AtthaPali Vol.38

venasakhajatakam nayidam niccam bhavitabbanti idam sattha bhaggesu sumsumaragirim nissaya bhesakalavane viharanto bodhirajakumaram arabbha kathesi. Bodhirajakumaro nama udenassa putto tasmim kale sumsumaragirim ^1- vasanto ekam pariyodatasippam vaddhakim pakkosapetva annehi rajuhi asadisam katva kokanudam nama pasadam karapesi. Karapetva capana ayam vaddhaki annassapi ranno evarupam pasadam kareyyati maccharayanto tassa akkhini uppatapesi. Tenassa akkhinam uppatitabhavopi bhikkhusanghe pakato jato. Tasma bhikkhu dhammasabhayam katham samutthapesum avuso bodhirajakumaro kira tatharupassa vaddhakino akkhini uppatapesi aho kakkhalo pharuso sahasikoti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave @Footnote: ^1. sumsumaragire. Idaneva pubbepesa kakkhalo pharuso sahasikova na kevalanca idaneva pubbepesa khattiyasahassanam akkhini uppatapetva maretva tesam mamsena balikammam karesiti vatva atitam ahari. Atite baranasiyam brahmadatte rajjam karente bodhisatto takkasilayam disapamokkho acariyo ahosi. Jambudipatale khattiyamanava ca brahmanamanava ca tasseva santike sippam ugganhimsu. Baranasirannopi putto brahmadattakumaro nama tassa santike tayo vede ugganhi. So pana pakatiya kakkhalo pharuso sahasiko ahosi. Mahasatto angavijjavasena tassa kakkhalapharusasahasikabhavam natva tata tvam kakkhalo pharuso sahasiko pharusena nama laddham issariyam aciratthitikam hoti so issariye natthe bhinnanavo viya samudde patittham na labhati tasma ma evarupo ahositi ovadanto dve gatha abhasi nayidam niccam bhavitabbam brahmadatta khemam subhikkham sukhata ^1- ca kaye atthaccaye ma ahu sampamulho bhinnaplavo sagarasseva majjhe yani karoti puriso tani attani passati kalyanakari kalyanam papakari ca papakam yadisam vapate bijam tadisam ruhate ^2- phalanti. @Footnote: ^1. suhata. ^2. harate. Tattha sukhata ca kayeti tata brahmadatta yadetam khemam va subhikkham va ya va esa sukhata ca kaye idam sabbam imesam sattanam niccam sabbakalameva na bhavati idam pana aniccam hutva abhavadhammam. Atthaccayeti so tvam aniccatavasena issariye vigate attano atthassa accayena yatha nama bhinnaplavo bhinnanavo manusso sagaramajjhe patittham alabhanto sampamulho hoti evam ma ahu sampamulho. Tani attani passatiti tesam kammanam phalam vindanto tani attani passati nama. So acariyam vanditva baranasim gantva pitu sippam dassetva uparajje patitthaya pitu accayena rajjam papuni. Tassa pingiyo nama purohito ahosi kakkhalo pharuso. So yasalobhena cintesi yannunaham imina ranna sakalajambudipe sabbe rajano gahapeyyam evamesa ekaraja bhavissati ahampi ekapurohito homiti. So tam rajanam attano katham gahapesi. Raja mahatiya senaya nikkhamitva ekassa ranno nagaram rundhitva tam rajanam ganhi. Eteneva upayena sakalajambudipe rajjam gahetva rajasahassaparivuto takkasilayam rajjam ganhissamiti agamasi. Bodhisatto nagaram patisankharitva parehi appadhamsiyam akasi. Baranasirajapi ganganaditire mahato nigrodharukkhassa mule sanim parikkhipapetva upari vitanam karetva sayanam pannapetva nivasam ganhi. So jambudipatale sahassarajano gahetva yujjhamanopi takkasilam gahetum asakkonto Purohitam pucchi acariya mayam ettakehi rajuhi saddhim agantva takkasilam gahetum na sakkoma kinnukho katabbanti. Maharaja rajasahassanam akkhini uppatetva maretva kucchim phaletva pancamadhuramamsam adaya imasmim