AtthaPali Vol.45

page244.

6. Jarasuttaniddesavannana [39] Chatthe jarasutte appam vata jivitam idanti idam vata manussanam jivitam appakam parittam thitiparittataya sarasaparittatayati guhatthakasuttepi vuttanayametam. Oram vassasatapi miyyatiti vassasata oram kalaladikalepi miyyati. Aticcati vassasatam atikkamitva. Jarasapi miyyatiti jarayapi miyyati. Ito param guhatthakasuttavannanaya vuttanayeneva gahetabbam. Appanti mandam. Gamaniyo samparayoti paraloko gantabbo. Kalalakalepiti ettha kalalam ^1- nama patisandhikkhane tihi jatiunnamsuhi katasuttagge thitatelabinduppamanam accham vippasannam kalalam hoti. Yam sandhaya vuttam:- "tilatelassa yatha bindu sappimando anavilo evam vannappatibhagam kalalanti pavuccati"ti. ^2- Tasmim kalalakalepi. Cavatiti jivita ^3- galati. Maratiti jivitaviyogam apajjati. Antaradhayatiti adassanam papunati. Vippalujjatiti chijjati. "andajayoniya cavati. Jalabujayoniya marati. Samsedajayoniya antaradhayati. Upapatikayoniya ^4- vippalujjati"ti evameke vannayanti. Abbudakalepiti abbudam nama kalalato sattahaccayena mamsadhovanaudakavannam hoti, kalalanti namam antaradhayati. Vuttampi cetam:- "sattaham kalalam hoti paripakkam samuhatam vivattamanam tam bhavam abbudam nama jayati"ti. ^5- Tasmim abbudakalepi. Pesikalepiti tasmapi abbuda sattahaccayena vilinatipusadisa pesi nama sanjayati. Sa maricaphanitena dipetabba. Gamadaraka ^6- @Footnote: ¹ cha.Ma. kalalakalam ² cha.Ma. kalalam sampavuccatiti, sam.A. 1/284, abhi.a, 2/24 @³ Si.,cha.Ma. jivitam ⁴ cha.Ma. opapatika... ⁵ sam.A. 2/285 ⁶ cha.Ma. gamadarika

--------------------------------------------------------------------------------------------- page245.

Hi supakkani maricani gahetva satakante bhandikam katva piletva mandam adaya kapale pakkhipitva atape thapenti, tam sukkhamanam sabbabhagehi muccati. Evarupa pesi hoti, abbudanti namam antaradhayati. Vuttampi cetam:- "sattaham abbudam hoti paripakkam samuhatam vivattamanam tam bhavam pesi ca nama jayati"ti. ^1- Tasmim pesikalepi. Ghanakalepiti tatopi pesito sattahaccayena kukkutandasanthano ghano nama mamsapindo nibbattati, pesiti namam antaradhayati. Vuttampi cetam:- "sattaham pesi bhavati paripakkam samuhatam vivattamanam tam bhavam ghano ca nama jayati. ^2- Yatha kukkutiya andam samanta parimandalam evam ghanassa santhanam nibbattam kammapaccaya"ti. ^3- Tasmim ghanakalepi. Pancasakhakalepiti ^4- pancame sattahe dvinnam dvinnam hatthapadanam sisassa catthaya panca pilaka jayanti, yam sandhaya vuttam "pancime bhikkhave sattahe panca pilaka santhahanti kammato"ti. ^3- Tasmim sakhakalepi. Tato param chatthasattamadini sattahani atikkamma desanam sankhipitva dvacattalisasattahe parinatakale kesalomanakhadinam uppattikalanca. Tassa ca nabhito utthito nalo matu udarapatalena ekabaddho hoti, so uppaladandako viya chiddo, tena ahararaso samsaritva aharasamutthanam rupam samutthapeti. Evam so dasa mase yapeti, tam sabbam avatva "sutighare"ti aha, yam sandhaya vuttam:- "kesa loma nakhapi ca "5- @Footnote: ¹ sam.A. 1/285 ² cha.Ma. ghanoti nama jayati ³ sam.A. 1/285 @⁴ Si.,cha.Ma. pasakhakalepiti ⁵ cha.Ma. nakhani ca

--------------------------------------------------------------------------------------------- page246.

