|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Addhavaggavannana ------- dighitikosalajatakam evambhutassa te rajati idam sattha jetavane viharanto kosambike bhandanakarake arabbha kathesi. Tesam hi jetavanam agantva khamapanakale sattha te amantetva bhikkhave tumhe mayham orasa mukhato jata putta nama puttehi ca pitara dinnam ovadam bhinditum na vattati tumhe pana ovadam na karittha poranakapandita attano matapitaro ghatetva rajjam gahetva thitacorepi aranne hatthapatham agate matapituhi dinnam ovadam na bhindissamati na marayimsuti vatva atitam ahari. (atite) imasmim pana jatake dvepi vatthuni sanghabhedake vittharato avibhavissanti. So pana dighavukumaro aranne attano anke nipannam baranasirajanam culaya gahetva idani mayham matapitughatakam coram cuddasa khandani katva chindissamiti asim ukkhipanto tasmim khane matapituhi dinnam ovadam saritva jivitam cajantopi tesam ovadam na bhindissami kevalam imam tajjessamiti cintetva pathamam gathamaha--------------------------------------------------------------------------------------------- page496.
Evambhutassa te raja agatassa vase mamam atthi nu koci pariyayo yo tam dukkha pamocayeti. Tattha vase mamanti mama vasam agatassa. Pariyayoti karanam. Tato raja dutiyam gathamaha evambhutassa me tata agatassa vase tava natthi no koci pariyayo yo mam dukkha pamocayeti. Tattha noti nipatamattam. Natthi koci pariyayo mam 1- etasma dukkha pamocayeti attho. Tato bodhisatto avasesagatha abhasi nannam sucaritam raja nannam raja subhasitam tayate maranakale evamevitaram dhanam akkocchi mam avadhi mam ajini mam ahasi me ye ca tam upanayhanti veram tesam na sammati akkocchi mam avadhi mam ajini mam ahasi me ye ca tam nupanayhanti veram tesupasammati na hi verena verani sammantidha kudacanam averenupasammanti 2- esa dhammo sanantanoti. Tattha nannam sucaritanti nannam sucarita. Ayameva va patho. Thapetva sucaritam annam na passamiti attho. Idha sucaritantipi subhasitantipi matapituhi dinnam ovadamyeva sandhayaha. @Footnote: 1 yo tam. 2 averena ca sammanti.--------------------------------------------------------------------------------------------- page497.
Evamevati niratthakameva. Idam vuttam hoti maharaja annatra ovadanusitthisankhata sucaritasubhasita maranakale tayitum rakkhitum samattho nama anno natthi yam etam itaram dhanam tam evameva niratthakameva hoti tvanhi idani mayham kotisatasahassamattampi dhanam dadanto jivitam na labheyyasi tasma veditabbametam dhanato sucaritasubhasitameva uttaritaranti. Sesagathayapi ayam sankhepattho maharaja ye purisa ayam mam akkosi ayam mam pahari ayam mam ajini ayam mama santakam ahasiti evam veram upanayhanti bandhitva viya hadaye thapenti tesam veram na vupasammati ye panetam na upanayhanti hadaye na thapenti tesam vupasammati verani hi na kadaci verena sammanti avereneva pana sammanti esa dhammo sanantanoti poranako dhammo cirakalappavatto sabhavoti. Evancapana vatva bodhisatto aham maharaja tayi na dubbhami tvam pana mam marehiti tassa hatthe asim thapesi. Rajapi naham tayi dubbhamiti sapatham katva tena saddhim nagaram gantva tam amaccanam dassetva ayam bhane kosalaranno putto dighavukumaro iminapi mayham jivitam dinnam na labbha imam kinci katunti vatva attano dhitaram datva pitu santake rajje patitthapesi. Tato patthaya ubhopi samagga sammodamana rajjam karesum.--------------------------------------------------------------------------------------------- page498.
Sattha imam dhammadesanam aharitva jatakam samodhanesi tada matapitaro maharajakulani ahesum dighavukumaro pana ahamevati. Dighitikosalajatakam pathamam ----------The Pali Atthakatha in Roman Book 38 page 495-498. http://84000.org/tipitaka/atthapali/read_rm.php?B=38&A=10276&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=10276&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=803 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3723 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3677 The Pali Tipitaka in Roman Character :- http://84000.org/tipitaka/read/roman_read.php?B=27&A=3677 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]