|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Bhanganupassananananiddesavannana [51] So udayabbayanupassanaya thito yogavacaro maggamaggavavatthapanena upakkilesavimuttam vithipatipannam udayabbayanupassanananam "maggo"ti natva tilakkhanasallakkhanena tasseva maggassa suvisadakaranattham puna udayabbayanupassanam arabhitva udayabbayena paricchinne sankhare aniccadito vipassati. Evam tassa tam nanam tikkham hutva vahati, sankhara lahum upatthahanti, nane tikkhavahante sankharesu lahum upatthahantesu uppadam atikkamitva bhange eva sati santitthati. Nirodhadhimuttatta va udayam pahaya bhangeyeva satim upatthapeti, etasmim thane bhanganupassanananam uppajjati. Idani tassa nanassa niddese ruparammanata cittam uppajjitva bhijjatiti ruparammanam cittam uppajjitva bhijjati. Atha va ruparammanabhave cittam uppajjitva bhijjatiti attho. Tam arammanam patisankhati tam ruparammanam patisankhaya janitva, khayato vayato disvati attho. Tassa cittassa bhangam anupassatiti yena cittena tam ruparammanam khayato vayato dittham, tassa cittassa parena cittena bhangam anupassatiti attho. Tenahu porana "natanca nananca ubho vipassati"ti. Cittanti cettha sasampayuttacittam 1- adhippetam. Anupassatiti anu anu passati, anekehi akarehi punappunam passatiti attho. Tenaha anupassatiti katham anupassati, aniccato anupassatitiadi. Tattha yasma bhango nama aniccataya parama koti, tasma bhanganupassako yogavacaro sabbam rupagatam aniccato anupassati, no niccato. Tato aniccassa dukkhatta dukkhassa ca anattatta tadeva dukkhato anupassati, no sukhato. Anattato anupassati, no attato. Yasma pana ayam aniccam dukkhamanatta, na tam abhinanditabbam. Yanca @Footnote: 1 Si. sampayuttam cittam--------------------------------------------------------------------------------------------- page278.
Na abhinanditabbam, na tattha rajjitabbam. Tasma esa tasmim bhanganupassananusarena "aniccam dukkhamanatta"ti ditthe rupagate nibbindati, no nandati. Virajjati, no rajjati. So evam virajjanto lokikeneva tava nanena ragam nirodheti, no samudeti, samudayam na karotiti attho. Atha va so evam viratto yatha dittham rupagatam, tatha aditthampi anvananavasena nirodheti, no samudeti. Nirodhatova manasikaroti, nirodhamevassa passati, no samudayanti attho. So evam patipanno patinissajjeti, no adiyati. Kim vuttam hoti? ayam hi aniccadianupassana tadanga- vasena saddhim khandhabhisankharehi kilesanam pariccajanato, sankhatadosadassanena ca tabbiparite nibbane tanninnataya pakkhandanato pariccagapatinissaggo ceva pakkhandana- patinissaggo cati vuccati. Tasma taya samannagato bhikkhu yathavuttena nayena kilese ca pariccajati, nibbane ca pakkhandati. Napi nibbattanavasena kilese adiyati, na adosadassitavasena sankhararammanam. Tena vuccati patinissajjati, no adiyatiti. [52] Idanissa tehi nanehi yesam dhammanam pahanam hoti, tam dassetum aniccato anupassanto aniccasannam pajahatitiadi vuttam. Tattha nandinti sappitikatanham. Raganti sesam tanham. Samudayanti ragassa uppattim. Atha va rupagatassa udayam. Adananti nibbattanavasena kilesanam adanam. Vedanarammanatatiadini idha ca hettha ca vuttanayeneva veditabbani. Gathasu pana vatthusankamanati rupadisu ekekassa bhangam disva puna yena cittena bhango dittho, tassapi bhangadassanavasena purimavatthuto annavatthusankamana. Pannaya ca vivattanati udayam pahaya vaye santitthana. Avajjana balancevati rupadisu ekekassa bhangam disva puna bhangarammanassa cittassa--------------------------------------------------------------------------------------------- page279.