"yancassa bhunjati mata annam pananca bhojanam tena so tattha yapeti matukucchigato naro"ti. ^1- Tattha sutighareti sutikaghare, vijayanaghareti attho. "sutikaghare"ti va patho, sutikayati padacchedo. Addhamasikopiti vijatadivasato ^2- patthaya addhamaso etassa atthiti addhamasiko. Dvemasikadisupi eseva nayo. Jatadivasato patthaya ekam samvaccharam etassa atthiti samvacchariko. Upari dvevassikadisupi eseva nayo. Yada jinno hotiti yasmim kale jarajinno bhavati jajjaribhuto. Vuddhoti vayovuddho. Mahallakoti jatimahallako. Addhagatoti tayo addhe atikkanto. Vayoanuppattoti tatiyam vayam anuppatto. Khandadantoti antarantara patita danta phalita ca jaranubhavena khanda danta jata assati khandadanto. Palitakesoti pandarakeso. Vilunanti luncitva gahita kesa viya khallatam. ^3- Khalitasiroti mahakhallatasiso. Valinanti sanjatavali. Tilakahatagattoti setatilakakalatilakehi vikinnasariro. Bhoggoti bhaggo, iminapissa vankabhavam dipeti. Dandaparayanoti dandapatissarano dandadutiyo. So jarayapiti so puggalo jarayapi abhibhuto marati. Natthi maranamha mokkhoti maranato muccanupayo natthi nupalabbhati. Phalanamiva pakkanam, pato patanato bhayanti paripakagatanam sithilavantanam panasaphaladipakkanam paccusakale avassam patissantiti phalasamikanam bhayanam ^4- viya. Evam jatana maccanam, niccam maranato bhayanti evameva uppannanam sattanam maccusankhatamaranato satatam kalam bhayam. Yathapi kumbhakarassati yatha nama mattikabhajanam karontassa. Kata mattikabhajanati ^5- tena nitthapitabhajanam. Sabbe bhedapariyantati pakkapakkam sabbam bhedanam @Footnote: ¹ sam.sa. 15/235/248, abhi.ka. 37/692/410 ² cha.Ma. jatadivasato @³ cha.Ma. khallatasiso ⁴ cha.Ma. bhayamananam ⁵ khu.su. 25/583/451

--------------------------------------------------------------------------------------------- page247.

Bhijjanam pariyantam avasanam assati bhedanapariyantam. Evam maccana jivitanti evameva sattanam ayusankhaRa. ^1- Dahara ca mahanta cati taruna ca mahallaka ca. Ye bala ye ca panditati ye ca assasapassasayattajivika bala ye ca pandiccena samannagata buddhadayo. Sabbe maccuvasam yantiti ete vuttappakara daharadayo sabbe maccuno issariyam upagacchanti. Tesam maccuparetananti etesam maccuna parivaritanam. Gacchatam paralokatoti ito manussalokato paralokam gacchantanam. Na pita tayate puttanti pita puttam na rakkhati. Nati va pana nataketi matapitipakkhika nati va teyeva natake rakkhitum na sakkonti. Pekkhatanneva natinanti vuttavidhanamyeva natinam pekkhantanamyeva olokentanamyeva. Passa lalappatam puthuti passati alapanam. Lalapantanam vilapantanam puthunam nanappakaranam. Ekamekova maccanam, govajjho viya niyyatiti sattanam ekameko vadhaya niyyamanagono viya maranaya niyyati papuniyati. Evam abbhahato lokoti evameva sattaloko bhusam ahato. Maccuna ca jaraya cati maranena ca jaraya ca abhibhuto. [40] Mamayiteti mamayitavatthukarana. Vinabhavasantamevidanti santavinabhavam ^2- vijjamanavinabhavameva idam, na sakka avinabhavena bhavitunti vuttam hoti. Socantiti cittena socanam karonti. Kilamantiti kayena kilamatham papunanti. Paridevantiti nanavidham vacavilapam gacchanti. ^3- Urattalim kandantiti uram taletva taletva kandanti. Sammoham apajjantiti sammohabhavam papunanti. @Footnote: ¹ cha.Ma. ayusankharam ² cha.Ma. santam ³ cha.Ma. bhananti

--------------------------------------------------------------------------------------------- page248.