nigrodhe nibbattadevataya balikammam katva antavattihi rukkham parikkhipitva lohitapancangulikani karoma evam no khippameva jayo bhavissatiti. Raja sadhuti patissunitva antosaniyam mahabale malle thapetva ekamekam rajanam pakkosapetva nippilanena visannam karetva akkhini uppatapetva maretva mamsam adaya kalevarani gangayam pavahetva vuttappakaram balikammam karetva balibherim akottapetva yuddhaya gato. Athassa ajjisakato ^1- nama eko yakkho agantva dakkhinakkhim uppatetva agamasi. Mahati vedana uppajji. So vedanapatto gantva nigrodhassa mule pannattasane uttanako nipajji. Tasmim khane eko gijjho ekam tikhinakotikam atthim gahetva rukkhagge nisinno mamsam khaditva atthim visajjesi. Atthikoti agantva ranno vamakkhimhi ayasula viya patitva akkhini bhindi. Tasmim khane bodhisattassa vacanam sallakkhesi. So amhakam acariyo ime satta vijanurupam phalam viya kammanurupam vipakam anubhontiti kathento idam disva kathesi manneti vatva vippalapanto dve gatha abhasi @Footnote: ¹ attalakato. Idam tadacariyavaco paracariyo ^1- yadabravi massu tvam akari papam yantam paccha katam tape ayameva so pingiyo venasakho ^2- yamhi ghatayim khattiyanam sahasse alankate candanasaralitte tameva dukkham paccagatam mamanti. Tattha idam tadacariyavacoti idantam acariyassa vacanam. Paracariyoti tam gottena kitteti. Paccha katanti yam papam taya katam paccha tam tapeyya kilameyya tam ma kariti ovadam adasi aham panassa vacanam na karinti. Ayamevati nigrodharukkham dassento vilapati. Venasakhoti patthatasakho. Yamhi ca ghatayinti yamhi rukkhe khattiyasahasse maresum. Alankate candanasaralitteti rajalankarehi alankate lohitacandanasaranulitte te khattiye yatthaham ^3- ghatesim ayameva so rukkho idani mayham kinci parittanam katum na sakkotiti dipeti. Tameva dukkhanti yam maya paresam akkhiuppatanadukkham katam idam me tatheva patiagatam. Idani no acariyassa vacanam matthakam pattanti paridevati. So evam paridevantova aggamahesim anussaritva samapi kho candanalittagatti singuva ^4- sobhanjakassa uggata @Footnote: ¹ parasariyo . ² dhonasakho . ³ sattaham . ⁴ latathiva. Adisva kalam karissami ubbarim tam me ito dukkhataram bhavissatiti gathamaha. Tassattho mama bhariya suvannasama ubbari yatha nama singurukkhassa uju uggata sakha mandamaluterita kampamana sobhati evam itthivilasam kurumana sobhati tamaham idani akkhinam bhinnatta ubbarim adisvava kalam karissami tam me tassa adassanam ito maranadukkhatopi dukkhataram bhavissatiti. So evam vippalapantoyeva maritva niraye nibbatti. Na tam issariyapaluddho purohito parittanam katum sakkhi na attano issariyam. Tasmim matamatteyeva balakaya bhijjitva palayimsu. Sattha imam dhammadesanam aharitva jatakam samodhanesi tada raja bodhirajakumaro ahosi pingiyo devadatto ahosi disapamokkho acariyo ahamevati. Venasakhajatakam ^1- tatiyam -----------

The Pali Atthakatha in Roman Book 38 page 425-430. http://84000.org/tipitaka/atthapali/read_rm.php?B=38&A=8821&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=8821&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=712 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3385 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3351 The Pali Tipitaka in Roman Character :- http://84000.org/tipitaka/read/roman_read.php?B=27&A=3351 Contents of The Tipitaka Volume 27 http://84000.org/tipitaka/read/?index_27