Bhangadassanattham anantarameva avajjanasamatthata. Patisankha vipassanati esa arammanapatisankha bhanganupassana nama. Arammanaanvayena ubho ekavavatthanati 1- paccakkhato ditthassa arammanassa anvayena anuggamanena yatha idam, tatha atitepi sankharagatam bhijji, anagatepi bhijjissatiti evam ubhinnam ekasabhaveneva vavatthapananti attho. Vuttampi cetam poranehi:- samvijjamanamhi visuddhadassano tadanvayam neti atitanagate sabbepi sankharagata palokino ussavabindu suriyeva uggateti. Nirodhe adhimuttatati evam ubhinnam bhangavasena ekavavatthanam katva tasmimyeva bhangasankhate nirodhe adhimuttata taggarutara tanninnata tapponata tappabbharatati attho. Vayalakkhanavipassanati esa vayalakkhanavipassana namati vuttam hoti. Arammananca patisankhati purimanca rupadiarammanam janitva. Bhanganca anupassatiti tassarammanassa bhangam disva tadarammanassa cittassa bhangam anupassati. Sunnato ca upatthananti tassevam bhangamanupassato "sankharava bhijjanti, tesam bhedo maranam, na anno koci atthi"ti sunnato upatthanam ijjhati. Tenahu porana:- khandha nirujjhanti na catthi anno khandhana bhedo marananti vuccati tesam khayam passati appamatto manimva vijjham vajirena yonisoti. @Footnote: 1 Si. ekavavatthanati--------------------------------------------------------------------------------------------- page280.
Adhipannavipassanati ya ca arammanapatisankha, ya ca bhanganupassana, yanca sunnato upatthanam, ayam adhipanna vipassana namati vuttam hoti. Kusalo tisu anupassanasuti aniccanupassanadisu tisu cheko bhikkhu. Catusu ca 1- vipassanasuti nibbidadisu ca catusu vipassanasu. Tayo upatthane kusalatati khayato vayato sunnatoti imasmim ca tividhe upatthane kusalataya. Nanaditthisu na kampatiti sassataditthiadisu nanappakarasu ditthisu na vedhati. So evam avedhamano "aniruddhameva nirujjhati, abhinnameva bhijjati"ti pavattamanasikaro dubbalabhajanassa viya bhijjamanassa, sukhumarajasseva vippakiriyamanassa, tilanam viya bhajjiyamananam sabba- sankharanam uppadatthitipavattanimittam vissajjetva bhedameva passati. So yatha nama cakkhuma puriso pokkharanitire va naditire va thito thulaphusitake deve vassante udakapitthe mahantani mahantani udakapubbulani uppajjitva uppajjitva sigham sigham bhijjamana passeyya, evameva sabbe sankhara bhijjanti bhijjantiti passati. Evarupam hi yogavacaram sandhaya vuttam bhagavata:- "yatha pubbulakam passe yatha passe maricikam evam lokam avekkhantam maccuraja na passati"ti. 2- Tassevam "sabbe sankhare bhijjanti bhijjanti"ti abhinham passato atthanisamsaparivaram bhanganupassanananam balappattam hoti. Tatrime atthanisamsa:- bhavaditthippahanam jivitanikantipariccago sadayuttapayuttata visuddhajivika ussukkappahanam vigatabhayata khantisoraccappatilabho aratisahanatati. Tenahu porana:- imani atthaggunamuttamani disva tahim sammasati punappunam @Footnote: 1 cha.Ma. catasso 2 khu.dha. 25/170/47--------------------------------------------------------------------------------------------- page281.
Adittacelassasirasupamo muni bhanganupassi amatassa pattiyati. Bhanganupassananananiddesavannana nitthita. --------------The Pali Atthakatha in Roman Book 47 page 277-281. http://84000.org/tipitaka/atthapali/read_rm.php?B=47&A=6188&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=6188&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=112 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=1360 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1634 The Pali Tipitaka in Roman Character :- http://84000.org/tipitaka/read/roman_read.php?B=31&A=1634 Contents of The Tipitaka Volume 31 http://84000.org/tipitaka/read/?index_31
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]