Aniccoti hutva abhavatthena. Sankhatoti paccayehi sangamma kato. Paticcasamuppannoti paccayasamaggim paticca na paccakkhaya saha samma ca uppanno. Khayadhammoti khayam gamanasabhavo. Vayadhammoti vayam gamanasabhavo, bhangam gamanasabhavoti ^1- attho. Viragadhammoti virajjanasabhavo. Nirodhadhammoti nirujjhanasabhavo. Yvayam pariggahoti yo ayam pariggaho. "yayam ^2- pariggaho"tipi patho, ayameva padacchedo. Niccoti satatakaliko. Dhuvoti thiro. Sassatoti acavano. Aviparinamadhammoti pakatiajahanasabhavo. Sassatisamam tatheva thassatiti candasuriyasinerumahasamuddapathavipabbatadayo viya tittheyya. Nanabhavoti jatiya nanasabhavo. ^3- Vinabhavoti maranena viyogabhavo. Annathabhavoti bhavena ^4- annathabhavo. Purimanam purimanam khandhananti anantare pure uppannanam khandhanam. Viparinamannathabhavati pakatibhavam jahitva annathabhavena. Pacchima pacchima khandhadayo pavattanti uppajjantiti sambandho. Sabbam gharavasapalibodhanti sakalam gihibhavajatam. Natimittamaccapalibodhanti matapitupakkhika nati, mitta sahaya, amacca gumba. ^5- Sannidhipalibodhanti nidhanajatam chaddetva. ^6- Kesamassum oharetvati kese ca massuni ca oropayitva. Kasayani vatthaniti kasayarasapitani ^7- vatthani. [41] Mamakoti mama upasako bhikkhu vati sankhyam gato, buddhadini va vatthuni mamayamano. Tesam tesam sattananti anekesam sattanam sadharananiddeso. "yannadattassa maranam, somadattassa maranan"ti evam hi divasampi kathiyamane neva satta pariyadanam gacchanti, na sabbam aparatthadipanam sijjhati. Imehi pana dvihi padehi na koci @Footnote: ¹ cha.Ma. bhangavasena bhangagamanasabhavoti ² cha.Ma. yaya ³ cha.Ma. nanabhavo ⁴ cha.Ma. sabbhavato @⁵ Si. amaccagana, cha.Ma. bhacca ⁶ cha.Ma. chinditva ⁷ cha.Ma. kasayarasapitani

--------------------------------------------------------------------------------------------- page249.

Satto apariyadinno hoti, na kinci aparatthadipanam sijjhati. Tamha tamhati ayam gativasena anekesam nikayanam sadharananiddeso. Sattanikayati sattanam nikaya, sattaghata sattasamuhati attho. Cutiti cavanavasena vuttam. Ekacatupancakkhandhaya cutiya samannavacanametam. Cavanatati bhavavacanena lakkhananidassanam. Bhedoti cutikkhandhanam bhanguppattiparidipanam. Antaradhananti ghatassa viya bhinnassa bhinnanam khandhanam yena kenaci pariyayena anantabhavaparidipanam. ^1- Maccumarananti maccusankhatam maranam, na khanikamaranam. Kalo nama antako, tassa kiriyati kalakiriya. Ettavata sammutimaranam dipitam. Idani paramatthena dipetum "khandhanam bhedo"tiadimaha. Paramatthena hi khandhayeva bhijjanti, na satto nama koci marati. Khandhesu pana bhijjamanesu satto marati, bhinnesu "mato"ti voharo hoti. Ettha ca catuvokarapancavokaravasena khandhanam bhedo, ekavokaravasena kalevarassa nikkhePo. Catuvokaravaseneva va khandhanam bhedo, sesadvayavasena kalevarassa nikkhepo veditabbo. Kasma? kammabhavadvayepi ^2- rupakayasankhatassa kalevarassa sabbhavato. Yasma va catummaharajikadisu khandha bhijjanteva, na kinci nikkhipanti, tasma tesam vasena khandhanam bhedo, manussadibhutassa ^3- kalevarassa nikkhePo. Ettha ca kalevarassa nikkhepakaranato maranam "kalevarassa nikkhepo"ti vuttam. Jivitindriyassa upacchedoti imina indriyabaddhasseva maranam nama hoti, anindriyabaddhassa maranam nama natthiti dasseti. "pusso mato, tisso mato"ti ^4- idampana voharamattameva. Atthato pana evarupani vacanani sassadinam khayavayabhavameva dipenti. Rupagatanti rupameva rupagatam. Vedanagatantiadisupi eseva nayo. Tattha pubbeva maccanti maccam va bhoga pubbeva pathamataranneva vijahanti. Macco va te bhoge pubbataram jahati. Kamakamiti corarajanam alapati. Ambho @Footnote: ¹ Si. ghatanabhavaparidipanam, cha.Ma. thanabhavaparidipanam ² Si. kamarupabhavadvaye, @cha.Ma. kamarupabhavadvayepi ³ Si.,cha.Ma. manussadisu ⁴ cha.Ma.,Si. sassam matam, rukkho @matoti

