Tasma uppalanca sesanca jalajapuppham yatha udake jayamanam dve karanani nissaya jayati udakanceva kalalanca, tatha cetehi dvihi karanehi pemam jayatiti. Evamettha attho datthabbo. Sattha imam dhammadesanam aharitva jatakam samodhanesi. Tada brahmano ca brahmani ca imeva dve jana ahesum, putto pana ahamevati. Saketajatakam sattamam. -----------The Pali Atthakatha in Roman Book 37 page 313-314. http://84000.org/tipitaka/atthapali/read_rm.php?B=37&A=6201&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=6201&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=323 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1839 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1833 The Pali Tipitaka in Roman Character :- http://84000.org/tipitaka/read/roman_read.php?B=27&A=1833 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]