--------------------------------------------------------------------------------------------- page250.

Kame kamayamanakamabhogino ^1- nama loke asassata, bhogesu va natthesu jivamanava ^2- abhogino honti. Bhoge va pahaya sayam nassanti, tasma aham mahajanassa sokakalepi na socamiti attho. Vidita maya sattuka lokadhammati corarajanam alapanto aha. Ambho sattuka maya labho alabho yaso ayasotiadayo lokadhamma vidita. Yatheva hi cando udeti ca purati ca puna ca khiyati, yatha ca suriyo andhakaram vidhamento mahantam lokappadesam tejitvana ^3- puna sayam attham paleti atthangacchati na dissati, evameva bhoga uppajjanti ca vinassanti ca, tattha kim sokena, tasma na socamiti attho. Tanhamannanaya mannatiti tanhaya janitamanamannanaya mannati. Manam karoti ditthimannanayati ditthim upanissayam katva uppannaya mannanaya. Manamannanayati sahajatamanamannanaya. Kilesamannanayati vuttappakaraya upatapanatthena kilesamannanaya mannati. Kuhati vimhapaka. ^4- Thaddhati khanu viya thaddha. Lapati paccayanimittena lapanaka. [42] Sangatanti samagatam dittham phuttham vapi. ^5- Piyayitanti piyakatam. Sangatanti sammukhibhutam. Samagatanti samipam agatam. Samahitanti ekibhutam. Sannipatitanti pinditam. Supinagatoti supinam pavittho. Senaviyuham ^6- passatiti senasannivesam dakkhati. Aramaramaneyyakanti puppharamadinam ramaniyabhavam. Vanaramaneyyakadisupi eseva nayo. Petanti ito paralokam gatam. Kalakatanti matam. @Footnote: ¹ cha.Ma. kamakami bhogino ² cha.Ma. ca ³ cha.Ma. tapitvana ⁴ Ma. jimhapaka @⁵ Si. ditthapubbam va, Ma. dittham va sutam va, cha.Ma. pisaddo na dissati @⁶ cha.Ma. senabyuham

--------------------------------------------------------------------------------------------- page251.

[43] Namamevavasissati, akkheyyanti sabbam rupadidhammajatam pahiyati, namamattameva tu avasissati "buddharakkhito dhammarakkhito"ti evam sankhyatum ^1- kathetum. Ye cakkhuvinnanabhisambhutati ye sayam cakkhuvinnanena abhisambhuta rasikata dittha catussamutthanika rupa. Sotavinnanabhisambhutati paratoghosena sotavinnanena rasikata suta dvisamutthanika sadda. [44] Munayoti khinasavamunayo. Khemadassinoti nibbanadassino. Sokoti sokaniddese:- byasatiti byasanam, hitasukham khipati viddhamsetiti attho. Natinam byasanam natibyasanam, corarogabhayadihi natikkhayo nativinasoti attho. Tena natibyasanena. Phutthassati ajjhotthatassa, abhibhutassa samannagatassati attho. Sesesupi eseva nayo. Ayampana viseso:- bhoganam byasanam bhogabyasanam, rajacoradivasena bhogakkhayo bhogavinasoti attho. Rogoyeva byasanam rogabyasanam. Rogo hi arogyam naseti ^2- vinasetiti byasanam. Silassa byasanam silabyasanam, dussilyassetam namam. Sammaditthim vinasayamana uppanna ditthiyeva byasanam ditthibyasanam. Ettha ca purimani dve anipphannani, pacchimani tini nipphannani tilakkhanabbhahatani. Purimani ca tini neva kusalani nakusalani, siladitthibyasanadvayam akusalam. Annatarannatarenati gahitesu va yena kenaci aggahitesu va mittamaccabyasanadisu yena kenaci. Samannagatassati samanubandhassa aparimuccamanassa. Annatarannatarena dukkhadhammenati yena kenaci sokadukkhassa uppattihetuna. sokoti socanavasena soko. Idam etehi karanehi uppajjanakasokassa sabhavapaccattam. Socanati socanakaro. Socitattanti socitabhavo. Antosokoti abbhantarasoko. Dutiyapadam upasaggena vaddhitam. So hi abbhantaram ^3- sukkhapento parisukkhapento ^3- uppajjatiti @Footnote: ¹ cha.Ma. akkhatum ² cha.Ma. byasati ^3-3 cha.Ma. sukkhapento viya parisukkhapento viya

--------------------------------------------------------------------------------------------- page252.

"antosokoti ^1- antoparisoko"ti vuccati. ^2- Antodahoti abbhantaradaho. Dutiyapadam upasaggena vaddhitam. Cetaso parijjhayanati cittassa jhayanakaro. ^3- Soko hi uppajjamano aggi viya cittam jhapeti dahati, "cittam me jhapam, na me kinci patibhati"ti vadapeti. Dukkhito mano dummano, tassa bhavo domanassam. Anupavitthatthena sokova sallanti sokasallam. Paridevaniddese "mayham dhita, mayham putto"ti evam adissa ^4- devanti rodanti etenati adevo. Tam tam vannam parikittetva ^5- devanti etenati paridevo. Tato parani dve dve padani purimadvayasseva akarabhavaniddesavasena vuttani. Vacati vacanam. Palapoti tucchaniratthakavacanam. Uppathabhanitaannabhanitadivasena ^6- virupo palapoti vippalaPo. Lalappoti punappunam lapanam. Lalappanakaro lalappana. Lalappitassa bhavo lalappitattam. Macchariyadini vuttatthaneva. [45] Sattamagatha evam maranabbhahate loke anurupapatipattidassanattham vutta. Tattha patilinacarassati tato tato patilinam cittam katva carantassa. Bhikkhunoti kalyanaputhujjanassa va sekkhassa va. Samaggiyamahu tassa tam, yo attanam bhavane na dassayeti tassetam patirupamahu, yo evampatipanno nirayadibhede bhavane attanam na dassaye. Evanhi so ^7- imamha marana mucceyyati adhippayo. Patilinacara vuccantiti tato tato linacittacara kathiyanti. Satta sekkhati adhisiladisu tisu sikkhasu sikkhantiti sotapattimaggattham adim katva yava arahattamaggattha satta sekkha. Arahati phalattho. So nitthitacittatta patilino. Sekkhanam patilinacaranabhave karanam dassento "kimkarana"tiadimaha. Te tato tatoti te satta sekkha tehi tehi arammanehi cittam patilinentati attano cittam nilinenta. @Footnote: ¹ cha.Ma. itisaddo na dissati ² Si. so antoparisokoti vuccati ³ cha.Ma. jhananakaro @⁴ cha.Ma. adissa adissa ⁵ cha.Ma. parikittetva parikittetva @⁶ cha.Ma. uppaddha... ⁷ cha.Ma. yo

--------------------------------------------------------------------------------------------- page253.

Patikutentati sankocenta. Pativattentati katasarakam viya abhujenta. Sanniruddhantati sannirujjhanta. Sanniganhantati niggaham kurumana. Sannivarentati varayamana. Rakkhantati rakkham kurumana. Gopentati cittamanjusaya gopayamana. Idani dvaravasena dassento "cakkhudvare"tiadimaha. Tattha cakkhudvareti cakkhuvinnanadvare. Sotadvaradisupi eseva nayo. Bhikkhunoti puthujjanakalyanakassa va bhikkhuno, sekkhassa va bhikkhunoti bhikkhusaddassa vacanattham avatva idhadhippetabhikkhuyeva dassito. Tattha puthujjano ca so kilesanam asamucchinnatta, kalyano ca siladipatipattiyuttattati puthujjanakalyano, ^1- puthujjanakalyanova puthujjanakalyanako, tassa puthujjanakalyanakassa. Adhisiladini sikkhatiti sekkho, tassa sekkhassa va sotapannassa va sakadagamino va anagamino va. Asanti nisidanti etthati asanam. Yatthati yesu mancapithadisu. Mancotiadini asanassa pabhedavacanani. Mancopi hi nisajjayapi okasatta idha asanesu vutto, so pana masarakabundikabaddhakulirapadakaahaccapadakanam annataro. Pithampi tesam annatarameva. Bhisiti unnabhisicolabhisivakabhisitinabhisipannabhisinam annataRa. Tattikati talapannadihi vinitva kata. Cammakhandoti nisajjaraho yo koci cammakhando. Tinasantharadayo tinadini ganthetva ^2- kata. Asappayarupadassanenati asappayanam ittharupanam olokanena. Vittanti ^3- abbhantarato tuccham. Vivittanti bahiddhapavesanena sunnam. Pavivittanti koci gahattho tattha natthiti atirekena sunnam. Asappayasaddassavanepi eseva nayo. Pancahi kamagunehiti itthirupasaddagandharasaphotthabbehi pancahi kamakotthasehi. Vuttampi cetam:- @Footnote: ¹ cha.Ma. ayam patho na dissati ² Si.,cha. gumbetva, Ma. gumbhetva @³ Si.,cha.Ma. rittanti

--------------------------------------------------------------------------------------------- page254.

"rupa sadda rasa gandha photthabba ca manorama panca kamaguna ete ^1- itthirupasmi dissare"ti. ^2- Bhajatoti cittena sevanam karontassa. Sambhajatoti samma sevantassa. Sevatoti upasankamantassa. Nisevatoti nissayam katva sevantassa. Samsevatoti sutthu sevantassa. Patisevatoti punappunam upasankamantassa. Ganasamaggiti samananam ekibhavo samaggabhavo. Dhammasamaggiti sattatimsabodhipakkhiyadhammanam samuhabhavo. Anabhinibbattisamaggiti anibbattamananam anuppajjamananam anupadisesaya nibbanadhatuya parinibbutanam arahantanam samuho. Samaggati kayena aviyoga. Sammodamanati cittena sutthu modamana tussamana. Avivadamanati vacaya vivadam akurumana. Khirodakibhutati khirena samsatthaudakasadisa. Te ekato pakkhandantiti te bodhipakkhiya dhamma ekam arammanam pavisanti. Pasidantiti tasmimyeva arammane pasadamapajjanti. Anupadisesayati upadivirahitaya. Nibbanadhatuyati amatamahanibbanadhatuya. Onattam vati ettha unabhavo onattam, aparipunnabhavoti attho. Punnattam vati paripunnabhavo punnattam, punnabhavo va na pannayati natthiti attho. Nerayikananti niraye nibbattanakakammanam atthibhavena. Nirayam arahantiti nerayika, tesam nerayikanam. Nirayo bhavananti nirayo eva tesam vasanatthanam gharam. Tiracchanayonikanantiadisupi eseva nayo. Tassesa samaggiti tassa khinasavassa esa nibbanasamaggi. Etam channanti etam anucchavikam. Patirupanti sadisam sappatibhagam, ^3- @Footnote: ¹ cha.Ma. loke ² an.pancaka. 22/55/78 (sya) ³ cha.Ma. patibhagam

--------------------------------------------------------------------------------------------- page255.

Asadisam appatibhagam na hoti. Anucchavikanti etam samanakarananam ^1- va dhammanam, maggaphalanibbanasasanadhammanam va anucchavikam. Tesam anucchavikataya ^2- sundarabhavam anveti anugacchati, ^3- atha kho santikava tehi dhammehi anucchavikatta eva ca anulomam. Tesanca anulometi, atha kho na vilomam na paccanikabhave thitam. [46] Idani "yo attanam bhavane na dassaye"ti evam khinasavo vibhavito, tassa vannabhananattham ito param tisso gathayo aha. Tattha pathamagathaya ca sabbatthati dvadasasu ayatanesu. Na piyam kubbati nopi appiyanti niddese piyati citte pitikaRa. Te vibhagato dassento "katame satta piya, idha yassa te honti"ti aha. Tattha yassa teti ye assa te. Hontiti bhavanti. Atthakamati vuddhikama. Hitakamati sukhakama. Phasukamati sukhaviharakama. Yogakkhemakamati catuhi yogehi khemam nibbhayam kama. Mamayatiti mata. Piyayatiti pita. Bhajatiti bhata. Bhaginiti etthapi eseva nayo. Puttayati ^4- rakkhatiti putto. Kulavamsam dharetiti dhita. Mitta sahaya. Amacca bhacca. ^5- Nati pitupakkhika. Salohita matupakkhika. ^6- Ime satta piyati ime satta pitijanaka. Vuttavipariyayena appiya veditabba. [47] Yadidam ditthasutamutesu vati ettha pana yadidam ditthasutam, ettha va mutesu va dhammesu evam muni na upalimpatiti evam sambandho veditabbo. Udakathevoti udakassa thevo. "udakatthevako"tipi patho. Padumapatteti paduminipatte. [48] Dhono na hi tena mannati, yadidam ditthasutamutesu vati atrapi yadidam ditthasutam, tena vatthuna na mannati, mutesu va dhammesu na mannatiti evameva sambandho veditabbo. Na hi sarajjati ^7- no virajjatiti balaputhujjano @Footnote: ¹ cha.Ma. samanabrahmananam ² cha.Ma. chavim chayam ³ Si. durabhavam atigacchati @⁴ cha.Ma. pum tayati ⁵ Si. amaccagana, Ma. bhajja ⁶ cha.Ma. matipakkhika ⁷ cha.Ma. so @rajjati

--------------------------------------------------------------------------------------------- page256.

Viya na sarajjati, ^1- kalyanaputhujjanasekkha viya na virajjati, ragassa pana ^2- khinatta "viratto"tveva sankhyam gacchati. Sesam pakatamevati. Taya pannaya kayaduccaritanti tam sampayuttaya ^3- pubbabhagayeva va pannaya pariggahetabbe parigganhanto yogi tividham kayaduccaritam samucchedavasena dhunati. Ayanca puggalo ^4- vipannadhamme desanadhammesu dhunanto dhutadhammasamangi puggalopi ^4- dhunati nama. Te ca dhamme pannaya avihaya ^5- attano pavattikkhane dhunitumaraddha ^6- dhutati vuccanti, ^7- yatha bhunjitumaraddho bhuttoti vuccati. Lakkhanam panettha saddasatthato veditabbam. Dhutanti kattusadhanam. Dhutam pathamamaggena. Dhotam dutiyamaggena. Sandhotam tatiyamaggena. Niddhotam catutthamaggena. Dhono dittham na mannatiti araha mamsacakkhunapi ^8- dittham dibbacakkhunapi dittham rupayatanam na mannati tihi mannanahi, katham? rupayatanam subhasannaya sukhasannaya ca apassanto ^9- na tattha chandaragam janeti na tam assadeti nabhinandati, evam dittham tanhamannanaya na mannati. "iti me rupam siya anagatamaddhanan"ti va panettha na nandanam ^10- samannaneti. Rupasampadam va akankhamano danam na deti, silam na samadiyati, uposathakammam na karoti. Evampi dittham tanhamannanaya na mannati, attano pana parassa ca rupasampattivipattim nissaya manam na janeti. "iminaham seyyosmiti va, sadisosmiti va, hinosmiti va"ti evam dittham manamannanaya na mannati. Rupayatanampana "niccam dhuvam sassatan"ti na mannati. Atta ^11- "attaniyan"ti na mannati. Amangalam "mangalan"ti ^12- na mannati. Evam dittham ditthi-mannanaya na mannati. Ditthasmim na mannatiti rupasmim attanam samanupassananayena amannanto @Footnote: ¹ cha.Ma. rajjati ² cha.Ma. ayam saddo na dissati ³ cha.Ma. sampayuttaya @^4-4 cha.Ma. vipannadhammam desanadhammesu dhunantesu tamdhammasamangipuggalopi ⁵ cha.Ma. ayam @patho na dissati ⁶ cha.Ma. dhunitumaraddho ⁷ cha.Ma. vuccati ⁸ cha.Ma. pisaddo na @dissati ⁹ cha.Ma. passanto ¹⁰ cha.Ma. nandim na ¹¹ cha.Ma. attanam ¹² cha.Ma. mangalam @amangalanti

--------------------------------------------------------------------------------------------- page257.

Ditthasmim na mannati. Yatha va thane thannam, evam rupasmim ragadayoti amannantopi ditthasmim na mannati. Tasmimyeva panassa ditthimannanaya amannite vatthusmim sineham mananca anuppadayato tanhamanamannanapi natthiti veditabba. Evam ditthasmim na mannati. Ditthato na mannatiti ettha pana ditthatoti nissakkavacanam. Tasma saupakaranassa attano va parassa va yathavuttappabhedato ditthato upapattim va niggamanam va ditthato va anno attati amannamano ditthato na mannatiti veditabbo. Ayamassa na ditthimannana. Tasmimyeva panassa ditthimannanaya amannite vatthusmim sineham mananca na uppadayato na tanhamanamannanapi veditabba. Dittham meti na mannatiti ettha pana "etam mama"ti tanhavasena amamayamano dittham tanhamannanaya na mannati. Sutanti mamsasotenapi sutam, dibbasotenapi sutam, saddayatanassetam adhivacanam. Mutanti mutva munitva ca gahitam ahacca upagantvati attho. Indriyanam arammanananca annamannam sankilesena uppannanti ^1- vuttam hoti. Gandharasaphotthabbayatananam etam adhivacanam. Vinnatanti manasa vinnatam, sesanam sattanam ayatananametam adhivacanam, dhammarammanassapi, ^2- idha pana sakkayapariyapannameva labbhati. Vittharo panettha ditthavare vuttanayena veditabbo. Idani bhagavata vuttasuttavasena dassento "asmiti bhikkhave"tiadimaha. Tattha asmiti bhavami, niccassetam adhivacanam. Mannitametanti ditthikappanam etam. ^3- Mama ahamasmiti mama aham asmi bhavami. ^3- Annatra satipatthanehiti thapetva catusatipatthane. Sabbe balaputhujjana rajjantiti sakala andhabala nana jana lagganti. Satta sekkha virajjantiti sotapannadayo satta ariyajana viragamapajjanti. Araha @Footnote: ¹ cha.Ma. samkilese vinnatanti ² cha.Ma. dhammarammanassa va ^3-3 cha.Ma. ayamahamasmiti ayam @aham asmi bhavami

--------------------------------------------------------------------------------------------- page258.

Neva rajjati no virajjatiti kilesanam parinibbapitatta ubhayampi na karoti. Khaya ragassatiadayo tividhapi nibbanameva. Saddhammapajjotikaya mahaniddesatthakathaya jarasuttaniddesavannana nitthita. Chattham. -----------------

The Pali Atthakatha in Roman Book 45 page 244-258. http://84000.org/tipitaka/atthapali/read_rm.php?B=45&A=5666&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=45&A=5666&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=29&i=181 เนื้อความพระไตรปิฎกฉบับหลวง :- http://84000.org/tipitaka/read/r.php?B=29&A=2586 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=29&A=2787 The Pali Tipitaka in Roman Character :- http://84000.org/tipitaka/read/roman_read.php?B=29&A=2787 Contents of The Tipitaka Volume 29 http://84000.org/tipitaka/read/?index_29